美心西餅 (已結業)

一向最鍾意食月餅不過只限白蓮蓉同黃蓮蓉,其他就無興趣.其中覺得美心月餅,比起傳统嘅餅家更好,早幾日行過見有冰皮月餅又心思思買咗兩個($38)試吓,要咗花生味.,花生味都幾香,個皮都唔錯,同大班分別不大.其實並唔喜好冰皮月餅,覺得唔多抵食,用一試無妨心態又未嘗不可.

上星期五,同事送左一個米奇造型蛋糕比我, 唔單止好睇, 仲好好食...賣相唔駛好講啦! 面頭有芒果片, 入面係芒果肉加MOUSSE, 唔係太甜, 唔錯! 唔錯!

賣相唔錯! 面頭甜甜地... 入面有蕃薯粒, 但比較爽口, 如果再腍多些少會更好食!

今日買左個"脆脆天使"作為下午茶, 賣相已經好吸引. 上面有芒果, 中間的朱古力蛋糕味道唔夠香濃, 食落口感比較實, 唔得鬆軟. 下層的脆脆帶有少少花生醬味.

星期日經過呢度竟然俾我見到我以前好鍾意食的芝士Tart，唔知佢幾時出返左，因為係屋企附近個間都無得買。仲記得一年前send過email去美心話建議佢地出返芝士Tart，佢地都有覆返我，仲話會考慮我的建議。現在又可以食返啦！朱古力Tart同埋芝士Tart都咁正！

好多時我都食美心既包,因為聽聞其他公司既包好多都用豬油整...唔知係咪,加上美心d包真係好食~*近期食左:1.酸瓜沙嗲牛肉包~好食wor~有兩片酸瓜加埋d碎牛~正~2.日式燒汁什菌包~麻麻...唔知係咪之前食過鮑魚菇包,覺得果個包好食d,有d先入為主既感覺...3.南瓜火腿包~初時好鍾意食架,真係有好多南瓜,不過食得多就覺得唔好食...4.薯蓉,都幾好既~~~食完1個已經好飽...我最鍾意美心果d芝士條,排包同埋4件裝既方包~屋企買左d冰皮~雖然,冰皮呢味野係大班出既,不過論款式同味道就比唔上美心同聖安娜~我最鍾意食美心既冰皮~因為夠細個~咖啡味,綠豆蓉+ strawberry jam同栗子味我都好鍾意食~*聽日又要去買返個包星期一愛黎做早餐喇~~~ps:"包"字係要咁寫~"飽"係錯別字黎架~~~*

尋晚買左個雪花朱古力球($4.5)今日做早餐，隔左一晚都好好食呀，其實係佢個賣相吸引我買，外型成個波波咁，面頭用朱古力漿劃格仔有幾片杏仁片沈左糖霜，個飽入面都有朱古力漿，好好味，唔似麵飽似食緊甜品，唔係間間美心都有得賣，呢間比較大間至有!