美心皇宮 (德福廣場1期)

營業中

休息中

新年常食的糕點非蘿蔔糕莫屬,每年媽咪偶然也會自己弄,但經常朋友或親戚都會送,所以今年叫媽咪不用太辛苦自己做,前日妹夫又帶了一盒回家~~翡翠瑤柱蘿蔔糕~~,原來是他公司的人給他禮卷,不過要自己去取.這盒蘿蔔糕都好大吓,材料有臘肉,蝦米及瑤柱,分佈幾平均,今晚媽咪用平底鍋煎,所以煎得幾靚吓,聞到都好香蘿蔔味.色,香都有,味道方面,由於粉的份量佔有唔多,食落好軟滑,而且食到有絲絲的蘿蔔,質感幾好,有些兒食不停口

母親生日老爹決定到美心食客家菜, 前一天已訂位了, 一行四人大約七時正到達, 人流不算多. 訂枱時待應還說還有客家菜, 但看看餐牌沒有客家菜只有南、番、順, 看似已轉款了, 再問待應確認一下, 原來真的剛轉了, 不緊要啦唯有試一試新菜式. 南、番、順即是中國廣東南海、番禺、順德三縣一帶的菜式, 就試試美心怎樣炮製吧~牛耳跟茶一齊奉上, 是免費的前菜. 牛耳比相像中好食, 不會太硬身.小食果然是小食, 公雞碗好細隻但腩肉份量可以每人都吃了兩至三片味道不錯不會太鹹. 腩肉下層還有豆腐吸了腩肉汁和蝦醬確實一流~非常彈牙的蝦餅下層還有一隻蝦, 好爽口真是有驚喜, 看看蝦餅面頭還有一粒粒細少蝦子, 但蝦子太少了未能顯示它的味道. 整體來說這個菜式是有驚喜的大家一致說好味看似很少其實內裏都不算少啊..只是排骨有點肥, 酸酸甜甜很醒胃啊~一粒粒黑色的是欖角味道不錯.這個不知是什麼魚, 但我覺得不錯, 可能是我本身喜歡吃魚的關係, 但味道偏鹹, 還有一些粉絲在底, 如果不太鹹便十分滿意了~這個賣相不像還有一個木桶盛裝住, 可惜真是不太好食, 苦瓜很爽口味道頗苦, 但食不出是蒸什麼, 究竟是蒸蛋還是蒸肉

計環境就唔駛講啦...又大.又衛生.坐得舒服.圖中見到的位..高度將人客遮住..談心都不怕給陌生人聽到..呢點我十分滿意.店員效率又高,又有禮,無可批評燒賣:4粒.賣相就唔錯.不過比較乾身.而豬肉.肉味唔濃..顯出粉.比豬肉多.比較失色...炸雲呑:好好味..上枱時夠熱.完全無油...入口鬆脆...鳳爪:只要醃得味道夠.少油,,唔鹹.已經好好...埋單96元...在環境好的地方食...很合理

成日都去九龍灣美心飲茶，好少食佢晚飯，由於方便帶埋個女出街同老公家人食飯，於是決定光顧。坐得幾舒服，光猛企理。服務細心，不錯不錯。 最近賣緊一個套餐係「盆滿缽滿九大簋」，好吸引，就試試。 用咗印咗公雞嘅大碗或者竹盆上餸，好傳統好懷舊，非常喜歡!茄汁大蝦碌，大蝦大大隻，茄汁做得好醒胃，略嚴美極味濃咗d，鹹咗少少!一品發財素菜盆，買相好普通，食材有馬蹄、菇菇、枝竹、豆卜、粉絲、髮菜等，但出奇咁清甜有味，味道唔平凡!砂盆燉陳皮鴨，鴨唔肥膩，肉質鮮嫩，配埋陳皮、豬肉同芫茜燉成老火湯咁，好夠火喉又清甜!撈到盆滿缽滿，買相靚仔又夠大方，冬菇隻隻都又大又厚身又飽滿，同場仲有夠味夠腍嘅海參和鵝掌、花枝片咁，相當正!老圍煮金蠔，用油鹽水煮成，蠔好細隻，食落味道算可以，唔見特出!酥炸鮮門鱔，門鱔大大件，新鮮肉質配上薄身嘅脆漿，掂!生炒上肉排，香脆可口，汁濃稠得宜，豬排唔多肥肉，炒得好好!農家炆豬肉，用咗五花腩整，食落唔肥膩，炆得好入味!紅蔥頭走地雞，頭抽加蔥香，雞都滑，ok!芋圓蕃薯糖水，薑味十足，正!

