美心MX (已結業)

前個星期因為遲返屋企，所以近近地同我家人去左美心食晚飯。我叫左個日韓定食，我家人叫左個沙薑雞飯。不過，超唔掂lor~~~~首先，我地張枱上面雖然已經拾走上個客人的碗筷，不過張枱冇抹啦~~~叫人先至來抹……(= =||||)之後講講食物。我個日韓定食簡直垃圾！個粉絲冇味，個照燒雞扒多汁到連d飯都食唔到……超甜！個人參雞湯仲衰……同味精+水冇分別……沙薑雞飯成碟油……我地2個食左幾口就冇食，完全食唔落。美心改左店面，以為會好d啦~點知仲愈來愈難食……又貴又唔好食！寧願係家中煲公仔麵，打死我以後都唔會再去美心食野！！

<韓日定食>唔得呀.個面好似公仔面咁.睇落去勁乾,又細份,成$45.5..超唔值.反而佢個湯粉幾好,大大碗$22,唔係間間美心都有提供的!!

6-3-08 (四)獨自來到柴灣，人生路不熟，舉目無親下看見美心快餐，如獲救星。叫了油雞飯十龍眼熱飲。油雞骨多過肉，都不怎麼樣。最可惡的是那碟飯，一陣難嗅的氣味，好像完全無洗乾淨米一樣，不過都是猜猜而己，我都不知道未洗米的飯是什麼味道，可能都不至於這麼差，真不知原因何在。連白飯也煮唔好，後悔沒叫碗粉算了。看看右邊，吃的是菜飯，看看左邊，吃的是蒸飯，有濃黑的豉油的。不想浪費，嘗試用豉油汁蓋過那種“糠”味，吃了兩小口，終於不敵，宣佈投降。為了這碟飯，查一查資料，將糠味兩字搜尋一下，結果是……

沒有飯開的日子，來這買個外賣：公司三文治tea set作early dinner（公治只在tea 2:30-5:30pm供應）。聽說美心的公治不錯十分鐘後回到家，那袋紐紋薯條（有老麥中薯條那麼多吧）仍微脆，而公治的size真的有點嚇人：比想像中小，包是微烘，但都變軟（可能外賣關係）。材料頗豐富：煎蛋、火腿、蕃茄、青瓜、山菜、雞肉及適中salad sauce，好滿足。其中雞肉味最多及最出！飲埋杯檸水真係飽喇廿一蚊，幾抵食呢

終於都食咗maxims 個排骨鳳爪煲仔飯laaaa..但係完全無驚喜arr....好似係煮好咗先放入個煲到咁...d 排骨又好肥...鳳爪又好乾...搞到我食咗一半就冇胃口laaa....真係唔係好掂wor....>.<

呢間美心好唔得ga!d 扒又唔熱，員工服務又差，個次counter攞杯水d服務員就黑晒口面咁.......成間店爭系d 泰式湯粉麵ok

以前美心D叉燒好鬆化, 好好味, 今之幫襯呢盒叉雞飯真係失望, D叉燒硬之餘, 仲要灰灰黑黑咁, 食唔夠兩舊就掉咗啦!

tried the suckling pig shank tea set. it should be called "pig bone" tea set, the so called pig shank only had tiny tiny bit of meat, not even a mouthful. a shameful cheating dish.blacklisted.

以前一直覺得,三間fast food chain中, 以美心服務為佳, 但柴灣美心可算例外...主要因為員工服務態度真是極待改善...樓面員工禮貌已不太合格,但心口上掛著assistant manager 牌的,態度比其下屬更差,時有在樓面爆粗,更有甚者是對久等嘅客人的問題充耳不聞,費事理睬,試問如何能以身作則....

