羅勒印度餐廳

營業中

休息中

第二次食呢間，穩穩陣陣，屬於可以放心約人食飯的印度餐廳。小食試吓咖喱角以外嘅選擇：今次叫香草薯餅，外面香脆，裏面稍微煙韌，香味十足，有驚喜。主食又係試吓咖喱以外嘅野：Tandoori天多羅燒羊架，佢係餐牌到最貴嘅肉類菜式，$235，原來印度嘅鐵板燒烤，有好好嘅香草調味，同羊肉有好好嘅配合， 十分出色。另外叫咗印度椰汁咖喱雞，四平八穩，用嚟送薄餅一流。印度芝士烤餅，加咗芝士，當然好食啲啦。至於千層餅麵包似普通薄餅，我哋唔係好知道同薄餅有乜分別。服務幾好，兩個人晚市埋單，$450加一，價錢合理而且飽足。下次再嚟會試吓嗌啲未食過嘅菜式，繼續發掘印度菜鮮為人知的一面。

又encore呢間餐廳啦我地🤣上次4個人食，今次2個人食！因為行行下唔知食咩好，都係揀番食過，好食又穩陣嘅餐廳！今次試吓食羊架，喂好食🤤加埋啲不知名醬料，酸酸甜甜帶出羊架香味！值得一試！小食嗌咗個薯餅，裏面有薯仔同埋少少蔬菜，加埋綠色醬汁食good👍🏻印度椰汁咖喱雞冇得輸，建議可以嗌幾款咖喱，每樣試少少！份量唔算多，如果兩個人食，建議嗌兩款！印度芝士烤餅、千層餅麵包今次試唔同嘅烤餅，又係冇得輸，即叫即整，熱辣辣好好食！做嗌咗杯特別嘅嘢飲，甜甜鹹鹹咁樣，味道好搞笑！算係試咗印度嘅特色飲品啦！無冒險精神嘅朋友可以嗌番芒果沙冰，飲過係好飲嘅🤣發現原來有呢啲set!!!咁好抵喎！

平時都少食印度野，但有frd話東大街呢間「羅勒印度餐廳」唔錯，於是放咗工就嚟會一會佢😍Butter Chicken非常好食，香濃惹味，鹹香又帶點甜，配搭埋軟線又鬆化嘅potato naan，簡直係絕配，而且naan份量好足料，$32就有足4塊，仲要熱辣，食落好香口😆蕃茄湯好濃稠，酸酸甜甜，開胃得嚟非常滋味，仲有啲香草調吓味，作為餐前湯品好正😁蝦肉炒飯都好有驚喜，飯炒到粒粒分明，食落大少少微微地嘅辣，更加開胃，而且蝦好足料，有幾隻，而且口感好爽口彈牙，好唔錯😋臨尾仲叫咗個香濃雪糕，口感、溫度都同普通雪糕有啲分別，但係雲呢拿味好濃烈，有興趣嘅都可以試吓🤩

好耐無食印度菜，係東大街食方便門口可以泊車，呢度裝修有印度色彩，亦會播放一些印度歌曲，員工好熱情。 香炸蝦球$75，原隻大蝦，肉質結實，炸得香脆，加上印度特色醬汁，好有風味。 傳統印度咖喱飯雞$102，香料味道濃郁，只係少少辣，雞肉用雞脾肉為主，比較滑，咖喱飯汁配上印度薄餅，夠特色。 椰奶咖喱羊肉$128，此款椰子味更濃，咖喱亦比較濃厚，加上羊肉本身騷味，令咖喱層次更豐富。 第一次嘗試印度甜品，香濃奶球，甜度比較高，但食落都幾有特色。

蕃茄湯蕃茄湯調味適中,口感黏稠,味道酸酸辣辣的,十分開胃🥰而且配有少少香草,層次更加豐富🫶🏻牛油雞薯仔烤餅通常叫烤餅係要個主食一齊食嘅,而我今次就配左個牛油雞🤣首先講個烤餅,佢係中間有層薯仔蓉,其實單食我都覺得好好食😋 而個牛油雞嘅雞肉十分鮮嫩,好滑👍兩者一齊食口感就更加豐富😎呢個組合十分推介🫡蝦肉炒飯印度嘅烤肉同平時食開嘅有少少唔同,佢會炒到粒粒分明,而且係特別用印度香米煮架,十分特別,值得一試😝蝦肉都好新鮮同彈牙,份量都多🤩

