美心香港地 (已結業)

平時喜歡來上水廣場這裡吃下午茶，可以坐得舒服，又有電視睇。這裡的食物水準一向很好，晚飯也經常首選在這裡吃小菜。今次下午茶時段，想吃輕食他，見下午茶有新款推出，一於試試新口味〈紅荳西多士〉配絲襪奶茶。紅荳西多士，麵包炸得乾爭爭，西多士餡是原粒紅荳，沒有紅荳蓉、沒有醬，味道麻麻。整體不太討好，乾而冇味，算是失敗之作。可一不可再！下次還是吃傳統西多士最保險！套餐配絲襪奶茶，茶香奶滑，奶比例合到好處，好飲。下次餐飲，可以再喝。

美心香港地是我最常去的茶餐廳,最愛(煎蛋豉椒窩蛋免治牛肉飯炒底$54)份量愈來愈少,但味道依舊好味。(陳皮鴨腿湯飯)唔系成日有,但有得叫我一定食,陳皮可理氣健脾,化痰,前排無乜胃口,到食飯時間都唔想食野,食少少就夠,胸悶腹脹,飽飽滯滯,中醫師叫我平日可剪細塊陳皮焗水飲,主治脾胃氣滯,消化不良,當然也有人不適合常常飲用,加埋醒脾開胃既芫茜,呢個星期都成日天灰灰,陰天落雨,可能會令人食慾唔好,所以呢個湯飯一流呀!新出左個下午茶大三元•中•發•白•套餐,主食$38-48+小食+飲品或甜品(可加錢升級轉特飲)*香港地公司三文治配脆薯條$45+凍檸茶$4,有生菜蕃茄沙律醬,火腿炒蛋烤雞肉,足料但個人覺得包皮無飛邊太乾,所以食淨所有包皮,薯皮薯條夠熱夠原整大條唔會乾爭爭。*懷舊西多士$34配即磨咖啡,西多士煎炸得剛剛好,唔會過火或用千年油有燶黑,花生醬也不少,愛飲咖啡既可以系度叫杯嘆下下午茶,香濃幼滑咖啡配上花生醬西多無得頂!

侍應一拎碟豬頸肉同椒鹽炒尤上黎我已經O一O咀因為本人已經勁細食兩個人食兩蝶野加埋套餐白飯都完全吾飽最後仲去麥記食多盒脆香雞翼補數蝶椒鹽炒尤炸粉厚過尤魚60蚊一碟仲少過旺角街邊廿蚊包尤魚..

平時都有來食開，覺得都唔錯，但最近好以差左，上次晚飯食個河粉已經覺得差左，今次食飯啦！點知咖哩炒飯冇咖哩味，唔夠火喉，D飯一舊舊都冇炒散，成碟飯都冇味囉。水準差左好多囉！

以前會常常到這店當飯堂，雖然是大型連鎖店茶記，但這家的小菜鑊氣及味道一直都能保持水準。很久沒到上水逛街，是夜又在此做飯堂了。<豉汁蒸倉魚餐> $68今次點了蒸魚套餐，魚夠鮮，火喉時間蒸得剛剛好，好好食，怪不知這個餐很快就賣完。另點了<柱肉鬆蒸水蛋>$55，另加$12 有飯及飲品蒸水蛋很足料，不是稀漏漏那種，底有很多瑤柱肉。不過這裡的例湯我會劣評，因為是味精水。但如叫一盅盅的湯餐，反而味道足料很好飲。

呢柸野係上水廣場美心叫$48一柸蜜桃冰茶，真係超級大大柸，成柸野設計好特別，我一個人都飲唔哂，真係好抵飲味道又唔錯，我係下午茶時段去架，其他時間唔知有冇供應，大家有興趣可以試下！

回鄉拜山後,路經上水,一家人吃晚飯上水真的十分多人,每間餐廳也大排長龍,最後選擇了美心香港地食物不算太貴,但不知味道如何每人一位餐湯,湯水尚算有味道,蓮偶十分有味道而且飲起來也沒有味精,算是有誠意山粉骨,骨多肉小,雖然味道尚可以,但份量真的非常小吃起來炸皮和骨的部份比肉多連菠羅也比平時細3份之2多一點成本不會差太遠吧雞的味道合格,肉質尚算滑溜,汁也不太濃,入口不錯份量今次比較多,3人吃剛剛好每人再加一碗白飯,才夠飽肚

當天的午餐 ....泰式海南雞拼仿鮑魚片飯 (配熱飲一杯)海南雞是帶骨的, 雞的皮夠薄, 肉質雖不至於嚡口, 但也不算滑嫩, 是中規中矩吧 ~熱飲當然是鎮店三寶之一港式絲襪奶茶, 茶味香醇, 與黑白奶好夾味 ~本篇完 ~

