美心MX (石蔭商場) (已結業)

一早唔知食咩好，就行左入美心，叫感個粥同炒麵餐。其實喺美心食早餐，一啲都唔平。但係呢個價錢，呢個速度，呢個口味算係咁。今日個粥，濃咗啲，冇之前咁稀。炒麵同之前一樣油，但份量比我上次多左4分1度。呢間美心沖嘢飲，時好時壞，今次呢個奶茶就有啲澀啦。唔知幾時先可以穩定到個水準呢？講真沖嘢飲來來去去都係果啲。值得一讚，係姐姐見到我拎住一喼影相器材，即時問需唔需要幫手拎餐埋位，仲時幫手搵位，實在難得。今時今日，仲有呢啲服務態度，太好了

年三十提早收爐，去美心求其買個飯。點知好多都售罄或者製作中。因為懶得等，就買左唯一一個唔洗等既海南雞飯。原本都無咩野期待，果然個冬瓜湯真係好麻麻，個湯好似水加鹽咁，入面仲要只得1粒冬瓜。飲完個湯，就食埋個飯啦，d雞下面全部都係菜，有d檸檬汁，酸酸地。菜就好普通，但係估唔到d雞幾好味。全部雞無骨得黎大大舊，而且肉質好嫩滑，有8舊，真係啖啖肉，配埋最鍾意既甜醬同薑蓉。食雞食到好滿足，為黎緊雞年打響頭炮。

9點左右落到去食，已經乜都無甘制。好彩一心去打邊爐的，仲有得選。叫左個雜錦鍋，牛肉，豬肉或者雞肉任選其一。本身想要雞，但無。唯有叫牛，另外再叫多左份牛。講真，已經9點都係餓到雲嗰種。唔知點解，等左15分鐘先拎到出嚟。之後等個湯滾到食得又要15分鐘。無名火起嘅感覺就嚟。途中叫左姐姐換個大d嘅火，答案就係個火係甘架喇。味道呢，係幾好嘅，d丸入得下口。但湯底雖然係味精，但唔算好重，食完都無好口乾。但份牛肉加左22蚊，得三塊。乜依家d牛肉真係貴到甘咩？唔使甘貴丫？快餐店？醬汁就得豉油同芝麻醬。辣椒，葱都無。比起大家樂仲差好多喎。

美心有得食糯米雞，咁早餐又諗唔到食乜好，最尾就叫左呢個好大件嘅糯米雞，望落都覺得好濟。糯米雞飯唔算好乾，都算蒸得幾好，入面有一隻雞翼，但係超級瘦冇乜肉，所以其實唔係話好豐富。另外亦都有啲冬菇粒，整得幾香。同埋有好多唔同嘅碎肉粒，食得唔想太悶，但如果有更加多配料就更加正啦，因為佢有好多糯米雞汁，不過配料方面就唔算太多，連我鍾意食嘅臘腸都冇。所以普普通通啦！

返完學到3點3 緊係食返個靚tea呢間餐廳雖然只係美心旗下但係升級左做mx裝潢勁靚有高級餐廳感覺叫左呢個＄31既tea實在太正份量好夠又多味道仲唔錯個飽既雞扒勁脆又夠厚下次在機會黎一定再食

今早睇左一個互動新聞介紹佢, 講到咁吸引, 難得自己出去食完野, 要幫蝦餅買晚餐, 都想買個好D既俾佢….點知….一收到外賣見都是以往用的錫紙盒, 我都猜到一二(報導話分量好大), 返屋企一開…….唔滿不特只, 飯面的醬都有一大堆, 一睇就知好重口味….豬扒是主角, 配料有蕃茄, 菠蘿, 蛋炒飯。今次是賣’七級豬味享受’, 海報寫的七樣野都係分別講哂有的料, 豬扒都佔兩樣, 可想而知寫的野有幾’特別’。豬扒就真的不錯, 始終做了這麼多年焗飯, 厚切就稱不上, 但都幾淋, 咬下又無黏牙, 肉質鬆軟, 味道就全靠’秘製醬汁’了。蕃茄數量比菠蘿多, 蕃茄不酸偏甜, 菠蘿絕對無’鮮’但有’超甜’~.~, 芝士留而食得出, 因為明顯地放面, 食完實實濃郁芝士後, 之後就食不出芝士味了, 哈哈蛋炒飯好乾, 就算混合醬汁食都乾, 難消化, 蝦餅都吃不下了…難道堂食及外賣會有咁大分別, 希望係……

自從去過旺角間美心，才知葵涌美心這裡的西冷牛排是最好吃，份量夠，口感到位，肉汁鎖住，入口juicy, 溫度剛好，熟度恰當。花生西多士&煙肉，其實可以和職員講不要煙肉，可以省幾蚊，花生西士是我最愛吃，炸的時候剛好，花生醬恰到，好抵食的下午餐。Ps. 旺角美心西冷牛排，焦、硬、膠，很隨便的烹調。

和男友到石蔭商場買波鞋所以順道於商場內<<美心>>午膳他點了焗豬扒飯而我點六寶飯六寶飯的六寶有紅腸, 咸蛋, 叉燒, 雞腎, 燒鴨和油雞料味道尚算正常, 唯咸了點但飯有部份很濕, 接近糊的狀態加上燒味師傅下豉油比較重手, 令飯濕上加濕, 料亦咸上加咸 ... 飯旁有幾條豆角, 十分之長, 有五吋長左右而上面的絲還沒有搣, 唉啊!! 真的很求其呢

