美式熱狗專門店

星期日的下午四點入去一個客都無???美國風味熱狗+忌廉一罐 $25 ~ 那新鮮洋蔥很濃味,天然芥末不嗆鼻,但那秘製濃肉醬唔覺有肉碎喎.雖然熱狗包看似有烘過,但唔夠脆亦沒有牛油香.…查看更多

發跡於觀塘，再不斷的在各區擴張中的熱狗終於來了港島區，就找了一個在此區活動的下午，來一嚐熱狗滋味。店子小小的，只有數張小圓吧枱，與外面沒遮沒掩，所以也不要期望店子會坐得舒服，但既然熱狗屬快餐類食物，都是快吃快鬆人好了，先看看餐牌，大致有六款熱狗及十數款的小吃供應，套餐包一條熱狗、一款小吃及一罐汽水，三十五元要比單價高十五元，是可以接受的程度，所以也決定來一個套餐。在云云的小吃之中，有炸的有沙律，最後我健康的選了華道夫沙律，是用上去了皮的紅蘋果切絲，配上芹菜絲，撈過沙律醬再加點葡萄乾，比傳統的用上蛋黃醬是有點分別，現時有些華道夫沙律更會加入切碎的核桃，但這個比較傳統的華道夫沙律確是做足本份，蘋果絲甜甜的，芹菜的味道也挺強，它們兩者都也非常爽口，加點沙律醬酸酸甜甜的，偶爾吃到葡萄乾更有濃甜一刻的感覺，實是不錯。熱狗要了原味，熱狗一條份量也不少，熱狗包明顯的是塗了牛油來烘，包身熱辣而鬆軟，吃起來有包香及牛油香，再咬大口一點嗎？那青瓜粒、洋蔥粒、酸菜粒、茄汁及芥末為我的味蕾泛起又酸又甜，又有點辛的味道，攻鼻程度溫和，很適合怕攻鼻的人仕，之後就嚐到了香腸的滋味，其實香腸個子絕對不少，不會如某些熱狗店，刻薄的比包短了一大截，店家用上了車打芝士香腸來製作這條熱狗，芝士味道頗濃，肉質實在有口感，腸皮也帶少少脆韌，所以整體感覺真好。汽水要了零系的可樂，原罐上夠冰凍，其他的也沒什麼好評了，一個套餐三十五元，可以以八達通付費，真方便。…查看更多

上星期六夜晚7點幾鐘我與某同事係銅鑼灣送完貨，果陣時個肚又有少少餓，於是就去搵野食喇。行行下我聞到一般好香既味道發現左呢一間熱狗專門店，於是就走入去諗住試下。入面面積唔大，我地搵個位坐低就睇下張餐單，話晒都係第一次食，張餐單又多野食選擇，真係唔知食d咩好，就係呢個時候係櫃台果位小弟弟就過泥同我地介紹下有咩好食，原來果度有個35蚊既hotdog set(一隻熱狗+1款小食+1杯野飲)正喎!我地最後叫左兩set熱狗餐配華都夫沙拉同蒜香特脆薯條我就飲凍朱古力，我同事就飲可樂。落完order之後果位弟弟就已經攞定枝茄汁比我地，之後等左唔係好耐d野食已經齊晒~薯條一大份~抵丫!!(我要開動囉!~)我先食熱狗，一咬落去洋蔥香甜既汁同香味充滿整個口腔熱狗腸係燒烤味既而腸皮香脆，個包軟硬o岩o岩好(我個同事就要左個有肉醬汁既熱狗，都好似好好食咁@@下次再過開去一定要試下)。之後就係個沙律，西芹同青蘋果加少少提子乾既配合令人一食入口就有一種清爽感覺，最後就品嘗杯朱古力，啜一淡入口，香濃既朱古力味令我不能停下來唉~可惜果日只係掛住食，冇影到相下次再去一定要帶埋相機XD)總而言之呢一間熱狗專門店係一間服務良好，食物美味既餐廳。如果大家想食美式快餐既話唔好再去m記食漢堡喇，不妨試下呢一間餐廳喇!!!如果100分滿分我會比98分(要比d返進步空間人地既)…查看更多

