羽壽司 (已結業)

昨晚六點幾去食，就係為個 $6 帶子壽司，呢次終於唔使排隊啦！ 首先，個樽wasabi的表面有點類似豉油的啡色野，有點唔開胃… 帶子壽司: 最近 sell $6 一件，好抵喎！點知當我地落單寫 "2" 時，竟然來了兩客…$16一客，於是個度就 $32 啦！不過好在粒帶子勁大粒，又幾鮮味，起初仲以為佢比錯左珍寶帶子呀！所以好飽肚。只係，收費方面有點取巧。魚奶湯：或者係我expect會好似前板前的湯咁好味啦，總之我就覺得佢加左好多水落去，所以放在桌上一陣就已經開始沉澱。味道 ok 啦，但係點解無魚既？！三文魚壽司：舊飯比板前的大，而舊魚仲大到包哂舊飯都有突 tim！所以我要兩啖先食得完。味道都幾鮮，不過佢切得好怪…每一舊魚都有一半係一點白色都無…只有橙紅色…咁係咪即係切得唔好呢？鳕場蟹柳：一般，都係用魚肉溝粉個種啦。蟹柳波子：見個名同個樣都好得意先 order。點知每粒「波子」上的蟹柳其實同鳕場蟹柳的一樣，仲要佢成碟 (3粒) 先等如一條蟹柳多d，但一樣係 $14 喎！有d搵笨 lor~~野菜薄餅：賣相好乾，鋪在上的的木魚片 郁都唔郁，就知塊野有幾「熱」。味道…無味到唔知點形容。沾埋附上

1.蛋壽司$9抵 實、涷、沒特別2.腐皮壽司$9抵 甜o左D3.南瓜三文魚頭湯$15 香、好好味、唔大碗4.魚奶湯$20 yummy、白雪雪、落足料5.魷魚壽司$14 鮮甜、新鮮6.炸蝦壽司$14 上面有蟹子、ok啦、過得去7.蟹子手卷$14 good、彈牙8.軟殼蟹手卷$20 香脆、不能錯過9.冷蕎麥麵$15 爽口、唔鹹10.冷烏冬$20 冰涼、麵條幼

一早預左尋晚去食壽司，先去白加道峰壽司，傍晚五點九已經要等位，又貴，門口服務員態度又唔好，於是走人。去到世貿，點知元氣又摺埋，最後去左羽壽司落腳。由於下午已經喪食自助餐既關係 (可參見另一食評 Bistro on the Mile)，其實唔餓，不過兩個人都食左三百幾蚊，算貴。1. 鵝肝壽司$35 得一件，兩個人分，認真珍貴，不過食過鵝肝醬就會覺得佢係中下貨色，唔會再食。2. 軟腳蟹卷果真係軟腳蟹，淋既！3. 油甘魚刺身幾好，真係有魚既鮮味，$45 有四塊。4. 海膽軍艦無乜鮮味，不過都 OK。見到有人叫 $98 一板海膽，好似好唔抵。5. 帶子壽司做緊減價 $8 一碟，好鮮味，食落口，帶子仲多過飯。6. 劍魚壽司我係劍魚 Fans，不過無魚味，極失望。7. 獅魚壽司由落單等到將近埋單，催足三四次至有，仲要係舉手叫埋單同 Cancel 碟野個一刻至上檯。好彩有魚香，否則真係嬲爆。其餘款式唔多講喇，都係普通野，睇相已經見晒，就係呢幾款野已經三百幾蚊。本來想要池魚，不過賣晒。最後一提環境，今次坐 Order 檯，對正冷氣風口，真係麻麻地，不過服務算唔錯，有問必答，幾好！總額大約 $350，每

近年愈來愈多壽司店的湧現, 很多都做得不錯, 其中包括了羽壽司!!此店的質素平穩, 而它的招牌"珍寶帶子壽司"是云云眾壽司店裡最得我心的一間!!抵讚系列:珍寶帶子: 簡直要用"帶子扒"來形容才是最貼切!! 帶子精螢通透, 吃下時是鮮甜無比!! 要分3,4口才可吃完!! 真的吃得令人心花怒放!!很讚!! 火燄芝士炸蝦卷: 好香口, 不過如果炸蝦再脆一點會好些...不過又要包住d壽司飯又要做迴轉有一定難度! 但味道仍不錯!!皇帝蟹柳: 又是另一份量級的選擇, 很巨形! 配上沙拉醬很match!波士頓卷: 用料足, 大件過元x!!抵打系列: 蜆肉湯: 不夠熱...令人失望...雖然蜆肉有5,6粒不過有2粒是不開口的......要改善!粟米sushi: 又係唔好...因為係極少沙拉醬......不過呢, overall都令我給它笑面! 珍寶帶子為這店挽回不少分數!! 光顧當天與鄰座食客閒談, 大家不約而同盛讚呢度ge珍寶帶子!! 食客同我講食過好多間珍寶帶子, 呢度係最大隻ga!! haha~~ 大家好有共鳴感呢!!呢位食客係一個20歲左右的少女, 唔知你記唔記得我呢??我就係1/11果晚坐

我昨日去了此餐廳食晚飯，我同朋友都覺得間餐廳的食物很新鮮，壽司大大件，同朋友歡談4小時多都沒有被人趕走，亦沒有被打擾問你要唔要另外點食物，仲不斷有人幫你加茶，唔洗叫都唔幫你加，係我去過餐廳之中服務最好的一間，在銅鑼灣區更是罕有，值得一讚。在此謝謝你們員工的服務!

