翠園 (形點 I)

營業中

休息中

第1，今日，11點到12點入卡座，台係完全無抹乾淨，全部都係水積，而且有啲汁既積係戈度，極度不安。當下已立即同左店員講無解決，要我自己清潔抹乾淨，要自己解決，真係好差！👎第2，一入台已上少了一人碗筷，店員自己擺底左疊起曬既碗杯同筷子，無擺開曬啲杯碗，就自己行開左。完全零服務唔明點解要比服務費，再差上加差！👎👎第3，落錯左個北京滑雞飯，我地見到一上台已經即刻話係落錯左，個阿姐聽到我地話落錯左，安靜左3秒照落醬油，等我地無得再退。極差！👎👎👎最後，我唔會再去呢間垃圾茶樓食嘢，完。如果大家熱愛貼錢買罪受，可以一星期7日都去食，包你激到心臟病發！

星期日去呢度飲茶貪距有得手機攞飛 唔洗行落去排隊入到去 坐得係舒服 環境夠寬闊但要預價錢中上水平 大概30-50一個點心服務就無啦 因為距地好似唔休做咁食物都OK 唔會難食既

竟然一星期內吃去兩次翠園，今次是元朗YOHO MALL分店，當然又是長輩們的要求，我跟老闆唯有奉陪。元朗分店的裝潢比星光行分店新淨，午市點心跟星光行一樣是標準酒樓貨色，海鮮揚州窩麵意外地美味，不論是餸菜或麵條也值得一讚﹔可惜以為會好吃的錦滷雲吞卻令人失望，雲吞皮又厚又硬。五個人假期飲茶九百元有找，正常香港消費價錢。

今次介紹位於元朗的中菜廳，門口唔算好大，但設計富中國風，入到去每一個位置都設計得很獨特，以好多花卉及中式設計等來裝潢，甚有氣派🤩。魚翅𡙡材料足，啖啖骨膠原滿滿，有魚翅的鮮味，味道佳。炸子雞都皮脆肉嫩，好惹味，好好食。乳豬仔肥瘦適中，肉質鬆化，脂肪分佈平均，厚切的口感，很美味。 元貝金蠔時蔬，味道上佳，都好軟腍，隻隻肥美，巧妙處是不會令金蠔似蠔豉般乾身，仲吸收晒D汁，好👌飯底炒起已經好香口，配以蝦米及花生粒，真是豐富又滋味。整體環境高雅，菜式高質，服務很好。

疫情呢幾年，農曆新年都靜英英。今年酒樓座無虛席，巿道好暢旺。在翠園食咗幾餐團年飯、開年飯，好多賀年菜式好好味，又有特色，又好意頭，使人回味。金沙䱽魚球外皮鬆化，鹹香可口；內層魚肉起晒骨，鮮味多汁嫩滑，老人家都啱食；魚骨炸到脆卜卜，十足十似炸薯片，讚呀！十年陳釀花雕雞花雕味香濃，雞件充滿酒香，肉質燴得極嫩滑。海參蹄筋炆鵝掌海參、蹄筋、鵝掌炆得好入味，軟硬適中，底層白菜仔墊底，解膩配搭佳選。發財好事大利湯足料老火靚湯，夠晒滋潤。

年廿九下午2點左右去飲下午茶，第一次去元朗翠園，如本想去利小館，但已收爐，所以就試吓呢間，首先知客比張飛寫住檯號叫我入去，無講邊個位置，入到去就問第一個侍應，佢淨係話嗰邊，如是者，前後一路行，總共要問咗3個侍應先去到，重點係啲檯係無寫號碼，根本好難搵。坐低後，問侍應有無點心紙，佢先話自己手機落單，又走咗，我叫住佢，話無QR Code, 先話等陣😡，現場客人不多，咁樣嘅服務真係唔得。2:30落咗 ❤️椒鹽炸豆腐$45 好香脆，好香炸蒜味，好好食❤️肉絲炒麵 $128 炸麵香脆可口💚咸水角$39 已經淋咗，脆會好食啲💛叉燒包$39 個包面已經有幾滴水濕咗，唔應該比客，味道正常茶位 $15/位另外仲叫咗百花釀魚肚 & 蠔皇鮮竹卷 到3:00還未上檯，而個場就差唔多冇乜客，同侍應Co Co 講，話漏單就唔要，但無覆我哋，再問佢，就話而家蒸，我哋話未蒸就唔要喇！3:06拎出嚟話蒸好，我哋話求先我哋已經話咗未蒸就唔要，我哋要走，佢就話而家蒸好啦，放低就走左，我哋叫住佢，同佢講，我哋等咗大半個鐘，講咗話未整就唔要，跟住佢就發脾氣話佢乜都唔知，我哋叫佢叫經理過嚟，佢就又掉嘢落檯話佢咩都唔知就走左😡。我起

