羲和雅苑

營業中

休息中

今次嚟再羲和雅苑，見到佢地慶祝五周年，推出嘅2人餐單好抵食！前菜四拼色彩繽紛，不僅色香俱全，每一款都有獨特風味。官爆雞丁入口即化，鮮嫩多汁，而且好夠味。嚟得呢到當然要食北京烤鴨，皮脆肉嫩，肉質質感非常好，仲有好多款唔同配料。蠔仔煎蛋好有鮮味，蛋又非常香。非常欣賞呢個餐份量豐富，食咗咁多野之後仲有菜同炒飯，炒飯粒粒分明，又有油香。之後仲要有兩個甜品，有桃膠同埋楊枝甘露，超級抵食～下兩個人食到好飽好飽！

前菜四拼 (山楂汁淮山，蒜泥白肉，黃金皮蛋，乾隆白菜）乾隆白菜用花生醬去撈白菜！黃金皮蛋的外觀金黃閃亮，看起來特別吸引人，充滿了視覺上的誘惑。蒜泥白肉的蒜泥則帶來了濃厚的蒜香味道，口感豐富多變，蒜泥與豬肉的結合帶來獨特的風味。山楂汁淮山的組合相當獨特，山楂具有酸甜爽口的特點，淮山則富含澱粉和膳食纖維，兩者搭配在一起能帶來不同口感的享受。羲和馳名烤鴨連八寶盒（半隻鴨）首先上檯嘅係片皮鴨，傳統古典片皮鴨配上新式食法，好細緻咁分左鴨胸皮、鴨胸肉同鴨腿肉！酥脆嘅鴨皮配上八寶盒,擺到成枱都係,視覺效果滿分！ 食片皮鴨其實最重要係食鴨既皮脆同油香, 而佢整得相當唔錯, 有足夠油香之餘都唔會太膩。令人驚喜嘅係,佢係有三款醬料可選, 包括食開嘅甜麵醬、芥末醬,同埋藍莓醬。我個人覺得芥末醬效果都幾夾, 值得試下。新穎得來又夠玩味！酥香既鴨胸皮蘸上藍莓醬、再蘸爆炸糖，放入口中兩至三秒，爆炸糖在口中跳動，感覺就好似有隻烤鴨喺你口腔入邊跳舞咁有趣！宮保雞丁特色小炒也有挺多選擇，宮保雞丁肉質嫰滑，味道微辣挺惹味挺好下飯的😙雞肉入味但又不過於乾柴，同時花生要炸得恰到好處，保持香脆。黑松露蠔仔煎蛋蠔仔份量超多蛋也超

5週年 2位套餐 $538前菜四拼(山楂汁淮山，蒜泥白肉，黃金皮蛋，乾隆白菜）乾隆白菜最令我驚喜😂原來係類似沙律醬嘅花生醬去撈白菜，好fusion咼！！另外，黃金皮蛋同蒜泥白肉上面嘅XO醬辣辣地，好食呀👍🏼👍🏼羲和馳名烤鴨（半套）八寶盒同鴨一上嘅時候，絕對啱哂打卡！會有煙添㗎😍店員係上嘅時候介紹點食，點咩醬好食，佢地仲有個新式食法添🤭好有創意有新鮮感😍朋友話鍾意食新式食法多啲，鐘意食甜野嘅朋友一定like!!!!係配藍莓醬加爆炸頭😳真係超有創意！！餅皮亦俾得好夠，唔會剩好多鴨，配料足夠有餘！仲有3款小菜，有特色宫爆雞丁(超鐘意甜甜地又辣辣地，雞粒好嫩) & 黑松露蠔仔煎蛋(蠔仔份量唔算多，但蛋超香) & 籠仔荷香蒸菜芯(有心思咼，啲菜有味道，又水嫩，而且好翠綠，唔知點做到㗎呢😂我都食多咗2條菜)瑤柱蛋白炒飯（碟）食到里個基本上已經飽哂😂😂所以食咗幾啖就打包😂炒飯粒粒分明，唔會好油，相對地健康！楊枝甘露最後仲有甜品！今晚有得揀桃膠定係楊枝甘露！楊枝甘露有菠蘿，芒果甜味足夠，正正常常發揮！👍🏼埋單連茶芥加一$618，都好抵食，同好豐富🤭基本上三個人食都夠有餘！！

