義香荳腐食品

營業中

休息中

超級懷舊荳品店叫野食驚險過程比美10年前澳牛。首先同大家講下流程免等比阿遮用好重嘅語氣同你講野。1.自己搵位坐低2.自己睇定食乜, 牆上面貼左有乜食3.阿遮問你食乜時， 講清楚要乜，要唔要甜，重點記得講凍定熱，夏天無熱荳漿，如果想聽阿遮同你講多幾句就試下叫啦。4.默默地享受（可以拍照，阿遮唔理你）5.食完，起身，阿遮會計數同叫出去比錢，重點又黎啦， 錢💰～ 係要比賣荳漿果邊阿遮，千祈唔好比煎野阿遮，唔想阿遮又同你再講幾句，就唔好向錯方向比錢。——————————荳花 $10碗- 係正常滑嘅， 同以前細個街市食果D一樣。唔好問有冇薑汁，無架，枱上面有黃糖，自己加啦。無糖荳漿 $8杯- 飲一啖，真係有燶味架！飲多幾啖，飲晒成杯都係有燶味，荳味都有嘅放心。一路都有街方買支裝，阿遮每個都會提佢地要今日飲晒， 所以應該無問題，燶味應該係特式。—————————-其實 呢個食荳花經歷都幾特別幾好笑嘅。不過 阿遮s開舖做得咁谷氣不如唔好做，退休休息下啦。

今次去了一間九龍城的舊店舖，這是一間專吃豆品的餐廳。只要站在店舖的門前便會有懷舊感覺，讓你回憶兒時到街上吃東西的感覺。雖然店舖有一點歲月的痕跡，但是食物絕不馬虎。我話朋友選了一個碗仔翅撈米，顧名思義便是碗仔翅加米粉在一起，在日常的舖頭不太常見，所以選擇了這個來一試。碗仔翅內的材料從中，包括了冬菇等等另外米粉吸收了碗仔翅的水份及精華，讓米粉更像平常在茶餐廳吃撈丁的感覺，這種配搭實在是首次嘗試，感覺新鮮。另外，選了一個煎三寶，包括素雞、雲吞、豆卜讓魚肉。這種口味彷彿回到在街邊吃煎釀三寶的感覺，炸得十分酥脆有味，乾乾的感覺配搭鼓油，真的很舊沒有吃過，油份已篩走並吸乾，絕對不覺得油膩，但剛炸出黎有熱氣的感覺。最後不得不說的必定是豆漿，很多人會認為豆漿有甚麼特別。這是有濃濃焦香的豆味，當然這種口味真的要有歷練的人才會明白，可能小朋友就會覺得是燶厃的感覺，大家不妨一試，聽說很多人都會特意到這小店購買焦香味豆漿。

熱豆腐花$10好味指數：😋😋😋😋😋抵食指數：💲💲💲💲💲環境衛生：🧹🧹服務質素：💁🏼‍♀️💁🏼‍♀️推介原因：滑的豆腐花不難吃到，但要吃到重豆味的豆腐花，就不是周圍也可吃到。

路過九龍城，見到有豆漿就買左枝解渴😝見到鋪頭都有十分多豆類製品，有豆腐花、豆腐、豆卜等，仲有幾款豆漿揀，分別係原味、無糖同埋黑豆漿，買左枝$14凍原味豆漿，諗住起車慢慢嘆，點知飲咗兩啖好大陣燶味，我都返去搵店員問吓。同店員講覺得啲豆漿好似有陣燶味～店員話 我哋呢度啲豆漿係焦香味～好多人都會返轉頭搵我哋依款焦香味。可能真係鋪頭特色，但店員既態度就麻麻。個人唔太欣賞，本身都好鍾意飲豆漿，但原味豆漿飲落係完全無糖😰飲多幾啖想解釋一下係咪低糖～但係真係無甜味，豆味唔算濃厚，飲落有少少苦澀嘅口感同煲燶左嘅感覺。

老店係要珍惜但唔包括佢哋！連尊重客人的基本都做唔到！ 做得辛苦，討厭啲客，甚至乎係人入到嚟都令你咁厭惡，追住啲客嚟鬧，不如唔好做啦！留返啲機會俾值得欣賞嘅食店！亦都使九龍城區少一份冤氣！

豆腐花。紅糖令豆腐花帶上一絲嬌麗，看到都覺得甜。還是非常，非常熱的豆腐花，豆味不是很濃郁，滑入喉嚨後，那豆香卻慢慢回泌出來了。豆腐片得比較厚. 豆漿。豆漿的豆味也是非常有個性，是滑入喉嚨後才感覺豆香。豆漿喝到底部也沒有渣。

每次去九龍城逛街的時候都總會去這間荳品店飲杯豆漿，這店總共有兩款豆漿，一款原味，一款是黑豆豆漿，黑豆豆漿充滿着濃郁的黑豆味，好像有一股焦香味，另外點了炸雙拼（釀豆腐卜和炸雲吞），是即場炸的，又熱又香脆，雖然這間店的出品味道都非常好，可惜這裏每個員工都做到脾氣暴躁，例如點菜點得慢又罵，詢問餐牌或菜式問題時又極不情願地回答，就算回答你都是表現出極度不耐煩和極度晦氣，所有員工的氣場都非常霸氣，令人感到非常不安，而且全程都食得戰戰兢兢，可惜多年來態度都仍然極度惡劣，可能持住自己店舖生意好…..

