美中·鴨子 (已結業)

星期三突然想食填鴨，近近地就去了這間美心集團期下的美中鴨子。大約七點十五分到，居然不用等位，但我們入坐後不久出面開始要等位了～我們二人點了半隻鴨子，紅蜇頭，煎柯仔，小籠包，頭三個都幾好食，值得再食，但個小籠包就差左少少，佢個皮痴住左底果張紙，搞到一夾起就串左，d汁漏哂出黎。因為AE卡而家係美心集團期下的中菜館食晚餐，二人可享半價優惠，埋單時問一問，點知原來唔包呢一間，好彩無叫到d貴而唔飽既野食例如果個成五十幾蚊一個既炸蟹鉗。

第一次黎呢間美中鴨子在櫥窗已見到職員起緊片鴨, 賣相唔錯, 即管一試由於無book 位, 要拎飛仔等位, 大約等左10分鐘到就有位原來裡面都好多位枱上既餐具好可愛, 好鍾意呢個鴨子形既筷子座我們地兩個人, 先叫半份烤北京填鴨仲有小菜: 奶油小黃白, 四川麻辣大盤雞叫得四川麻辣大盤雞, 有懷疑過會不會份量太多, 驚食唔哂但大盤雞黎到後, 原來份量係兩個人食得哂大盤雞咁多辣椒會俾人誤會好辣, 其實味道唔夠辣, 辣味完全入唔到雞到如果可以落單時有得選擇辣度, 就可以適合唔同嘗辣既人啦 但雞的既味道都可以, 肉質唔鞋口另一碟菜, 奶油小黃白, 都等左一陣先上 奶油汁香滑, 帶甜既味道, 配上粒粒火腿雖然小黃白份量唔多, 但味道其實唔錯 最重要, 第一時間叫既填鴨, 反而最後先上填鴨皮有光澤, 烤得唔錯, 脆脆地, 唔油膩, 但如果可以再脆D就更好皮與肉之間肥膏都無切走左其實上既唔止得填鴨皮, 遮住左裡面仲有鴨肉, 味道不唔錯另外一提的是包填鴨既皮, 有芝麻香, 好薄身但唔易穿, 就算凍左, 都唔會黐埋一舊

今次相約兩個朋友，來這間餐廳慶祝他的生日，餐廳內的格調一般，但主要來的原因不是為了食物為主，主要是為了拍照看海。如果是日落時間內還可以看到美麗的海景!!!總括兩言，呢間美中鴨子係我食過食物最普通嘅一間 價錢比一般的餐廳要貴 可能因為位處於海邊，來的客人都主要為了享用那個美麗的海景台選擇這餐廳 基本上食物的質素算是普通，沒有什麼特別難忘的菜式，如果只是想享用美景而來這間餐廳其實感覺有一點浪費呢!!!!!不會再來麻麻地

美中（不足的）鴨子叫左幾個餸，好有驚喜，百頁卷非常清新，咕嚕肉唔肥膩，菠蘿係新鮮既，鍋貼唔太咸亦唔肥，皮好香脆，重有個拌面，好惹味，面條有口感！最失望係鴨子，等左好耐，味道無特別，餅皮凍既，可以慳返唔駛試！

今日慶祝朋友細佬生日，又唔想下下去放題/自助餐，就投其所好去食片皮鴨！ 一行4人，諗住早少少去，唔洗等咁耐，點知都要等個幾中先入得！真係好旺～～仲等緊果陣已經連飛都俾人拎晒終於入到去，佢啲餐具全部都有鴨係上面～ 好有心好得意首先叫左個前菜食，係一個開胃小菜！蘿蔔絲同海蜇皮都好爽口，好清新，唔錯！跟住係小籠包熱辣辣，好好味！入面啲湯都好濃味，份量適中，唔會太漏。呢個粉絲煲都幾辣！但辣得好食而且真係幾足料，4個人share岩岩好～ 不過食食下覺得幾油下仲叫左個蔥油餅比想像中細，但都幾好食，好鬆化同幾香～ 雖然真係好油到戲肉～～ 片皮鴨 等左好耐呢個真係值得等既！好好食～ 佢皮+肉一齊上俾我地，有時食到漏漏地，食返舊肉中和下都唔錯佢啲鴨皮size切得幾好，每舊放入口感覺都好實在總結今次雖然等左好耐，但值得既！大部分叫既野食都好味，雖然覺得幾款都油左啲。今次唔係叫左好多野食，因為主力想食片皮鴨，淨係一隻鴨已經食到三個男仔飽晒中意食片皮鴨既人值得黎試～～