24.8.08 (Sun)7:30pm，想吃壽司，板x又要等三十多個，行過來羽壽司見有迴轉位就即入。- 被『波形』的壽司吸引，很可愛，拿了帶子及蟹捧，味道ok啦，帶子當然不夠珍寶帶子的好，蟹捧很甜。這兩碟屬觀賞多。- 珍寶帶子真的很巨型，不過很鮮甜，啖啖肉！朋友說要三大啖先可以吃完。- 火炙三文魚及鰻魚也OK水準，片肉都算大。- 軟殼蟹卷 (2件) - 沒有什麼特別，軟殼蟹肉較少，好大件，應該細舊少少而有三、四件。二人 $164 (不太吉利，是否應收平一元?)p.s. 不知其他壽司店是否有『波波壽司』

日日放工都見佢排曬長龍,心諗真係咁好食?姐姐食過話佢唔算好食,是難食tim,有時又會不新鮮,但總是那麼多人?真奇怪!行過見佢有午餐定食.就試試!壽司SET B $58 :有壽司8件 + 一碗烏冬 ($58有咁多野食其實都算好抵),見圖中佢的烏冬應該是細細碗的.點知係同平時一樣SIZE ,大大碗,一個人邊到食到咁多野呀?唔飽就奇啦,定食仲可以跟飲品 (得蜂蜜綠茶 ) , 熱咖啡 ,或雪糕!壽司SET A $48:有壽司8件 ,但壽司款式比較普通,跟面屎湯一客!餃子拉面定食 $ 43: 拉面定食會跟一個前菜 ,蟹子沙律同壽司4件,同樣地可以跟飲品 (得蜂蜜綠茶 ) , 熱咖啡 ,或雪糕!餃子幾新鮮,脆口!什錦魚生飯 $58 : 飯定食就跟面屎湯,前菜,熟蛋同飲品!面屎湯好鹹,魚址飯又唔差呀..好過朗田..起馬大碗呀..哈哈..!!鮮帶子拉面 $48:雖然預左帶子係雪過的,不會新鮮,但都幾大粒,一共3大粒!

去食個LUNCH.. 好啦~ 舉左好耐手, 叫左幾次唔該有人黎點野~叫左個珍寶帶子, 波士頓卷,芥辣蝦, 仲有海膽SQUID.仲有吞拿魚手卷個海膽SQUID OK~珍寶帶子真係好巨型波士頓卷 D cheese好怪~ 加埋舊青瓜~ 冇元氣咁好個,芥辣蝦唔得吞拿魚手卷d tuna 少得可憐~叫人黎加茶又係叫左好多之~ 連隔離台都望..之後係壽司司夫見到叫d人黎我到~~ 點做野架, 間鋪已經細, 4,5 個人都唔知做咩既, o個時仲要係得3張台有人. 玩咩~ 咁既服效率...好啦~走啦. 叫佢埋單..過左好耐都冇人黎叫我地比$.. 原來O個個人唔記得左.. 玩咩... 咁我地又叫多次,, 同佢講, 我地之前叫左一次架啦WO , 仲未有單既?真係好唔得LO. 細細地既鋪, 客得幾個都咁既服務效率. 真係唔知佢想點

呢間野係我常去的其中一間壽司店, 因為平又有中等的水準.推介南瓜三文魚頭湯, 好正. 然後醋青魚醃得唔錯, 三文魚壽司又平又長.其他的好似海膽, 蠔, 鰻魚都唔錯. 雖然同高級店有點距離不過都好過其他同價錢的.

今個月15號個日....下午同d fd 係銅牌灣行行下街..見肚餓就去左呢一個羽壽司啦!!!!恐怖事件就開始發生.....第一件:::入到去d 員工帶左我地入去坐之後就再冇理過我地，服務水平低過左一陣間我地就叫野食啦..有set lunch 3個加兩碟小食..個陣好記得係下午三時三十分，落完單之後我地更係好期待食物泥啦!!!過左15分鐘之後..兩碟小食到啦!!一個係螺肉同mango卷物第二件:::螺肉好淋，，，mango卷物個D mango 冇味又涷，，，食物水平差到3:50分,,,,見d set仲末到咪吹下單lo.....個d職員就話等等好快到...我地又等....4:00pm我地又再吹多一次...職員又係講埋同一句野'''等等好快到'''.....個陣都黑面架啦....4:15pm...個魚生飯同鹽燒醋鯖魚飯終於泥到..足足用左30分鐘先得...不過都係泥左飯，就連個湯同飲品都仲末見過.....咁我地個反應就o晒咀!!我地又問職員,,佢地又係答''等等好快到'''...之後過左唔夠兩分鍾<<有個職員同我地講,,,,,你地個鹽燒三文魚腩定食仲要等多15分鐘之後先至到.

