美味東北餃子館 (已結業)

今日經過附近剛好下午茶時間，見呢間有下午茶餐又唔使同人迫，就入去試試。叫左個東北雜醬面茶餐，面上面有半只滷水蛋，牙菜同黃瓜絲，仲有肉同豆腐乾制成的醬， 成碗麵撈勻之後剛好夠味，多菜又唔辣，夏天食啱晒。下午茶仲送埋一小兜涼拌黃瓜同豆漿夠晒飽，期待下次試佢啲水餃!

東北餃子每晚路經上學必定經過餃子，每次都被它餃吸引住，今晚一於去試，嘗試了韮菜煎餃，真的好香韮菜，好好味，餃子隻隻內都好多汁，煎餃好飽滿，$40有10隻，雖然有點貴，起初以為不夠飽，原來食哂10隻是好滿足的。值得一試。朋友叫了西洋菜餃刀削麵，選擇刀削麵另加$5，想試為有加錢一試，麵質不錯好正，好滑，不過美中不足，是西洋菜不似西洋菜味道，菜太粗，食不出是西洋菜味道，而且煎餃好食過放湯餃，可能感到餃子皮厚了。下一次會西芹餃子和其他餃子麵的東北味道。

疙瘩湯($42)連讀都唔識點讀，但老公見賣相唔錯，就問下侍應係咩黎，原來係麵粉造成既麵，size 比銀針粉再細，形狀不規則，食落就係得麵粉味，湯係蕃茄雜菜湯，芥菜有咬口，味道係開胃，無肉，食落會好有飽肚感，想清下腸胃可以一試！羊肉水餃，自家包製，仲有生餃，可以買返屋企自己煮黎食，一啖一個，但要小心燙親呀，餡料十足，多汁，有碟蒜蓉俾你加醋，點黎食，但我較喜歡先試一粒原味，然後再加辣椒油試下佢地啲辣油，$42 10個，有啲貴，但都推！

一個人在下午茶的時份點了一碗菜肉餃子米線，配一杯豆漿，還有一碟小小拍青瓜，性價比極高的下午茶，可是食物質素有待改善...餃子皮過厚，是一整口麵粉的感覺，內餡不過不失，正常的菜肉...米線，太軟，筷子稍稍大力丁點兒便會夾斷...湯底，也分辨不來是味精還是熬製而成，算是正常吧～豆漿則過甜；拍青瓜辣了一點兒...額外加分的是桌上的辣椒油，很香也帶點麻!總括而言算是不錯，但早陣子很多好評/廣告....似乎就未達那水準了...

又係到油麻地搵食的時間, 上次來已經係3月嘅事, 來呢度太座必定無投訴, 皆因佢毫不做作, 由包裝到食物味道都如是, 而平價餃子吸引到嘅唔淨只本地客亦包括一些本地居住的外國人,這日就見有兩個操廣東話的日本人入來食餃子, 我們這天試咗一個炆豬手吧$52, 做得唔錯, 色雖然深但唔太濃味, 豬手亦炆得剛剛夠身, 排骨麵則排骨稍稍細粒咗d$40, 不過以現今收40蚊碗排骨麵又好難話佢貴嘅, 重有條青菜送添, 餃子$40則依舊好食又飽肚, 其實佢半年內無加過價，算係良心小店啦！ 希望佢繼續撐下去

原本想吃下午茶，但過了五點半 ，唯有散叫 ，叫了疙瘩湯，42元。 賣相和餐牌上的圖片一樣 ，可惜味道令人有點失望 。只有豉油的鹹味， 粉團有部分碎得像肉抹的碎，但是蔬菜和木耳的爽甜補救了一些。如果湯頭可以用心，就會好吃