今日落去MX買外賣叫左六寶飯和焗豬飯好啦..買番屋企食一打開,見到好大盒喎,個時好開心點知一食落下,點飯似足BB食既餬仔,"林"到似足落左勁多水既飯真係唔知有心定冇心,,盒飯又唔係平,但竟然換來D無質素既食物連最基本煮飯都可以搞成咁,真係冇話可說價格一直升,,食物質素不斷降燒味方面,正常,但係食物種類唔平均希望店方改善一下叉燒仍然最好味都有3,4小舊不過呢間分店,我唔會再黎

11:00食午餐,真係早左D。點了一個义燒燒腩仔飯配可樂, 另一個是香茅雞翼套餐配可樂。 义燒燒腩仔飯:义燒硬, 飯口感亦都唔好, 燒腩仔皮脆但唔冧。香茅雞翼: 合共8隻, 樣靚但裡面係唔熟。真係三個差好彩用現金折扣券, 無咁蝕。

日式的盒, 裝了多款的下午茶食品, 有烏冬, 魚肉燒賣, 西多士, 紅豆糕 和 salad.烏冬: 淡味.魚肉燒賣: 一般西多士: 炸得金黃, 內裡塗了花生醬, 再在面塗上牛油及糖醬, 好味.紅豆糕: 紅豆大大粒, 甜度適中, 好味. salad: 一般.

今早準備參加一年一度仁濟慈善步行，首先和太太同往美心快餐店吃早餐。我要了一個早餐，羅宋湯通粉早餐，餐飲喝熱奶茶，早餐除了羅宋湯通粉外，還包括有牛油多士，火腿一塊，炒蛋。先說那通粉，整個通粉泡在羅宋湯中，配料有番茄、洋蔥、椰菜、牛肉等，味道跟一般的羅宋湯，沒有分別，不過只是淡一點，而通粉也腍了些，牛油多士烘焙度適中，但略嫌偏凍，吃下時已不脆了，火腿色澤...深淺不均，怪怪地，口感偏腍，味道一般，炒蛋過熟，無蛋香味？熱奶茶，奶味茶味也不差，對辦之作。太太要了一個粥餐，花生眉豆豬骨粥，蘿蔔糕，即磨咖啡。她吃下那碗粥時，吃到中途，發現粥內花生與眉豆很硬，我也拿來試試，應是還不夠熟，她把那些花生與眉豆揀出，照吃完。我覺得仍有不妥，即時向店員投訴，他們連聲說：「唔該晒，對唔著！」。其實我投訴的目的不是想得到甚麼補償，而是不希望其他食客再次吃到那不悅的食物。蘿蔔糕，不是很熱，味道也只是一般，即磨咖啡，唔差，夠香濃，好飲。餐後，太太說：「早知去大快活啦！肯定比這裡好。」我回應：「美心給我印象，一向唔差喎！」

星期日, 本想去飲茶, 經過美心快餐, 見到新推介MX鮮奶泡沬咖啡, 問問收銀, 下午茶餐飲品可否ORDER啦(不用加錢), 于是入去試試, 小妹叫了個下午茶餐 HKD19.00, 種類幾多元化, 包括: 薯條, 豬漢堡, 雞中翼2隻, 5cm x 5cm西多2件, 沙律少許, 甜品一少件, 飲品一杯飲品(1) 薯條: 不過不失, 小妹覺得麥記好食D, (個人喜愛)(2) 豬漢堡: 炸到有點過火, 食落好像魚漢堡, 味道有點怪怪地, (3) 雞中翼: 炸到有點過火, 但十分入味, 幾好味(4) 西多: 裏面夾有花生醬, 炸得剛剛好, 熱熱地, 好味(5) 沙律: 不過不失, ok(6) 甜品: 椰汁糕一少件, 好香椰汁味, 不錯得甜品(7) MX鮮奶泡沬咖啡: 打開杯蓋, 聞不到咖啡香味, 好多泡(4分1杯是泡), 飲落麻麻地總括來說: HKD19.00 可以試到6款食品, 1款飲品, 都幾好啦!!

天氣轉涼朝早最好係食番D暖胃嘢，糯米雞係一個唔錯嘅選擇但係晨早就食到咁飽，唔係好啱我。見到呢度有細細盅嘅排骨飯又幾好噃，加埋飲品都只係$18又算幾抵食。真係幾的色，但排骨都唔少鋪滿飯面，豉油係獨立包裝，不過淘大出品向來麻麻，唔落仲好，本來相當唔錯但可惜D飯唔夠熱只係微暖，美中不足，如果熱辣辣食就正晒。

臨整頭髮之前食個早餐先,好耐無食過美心的早餐.一於試下先.在芸芸食物中揀選了滋味早餐b.早餐有蛋,腸仔.茄汁焗豆.蘿蔔糕或多士.一碗火腿通心粉.加4.5轉左鮮薑汁檸蜜.合共24.5,腸仔好油.蛋好細塊仲有勁熟/蘿蔔糕無蘿蔔絲預左,最失散煎得唔夠熱同埋唔夠燶,似烚的多點.茄汁焗豆罐頭貨色.當然呢隻幾似平日食開好味果隻牌子,少一點都可以接受.火腿通心粉唔夠味,自己加鹽調一調會好點呢鮮薑汁檸蜜.2片薄薄的檸檬再加薑(有薑在入面),料好足夠,又唔算好甜,飲完喉嚨也舒服一點,4.5真的好抵呢這間美心好大,又有電視睇,又整得好企理,清潔程度眾美心之冠,值得加許