今日同個台灣朋友食飯，一直想試一試這間填鴨，但次次經過都好多人，今日終於試左！填鴨半份- 沒有想像中好吃抽子沙律- 很清新，口味很爽馬籣頭卷- 味道偏淡，但 food presentation very nice.但是人太多，要等.指定信用卡平曰10% off, 要留意lo.

適逢朋友生日，終於約齊人飯聚，因我們各人均是愛鴨之人，初嘗聞名已久的美中。鴨子，下午六時來到門口已經堆滿等位的客人，看來確實遠近馳名。等了差不多一個小時才有位。甫坐下，店員已望動詢問要半隻還是一隻北京填鴨，因為製作需時，趁早落單比較好，此舉實在非常貼心，我們亦點了一隻鴨。其後亦點了數道推介小菜。北京填鴨皮脆肉嫩，卻略嫌有點油膩，餅皮有點嫌厚了一點點但都是可接受，但剛好中和了鴨的油膩，配搭青瓜蔥絲，口感和味道尚算不錯。其後雲吞鴨湯亦告呈上，　湯汁有點咸，但雲吞皮薄料足，尚算不俗，比較適合口咪重一點的朋友。其後亦點了醉雞，炒飯和奶油津白，味道合乎水準。整體而言，味道合乎水準，服務員的服務不錯，店內裝潢美觀，給人舒適的感覺，下次有機會再行品嚐，匆匆草就，就此擱筆。

朋友相聚一行六人，想吃片皮鴨。相約到尖沙咀海港城的美中.鴨子。該店為美心集團旗下，故對食物質素有一定信心。本先相約7時入席，由於沒有訂位安排，需早一點到達等位。6時到達已經不少人在等，所以在假人前往要有心理準備。入座時職員會詢問要點半隻還是一隻。因片皮鴨製作需時，故建議盡早落單。我們在入座時先點了一隻片皮鴨，也要等大約30分鐘才能上菜。片皮鴨是該店最主打的菜色，鴨片油份均勻，不會過重。鴨皮有碳香，在吃過的片皮鴨中，這店算做的不錯。但餅皮略為薄身，吃下去欠口感我個人比教喜歡有口感的薄餅。另外點了一鍋鴨肉雲吞湯，湯味濃郁，合口味較重人士。雲吞一般沒特別驚喜。最後也試了其他菜式，如醉雞、炒飯，味道沒有很特別，就先不在此介紹了。

由於今晚一行11人，而呢間餐廳又無得book位，於是6點前去到碰碰運氣，一去到有位入坐，被安排坐在自成一角嘅大枱位置，裝修幾靚，以木為主，坐得舒服又望到海景😍😍是晚當然要叫佢最出名嘅餸菜，烤北京填鴨，好味，麵皮亦都鬆軟美味😋😋上海大碗雲吞鴨湯3-4人份量，亦都份量不少，鴨湯濃郁😍👍😋👍咕嚕肉好好味，酸酸甜甜，並配有新鮮菠蘿同士多啤梨，正😋😋最有驚喜係佢d飲品，中菜館都有好味西式飲品，正😋😋當晚叫了薄荷青檸梳打同埋熱情果菠蘿梳，不錯不錯👍👍佢哋嘅中式點品都幾好食😋😋個個食到飽飽又開心，呢間餐廳唔怪得之成日咁多人排隊😁😁

