影片
以上資料只供參考, 請與餐廳確認詳情
每次來美心MX~~也是下班後想直接食晚飯的第一個選擇MX雜扒餐$69每次都叫MX雜扒餐，個餐包括雞扒、豬扒、牛肉腸同埋煙肉！有時揀黑椒汁或者燒汁，btw靈魂係條腸，多條腸少條腸成件事爭好遠。個餐有配埋酥皮龍蝦湯，個湯其實都有少少龍蝦碎喺入面，個酥皮吉穿佢再摺埋四隻角浸湯係基本動作。湯味道還好，有少少海鮮。雜果啫喱有屋企自家製味道，軟軟的，但覺得甜左少少⋯就這樣，下班後過了一個平凡而精彩的港式茶餐廳風味
繼續閱讀
今日去咗鰂魚涌呢一邊返工，順便就喺地鐵站附近嘅一間美心食咗個下午茶，呢一個下午茶係一個套餐，有叉燒飯，咖喱三寶，同埋一杯飲品，我就揀咗熱檸茶，整體嚟講都唔算太貴，我覺得呢一個價錢都係可以接受！埋單$39，正常。迷你叉燒飯，叉燒有少少乾，不過佢呢一個份量下午茶嚟講我覺得其實都係可以接受，只不過味道真係麻麻哋，叉燒嘅部位應該都係啲頭頭尾尾，問左餐廳嘅店員佢都話冇得選擇。咖喱三寶嘅味道就非常香濃，我覺得呢一個反而比較好食，鍾意食佢嘅豬皮，全部深入晒咖哩味道。
繼續閱讀
好多人都話香港餐廳差, 真係無講錯的, 呢個所謂雞扒飯, 個扒字真係要從新定義, 尺寸只得比隻雞蛋大小小, 基本上兩口就食咗, 咩都無跟就收50元, 諗住餸小就食多小小飯算啦, 點知又要加錢先得, 小家得佢吖, 你睇下深圳飯店或面店, 無限任加, 好多仲放個飯煲响度比你自己裝, 任食, 香港咁多餐廳執笠都係自已攞嚟, 唔低可憐
繼續閱讀
我今午聽完講座，就去左鰂魚涌英皇道行街，順道去位於英皇道734號友邦香港大樓地下2A號舖的美心快餐食晚餐。我點左雜錦（炸蝦、雞扒和豬肉腸）配薯菜，有隻太陽蛋和酥皮龍蝦湯的扒餐$79，還有雜果啫喱。滿意飽餐，好味又好食。
繼續閱讀