🥢翠園🦞今年一月頭就係農曆新年，屋企人一如既往選擇提早做節，今次團年飯就揀咗喺元朗YOHO 入面嘅翠園，屋企人都一致認為今餐食物水準唔錯，另外值得一讚嘅除咗食物好食之外，呢度嘅環境亦都非常好，樓底高、飯枱擺位亦都唔會太逼硤，非常適合一家大細坐埋一齊好好地食餐飯傾吓計👨‍👩‍👧‍👦今次我哋一行五個人去，嗌咗一個套餐，～龍蝦•花膠 四位套餐～$698套餐包括：上湯焗加拿大龍蝦炆伊麵🦞呢個龍蝦煮得相當入味，伊麵都唔會一夾落去就散曬，算係水準好唔錯，唯一略嫌不足嘅就係龍蝦唔算太大隻～爽脆海蜇拼叉燒皇🐖海蜇爽口彈牙，特別一陣呢一個叉燒係瘦叉燒，老人家都好適合食，雖然係瘦叉燒食落係好淋身，唔鞋口嘅嗰種！竹笙雞絲燴仿翅🦈冬天凍冰冰，又點少得飲番個暖笠笠嘅湯水，唔係真嘅魚翅就更加環保零殘忍✅砂鍋蠔汁炆花膠🍲呢一個餸花膠滿滿，每人都有兩舊大大嚿嘅花膠，滋補養顏啱晒各位貪靚嘅女士補充骨膠原🧏🏻‍♀️菠蘿咕嚕肉🍍話晒都係食中菜，又點少得整返個開胃小菜呢！呢一個餸都分量十足，咕嚕肉亦都有肉味，整體水平唔錯香滑咖啡糕☕️咖啡高層分明，唔會有苦澀味，亦都唔會太甜～一家老少都好幾適合架！四餸一湯，加甜品都只不過係$69

翠園係我心目中係中價餐廳，食物應該有一定水準，但係呢次真係失望，應該唔會再光顧。1月1號晚，訂咗8:30PM，八位枱。入到去已經奇怪，星期日都水靜河飛，地下都係垃圾紙巾，一啲都唔似其他嘅分店。我哋被安排最入角落位置，碗碟都唔係好乾淨，要再洗。因為飲啤酒，我哋叫咗幾個水杯，點知三個有兩個明顯污糟，同一個看似經理，著粉紅色恤衫嘅男職員反映，對方完全無歉意，攞過水杯就算，一啲禮貌都無！係食物方面，更加差到不得了。我哋點個餐，有翅、龍蝦伊麵、燒味拼盤、魚等等。無一樣好食，份量少。我一定唔會再去，亦唔會推介！

晨早落翠園，人少少地方大幾好！陳皮牛肉球：彈口足牛味，少陳皮味，大大粒適中堅好食！馬拉糕：香滑足味但份量太少！叉燒腸粉：叉燒足味但腸粉唔夠熱！甫魚滑燒賣：第一次叫甫魚滑，食落無味，又唔夠熱！柴魚花生豬骨粥：味是足，但粥底唔夠熱，豬骨都幾蘇，唔太好食！整體環境大坐得舒服，但食物普遍唔夠熱！

唔會再有下次🙁，咁大間連鎖集團洒家，服務員只有兩三個，計埋傳菜員都可能不到8-10人，全場滿座，叫個服務員都要停2-3分鐘先過嚟招呼你⋯，叫碟小菜蘆筍山藥炒藕片$138（例排），可以完正嘅蘆筍都冇原條嘅😱😥，細碟到估唔到😑，淨係個龍蝦🦞加伊麵底可以算係合理啲，$168+$40有伊麵底，可選上湯焗，價錢係合理嘅，其他小菜真係唔想多講，百幾2百蚊例排真係貴夾唔抵食⋯，還有枱上餐具除咗杯、碗筷匙羹公筷之外，紙巾和濕紙巾都冇張題供😪⋯⋯，要問服務員先比！

🖍在翠園吃晚飯，看到這4位套餐優惠價$698，需另收茶位、前菜和加一服務費。我們覺得這套餐是抵的，所以order了，但奈何食物和其味道的質素一般👇🏼上湯焗加拿大龍蝦炆伊麵，看到這龍蝦的顏色，席上的人都說沒胃口☹️。吃了一口龍蝦肉，不容置疑是嚡的，伊麵也不好吃👇🏼爽脆海蜇拼叉燒皇，粗海蜇爽脆，味道正常，叉燒算ok👇🏼竹笙雞絲燴仿翅，這個羹的稀杰度可以，也不鹹👇🏼砂鍋蠔汁炆花膠，這個煲的芡汁弄得不錯，但有兩三件花膠有腥味😣，而生菜就爽口👇🏼菠蘿咕嚕肉，整個套餐最好吃就是這道菜式，上檯即吃，吃到外皮微脆，肉質也不差，又有我愛吃的菠蘿

