美心大酒樓 (已結業)

知悉它有龍蝦孖寶（$238），便與家人去試試！它算是寶琳區中廚比較好的酒樓！已開業12年，也敵不過發展商狂加租一百萬！唉！又少了一個好吃處！每個月也至少吃兩次午茶！人手不夠是服務業的死結，間中人多時真的會招呼不周，也屢見不鮮！不過比起其他新都城的酒樓，它已很長壽！有些侍應和賣點心的阿嬸，真的做足十二年！每次阿嬸放低點心也會說「請慢用」!比起其他區內酒家，真的有禮貌得多！可惜4月16日便曲終人散！此句便在寶琳區酒樓絕響！那些員工談到去向，也還未知公司安排，一臉茫然！ 說到今次晚飯，6人叫了7個餸：1. 龍蝦孖寶（龍蝦粉絲煲）及（雲吞雞湯煲）- 加拿大龍蝦雖不大，但好肉，味道鮮美，絕對好過同區東x和稻x！又便宜！2. 菜乾杏汁豬肺鳳凰爪燉湯 - 料多，味香甜！3. 海參雞粒炒雪耳 - 味道不俗，幾多海參粒！口感不錯！4. 大盤雞 - 少少辣！薯仔炒雞件！好惹味，送飯一流！5. 雜菜煲 - 清清地，菜種類不少，再大煲些更好！6. 蒸黃立倉 - 全晚最差，條魚不新鮮，神仙難救！7. 蕃薯糖水（送）- 蕃薯好粉甜，夠薑，略嚴廚房重手加太多糖！ 將要結束的地方，不用鱔稿!住在附近，便趁最後試試（4月15日last day）。 整體保持一貫美心品質，希望有緣再會！懷念你在新都城的12年！…查看更多

同家人及親戚食飯慶祝父親大人六十五歲大壽人數不多, 只是普通晚飯散座先說食物, 其實是不過不失, 水準合格的白灼蝦 算新鮮清蒸老虎班, 條班亦算新鮮, 而且火喉剛剛好 岩岩蒸到「離骨」大盤大砵雞, 用九層塔煮, 較乾身(似乎係煎過的)但好入味, 但老人家覺得比較鹹, 我就剛剛好蒸肉餅, 難得相當滑, 不似用機打的行貨, 抵讚 嚮螺頭瘦肉湯, 就普通左D, 好似例湯咁, 湯料亦比較少海折頭, 麻油香岩岩夠味, 碟頭亦算幾多仲有一個雜菜盤, 個盤就大, 但內置左個只在1CM左右既鐵盤, 而且好乾, 好睇唔好食寫到呢頭, 其實都應該俾一個OK, 什至值一個笑臉點知呢 真係俾一位侍應激死首先, 埋黎落單已經好唔耐煩開頭見MENU只有蝦球, 老人家最近腸胃不適, 問佢有冇唔炸既蝦佢夠膽答我, 「冇架啦係呢D架啦」再問佢有冇白灼蝦佢又話有 寫完幾味就好唔耐煩咁問, 「係咁多拿?」問佢夠唔夠食(第一次來所以對呢間酒樓既碟頭冇乜IDEA)佢張大個口, 居然唔識答最後老人家話取消一個乳豬佢居然大大聲話「好, 七樣野」喂大佬, 做中餐連呢D忌諱都唔識, 六送一湯都唔識講,如果唔係做生日, 我真係想兜口兜面問佢一句「你係咪好唔想做呀?」結果為意頭又夾硬叫多個壽包到埋單用AE咭七五折, 但特價食物冇折, 咁冇問題但黎到張單, 一睇, 個特價食物係貴過餐牌好多 (白灼蝦半斤$56, 但埋單黎收我$88)同佢拗左一輪, 佢地開頭死話岩, 係咁話一斤係$96 (完全九唔搭八) 佢先肯去改返 好地地一頓飯被一班不知所謂的侍應破壞了…查看更多

做完運動就同朋友去左將軍澳新都城中心二期美心大酒樓食晚飯，見菜牌有新菜式就馬上落單啦，叫左杏汁花膠燉白肺，欖梅砵仔骨，本茹銀簪翡翠苗及勒流鱔，因為杏汁花膠燉白肺好香好甜又好好味就忙記影相喇，欖梅砵仔骨酸咪咪好入味:)，本茹銀簪翡翠苗好爽甜:)，但勒流鱔就有d失色囉，可能燒既時間略長左一點點啦，所以d皮太乾又唔夠脆囉，不過都好好味既，晚飯送既糖水馬啼露都唔錯喎，好多馬啼而且又唔係太甜，埋單仲送現金券添:)，真係又食又拎！…查看更多

今晚女友家人喜祝母親節，由於大部份餐應都已fully booked，淨係哩間美心大酒樓有位，所以女友就揀咗哩間。晚上約七點半左右與女友率先到達，相比起商場內的其他食市人潮湧湧等位食飯的情況，此店明顯的相對地冷清，大概可能是此店的價錢比其他地方為貴吧!我們才一到埗，店員便能馬上安排我們入內就坐，真是等也不用等呀!店內裝修瑰麗堂煌，燈光光猛，給人衛生整潔之感~是晚四個人，與女友鑽研了一下menu之後，女友決定選一個六人餐，原因是六人餐的菜式比起四人餐的靚很多!先向店員落單，等人齊才起菜~西蘭花桂花蚌: 西蘭花炒得夠腍又入味，桂花蚌夠爽口，醮些蝦醬，帶點鹹香，更吊出桂花蚌的鮮味，味道很好!!~雞絲海皇翅: 足六人份量，每人有碗半、兩碗吃，材料算是十足，有蠻多雞絲及翅，味道不算腥，算是幾鮮，加點淅醋吃，效果更好!上湯龍蝦伊麵: 因為顧及到女友家人的口味，所以今次不選芝士焗，改以上湯燴龍蝦伊麵。以六人餐來說，龍蝦肉十足，很新鮮，而肉質亦非常爽口彈牙，味道鮮甜。:)而伊麵亦煮得十分入味， 口感煙韌，吃完兩碗，已很飽肚!香蔥豉油雞: 這隻雞煮得十分好味，雞肉非常嫩滑，且富彈性。至於雞味呢，在香港吃的，也不能要求太多了吧，ok啦!:)清蒸老虎斑: 除非是死了或蒸得過久的石斑，否則很難會很難食的。上枱時，老虎斑應有一斤以上重，光看魚眼向外突出就知是新鮮魚，而且魚肉與骨剛好拆得開，證明剛剛熟。灑上熟油、蔥段及豉油，吃落十分鮮美。正!!!!!最後來的陳皮紅豆沙，一點也不馬虎，紅豆煲得夠蓉夠沙，且有陣陣陳皮香，good!!:)由於是晚點的是六人餐，所以大家都吃得很飽。不過別以為我們真的非常「拆得」，只是這餸菜的portion較細。慶幸女友做了明智的決定，點了這個六人餐。否則，恐怕點了四人餐是絕對不夠吃的......事後，女友家人亦十分滿意這一餐，盛讚餸菜好味，女友好嘢!!!!!!!!…查看更多

果晚原本想去上海婆婆食晚飯，點知一如以往很多人在等位，我至怕等位嘅，即時轉軚去隔離的美心大酒樓，因為食過有信心，大把位，即刻坐低叫餸食飯，兩個人叫三個餸，上菜很快，醬爆花姿桂花蚌蝦乾魚肚浸時蔬鹹魚茸生煎肉餅三個餸都非常好味道，肉餅食唔哂，打包回家食！…查看更多