美心皇宮 (愛丁堡廣場)

營業中

休息中

在Starbucks聽完presentation, 行到大會堂晚飯.老闆請食飯, 龍蝦老虎斑套餐($498) 包括:南瓜海鮮湯- 呢個最掂! 味道夠濃郁.上湯焗龍蝦- 好多肉清蒸老虎斑- 蒸得唔錯脆皮燒雞- 皮好脆, 雞夠嫩蜜糖豆帶子, 蠔油撈麵彩鳳花姿- 用匯豐卡埋單送一碟菜.甜品: 合桃露- 呢個麻麻, 老闆娘帶來的芝士餅好食好多.呢間美心皇宮的晚飯, 比佢O既點心出色好多.

中午一點半後與friend 去了這裏飲茶, 分別叫了以下東西:叉燒包：一籠兩個, 幾大個, 但唔算好好食叉燒腸：d豉油好咸, 但腸粉ok蒸蘿蔔糕：d豉油都係好咸, 少少蘿蔔味灌湯餃：唔知點d湯好好咸, 而且我食完好口渴芒果布甸：冇食，但我個friend食哂，我諗ok 呢度食野好貴, 價錢同質素唔成正比

20050501 12noon起身想飲茶, 我想去蓮香, 男朋友唔鍾意坐得唔舒服, 最後去o左大會堂美心. 等位等o左20 mins. 好處係唔洗搭檯.叉燒腸+ 叉燒菠蘿皮餐包仔+ 蝦餃+ 珍珠雞+ 椒鹽魷魚酥. 就淨係食o左咁多o野, 非常普通quality, 新世紀美心皇宮好食得多.service OK, 斟茶斟得好勤. 只係5個點心, 食完好似無食過, 埋單$200. 我check 返menu, $18一個小點, 頂點$39, 蝦餃都$28蚊籠, 好癲. 美心o黎咋wor, 呢個價錢我去陸羽或者遠o的去海都, 起碼唔洗等位. 價錢與質素不成比例, 唔多掂.

昨午同同事黎飲茶. 推介有盅仔糯米飯- 粒粒飯都好好入味. 煙得黎又鬆軟. 唔會太多料. 反而不弄花巧.上品~ ; 流沙麻蓉包- 我地搵暈全場都唔見"飽車". 剛巧有個師傅行過.我地即刻捉完佢order 左三籠. 師傅好nice. 蒸完後仲親自拎出黎俾我地. 上開籠蓋. 白雪雪.好靚仔下. 兩手一擘. 流沙咖~ 蝦腸& 蜆芥鯪魚球

我上星期朋友在這裡請飲，ｄ菜式雖然無特別，但勝在好好味，個魚翅及紅星好得。我去咁多次飲，個翅都是水汪汪，只有呢次可以用筷子夾到一梳梳的翅。條魚好鮮味及大條。雖然低堂封左，但酒樓入面好快重新裝修好，保持得好grand 。下次要去試下晚飯先至得了。

前排同舊同事黎食晚飯,叫左個4人套餐,食物一般但份量少,我4個女仔都係勉強夠食.另外地方大會堂上面相當唔就腳.由地鐵站行去都要10-15分鐘,所以果晚一半都唔滿.而且冷氣勁凍!搞到D好快凍晒!如果要食美心寧願去第間.

同朋友去街, 約去中環飲茶, 稔住近碼頭方便, 二來印象覺得佢會乾淨同多選擇。朋友首先去到, 等了半個小時先有位, 坐下無咩點心好食, 咸點少, 包就好多供應, 最後叫了碟鴛鴦炒飯填飽個肚就算。或者時間正值午市繁忙啦, 招呼都唔多夠, 而且環境比想像中嘈, 同街坊茶樓的嘈吵度分別不大。

同同事farewell，11點9去到，因為早關係可以安排俾我o地落地玻璃d大，個view當然好正啦!美心d點心一向水準都唔錯，我o地叫了十幾籠點心後，再叫一碟蟹子海鮮炒飯同帶子炆米，個炒飯唔錯，配料十足，飯亦炒得好乾身，唔會“痴立立”。而炆米就比較油同“淋”，唔得爽口。10個人埋單9百幾蚊，唔算平，不過o黎美心都預o左唔平。

VERY good la...tasty ma...