之前都聽過呢間印度菜幾出名，係米芝蓮，原來筲箕灣都開咗分店，心血來潮食個印度菜。有散叫，有餐，懶得諗就叫左2人餐，Happy meal for two。個餐都算豐富，有咖哩角、香燒雞、瑪莎拉羊、雜菜咖哩、印度烤餅、印度炒飯，仲包兩杯嘢飲。咖哩角samosa兩件少少硬多多脆嘅外皮入面係微辣嘅薯仔豆雜菜都幾大舊香燒雞香料味十足，有少少辣瑪莎拉羊羊肉大件，雖然有少少乾身但係好濃味又唔會太羶。瑪莎拉個醬香草味十足，唔會好辣。雜菜咖哩唔辣，帶甜蒜蓉烤餅蒜蓉烤餅大上面都有好多雜菜，一搣落去就feel到佢好厚但係軟綿綿嘅感覺，點咖喱好味！印度炒飯用既係細細長長近乎似米粉嘅特色印度米，口感得意。飲品加15蚊轉左mango lassi，好濃，酸酸甜甜，又幾好味開胃另外，餐廳店員都係印度人，要用英文溝通，但始終可能都有少少口音，比較難聽明。店員個樣又少少惡，開頭都有少少驚。不過後尾發現，其實佢地好nice，中間會好熱情問d野食啱唔啱食呀咁。原來印度餐都可以好好食！

今日入咗筲箕灣探朋友,去觀塘搭地鐵去筲箕灣原來好近,20分鐘左右就到,探完朋友諗住喺佢屋企附近搵啲嘢食下,見到有間印度餐廳米芝蓮推介所以我哋入去試下。羅勒印度餐廳 餐廳位置喺筲箕灣東大街14號東旺樓地下,入到去餐廳地方都好闊落空間感相當足夠坐,喺度食嘅感覺都幾舒適。望一望餐牌都有好多選擇,全日套餐都係60蚊至98蚊,性價比相當高。今晚就點咗個二人餐 318元,咖哩角兩件,香燒雞兩件,咖哩角好巨大,外面炸到金黃色,卜卜脆,一邊就有啲薯仔洋蔥香草,入口味道少少辣。香燒雞醃得好入味,入口除咗食到雞嘅味道仲有香料嘅味道,雞肉仲係好嫩滑好香。印式烤餅配咖哩牛肉,椰香咖哩雞,烤餅焗到脆卜卜,沾少少咖哩食就最完美,滿口都係咖哩嘅香味,印度正宗咖哩偏小小辣,香料味十足。呢種獨特嘅香味普通餐廳係做唔到。印度炒飯口感非常特別,飯身偏長,幼細食落去好有口感。炒飯粒粒分明,加咗少少紅椒絲,甘筍絲,食落去特別香口。果然係米芝蓮推介,好好味嘅印度咖哩,鍾意食辣咖哩嘅朋友一定要試下。

食得多中西日泰，朋友話搞下新意思，試下印度菜，刺激下味蕾。之前其實都試過其他印度餐廳，但硬係覺得唔係好對口味，所以都冇寫到。不過呢一間羅勒印度餐廳🇮🇳，怪不得米芝蓮推介，確係不錯，係好食既！值得推介！仲做咗少少對印度菜嘅了解，同大家分享下。印度係全球人口最多、世界面積第七大既國家。印度菜重香料、忌豬肉。印度菜其實都有分南印度、北印度菜不同。⬇️🇮🇳南印度較接近赤道，天氣比較炎熱乾燥，所以:1.為了促進食慾，南印度菜一般會大量使用香辛料，加入羅望子，又愛以椰漿和牛奶入菜，所以製作出來的咖喱辣度特強、口味較重、咖喱多呈液體而非糊狀。2.當地的稻米產量豐富，所以用米飯伴咖喱，並用手抓食就是最正宗的南印吃法。⬆️🇮🇳至於北印度，1.北印度的氣候較宜人，所以料理比較注重香味，強調「香而不辣」。煮咖喱時特別喜歡加入腰果、忌廉、牛油等，使咖喱的質地更濃稠、辣度更溫和、口感更輕淡。2.主要用tandoori 烤爐燒出來的粗圓餅（Naan）配咖喱同吃。而呢間羅勒印度餐廳， 屬於北印度菜。🔥天多羅印度雜錦 tandoori mix grill $328之所以叫"Tandoori"，因為係由叫"Tandoor"