由於尋日既繁忙.所以俾其中一個叫出嚟請飲茶.但一向早茶慣既我,自然就會叫佢地起早身,由於我仲要去企業廣場驗眼.LOCATION就落咗去德福.不過......美心皇宮同翠園,卒之都係去咗美心皇宮(翠園好似去過)先開好茶..睇一睇MENU:大點$17中點$15小點$1211:30前埋單$6一位茶中位價錢.再望一望,先叫兩樣:4分:足料火腿.魚肚..YUMMY3.5分:呢個幾惹味,唔錯唔錯再嚟多個蟹子燒賣.發財大利賣3分:呢個好似蒸乾水.見到煎炸車.有炸雲吞同菠蘿叉燒飽4.5分:同上次葵芳嗰次一樣正3.5分:有D似賣唔去,但都幾脆回顧同上一次翠園比.呢間似乎好少少.兩個人埋單$140.

專程過去九龍灣聽桂格麥皮的講座,雖然下午才開始,不過我晨早十點就到德福了因為早晨派怎樣呆也呆不到下午出發.手持兩張美心集團一百蚊現金券,和老友決定飲早茶先,在翠園和美心皇宮二選一,最後都是去我們熟識的皇宮.(因為翠園好似再貴點點)時間早關係,所以知客請我自己去選位.此皇宮比屯門店大得多啊!!門口有四個超型格的馬蹄形疏化位,可惜已給坐滿了.然後伸展前邊左邊和右邊,好入好入都是皇宮的佔地!酒樓以紅噹噹為主,所用燈飾非常華麗.開好茶後就看看點什麼吃,開始時有很多推車仔在身邊轉呀轉,約十一點過後就少了很多.而不難發現平均兩部車是賣同一堆點心,所以實際計上來總點心款不是太多而已.首先有瑤柱蒸蘿蔔糕,件頭少少的,經指示下阿姐加入少少胡椒粉和大量蔥花...蘿蔔糕內佈滿臘肉,臘腸和蝦粒,瑤柱講真就唔覺有,蘿蔔絲不算多,和糕身一樣是糊糊淋淋口感,味道靠那甜豉油,當加香蔥後原來味道正很多!香氣大發.之後食鮮蝦菜苗餃,望落樣子好掂下,晶瑩剔透,而餃皮不會黏筷子,口感QQ,蝦肉多過菜,裡面的汁夠豐富,非常好食的一味.隔了半小時再點個瑤柱蝦肉蒸節瓜甫,這個平時在屯門皇宮食開,大大粒蝦肉加荀為餡,爽口甜美,而節瓜

在這裡用午膳, 環境很靜,很衛生, 等位時間都要10分鐘, 都算太長, 但能吃到懷舊點心, 都算值得. 最好吃就是鮮蝦腸粉, 又爽又滑; 蠔油鳯爪, 又焾又入味; 糖水有紅豆沙, 芝蔴糊, 西米露等, 多花款又甜; 山竹牛肉, 帶有少許皮果味, 很正; 蛋散又脆又甜, 其他酒樓很少有得賣了; 蘿蔔糕有很多蝦米和臘肉, 很正. 可惜價錢真不平宜. 今次一行六人的同事, 吃了很多點, 各付了$65.00, 但如果到同區的"稻香"吃 , 只需付$55.00, 所以, 偏貴. 服務都算很好, 但結脹很慢, 趕返工, 真急死人呀!