朋友生日，就同佢去食北京填鴨去到門口已經見到喺度將啲鴨切緊片好吸引呀不過七點鐘就已經排晒長龍要等差唔多八張枱但又好快喎10分鐘左右就入得我哋叫咗半隻填鴨味道弄堂酸辣湯四川麻辣大盤雞同埋奶油小黃白北京填鴨佢話現烤要等30至45分鐘冇問題啦同朋友傾吓計時間好快過最先上係酸辣湯同平時嗰啲唔一樣佢所有材料都切得好幼細師傅啲刀工唔錯喎今碗湯飲得好舒服，𡁻兩下就搞掂味道夠辣又夠酸，唔錯再嚟就係四川麻辣大盤雞分量的確係好大辣椒量足而且用左兩種下邊仲要有薯粉不過花椒麻椒唔知係咪爆完就拎起咗平時我好鍾意食令到個咀麻麻地好爽所以對我來講麻味係唔夠嘅睇落去好似好辣，不過雞肉食落唔係太辣味道偏甜 亦都唔係覺得好滑似乎係用雪藏雞不過不失啦奶油小黃白，個汁忌廉味香濃小黃白都幾甜不過中心部份唔係好入味扣返少少分之後個主菜就嚟啦北京填鴨脂肪部份已經片走左所以淨係食脆皮同埋肉鴨肉質香濃，唔嚡如果皮再脆一dd就完美喇最好食嘅係咩呢其實係包鴨嘅皮本來都冇留意但食落竟然有芝麻香味認真睇果然係有芝麻好香喎！呢個包鴨皮簡直係畫龍點睛！正朋友話我平日淨係食西餐其實係我鍾意飲酒姐所以～最正嘅係呢度有生啤叫其他酒類飲品都好多選擇非常滿

遲了3個月才約齊好友們食生日飯，所以都沒有特別預備生日蛋糕，被餐廳名字吸引，大家第一次試美中鴨子～店內餐具都以鴨子為主題，好可愛～我們四個女孩子+1個小朋友共餐，先來個馬蘭豆百頁素千卷，一口一件，外層百頁皮令整體帶來結實的口感生煎包外脆內軟內𥚃也十分有肉汁小籠包有點失望，因為大家夾起都爛了，眼巴巴看著小籠包內的湯汁全流了出來，失去了小籠包的靈魂啊😭片皮鴨我們大概點多了，沒想到一隻的份量如此多，鴨皮香脆，鴨肉也juicy每次到洒樓食片皮鴨通常要爭包的，因為總是不夠分，但這次包多到我們一直努力在吃，卻怎樣吃也吃不完的，我估計每人吃超過十塊，而最後還是有剩呢～上海粗炒很入味，麵條口感結實彈牙，讚👍🏻我們還點了2壺花茶，粉紅玫瑰和春黃菊，玫瑰花清香，但春黃菊味道怪怪的，有一陣商場廁所放的那種香薰味，所以我只飲玫瑰花茶😆這一餐點的菜式不算很多，但超級飽肚，基本上一隻片皮鴨相信也能吃飽我們4大1小了😆小插曲: 結帳時我們在點算各自拿出的金錢，但是出現了混亂，數目不對，但店員一直不走開，還給我們極難看的面色，其實她不滿大可以放下帳單先行離開，然後我們點清數目再叫她呢，這種嘴臉客人看在眼內，就算再好食

今次第二次食。都幾好味。兩個人又想食片皮鴨。又唔想咁貴。又想坐得舒服。呢間就岩哂。最好就係可以用Apps囉飛。你地自己search下😂呢度應該唔比幫人賣廣告。如果去到囉飛等就慘。因為真係好多人雖然間舖已經好大。有室內外坐。不過天氣涼小小都唔好簡室外啦。人唔凍。D餸都凍。室內D餸都好快凍哂。叫左幾碟野：片皮鴨。半隻兩個人都算多。不過真係幾好味。必食辣子雞。麻麻地。得幾粒肉又唔夠味芝士焗飯。唔記得真正個明。唔係唔好味。不過好普通。比個名呃左環境：舒服。良朋歡聚一流食物：選擇算多。味道中間偏上總括：好味道。好坐。價錢合理