呢次去咗羲和試佢哋嘅馳名烤鴨，點咗個半套，仲加咗幾款小菜，味道真係冇得頂，令人回味無窮。首先，一定要推薦呢個羲和馳名烤鴨，上枱嘅時候，鴨皮晶瑩剔透，充滿光澤，一睇就知燒得夠火候，鴨肉切得厚薄適中。烤鴨有三種食法，配搭三個唔同嘅部位，枱面上有清楚嘅教學教人點樣先係最正宗。胸皮係全隻鴨最香酥的位置，蘸藍莓醬再蘸爆炸糖再放入口入面，好似識跳舞咁。鴨胸肉皮脆肉嫩，就咁蘸黃芥未已經非常美味。鴨腿肉是全隻鴨嘅精華所在，包薄餅並加入青瓜條和京蔥絲好好食。🦆另外我哋亦都點咗松露蝦球伊麵。松露醬嘅香氣濃郁，蝦球煮得剛剛好，保留咗蝦嘅彈牙口感，仲有少少嘅鮮甜味。伊麵吸收咗松露醬同蝦汁嘅味道，入口彈牙又美味。🍤

京式小籠包（4個） 小籠肉餡肥瘦比例適中，皮薄夾上嚟要小心穿，即叫即蒸，湯汁鮮美，入面充滿着湯汁，成粒擺入口，非常滿足，不過真係要小心熱，第一粒擺入口嗰一刻，爭啲俾啲湯汁焫親，不過真係好好食。椒鹽香脆雞翼雞翼夠晒大隻，脆卜卜非常惹味，有大量炸蒜頭相當香口，肉質好嫩滑有肉汁，非常Juicy，好食！石窩海皇野米貴妃泡飯$148泡飯上淋上脆米後，令啲飯有卜卜脆嘅口感，湯底亦很鮮濃，令人一啖食完又一啖！孜然羊架有四隻，size都好大隻，外皮鬆脆，肉質嫩滑，孜然粉食落去唔乾身有肉汁，充滿着孜然味，但係又唔會冇咗羊，仲有少少嘅膻味，我覺得咁樣先係最出色，一啖咬落去，唔會韌，羊架同孜然粉嘅味道絕配。薑茶芝麻湯圓薑茶非常暖胃，唔會好辣，飲落好舒服，湯圓非常煙靭，湯圓好滑。

.‼️❤️ 記得CLICK我PROFILE關注我呀 ❤️‼️.🍲 傳說中嘅京府菜 @ 🌟 羲和雅苑 🌟.💁‍♀️ 圖片展示美食為：宮保大蝦球 HKD 148香辣蝦 HKD 148羲和小肉餅 HKD 58青梅小排骨 HKD 59冰梅小肉排 HKD 59鮑魚雞粒燜飯 HKD 158仙桃牛奶布甸 HKD 48.👽 之前呢佢叫做「羲和小館」，而家改咗名做「羲和雅苑」，唔知同海港城嗰間有冇分別呢，決定試下先。. 🦐 選擇困難症唔知揀「宮保大蝦球」同「香辣蝦」邊一款好，一於兩款叫晒。「宮保大蝦球」濕炒，大隻蝦球炸得外脆內嫩，配上香辣醬汁，酸甜味道好平衡。至於「香辣蝦」呢就乾炒，辣度適中，配料香辣，特別惹味。.🧆 呢個「羲和小肉餅」嘅造型超級特別，從來未見過肉餅會係好似卷咁樣嘅形式，仲有一支滴管嘅醋。外脆內軟，肉餅香濃，煎得金黃酥脆，比較飽肚。.🍖 餐牌有兩款小排骨，唔知有咩分別，好彩佢可以嗌細份，一於每樣都叫嚟試下。「青梅小排骨」酸酸甜甜，炸得香脆。至於「冰梅小肉排」其實外型同味道都差唔多，不過相對前者好似更加酸酸甜甜，兩款都係好開胃嘅。.🍚 醬汁咁香濃嘅菜式，一定要叫個飯。「鮑魚雞粒燜飯」份量十足，都幾多