老友請食飯去尼間美心 方便各友人放工較易會合老實講去美心飲茶偏貴 食物細碟兼且品質麻麻地(還要等位?? 真千奇百趣 但我就無興趣!!) 晚飯也數年無幫趁 原因也是"貴得無理" 食物過份精緻 味道又好一般 位位比二佰都吃不飽今晚值得回味 有驚喜~~~沙律芒果蝦球 好Fresh既口味 好鬼滋味 (仲叫多碟添)****金錢包 好惹味 個燒汁幾好***百花釀豆腐 豆腐好香滑 蝦膠好彈牙***焗蛋蠔仔 無蛋香 蠔唔靚上湯粉果 無餡又唔夠熱其他所點既小菜都可以***懷舊同新穎既菜式都能找到 有進步 會再來試下其他菜

由於朋友有匯豐銀行的信用卡, 因此提議一班人一起去試一試正在做推廣的「老點. 家. 老菜」優惠套餐, 點知試過後對美心一向提供較高質素的服務"另眼相看"!由於之前已一早訂了枱, 因此不用等位, 我們一行五人點了個4人套餐(其實有2個4人餐可供選擇, 兩者價錢相差亦只是$20元左右, 我們起初考慮要哪一個, 後來決定要$480元這個), 食品有:1. 大排檔叉燒2. 話梅肘子3. 杏汁花膠白肺湯4. 生炒龍穿鳳翼球5. 竹笙法海玉蒲團6. 一品八珍扒大鴨7. 古法蒸沙巴虎斑8. 薏米福果糖水侍應落單後數分鐘(約2-3分鐘左右), 傳菜的"阿姐"便一個跟一個的送上叉燒、肘子、生炒龍穿鳳翼球及竹笙法海玉蒲團, 我在想, 廚房的效率有沒有那麼快呀? 立即叫朋友試試那幾道"沒有煙"的餸菜, 一試之下, 果然只是微微暖的, 於是叫侍應來, 請她代為叫廚房加熱, 怎知道她還問長問短的, 我便忍不住指著那電腦列印出來的點菜單說:「你睇睇幾點落單, 幾快出菜, 亦不妨試吓啲菜熱唔熱囉?」另一位女經理見狀, 立即過來幫忙說會吩咐廚房加熱餸菜.我氣的不是這個, 而是那個一品八珍扒大鴨, 侍應上菜時我們也感到

放假的大清早, 男友本想同爸媽共享早茶之樂, 心想貴少少都冇所謂啦!! 點知~~~~ 揸住張點心紙, 想點蝦餃就冇蝦餃, 想點燒賣就冇燒賣, 最好笑就係連腸粉都冇呀!!! 之後咪點咗幾款頂/特點同好基本嘅牛百葉囉, 諗住OK啦, 點知都唔係囉!! 唉~~ 最終埋單仲要成$270。 唔明囉, 早上9點幾D點心都清得咁快! 真係咁好食嗎? 忍唔住, 今朝要即刻成為Open Rice 會員, 同大家分享吓先得!!!

講起沙翁， 好多人都會覺得中環泰昌好食(其實包括我自己)， 但最近我發現在九龍灣美心酒樓的沙翁都好好味， 水準可比上泰昌。 此酒樓真的好難等位飲茶，雖然地方已很大， 成日都出現人龍排隊。 不過， 係物有所藉， 其他點心都好好食， 如蒸飯、芝麻卷、四寶雞扎… … 諗起都想去食啊!