同屋企人食過几次，其實次次都媽媽聲，但唔知點解媽咪成日都提議食呢間．．．佢ｄ點心好一般，完全同價錢成反比．．．又唔太乾淨，但唔知點解都好多人食，ｌｕｎｃｈ成日等好耐．試過親戚擺酒黎呢度食，ｄ野食真係唔得，份量少，一圍都唔夠食．．．仲要係我０個圍係細路多都唔夠食，ｄ味道又好一般，個租湯結過鼻涕．．．佢價錢一ｄ唔平，唔知係咪以為自己開０係中環就可以貴ｄ．．

唔知點解畀學校點左出黎做代表，去左「楊利偉與教育界及傑出學生午宴」(正確名稱唔知係乜喇)，諗住美心皇宮水準一向幾好，點知係失望而回。飲品有三個choice﹕水、橙汁同可樂。第一味菜係點心拼盤﹕蝦餃、燒賣、春卷同粉果，一咬落去，同公仔點心一樣味，連size都一樣咁大，唔通唔夠時間整咁多點心，所以拎公仔點心頂檔先？第二味係甜豆百合帶子，係全個宴會唯一一味有菜既dish，可惜炒得好油。帶子有炸的，又有炒的。雪味未清。第三味就係雞絲翅。可以話係全場唯一有驚喜既菜。真係有魚翅，仲要係好粗，之前0係grand hyatt飲都冇咁多。不過生粉仍然係落多左少少。第四味係蜜汁銀鱈魚。賣相麻麻，好似上左色素咁而且好多味精囉，食左一塊仔已經唔想再食，食左好口渴。第五味就係炒伊麵。一般，唔係好油，但係之前d野味精太勁，已經冇乜心機食。最後一味係凍芒果布甸。但係唔夠凍，唯一好處就係有新鮮生果。總括黎講，用呢d野招呼楊利偉簡直係失禮。美心用料可以用好d掛？唔駛下下落咁多味精。仲有，上菜個哥哥仔好唔掂，最少踩左我隻腳三下，隻腳已經伸到好入架喇，咁都踩倒，另外飲品refill好慢，特別係凍水。我見倒楊生都係食左一兩啖

7月6日早上11時在此食茶。被安排坐在近正門旁的細檯。當收銀員回來當值時，我們才發覺她應該是有些傷風或感冒。不時我們可以聽到她在"索"鼻涕、打噴嚏和咳嗽。於是我們向其中一位部長要求她帶口罩，因為我們有一個3歲小童，可惜她並不理會，而那位部長亦沒有再跟進。為此我們感到很失望，只有立即食完就離開。真想不到在SARS後，還有如此的服務態度，香港又點會好。

好怕呢度等位食lunch, 半個鐘至一粒鐘不等, 搵人十一點半搵位都未必得, 試過全公司係度企成九個字(Boss 請, 唔閃得!), 食到好趕, 雖然點心都幾好, Service 又ok, 咁等法請都No, thankyou!

都唔明點解呢間食肆又貴,裝修又舊,尤其是個地板有人行過就會搖好唔舒服,食物種類又小,又無特色,兩個人閒閒地食少少已經要接近兩百元都有人去等位.人地其他中環食肆星期六,日都特價啦!我唸除了它位置好之外都無原因的了!

This is a rather expensive restaurant. If anyone is not prepared to pay a higher price in this "not-so-grand" Cantonese Restaurant, you will find it quite expensive. The location there is unique. Just married couples and their family members will find its location unchallenged. Food is still ok, and there are some very traditional dishes such as "sesame seed roll" 芝麻卷. I still find it a reasonable choice in Central. By the way, the most inconvinent thing about this restaurant is that they don't