🌟餐廳：羅勒印度餐廳 📍地址：筲箕灣筲箕灣東大街14-22號東旺樓地下B號舖💰價錢：～$200 - $400📱訂座電話：28861681一直都未有機會試印度菜，最近心思思想試試～趁今日放假去筲箕灣探朋友，順便同佢試吓樓下呢間「羅勒印度餐廳 」～第一次食印度菜，既興奮又期待，即刻去Explorer下先～———————————————————🔹蕃茄湯印度菜運用嘅香料種類繁多，呢款蕃茄湯加入大量印度嘅香料及新鮮蕃茄熬製而成，飲落酸酸辣辣，過癮得黎又開胃!———————————————————🔹青瓜酸奶印度既酸奶好出名～呢款酸奶加入青瓜粒及洋蔥，帶點微酸，店員仲教我哋將酸奶加落去炒飯度，食落味道更突出!!———————————————————🔹牛油雞黎呢度必試就係牛油雞！雞肉用咗多款印度香料醃製，配合各種蔬菜例如紅蘿蔔，洋蔥等等，醬汁特別濃郁～除咗印度香料，仲加入咗大量牛油及適量嘅辣椒，雞肉仲煮得好嫩滑，一啲都唔鞋，大推～———————————————————🔹黑松露烤餅店員推介我哋試吓呢款黑松露烤餅，搭配酸奶及牛油雞都好夾～烤餅上枱時熱辣辣香噴噴，上邊清楚見到加入咗好多黑松露，超豐富，好邪惡

記得10幾年前係太古城果度附近做野, 果度開左間羅勒, 果陣時第一次食lunch, 覺得幾好食, 但係冇做之後就冇機會再食, 加上本人懶, 所以唔會專登出去食咖哩跟住冇幾耐前原來屋企樓下開左, 果陣時勁開心, 因為筲箕灣區好耐都冇正式的印度咖哩店食...(果間咩河都唔見埋, 同埋唔洗專登去X慶大廈度同人迫...XD)近排口罩令冇左, 人都開心D, 咁自然想食好D, 就食下咖哩做lunch去到門口望一望, 都幾開心, 餐牌上的lunch價錢合理 (區內的粉麵檔...貴過食大X活, 大X樂...), 就叫左個咖哩羊加薄餅, 懶到出汁咁拿番屋企食 (東大街太多人, 又嘈, 車又多, 拿番屋企冇眼屎乾淨盲!!)職員都是外國人所以要用英文溝通, 不過我英文拿E所以唔係問題 (講笑) (有中文餐牌, 講句take out就得)總共68蚊唔加1 (可能lunch黎講會覺得貴, 正常, 但係同區內果D食市比, 差10零蚊不如食飽D...咖哩又唔係唔好食)拿番屋企D咖哩汁稀左D, 不過唔影響, 都係照食 D羊肉整得幾好食, 羊有羊味 LOL (講笑)  個咖哩汁, 又幾好野, 以前去間間咖哩餐廳食, 間

呢晚家人突然想食印度菜，剛巧附近搵到呢間，睇餐牌都唔貴喎！店里要用英語點菜呀🤣家人想食多啲款，所以今次散叫先烤雞 -夠入味，雞肉好易撕開烤魚 -夠新鮮，切開入面仲係熱辣辣架，有啲似我地嘅椒鹽九肚魚🤣烤餅 - 正常發揮芝士菠菜 - 今晚最驚喜的菜，好好食今晚其實冇咖哩點烤餅食，但芝士菠菜點烤餅，一樣冇問題👍🏻😂檯上的水係要收費的，10蚊一支😏可能飲啤酒仲抵過飲水另外上菜都唔係好快，所以大家黎食就要有啲耐性啦