通常去九龍城街市買餸就一定想去食碗豆腐花，之前幫襯開嗰間已經結左業，附近搵到另一間老店，所以間唔中都會過嚟幫襯下，呢啲豆品舖其實已經買少見少，所以見到都應該要好好珍惜。豆腐花只不過係十蚊內嘅嘢，由於天氣太熱，所以就揀咗凍嘅豆腐花，當然如果熱嘅一定會更加滑啲，另外仲叫咗佢哋嘅煎釀豆腐，佢哋嘅豆腐係比較硬身，加咗豉油其實幾惹味，兩碗豆花一個煎釀豆腐都只不過係三十零蚊左右，其實已經好抵食。仲可以外賣一啲豆卜返去打邊爐食

【九龍城懷舊的味道】呢間豆腐花店，其實係眾多懷舊豆品店中，唔係最好食😂仲可以講得上唔算好好食🙃 但係呢，有時經過九龍城，總會入去幫襯下！原因係呢一種老字號嘅懷舊豆品店，真係買少見少，執一間就無一間，新嘅舖頭點樣裝修都扮唔到舊店架！所以行到攰入去幫襯支持下，唔知邊一日就會消失🥲我自己留一個回憶！小店係冇冷氣嘅，如果介意嘅朋友仔可以秋涼先過嚟試呀📍魚肉煎豆腐📍凍豆腐花豆味唔算好濃，有微微燶燶哋嘅味。食咗咁多次都係咁嘅味，應該係本店特色😌今次舖頭比較多人，唔好意思影店舖相。下次等人少啲再嚟，影啲店內相將來可以懷緬回憶下😔😔😔

位於九龍城市政街市附近的義香荳腐食品，舊式風格，舖頭是沒有冷氣，裝修幾十年不變，門前有豆腐食品賣，店內也可堂食，呢度出名 豆腐花和豆漿，自家用石磨磨豆，令到豆味有香濃焦香，呢度啲豆腐花柔軟幼滑，推介：熱豆腐花、鮮製豆漿有濃香焦香味，可以選擇甜味或無糖，黑豆漿都有，特色蛋菜糕，小朋友最啱，仲有煎釀三寶、炸物等……非常之多種類選擇，食豆腐花之外食埋午餐/下午茶都仲可以，都非常適合，食物美味值得可以再來的。

義香去九龍城食完飯梗係食甜品，公和執左，就去義香。同以前比較，就算地鐵通車，九龍城真系無乜人，好多吉鋪，所以入去義香都系得一檯客。豆腐花同公和比較系更有豆味，但比較“傑”，各有特色。個人喜歡義香嘍。

我聽聞義香的豆漿 豆付有股烘焙coffee的香氣，適逢地鐵近日通車，於是去見識一下。果然喚起兒時的記憶，當時全香港中台的豆漿全部是這味兒。它輕盈、愉悅、清新、嶲永的淡淡香氣縈繞半天。話說炒豆漿是做多雙倍功夫，先將豆漿滾熟至完全無草腥味，再加大大火炒香之，手腳一慢一黐底就報銷矣。所以豆漿佬續漸練精學懶，費事做多重功夫。但豆漿如coffee，不火攻熟成就小了神魂顛倒風韻了。難怪這麽多日本旅客來探秘好奇這豆漿達人。其實每個人的工夫手勢都不同，就如寫揮春，不會相似。所以食家fans 應追星跟人，不能家家分店都去。

一直想試吓啲懷舊豆腐店究竟係點，今次終於試到啦！我哋叫咗個煎三寶同炸三寶，另外仲叫咗個豆腐花，小編就鍾意食炸三寶多d，因為有炸雲吞，齋雞同豆卜，都係小編最愛，不齊齋雞佢淨係比得一片我，炸雲吞同齋雞每款都有幾舊，而且我見到佢都係即叫即炸，所以食落去都好熱😂😂至於煎三寶就會有紅腸，豆腐，同魚蛋，呢個同普通煎釀三寶差唔多🤣，另外仲叫咗個凍豆腐都好滑，依家天氣咁熱， 食一口都覺得好清涼😉

舊式豆製品店，諗得出嘅豆製品樣樣都有得買！豆腐、豆腐花、豆漿、支竹、豆卜、腐乳，另外仲有涼粉、大菜糕、煎炸三寶...黑豆漿溝涼粉-黑豆漿好香豆味，少甜。唔會飲完覺得有糖精成啖痰係口咁。涼粉新鮮仲有d微暖，涼粉草味道適中，唔會太苦澀。炸三寶（炸雲吞、素雞、釀豆卜）-炸雲吞麻麻，好似食炸雲吞皮，內餡嘅釀魚肉比較少。素雞幾好，豆香濃郁！釀豆卜嘅魚肉同豆卜比例剛剛好👍🏻總括🔸性價比ok，但因為舊式老店，店內嘅姨姨們都比較大聲豪邁，追求環境服務嘅就未必適合。

見宋皇臺站開咗，就走去九龍城行吓食吓嘢。因為公和執咗，見呢間都係豆品鋪都坐滿人，前面有人買咗一支大一枝細嘅豆漿,咁我諗住實係好嘢啦，就去買咗支13蚊嘅豆漿試吓。飲咗幾啖，唔係幾啱口味，豆味係有嘅，不過一浸濃濃嘅燶味，又好似煙味，令我聯想到煙頭，再諗返起之前見佢將一桶涼粉冇遮冇掩放喺客人買嘢方向嘅地下，衛生情況少少令我存疑，雖然之後上網搵過燶味(焦味)係因為用明火整嘅豆制品全港獨有，但係我都係受不了，冇胃口再飲喇…