是夜四個人差不多10點15分才進場,叫了個乳鴿套餐館$410除了乳鴿兩隻外還可點四個餸, 再加$65就有一煲例湯, 是夜例湯係螺頭木瓜雪耳煲豬肉,湯頭清甜,湯渣的豬肉還有殘餘肉味OK啦乳鴿SIZE是頂大的了,醃味很足夠,完全不用點淮鹽/喼汁京都肉排的汁顏色紅潤,肉質軟硬適中,四人食份量剛好,雖然是酒樓基本菜式但工夫紮實,用料也算是交足工課了云腿浸津白有六至七片5x1.5cm.闊的云腿片在面,算是闊綽的了,不過如果菜可以多一些則可以更討好了,獻汁也做得很好不太杰身也沒有化水,XO醬海參豆腐這個是全晚味最重的一個當然因為說是XO醬的關係但XO醬的香辣味欠奉只嘗到頗咸,不過豆腐則好滑,這也只是材料好吧了,海參口感欠奉只因海參被切至骰仔般細粒,大小同翠玉瓜粒一樣,論口感翠玉瓜粒稍勝,整個菜唔知有否用到一條海參呢? 海參真的那麼昂貴嗎?滑蛋炒蝦仁的蝦仁當然爽脆SIZE亦相當大隻,不過蛋就炒得有油膩,可能因為滑蛋的關係,”滑”同”油”是掛鈎的

因為有一不知名親戚結婚,所以到此飲宴.不知道是因為要大量煮食,還是美心質素下降,今次的食物大多不好吃.今次的菜單:乳豬全體,西蘭花蝦仁,炸蟹拑和炸鮮奶,瑤柱豆苗,翅,蒸星班,炸子雞,鮑片魚肚.乳豬全體,不夠熱,所以導致表皮不脆.特別的是不只有表面的豬皮,而且還提供了燒肉.西蘭花蝦仁,蝦仁又大隻,又爽.西蘭花煮得剛好.炸蟹拑和炸鮮奶,很熱氣的一道菜.幸好沒有殘留油味,炸蟹拑的肉很彈牙,炸鮮奶太甜.瑤柱豆苗,豆苗有渣.翅很腥,翅又少,又細條.蒸星班非常好,蒸得剛好,很滑.炸子雞不夠熱,太鹹.鮑片魚肚,鮑魚很細片,魚肚有很大陣腥味.

去完覆診同媽咪去飲茶,平時飲開lam tin 果間都覺得價錢合理叫左4樣野食：百花釀紫菜卷 : 又唔會好油,但係又好妹味,必食item牛柏葉: 好細心地剪到細細片,可以一啖一舊,又唔會咬唔開,抵讚蒸棉花雞: 雞肉好滑身,而且啖啖肉冇骨鳳爪: 隻隻鳳爪都好肥，食落啖啖肉，而且又入味，食果陣仲好熱既所以佢ｄ車仔真係唔話得臨走果陣開始好多人，好嘈食得４樣野，用左＄１２０有ｄ貴ｗｏ，上次係稻香飲茶超平

由於有美國運通(American Express) 白金信用卡的關係﹐美心集團晚市的中、西餐廳都有特價﹐所以經常光顧。很久沒有來九龍灣這邊了﹐今天在觀塘上培訓班﹐特意乘的士來試試久違了的美心皇宮。大廳中間有半圓形的梳發位﹐可坐四到六人﹐這些梳發座位背面放置了普通圓檯﹐坐在這些圓檯好像被一個大圓筒“頂”住﹐很不舒服。至於食物﹕貴妃雞例牌($68)﹐很霉的雞肉﹐又細碟和沒有肉﹐十個差。是日例湯 ($44半煲)﹐湯渣上檯的時候很嚇人﹐像給人吃剩的樣子。湯本身還可以﹐清甜沒有味精﹐連一個小爐熱著。竹笙雲腿瑤柱小唐菜($98)﹐最像樣的一道菜﹐有四大粒瑤柱﹐但小唐菜唔夠淋﹐而且份量太少﹐菜只有四棵﹐竹笙同樣四件。甜品﹕南北杏萬壽果($22)﹐不甜﹐還帶苦澀味﹐碗是飯碗大小﹐甜品不應該是這種size的。服務是一貫美心集團的快、勤。可是真的是不同區分﹐有不同質素。銅鑼灣和中環的分店﹐至少好十倍。