已很久沒有執筆寫食評了, 一來是最近工作比較忙, 二來是世界杯麻... 但今天我的遭遇, 又激發起了我的諸事八卦性格... 事源前幾天留意到報章介紹過這裏新開了間熱狗店, 今晚回家途中, 便想起倒不如來個美味熱狗才回家. 行到門口, 店內地方不多, 連餐牌也難找到... 收银柜枱也看不見餐牌. 只有門外玻璃上貼着些宣傳單張才看到有什麼可吃. 看了一會, 見有款熱狗幾吸引, 寫着有烤腸(grilled bratwurst), 洋葱, 煙肉碎, 亨氏relish & 芥辣, 我便加了個洋葱圈和可樂.我坐在一邊高枱等食, 講真, 地方認真麻麻, 店外巴士車聲很嘈, 但都是預計之內. 店員先送來一罐罐邊多處凹的可樂, 雖說是快餐店, 但不用差成咁吧? 差X1 連飲管也欠奉! 我望着店員一會, 他才醒覺給我一支飲管... 差X2! 又不久, 洋葱圈來了, 只有五個圈, 似乎小一點, 放在一個foam tray上, 隔着一張餐紙. 跟着熱狗也來了, 同樣是放在foam tray上, 不太環保! 差X3 影完相便開始吃. 熱狗的包是軟的, 雖然暖熱, 但未見突出, 熱狗面上鋪滿了洋葱和relish, 咬了一大口, 味道一般... 咪住! 咁煙肉碎呢? 在咬多口也不見的情況下, 我立即向店員查詢, 但他竟然對我說: 上面一粒粒啡色的便是煙肉碎... 我隨即向他說, 那些怎可稱為碎? 極其只可叫做粉吧! 完全在騙人!! 差X4故事還未完, 再吃多兩啖, 發現熱狗腸並不是烤的 我又再次對店員說, 他今次並沒有理會我, 我也繼續吃我的餐先. 差X5 至於那個洋葱圈, 味道還可以, 但內裏洋葱較腍了些...吃罷了我便到柜枱對店員說: 你們的腸是沒有烤過的! 厨房內另一名店員便對我說: 我們用的腸腸名是烤腸, Bratwurst, 她還在雪柜內取出一包 J牌 Bratwurst 給我看. 但問題是, 餐牌上明明寫着這款熱狗腸是grilled的, 其餘的熱狗腸是cooked的, 所以我才選吃這款! 那麽既然用同一樣的腸, 餐牌何必要寫明是cooked or grilled?? 差X6雖$35元不是貴, 但好明顯就是貨不對版! 差X7 呃$的, 各位食家請勿上當!…查看更多

9-6-2010收工又到灣仔「下場」, 又要快食快閃, 今次趁時間仲早試試呢間熱狗店. 一人叫了一個熱狗 combo, 跟小食及飲品一杯 ($35).我食 sweet grilled dog, 熱狗腸係 BBQ bratwurst, 配料就有 grilled onion, bacon bits (咦, 邊有?), relish 及 mustard... 熱狗包夠軟熟, 不過外層烘得唔多夠脆身, 整體又唔多夠熱, 感覺麻麻哋; 熱狗腸夠脆皮, 咬落唔多「燒烤」feel, 但竟然「咇」了唔少無味白色液體出來 , 我幾時叫了芝士腸? 洋蔥食落 sok sok 聲帶點甜又帶點辛辣, 不過唔多覺 "grilled" 過; 醬汁就係 Heinz 牌的現成貨, 唔講咁多了.朋友叫了 original cheese dog, 熱狗腸係 cheddar cheese bratwurst, 配料就有 diced cucumber, diced onion, hotdog relish, ketchup 及 mustard... 佢呢個條熱狗腸竟然唔係芝士腸, 明顯廚房將佢同我嗰條熱狗腸掉轉咗吧 咬了一啖印象唔深, 只覺得配料較我隻熱狗的清新, 相信同 d 青瓜有關...小食 #1 普通 fries: 夠熱, 炸得唔油, 不過薯味一般, 間中仲有一兩條薯肉係死實的, 麻麻哋喜歡.小食 #2 一口炸雞: 一樣唔油膩, 夠脆, 不過有點乾, 可幸「黑肉」部分不少, 雞肉食落都算嫩腍的.唔想飲汽水, 飲品加了 $8 要凍檸茶, 不過茶底色水混濁得過分, 咁嘅專容你話佢係「溝稀了的奶茶」 我都信! 飲落茶澀味強勁, 仲要少甜得很, 真係 都算係我飲過最難飲的凍檸茶了, 大家千祈唔好試!小店堂食只得 3-4 個位, 但既然格局係 grab-and-go 形式, 個個都係食完快閃0架啦, 是但啦.熱狗呢 d 咁「穩陣」嘅食物, 質素都可以麻麻成咁, 每人約 $43 埋單我覺得十分唔抵食, 後會無期!忽然好掛住後街的 Dog Lovers (http://www.openrice.com/restaurant/commentdetail.htm?commentid=2048637), 做乜你咁快執笠? …查看更多