影片
營業時間
今日營業
08:00 - 20:00
星期一至日
08:00 - 20:00
以上資料只供參考, 請與餐廳確認詳情
優惠
93折
美心西餅 HKD$20 電子禮劵（即買即用）
$18.5
$20
upload唔到圖食物：蕎麥芝士合桃麵包13.5個皮度有芝士碎，烘得特別鹹香，麵包中的芝士是小方粒，加埋合桃好夾，意料之外嘅好食。整體少5%鹹可能perfect。蛋撻6.5普通，喺西餅店買唔要求新鮮出爐，皮酥化嗰啲，但蛋液落得實在少啲，橫切面係同酥皮1：1一樣厚啫。夏威夷果曲奇30（非餅卡可以特價26）未食，包裝幾靚。員工：當時有兩位員工，兩位嘅態度都好嘅，但係特別想讚揚收銀，佢會提醒客人使用餅卡需計算原價，態度親切有禮，當時有三位客人，佢對每位客人嘅態度都好一致，好有耐性，亦會提醒儲積分。雖然只係入去買少少嘢，但係個購物氣氛幾好。
繼續閱讀
今次見到美心Terimisu做緊下午時段優惠，所以買嚟試下，但係返到去由切開睇到嘅顏色(黃得好唔尋常)，賣相，口感同味道，真係有啲失望，面頭嘅可可粉落得好唔均勻，亦都凹凸不平，未見過 Terimisu會用朱古力海綿蛋糕做底(可能我見識少)去代替浸左咖啡既手指餅，咬落口感好唔夾，好奇怪，因為海綿蛋糕好乾，cream cheese亦都唔滑唔香，只有死甜，合埋眼完全唔知自己食緊乜野，1句講哂，冇下次，講完。P.S.公道d, 唯一可以讚既，只有價錢夠平(下午時段優惠) 同份量(都幾大盒，我地3個人都食唔哂)適合慳家一族，小朋友，而且對賣相，味道要求唔高嘅朋友
繼續閱讀
頭先啱啱去拎月餅，去到門口企咗五至六個人喺度排隊，客人都好耐心等候。旁邊就有一個穿著白色衫嘅女員工喺度維持秩序，不過呢位員工真係態度非常惡劣， 我哋喺度排隊等拎月餅，只係僅僅三分鐘嘅時間，已經聽到佢不停重複咁大聲講同一番說話：「 記得拎定月餅券出嚟，個封套就掉咗佢」直至我排到差唔多仲有一個人就可以埋佢拎月餅嘅時候，個白色衫女員工再次行到我身旁， 好大聲咁同我講：「記得將個月餅封套掉咗佢！」於是我就反駁佢：「 等一陣先好唔好呀！都未到我！ 排到我先都未遲啦！」跟住個白衫女員工即刻好大聲咁大叫：「 得！得！得！」佢大聲到連美心西餅餅店入面著住制服嘅員工 三個員工都即時望住佢。態度簡直完全惡劣！
繼續閱讀
離港出發去上海前，一次過清一清賀年食品吧！今年收到的糕點超過廿底，美心的椰汁奶黃年糕也在其中，不過胃納有限轉贈了家人；反而很想記錄一下充滿創意的「美走雞」曲奇。在美心店內，雖然下方的發字曲奇也很有創意，但這隻雞絕對是最搶眼矚目！裏面除了20件獨立包裝的香脆曲奇，雞型外盒充滿懷舊氣息，吃完可以用作錢甖，非常有趣，兩兄妹都愛極了，幾乎要抱它回校上課呢～ 如果不是身量有點大、冬天行裝又太多，一定會帶隻去上海送禮，想一想收禮人的驚訝樣子，值了！
繼續閱讀
一年一度的端午節又即將來臨，各處都開始販賣自家製的粽，而粽的種類和餡料都一年比一年新穎。在正式公開販賣前美心先行推出了一系列粽的優惠卷，能夠以優惠價購下粽卷，然後在指定日期兌換，眼見優惠價比正價便宜許多，便購入了2張台北粽及1張冰粽。冰粽一盒有4顆，有2款選擇--水果系列及甜品系列，冰粽2款系列都是同樣$68，而優惠價$48，用匯豐信用卡則能以7折$47.6的價格購入。水果系列為：芒果&蘋果&楊枝金露&韓國柚子蜜味各1。後者甜品系列為：芝麻&楊枝金露&紫薯&抹茶紅豆味同樣每款各1，肥妹是次選擇的，是甜品系列。
盒子為長形且純白為主，表面是水彩手繪風格的介紹，既簡單又得體。
冰粽以真空透明袋子包裝，並且每隻都包上粽葉繫上繩子，造型雖不是十分華美但仍叫有心思，但冰粽取出時相當麻煩，因為袋內及整只粽都十分黏，弄得滿手都黏糊糊的，相當狼狽，很難令人悠閒用心享受。紫薯味其實冰粽與水晶包有點相似，冰粽的皮較厚，口感黏口又煙韌，利用紫薯製的粽皮都帶有微微淺紫色，粽皮中間包裹著的是一大舊呈深紫的紫薯餡。整個甜品系列的冰粽甜度適中，所以吃完不覺膩，紫薯味道雖說不上濃列但仍能吃到番薯獨有的一絲絲甜味，算是不錯。
芝麻味急不及待的肥妹不小心咬了口後才記得拍照這回事，芝麻味的外皮是沒有加任何味道，而芝麻餡亦缺乏芝麻香，是在四顆中最為遜色的一顆。
抹茶紅豆抹茶紅豆相信是不少人的寵兒，由其現今盛行綠茶，相信會有綠茶控會為此而購入吧。茶綠色的粽皮是綠茶味，茶味較淡，紅豆蓉中偶爾夾雜著一小粒的紅豆粒增添口感，吃下去有種滿足的感覺。楊枝金露楊枝金露是為甜品及水果口味都有的一款，而且特別的是，一打開粽葉就已經聞到淡淡的香甜味，這是另外3款所沒有的，而且吃下去味道如氣味一樣，酸酸甜甜的很討人歡心，加上餡內有些少如芝麻般大小的果肉，粒粒的口感亦叫人留下印象。
繼續閱讀