原本打算食油麻地某出名拉麵店, 以為時間尚早, 未到晚飯時段唔駛排隊, 點知未夠六點已有一大班人響門口, 於是放棄. 當迷茫唔知食咩同事, 發現隔離有一間唔起眼既小店.睇完餐牌價格相宜, 由於唔太餓, 首先叫左兩樣野食住先, 分別係香煎九菜餃和水煮牛肉. 香煎九菜餃 $40 + 3 (煎要另外加錢) – 即叫即煎, 好新鮮香脆, 咬落有肉汁, 九菜惹味, 餃子皮彈牙, 個皮應該係自家制, 唔似買現成皮包, 鐘意食自家制皮, 比較有口感.水煮牛肉 $68 – 望落好多紅油, 以為會好辣, 點知唔係好辣, 好香香料味, 欣賞呢個水煮牛肉入面D配菜夠多, 而且牛肉份量唔少, 入面D配菜有大豆芽菜, 木耳, 金茹, 闊條紅薯粉, 絕對抵食.好似仲爭少少先飽, 見到人地點酸菜魚個賣相唔錯, 就跟住ORDER左一個.酸菜魚 $58 – 有少少辣, 魚夠滑, 食果陣要小心骨, 配菜有大豆芽菜, 酸菜, 海帶絲.總括唔錯, 會再幫襯, 下次再POST新野.

時間關係隨意走進一家小店用膳，位於油麻地的美味東北餃子館，保留著東北的風味，一點也沒有因為要迎合本地口味而改變。價格便宜，用饍時不難聽到其他客人在俾錢時忍不住的説出「咁平！？」麻辣三絲牛肚十分有咬口、蔥油餅鬆化。涼拌苦瓜亦不可不試。超級必吃推介炆脊骨和羊肋排！脊骨肉比想像的多而且味道一流！忍不住就用手抓著吃了！羊肉配上當地的醬汁沾著吃，味道亦不用多說！能夠令我有半餐飯的時間都不說話而默默地吃著的真的，可想而知味道多吸引！地方方面，一般的小店子，無美觀裝修但清潔度可接受。坐位亦不算是舒適。但相信對美食追求者來說這些都不會是重點影響因素吧！

週五晚到電影中心看"神奇女郎",睇戲前要搵d野醫肚, 記起以前少婦A提過呢度有間東北餃子店好好食咁講, 太座話無耐之前食過, 餃子餡的肉係絞肉,無論豬或者羊都係, 由於豬肉餡的絞肉內的菜無乜咬口, 所以一口咬下去時係好似系無乜感覺到野咁, 係正常嘅! 羊肉餃就比較特別, 開頭食第一,二隻時覺得咁得意嘅?! 明明係絞肉點解又有D爽爽脆脆口感嘅? 後來太座食咗一隻後同我講:佢裡面加左D醃菜類的野增加層次同時可以用少D羊肉呀, 又係喎咬開望真餡裡頭除咗羊絞肉之外重有D一絲絲嘅醃菜類, 但雖然係咁佢嘅羊肉餃子騷味都幾澎湃下, 以咁實惠的價位食到肉的原來味道家陣已經係好難得架啦! 第三樣食咗嘅係海蜇皮拼土豆絲, 口感爽脆! 當晚在我們對面的是一個男的自由人, 叫了一碗蕃茄蛋花麵同時又叫了一個東北醬捧骨, 他一直在看手機, 這個醬捧骨只賣$58就有四大舊骨頭但每件都重有好多肉,當佢食完同啜完骨頭後估計佢都飽咗8成囉, 跟住佢只在那碗麵上挑了蕃茄同蛋花吃下面嘅麵完封不動地被留下了! 這種情況在各種食肆都見唔少啦! 以前我們小時候阿媽成日講嘅鄉下幾慘無野食, 叫我地不能浪費食物! 到現在他們有部份人富

見到大大個招牌 開宗明義係食餃子嘅好地方 一於入去試下先正好係下午茶時間 等我叫個餃子麵下午茶餐先$28套餐包括 餃子麵(有四隻餃子) 涼拌拍青瓜 鮮豆漿一杯涼拌拍青瓜 酸酸辣辣 青瓜爽脆 非常新鮮 是一道非常開胃的前菜餃子麵 點選了韮菜餃 材料包括餃子 麵 和 生菜麪嘅質地較林 湯底比較清淡 清清地 食落去好舒服 平時食得太多重口味 要調劑一下餃子粒粒都好大隻肥美飽滿韭菜同豬肉嘅比例 一比一 皮唔算太薄 但咬落去肉汁是豐富的豆漿微凍 豆味香小店仲有其他美食提供選擇而且價錢仲好化算28蚊下午茶餐 有前菜 主食和飲品 非常抵