Feb 23’ 2017 (星期四) 晚 17：55光顧，全場九成滿座，只剩門口枱。打開餐牌，點了六件小籠包$68及北京填鴨(半隻)$158. 侍應拿來兩杯熱水，但用玻璃水杯，有點燙，難以長時間揸在手中。 過了不久，六隻小籠包送到枱上，急不及待放在口中品嚐，皮薄多湯汁。讚！可惜其中一隻揭蓋後已在蒸籠中破開，湯汁流溢。很快吃完，之後等吃主角, 差不多每枱客人必叫，因餐館以為名稱，應該是. 但只見到一位年輕女侍應在片鴨皮，沒有其他廚房男厨師幫手，所以很慢才弄到半隻，她亦要送遞填鴨到客人枱。本以為是我点的，可惜事舆願違；再等了大约25分鐘，北京填鸭才送到枱上，賣相可以，鴨肉跟鸭皮小小塊配搭，幸好有甜酱搭配，其他配料(青瓜、大蒜)份量有点不足夠； 粉皮很快已降溫凉了，最好有竹籠蓋住保温，美心厨房及管理層請注意此点。明顯人手不夠！全場滿座，仲有大约十數客人在外等枱； 卻只得5～6位侍應。我想要都潻加水，也舉手了好一陣子。見外面等枱太多客人，唯有準備埋單，問男侍應用那一張信用卡有優惠，他不假思索就說全部冇折扣。但我依稀記得美心中菜應有信用卡折扣，就用谷歌搜尋，原来恒生卡有九折，再同另一資深女侍應確

一直都好去品嚐一下美中鴨子，但每一次經過，除佐見到廚窗掛滿燒鴨外，就係人山人海既場面。記得有一次經過，見到門面無咩人，諗住碰下運氣。點知店員告知今日無燒鴨🦆🦆🦆，真係可惜。今日難得男朋友放假，一早拎定位先有機會一嚐鴨子。坐車途中收到男朋友send 過黎既圖片，睇住鴨子，我真係流哂口水。其中一樣我欣賞鴨子既就係佢地既陳列，黑白圖案，簡單帶出鴨子。另一樣就係既筷子架，真係好想帶佢地反屋企。p.s. 咁樣做係唔岩嫁！好少餐廳會係餐廳介紹自己既由來，鴨子其中一樣令我有好感既就係佢地既碟，本以為得個圖案無咩特別，但係仔細一睇，係介紹緊公司既歷史，真係好有特色。未開餐前已經睇飽哂，2個人，的確不能叫得太多。但係樣樣都好想吃，眼闊肚窄。不過鴨子以精細爲主，所以份量都偏向適中，加上難得一試，都係要放任一下。其中一樣好欣賞既小菜，雞絲粉皮。芝麻醬絕不小氣，遇上鐘意吃芝麻醬既我，一定大啖大啖咁吃。粉皮爽口清涼，同芝麻醬一拍即合。小菜吃佐後，終於到重頭戲。雖然等呢個重頭戲等佐好耐，不過都值得既。新鮮製！份量好大，我覺得4個人吃都絕對無問題。鴨皮燒得岩岩好，油份適量，入口爽脆。本身以為得皮，但原來內有驚喜，附

每次經過都見到大排長龍 見到咁多人捧場，咁約埋班friend去試下，原來呢一間餐廳係唔畀預先booking，下下要walk-in去攞飛等，唔怪得知成日門口咁一大堆人啦， 冇辦法， 自己又想試，唯有等啦， 閒閒地一等都要等左成粒鐘…水煮魚初頭見到咁多辣椒諗住今次實死啦，一定畀佢辣死，原來有冇想像中咁辣，哈哈， 魚既肉質很鮮嫩，味道不錯。聽說北京填鴨係呢度嘅招牌菜，每枱必點， 還可以分開點半隻或者一隻， 抵讚!不過食落就有點名過於實， 個皮係幾香脆嘅 ，但偏肥膩， 食幾片已經唔想再食啦…結論不會為咗食 這個北京填鴨😖， 辛辛苦苦喺出面排隊等足一粒鐘……… 而且服務態度也很一般…………