自從上次吃過一次他們家的小菜後，一直念念不忘，上次主要吃的烤鴨，今次過來一心要多試其他小菜～店裡環境就很不錯，座位距離較遠，有雅座和長枱提供～而且上菜速度非常有效率，午市套餐最便宜由$78起！菜品推介酸菜魚：強烈推薦！酸酸的味道開胃的很，滲到了魚肉里，魚肉滑嫩，也沒魚刺～青梅小排骨下飯神器第一名，比糖醋排骨更清爽回甘。排骨酥軟一扒拉就脫骨，肉里滲入酸甜果香，超香超好吃。羲和小肉餅一層層肉餅捲起，最外層是酥皮，加入小量醋，混合一起吃，能帶出到肉餅鮮味，香而不油膩。

今日行完山嚟到東涌呢邊想揾嘢食，行下東薈城見到呢間羲和雅苑，決定試試佢，招牌應該就係片皮鴨，望一望openrice佢仲有New label住，另外佢有間分店喺尖沙咀！望到海景㗎～羲和馳名烤鴨 (半隻) $268佢呢間將烤鴨主要分咗3part上 — 鴨胸皮，鴨胸肉，同埋鴨腿肉。佢會俾張卡仔寫同員工都會解釋大概點樣食～色澤上非常靚，食落都都合乎預期，充滿住鴨香，醬料調味都恰到好處，鴨腿肉除咗比較傳統嘅甜麵醬，青瓜同京蔥絲，甜麵醬唔洗講，非常出色，好夾返個鴨味又有青瓜平衡返油膩感；佢仲有種新式啲嘅用藍莓醬，山楂條同紫洋蔥，對比傳統食式會感覺比較酸，主要係因為藍莓醬嘅加入，鍾意小小酸嘅非常值得試。櫻花蝦海皇炒飯 $128炒飯粒粒分明，又滿滿鑊氣，海鮮都好多，好抵嗌，如果除咗食肉仲想有啲澱粉質嘅，嗌呢個炒飯絕對冇走雞～巴蜀口水雞 $168講到冇走雞就一定要講埋呢個口水雞！佢個口水汁好好味，好有嗰種川味，辣度適中。雞嚟講，唔會有太多骨，有好幾舊仲要可以一啖放入口，感覺好滿足😍另外仲有個隱藏食法，撈口水汁落炒飯，如果鍾意重口味少少嘅，咁食完返唔到轉頭😋😋

酸菜魚的口感帶有適度的酸味，清爽爽口,令人胃口大開。魚肉肉質細嫩滑溜，入口魚肉的鮮嫩有質感。酸菜魚有辣椒、花椒，麻麻辣辣刺激口感，其中有酸菜，薯粉，芽菜，湯底與魚肉融合在一起，酸菜魚的味道層次豐富，酸爽口感和刺激開胃，芽菜清新爽口，薯粉入口煙煙韌韌，並且吸收湯底味道酸辣濃郁，十分好味。金銀蛋筍絲的口感非常爽脆,入口即化,非常可口，有皮蛋，鹹蛋，肉碎，湯底用鮮肉來煮，所以十分清甜有肉香，而筍絲的味道，鮮嫩滑嫩、清甜淡雅、清脆爽口，十分岀色。精美點心拼盤全部人手製作，有小籠包，蝦餃，燒賣，壽桃型布丁，木耳，鮑魚有很多款美食，每樣都有相當水準，食得出廚師精心炮製，今餐非常滿足，食飽後飲一杯熱茶，冇得彈。