1.特大赤貝好好味,又新鮮2.蝦,好甜,有海水味3.蟹腳,都ok一定會左去,多數一去到等一陣就有位啦...幾好

平時都係板前既fans之一,早兩日朋友生日所以去左羽壽司食飯,都係我第一次試呢間壽司鋪,一行人6個人黎到羽壽司門口攞位,都係等左20分鐘左右,對我呢個係板前等開30-40分鐘既人黎講簡直完全唔係問題,1入到去坐低之後..由朋友起板..大家傾左20分鐘左右已經成枱都係食物,我地已經係坐卡位,但係野食都係多到唔夠位擺,可想而知多到有幾恐怖..- -最令我印象深刻既係日式牛肉鍋(甜得黎又唔會無晒牛肉既味同肉汁),令人回味既仲有皇帝蟹柳,珍寶帶子,羽龍卷(牛油果配龍蝦沙律食起黎令人有一種與別不同既感覺),南瓜三文魚頭湯,魚生沙律(個汁好好味,好獨特),芥辣甜蝦,其間有侍應過黎sell我地話有新鮮空運到港既日本魚叫獅魚,話口感似油甘,咁我地就叫左兩碟試下,點知原來油脂成份仲高過油甘!我從來都未食過咁好味既魚,可惜個陣已經好飽,如果唔係一定會再叫黎食!不得不讚既係侍應既服務態度好好,我地本來叫左一碟炸蝦卷,黎到先知原來入面有沙律醬,我地問侍應可唔可以幫我地換過,佢好有禮貌地話幫我地叫師傅做過,而且好有職業操守咁將碟係我地枱面放過既炸蝦卷扔左,而唔會俾番d師傅或放番上迴轉度.唯一既不足係可能我地算比

一直覺得這是一間不錯的壽司店... 無論價錢... 食物質素同環境都OK今次少有的唔坐ORDER枱...珍寶帶子... 冷稻庭烏冬... 好味... 例牌會ORDER的必然之選... 今晚發現有蠔刺身... 好像是短期推廣來的... 其實即是日本生蠔... 68四隻... OK大隻有質感... 抵食 + 有驚喜... 值得一試... 但唔知呢個推廣會做幾耐呢... !?今晚都有試新野... 皇帝蟹柳唔錯... 口感唔錯同有鮮味... 鰻魚壽司都ok...雖然呢間的即劏即叫壽司同火炙壽司都有點失望... 但整體都係一間幾好的壽司店...

今個月食左2次壽司,分別係旺角和銅鑼灣,總括2間的水準都keep到,尋晚同boyfriend去銅鑼灣到食壽司,雖然要等位,但位waitress好有禮貌問我地坐table定回轉,我地坐table只需等15分鐘就入得lu!!一坐低,就落左好多order,食到我地好飽,個日雖然好多人,但都ok,講到服務,佢地都好主動,又幫我地加茶啦,又收多左的碟等......d服務態度同食品我都好滿意,下次我一定會再去!!

經常見到門口好多人排隊,於是同朋友去試下睇下有無驚起,當時已經係夜晚十一點!但係裡面仍然有好多客人.因為我同我朋友都係好鐘意食海膽,所以每逢去食壽司都會試下每一間店既海膽!而其他點0左既仲有甜蝦,赤貝壽司,而我朋友就點0左個吞拿魚腩壽司!當waiter放低碟軍艦海膽既時候,我第一個既感覺就係,點解可以整得咁肉酸既,D海膽完全係比人切開晒,無晒原本既形狀係度,好失望..!!味道無乜驚起!甜蝦壽司....ok la!我朋友試0左吞拿魚腩....ok到0左赤貝壽司,我朋友食先,佢食完之後即刻吐返出黎,又腥又唔新鮮,於是我就"聞"下,都唔使食都已經"聞"到好強烈既腥味!!我食咁多赤貝都未試過有咁既情況出現,真係扣晒分,好彩我同waiter講完之後都無計我呢碟錢.而其間我亦都有留意師傅們既運作同衛生,至於衛生就一般啦,由其是我見到一個比較後生D既師傅仔,每當佢整完壽司之後都會將隻手"hi"落件制服個度,但係件制服都已經係好污糟...!心諗...咁你地帶手套又有乜用呢???既然係open kitchen既話係咪應該檢點D呢??經過今次之後我話過打死都唔會再去.!...都唔明點解會有咁多人排隊??.