黑松露烤餅👍🏻 ʙʟᴀᴄᴋ ᴛʀᴜғғʟᴇ ɴᴀᴀɴ本身以為黑松露只係裝飾，但味道比想像中更濃。Naan口感鬆軟，唔油膩，增添左黑松露香氣更加有食慾。蕃茄扁豆香菜湯👍🏻ᴛᴏᴍᴀᴛᴏ ʟᴇɴᴛɪʟ ᴄᴏʀɪᴀɴᴅᴇ對芫荽實在無辦法抗拒，於是飲咗兩大碗湯🥹 蕃茄湯調味適中，唔會過酸或過甜，口感濃稠，扁豆味道唔突出，但芫荽味十足🤤🤤 冬天飲到熱辣辣嘅湯就係雙倍幸福❤️牛油雞ʙᴜᴛᴛᴇʀ ᴄʜɪᴄᴋᴇɴ奶香味重，有層次既香料味道，雞肉再嫩滑啲會更好。羊肉炒飯 ʟᴀᴍʙ ʙɪʀʏᴀɴɪ炒飯粒粒分明，都係偏向重口味，不過我覺得比較辣🥵🥵下次要同店員特別講明係BB辣先得。印度香料茶 ᴍᴀsᴀʟᴀ ᴛᴇᴀ我好鍾意香料富層次感嘅味道🤤🤤

8/10午餐，一人用膳，餐廳唔算多人，我入去嘅時候得兩枱人，按男侍應佢嘅「吩咐」，我scan安心出行同埋坐佢指定嘅位置，我見佢喺收銀機旁邊處理緊啲文件，我冇催佢落單或者比Menu，因為我根本唔趕時間。之後佢做完佢嘅嘢就俾個Menu我，我order左其中一個餐跟薄餅，我未講飲乜嘢佢就掉頭走咗，咁佢上湯嘅時候我再同佢講餐飲，佢怒目我，我唔係好明點解。埋單，收銀機喺門口嘅位置，我係要行出去埋單嘅，職員面向收銀機嘅時候係背向客人嘅，我俾$100找返$25，佢面向部收銀機，遞張$20紙去後邊示意我揸住先，望都無望過我，個頭望住個收銀機數埋$5散銀俾我。行出門口，我覺得呢一餐飯體驗好差，雖然食物冇乜問題⋯羅勒筲箕灣舖頭嘅上一手都係印度朋友開嘅餐廳，我係熟客，佢哋比較有禮貌，我比較懷念以前嗰間餐廳多啲另外佢話凍飲要加$10，上一手嘅印度餐廳唔使囉，成條東大街凍飲都唔使加$10咁多啦，所以點會抵食呀我當日點午餐點咖喱雞跟印式薄餅，味道及辣道可以，同其他印度餐廳差唔多，基本嘢。份量：一碗咖哩2件薄餅，食到最後半件簿餅唔係好夠咖喱，對我來講差少少先夠食2件薄餅。

🥙酸奶醬配脆餅 Dahi Puri $78印度小食必選，印度街頭平民小食，酸酸甜甜既味道，入口又好清新，平時好少地方食到🫓芝士烤餅 Cheese Naan $18Naan黎講佢比較普通，芝士味唔夠🫓黑松露烤餅 Black Truffle Naan $Free店員送的，食落都係普通既Naan，雖然眼見都唔少松露，但食落冇乜松露味🐐Lamb Kebab Tikka $118羊肉除好有羊味，仲食得出印度香料味，唔好覺得有羊騷味，好正宗印度式口味🥭Mango Lassi $22有啲細杯，同埋好甜，覺得麻麻地☕Masala Tea $28好好飲！好足masala香料味，聞完再飲，感覺置身於印度街頭🤣🍨香濃奶球 Rasmalai $58口感幾特別，但死甜死甜，咬落去似風乾鮮奶再加奶同大量糖，感覺不太適合自己口味