冇其他原因，就係心血來潮好想食片皮鴨而東涌冇乜選擇既情況下入左黎晚餐～咁當然都因為睇左門口既menu都好多野想食同埋望入去門面好乾淨啲位又好寬敞。推住b車真係唔係咩餐廳都岩去🥲 講返野食先，唔使講啦，起碼要叫半隻片皮鴨架喇！師傅係我地面前片皮 片肉！即刻諗到童叟無欺哩4個字😂成個上菜過程都令到件事好隆重 隻鴨好主角😂首先檯上面一早有個轉盤俾佢地放個大配料併盤同蒸籠～ 好方便轉住黎包片皮鴨食！跟住有個黑色盒一路都唔知有咩用，去到臨上菜個陣職員就放左個加熱包入去即刻出煙，原來係放片皮鴨既！等佢keep住個溫度！跟住再每人派左張卡仔介紹食邊part應該配啲咩！師傅切好哂之後侍應姐姐都逐步逐款介紹多一次！！咁多種配料唔使講都知最特別係爆炸糖！新穎得黎個味又配合到！不過建議快啲食哂佢，因為放耐左啲糖會痴埋一舊！跟住身為金銀蛋fans見到哩個金銀蛋萵苣係冇需要考慮就揀左！份量勁多佢既皮蛋幾特別，平時食開都比較粉同散，佢就比較實同煙靭！超鍾意個萵筍係條狀咁煮，爽口！跟住叫左個松露蝦球伊麵！無論松露、蝦球定伊麵都係好👍🏻！松露勁足 又香又濃！蝦球大大隻又爽口！伊麵吸晒汁同埋唔係個啲碎濕濕既狀態😂推👍

位置東涌東薈城嘅羲和雅苑主打各類賣相精緻中菜而且餐廳環境寬敞舒適，服務良好好適合帶埋家中長輩嚟用膳冷盤小食前菜湯羹甜品樣樣都有屋企人一入嚟就比餐牌上嘅招牌煙燻叉燒王吸引咗餐牌寫住係用磚爐吊烤而製成嘅叉燒配以自家製嘅蜜糖芥茉漿同埋菠蘿甜蜜汁其實就咁食都非常惹味 比燒味店食到嘅叉燒更為濕潤 甜味好重配飯食一流秘製芥末醬都值得一讚非常濃郁而有豐富芥末香味比較fusion嘅一個食法冰鎮磯煮鮑魚份量十足，而餐廳細心地切好做四件 完全吸收晒滷汁 入味 咬落柔軟拆骨肉燉白菜湯底鮮甜 而且預先拆骨適合長輩食用非常驚喜嘅喺呢道海膽金沙豆腐煲上菜時係啱啱燒起 非常滾燙海膽同鹹蛋黃已經完美融合下面會有一片片嘅豆腐海膽味較為突出 亦都係10分適合送飯嘅一道菜

喺東薈城入面有間古色古香嘅北京菜館，因為比門口餐牌嘅片皮鴨吸引咗入去～入面環境真係好靚，卡位都坐得好舒服！睇完餐牌之後比其他嘢食吸引到，唯有下次先再嚟試片皮鴨。我哋叫咗一鍋拆骨肉燉白菜，肉同埋白菜窩都係男友人嘅最愛，其實都幾大鍋，湯底好鮮甜又濃味，飲到停唔到！一鍋入面都有大量嘅肉絲同白菜，正～主食試咗石鍋海皇野米貴妃泡飯，真係原個石鍋上，熱辣辣的，加埋米通入個海皇湯真係超好食，脆脆地口感一流！再叫多松露蝦球伊麵，呢個相對嚟講比較清淡，啱啱好可以襯托到個松露香味，伊麵底夠晒汁唔會乾爭爭，蝦球好新鮮彈牙，唔錯！食北京嘢想試埋個濃湯水餃，都好味，有水準！最後是啲特色嘢 - 羲和小肉餅，每一嚿都插住支醋，個肉餅係一層層肉捲起，最外層係酥皮，將啲醋唧入入邊食會冇咁漏，而且帶出到肉餅嘅鮮味，可以一試！

今日同男朋友嚟東涌shopping, 揀咗依間中菜餐廳食lunch。見假日都有lunch set $108都幾平，而且加$238有半隻填鴨, 個組合非常之好。午市套餐多選擇，由前菜、時蔬、湯/飲品、甜品都有。前菜選了蜜汁脆芋絲芋絲切到好幼，甜度適中，放耐咗會癡住一齊同涼咗，早d食口味更佳。時蔬有少少娃娃菜賣相好靚嘅半隻烤鴨烤鴨分咗三食，分別有鴨胸皮、鴨胸肉、鴨腿肉。店員亦都放咗張小卡介紹食法:1. 鴨胸皮點爆炸糖好特別嘅食法，鴨胸皮本身都好酥同脆，加上爆炸糖喺口腔內爆炸，好刺激！鴨胸皮可以單獨食唔洗包薄餅。2. 鴨胸肉點黃芥末都係唔需要包薄餅食。芥末味濃，同鴨肉又幾夾。3. 鴨腿肉包薄餅2食第一種係落甜醬嘅普通食法，第二種係點藍莓醬同山楂條。個人喜歡普通食法多d，第二種食法比較新派，酸酸甜甜咁。午市套餐仲揀咗黑松露蝦球伊麵、金湯海皇羮、楊枝甘露。欣賞伊麵個黑松露味好濃，蝦球亦都大大粒。海皇羮入面有少量海鮮最後以一小杯楊枝甘露作結。佢嘅酸甜口味完美平衡，食到有少少芒果同柚子肉。