今日到元朗逛街購物，又想歎中式下午茶，決定到這酒樓吃下午茶。之前打電話問過酒樓下午茶的時間，侍應回覆下午1.45分派票，2.00開始入座，於是我們1.40分已到達酒樓，雖然是平日但也有很多客人，最後等了30分鐘才安排入座。我們問侍應生有否點心紙，他只是冷淡的說並給我們二維碼咭叫我們在裡面下單，但試過兩部手機掃描二維碼咭都不能打開，我們嘗試找侍應生但沒有人理會，要等十分鐘後才找到有一位侍應生叫我們用紙寫下想吃的點心然後替我們下單，這樣的糸統和服務態度真是惡劣。酒樓的環境比較光猛，中間的燈有白色、紅色燈罩點綴；主要的枱和椅子是是以白色枱布配啡色、橙色椅子，而枱與枱之間的距離比較近但有膠片相隔所以相當安全。餐具的碗、碟、茶杯印有綠色圖案及翠字樣，相當別緻。茶錢每位$14，下午茶是優惠價的，特點$45、大點$31、中點$27、小點$22，大中小點比起午市平$7-10；亦有孖寶優惠選一款飯$62或粥$52再加一款點心；另外有四款優惠飯麵價錢都是$65。我們二人點選了6款點心：咖哩土鱿($31)：我是鱿魚的忠實粉絲，幾乎每次飲茶都會點選，這裡的咖哩味道不夠濃和辣而且不夠入味，口感不夠爽口，但魷魚份

昨天我和家人去Yoho Mall翠園飲茶。服務態度已經十分一般，開檯斟水遲遲都沒有服務員幫忙，因為要搵一個服務員也極為艱難。食物質素可以說是極差，種類不多元化，連最普通的鹹水角也沒有，南乳豬手淡而無味，魷魚鬚又凍又靭，豉椒肉片炒河鑊氣不足，相反薑蔥叉燒撈麵鹹味十足，最驚嚇的是豉汁蒸排骨品嘗一兩口後再吃下去，發現排骨裏附送曱甴一隻，覺得非常嘔心，於是立即傳招服務員，向她作出投訴，她只是將有關排骨即時取走，說會和廚房跟進，之後亦沒有再交代一聲，沒有對顧客進一步道歉、交代及採取其他跟進行動，好像什麼事情也沒有發生過似的。作為一間大集團酒樓，如此待客之道，實在令人非常失望。

好耐冇食中菜，放工諗住去翠園食晚飯。坐低諗住叫定餸等屋企人嚟到有得食，7:0X pm 已入單, 等左十幾分鐘有個燒味上（豉油雞）。等到呆左，無影相。食完又等，等緊嘅時侯諗住再叫多兩個餸，其中一個餸就係鐵板叉燒，踮着個鐵板嗰啲叉燒好熱既，但面嗰幾舊就微暖⋯之後開始叫侍應幫手跟單，第一次問，個女侍應話等’我入去睇吓‘，之後嚟攞埋張菜單行去問人； 又過咗10分鐘，我問另一個女侍應，佢係近門口方向攞左我哋張單入嚟，話跟緊。 我哋都好奇怪點解張單會擺咗係第二度？ 咁之前個侍應攞去問邊個呢？ 之後有個部長經過，我哋話埋單，唔等啦，轉頭就有一個餸出嚟，佢仲問我哋食唔食埋呢個餸先，未出嚟嘅餸取消，我哋話唔要啦，唔再等啦。我睇返張單，7:10 已出哂單，8:00 只出得兩個餸，再等唔知等到幾多點以前去過尖沙咀翠園好多次都無咁嘅情況，Yoho 呢間真係唔會再嚟，食物選擇唔係好多，d 人態度懶懶閒（見好多食評都唔好），係商場食預左唔平，平時去王子食都未試過咁勞氣！ 以後都唔敢再嚟食嘢！

因為唔想等待，又選擇了元朗翠園，見到八頭鮑魚、燉湯、燒鵝 套餐 $498 買一送一，另收茶水費及加一服務費。即管叫來一試，第一時間上檯的是 翠園燒鵝皇，對比傳單上影的燒鵝令立立照片對我的吸引度立即跌到剩餘無幾，一來肉質乾到無論；二來 佢應該寫明例牌，這樣感覺就良好好多，因為份量真是細份量到無可再細，三來 佢寫著翠園燒鵝皇，即是皇牌啦，揀佢應該無得輸才對吧！。第二道是 燉湯，喝一口終於明白咩嘢叫做 買一送一，個湯清淡到似一碗湯加多一碗白水變成兩碗燉湯。第三道 翡翠帶子蝦球，有兩隻蝦、兩隻帶子加上一些菜，味道一般。第四道八頭鮑魚扣鵝掌，只有這道菜叫 中規中矩。最後古法蒸沙巴龍躉班，魚肉蒸過火，肉質鞋颯颯，亦沒有鮮味。如果唔係在沙田食過翠園的質素好，今晚就唔會再試，又再次中伏。