踏入十一月，理應較十月更涼，可是今天在上水的氣溫仍然很高，接近三十度，有點熱吧，於是走到上水廣場五樓找食。遇到了香港地，不加思索，就想入去內面坐，吃個午餐，反正在午市還未到過香港地食飯。從門面看入去，說實在的，環境實是很好的，望過去也很整潔和座位也較闊吧。在眾多餐牌中，有午餐，亦有港式的碟頭飯和炒粉麵飯，價錢當然較其他茶記為高，只因香港地走的路線是略高的。眼看近期少食炒粉，就不如來一客吧。時菜蠔皇牛肉炒河粉，亦即是濕炒牛河。整個牛河的芡汁，沒有一般的稠結，也打得較美，而牛肉切得較大塊和厚身，吃起來富有勁嚼感覺，而且河粉都幾滑的。時菜用上了大大棵的菜心，吃起來也較甜。上桌的時候，炒河還是有種鑊氣的香味飄逸，故要盡快的吃吧。加一杯凍奶茶，實是為今天略熱的感覺，降一下溫。在少甜的情況下，茶味較為突出，也夠茶香。餐廳環境確實較好，幾寬敝的，不覺得迫呢！雖然侍應很忙，但是也不忘解決顧客的落單和要求。

今日中午，黎到上水，唔太熟路，太餓，走咗入呢間舖食。。叫咗個麻婆豆腐飯，一杯熱奶茶，盛惠52蚊。個麻婆豆腐飯，一黎到，賣相不錯。。一放入口，嘩。。完全無味既。。勁吖。。竟然係無味吖。仲有d飯唔熱既。講到杯熱奶茶 。。。口感好（鞋）。。。茶味唔夠。。餐廳裝修都可以，服務都可以。。不過我唔會再黎。。。

農曆新年期間，不少港人精打細算，用餐多只於自己親友家，儘量避開那「加雙加三加四」的飲食業消費傳統。其中亦有人少像本人這樣的消費族群，本著「該花的總是要花」的「大安旨意」繼續吃。況且，人家廚房、侍應犧牲了假期上班多賺點，這是需要金錢犒賞的丫！看看新年餐牌有何不同。新年比平日貴是常識吧。經常光顧的女友謂加了價，竟然也好吃多了。奶茶水準合格。炒蛋略熟。一貫的太陽蛋製法；奶油豬的包面太硬。PS.嚴格而言這不是豬仔包，吃過真正豬仔包的60至80後一定知道豬仔包其實是頭尾尖細的雞尾包長形。麵太稔，沙嗲不香，牛沒牛味。雪菜OK，肉絲少，米粉爽。

今日放假訓到自然醒，爽到爆。。然後就同老媽子去左嘆左個下午茶。我地向來都獨沽一味茶餐廳，今次亦不例外，冇小小唔同既係呢間係間連鎖式既。位於上水廣場內，面積有限，我地去到已經接受下午茶時段，等左一陣，就換左下午茶menu喇!老媽子簡左雪菜肉絲燘米，佢話味道不錯，不過咁既份量實在太小!老媽食完當然唔夠飽，但下午茶都預左係細碟啲。而我就點左豬排包配沙律，豬排包是ok的，豬排有啲太腍，唔夠實，似係落左唔小鬆肉粉。而面包就外面脆卜卜，唔錯唯獨個沙律真係。。。。好失望本以為係茶餐廳啲沙律點知係幾條salad 茶加幾滴汁....好怪好鞋食，仲好苦最後都不能捧住肚子離開...下次過黎試下食個lunch，睇下會唔會大份返小小先。只能說咁既份量，咁既價錢，不太值。

美心香港地- 一直都是爸媽愛好的食堂。而在我眼中就不過是美心快餐洐生出來的另一分店罷了。是日我們一家的休假天，睡到中午後已經是下午茶時間。爸媽早就出去逛街了，剩下我們懶蟲三姊弟。趕快起來梳洗後，就去會合爸媽食個下午茶。當然選擇了他們的飯堂。到達後，爸媽已經差不多吃完了。他們點了星洲炒米，公司三文治，叉燒湯意。 我偷嚐了一口星洲米，雖然已經有點放涼了，但仍然有鑊氣，而且味道濃郁的，茶餐廳有質素的水準。而我跟弟妹就點了豬排包，咸魚雞粒炒飯，一般香港地道不過的食物。咸魚雞粒炒飯---很美味，也沒有平日最怕炒飯的那種油膩感。可能下午茶的關係，份量並不是茶餐廳的大大份 。豬排包配沙律--- 面包很脆很可口，可惜豬排很小塊，而且不夠入味。沙律竟然沒有我最愛的薯仔，全都是蘋果，而且份量也小，我還是喜歡茶餐廳的沙律。以下午茶來說，當然沒有連鎖式大快餐店那樣多選擇，但吃膩了快餐店的ABC下午茶餐，試一下香港地式下午茶也不錯!因媽媽是美心集團員工，還有85折優惠呢！終於明白為何爸媽常來這裡，把它當成飯堂了。東西不錯吃環境也比茶餐廳好，當然還有discount啦！我們一家會再來吃個晚飯的。

上水廣場美心香港地,食過兩次,印象ok, 再去一次先!!睇張枱紙已經好想食雲吞面!!!幾正!!石頭鍋牛仔骨茄子煲, 火熱辣辣!!!個汁撈飯一流, 牛仔骨淋身, 入味, 食到最後, 個煲仲好熱, 有氣泡冒出!!九菜花班球,味道普通, 無咩鑊氣!白飯雖然大碗, 但飯好硬! 價錢都幾貴, 不過食得好飽!!

叫左個小炒皇同京都骨, 我覺得佢地既小炒都算有水準, 夠鑊氣例湯咸左DD...飲品都正常, 價錢唔算貴, 二個人兩個餸加個菜百五蚊到食到有誠意既食物都唔錯啦, 可以再黎試下其他野...