同朋友去東薈城搵食，想搵間精緻啲嘅餐廳好好坐低咁食晚飯，所以揀左呢間羲和雅苑～入左去之後發覺原來餐廳都幾大幾闊落。一路都keep住播中樂歌曲，感覺舒適～餐牌可以散叫又或者有套餐，而套餐就會跟烤鴨。不過今次同朋友無食套餐，選擇左散叫以下幾款菜式～🥢 桂花蜜山藥 $58桂花味好清香，而且唔會太甜。算入口即溶，唔錯🥢叉燒皇 $148份量比想像中大！帶咬口得嚟唔會咬唔到～ 旁邊仲跟左啲菠蘿，清清甜甜，同叉燒一齊食幾夾🙆🏻‍♀️🥢 芥末沙律蝦 $148每舊有2大隻蝦，蝦夠晒爽口！下面嘅米通幾脆，我都幾鍾意食～ 個芥末沙律醬唔會太甜，唔錯。我同朋友都幾鍾意呢道菜～👍🏻🥢 張氏獅子頭 $48朋友因為睇左menu嘅介紹所以想食。佢會配一碗仔飯比你撈個獅子頭嚟食～朋友一見到就覺得好得意😆 我會形容個飯係神來之筆，因為真係可以完全撈埋獅子頭個汁嚟食，完全品嘗到佢整道餸嘅味道！推介！！🥢 籠仔櫻花蝦海味蒸飯 $118另外都叫左個籠仔飯，有啲米氣～ 真心好足料！而且唔會好鹹🙆🏻‍♀️ 啲飯嘅質地都幾清爽、唔錯👍🏻🥢 宮廷豌荳糕 $38最後仲叫左一個豌豆糕做甜品～ 清香嘅豆味，欣賞佢唔會太甜，清清地，又粉粉地，好食

上個禮拜六 去咗東涌東薈城outlet食完個lunch走入去愉景灣所以就周圍覓食見到呢間中菜 個Menu又有片皮鴨咁就入去一試點知一試有驚喜！要推介俾所有人！我哋就係試咗呢個餐二人餐 weekend都有$488 per two本身以為會唔夠 點知食到要打包佢除咗嗰個2人餐 仲有呢一個4人餐大家可以參考吓呢個頭盤係冷盤嚟 麻醬加娃娃菜都好醒胃夏天食啱啱好湯方面，我哋揀咗黑松露同埋山藥各一黑松露味道重啲山藥就清啲但兩款都好好飲 好足料主菜我哋就揀咗叉燒個叉燒有啲火炙嘅味道燒得好香同一般叉燒的確係唔同值得一試小籠包係前菜皮薄餡靚又多汁之後就介紹吓片皮鴨呢個真係重頭戲半隻片皮鴨 有專人喺你隔籬切埋分好晒三個唔同部位又有個簡單嘅說明書教你邊個部位點咩醬汁真係好貼心傳統片皮鴨剩係得甜醬青瓜而家新食法，可以加埋山楂條 藍莓醬 甚至爆炸糖真係幾新穎嘅食法而且味道有幾夾喎真係好推介，大家試吓最貼心嘅係 個蒸爐入邊全部都係片皮鴨啲皮但每一塊都有張紙隔開等你啲皮唔會黐埋一嚿嚿實在太窩心仲有呢一個蒜蓉土魷蒸荷葉飯又健康又嘢味真係飽到嘔呃總括嚟講，下次一定會再幫襯大家想食片皮鴨 又想試啲新式啲嘅不妨嚟呢間試吓