下午三時多剛在佐敦下課，正準備找個下午茶吃，走著走著就來到了油麻地的「美味東北餃子館」，叫了一個下午茶餐「餃子面」。-▶前菜：拍青瓜每塊都比較大件，酸辣醬稀稀的，可味道並不稀，算合理的味道。-▶麵條：麵條是常見餃子麵的上海麵，麵質偏軟，但保留嚼勁，整體口感不俗。-▶餃子：餃子是全店的精華，也是來這𥚃不得不吃的必點佳品，餃子皮沒有坊間經常形容的「皮薄餡靚」 中的「皮薄」，但餡料做得實在太好，我選了的是韭菜餡，豬肉磨和韭菜混合的餡汁經過蒸煮之後慢慢滲到皮𥚃面，我終於明白了為甚麼這𥚃的這𥚃的皮一定不能太薄，因為皮需要一定厚度去吸收肉餡鮮香的肉汁啊！這個帶有小籠包的爆汁特性的餃子，是我近期首推的餃子之一，絕對值得一試！-▶豆漿：豆漿是從樽裡倒出來的批發豆漿，味道中規中矩，略帶甜味，且沒有像坊間一些樽裝豆漿過甜的味道，也是合理水平。-▶ 綜合：★★★★★

因為平時有經過油麻地的關係，之前已經有留意呢間餐廳，坐落的位置並唔算顯眼，不過就系一間人氣拉麵店的隔離．事緣另一半對餃子的喜好，所以就決定一試．不過最後的用餐並沒有嘗試餃子，哈哈哈！！！當日好幸運，一入店鋪剛好有位置，再遲d應該需要等了．我地最後點了３樣野：第一樣系土豆絲，非常入味，加上適當的蒜但不算太鹹，味道更上一層樓，而且價錢唔算貴．第二樣系番茄蛋打滷麵，味道偏淡，只屬一般般．第三樣系蘑菇雞炖粉條，滿心期待，可惜等地時間有點長，賣相只屬一般，不過味道還可以，雞肉好入味．最後好像試綠茶餅，可惜沒得賣，有少少失望．   

好耐冇食過拉麵所以就去咗油麻地出名排晒隊嘅嗰間拉麵店博下睇下今日會唔會少人啲可惜都係排晒長龍無心插柳之下就去咗佢隔離嗰間餃子館食晚飯冇乜街燈影到好恐怖咁鋪面唔大坐滿都係得五六枱客雞絲涼麵四十蚊個麵份量同材料都落足料芝麻醬唔係得個酸字仲帶有少少鹹味醬汁比較稀撈嘅時候容易令麵條平均沾上醬汁麵條唔會煮到林曬好有咬口配上芫荽好好食紅燒肉炖粉條湯底比較鹹豬肉肥瘦相間已煮至軟身肉嘅份量都唔少一路食都會發現啲肉藏左響底韭菜鮮肉餃皮薄但係餡冇乜韭菜味咬開餃子後裏面仲有湯汁食餃子又點可以唔配蒜頭醋呢間鋪頭上餃子嘅時候就自動上埋蒜頭感覺很地道雖然呢間野叫餃子館不過我覺得佢哋菜單上嘅其他嘢食比起餃子仲吸引

手抓羊架採用嫩滑羊仔，清水煮的羊骨，沒有灑下仼何香草和大料，卻沒有什麼羴味道，也保留了乳羊乳香甜味。與廣東烹調方式不同，南乳丶腐乳丶大蔥等香料重口味不一樣。其實這家東北手抓羊肉不用醮上自家製調味汁，都比河北塞外壩上草原上的羊肉更好吃（一條羊腿也給我吃光）。再配上主食一碗凈刀削麵，以及一罐冰凍可口可樂，這個午餐相當滿足了（這個午餐不敢多吃只有盤約一斤多少，換成晚餐二盤羊骨再加上自家餃子）。下次逛油麻地中華書店必定再來試試她們的東北味道⋯⋯

食咗全世界最難食的酸辣粉下午茶，冇心去煮，全間餐廳得我一個人，個粉係食咗一啖已經冇心情食落去，個青瓜 冇味，湯底簡直係失望，酸到冇朋友，冇香味，咁不如俾支醋我直接飲好過