星期三晚自己一個人去左美心度食完晚餐先回家...叫左個青咖哩雞扒飯+油餅一件...個咖哩雞扒真係唔錯配個油餅就一流啦...雞扒煎過比較香口唔錯...咖哩都唔錯又唔會太辣只係覺得咖哩汁唔夠

我住附近,因貪方便成日都幫襯,但實在頂唔順佢有個男副經理,成日係櫃面口水噴噴,更爆粗媽後面kitchen d 伙計,d樓面又成日鬥氣,攪錯野,外賣又多野甩漏....同中環真係差得遠,究竟係乜原因?

本人每天下午要在附近開會，因為趕時間多數會食快餐，本月5日(星期一)，下午2：15，我買票後，到柜位取食物，那天我食牛柳絲焗飯及熱奶茶，當時很靜，沒有人排隊，我在柜位前只得我一個人客，我等10分鐘都沒有人拿食物給我，個班亞姐只顧傾計，沒有人理會我，初時我只諗到焗飯可能賣晒，要從廚房內搬出來，後來我趕時間就忍唔住問亞姐一聲，她才慢慢從柜位處拿出一盒焗飯，跟住另一個亞姐才去奶茶，我問她點解要我等咁耐？點解飯在面前都唔拿給我？她們沒有出聲，本來我想立即向主管投訴，但我趕時間，食完就走，今次不是第一次啦！我最近在這間已試過兩次，所以我都唔想再去啦！人客來食快餐，大多數因為趕時間，亞姐仲要人等，咁請問她們何謂快餐呢？

2007年2月19日，18:30太座開年飯要吃盤菜，她想訂大家樂，但我意屬美心。還加了菜膽雞煲翅，但南灣店額滿，便到柴灣訂貨。結果：不聽太座言，吃虧在眼前。色：賣相雜亂無章，香：回家翻滾後(安全第一^m^)仍不覺香味四溢。味：一字記之"淡"，全不入味，食味可以不提。配料廖廖可數，傳統的豬皮、支竹、魚蛋欠奉，祇有那鮑貝、瑤柱絲、薄冬菇…等。菜膽雞煲翅: 用裙翅，但仍不失清、鮮、甜，水準之作。

都係諗唔到食咩，又唔想食貴野先去美心。因為平時0係學校美心canteen係學生價，0係第度食美心好似好唔抵咁，好耐都無去呢0的快餐店食loo。叫左個28蚊海南雞飯。0的雞除左厚厚雞皮，就係鞋鞋雞肉，肥瘦分明。0的飯應該係雞油飯，不過俾我感覺0的油應該用左好耐。男朋友叫左個焗豬飯，加左6蚊換個極冰檸檬綠茶。杯綠茶好苦好苦好澀，完全無檸檬味。個飯呢...男友話大家樂個焗豬好食0的。食完個快餐店水準0既海南雞飯，不禁掛住椰林閣0個個海南雞飯。人家係貴少少，但係好食好多，仲通常都有雞脾部位你食。哎也，點知食完美心，行上兩層就見先椰林閣，之後先醒起原來柴灣都有喎，噓...

9月10日19:00太座到新翠買電話，然後到這裡偈一偈。她要了健康的牛肉餅蒸飯。開蓋無煙，無飯香，外層膠碗金屬碗是冷的，我馬上去更換。水吧亞姐竟然問我"有無"試食，因飯由膠碗套著，熱不會外傳！極不願意地從蒸櫃內，取另一份給我。太座試了一口，發現飯祇是微暖，有吃冷飯感覺。她親自去再換，約5分鐘後，太座竟了碟蒸魚和白飯回來。原因是水吧和分店經理齊聲對她說，這裡的蒸飯蒸便是這種溫度；太座不妥協，最後便換了蒸魚給她>m<"唔化"!!! 蒸飯，最基本是要熱辣竦的！飯香撲鼻！我是固執的人，對美心仍有點期望，便隨即到藍灣美心，再試蒸飯；結果吃到的是有飯香和熱辣的蒸飯。這代表了美心的品質控制和管理都出了問題>m<