羅勇泰國粉麵 (已結業)

依間泰國餐廳係我食咁耐第一次品嚐到湯底可以咁特別，湯底色濃入口不太咸而且清淡得來味有點怪怪的。味道可能不適合某部份香港人口味，因我點的羅勇什錦轉米粉就正正係剛才形容一樣，所以要用枱上的醬油過辣椒🌶️乾粉去調較湯底味道，配料如魚蛋，魚片，米粉都正常。同事點的秘製滷水豬手湯河，都係湯底問題，同豬手肥了一點。餐飲可以不點，因無加錢轉餐飲所以要另外再點飲品，價錢偏貴而且一般～不是很出色整體坐位舒服，服務滿意，食物質素應有進步空間有待改善⋯⋯加油💪

記得無幾耐之前去泰國，食左碗泰式河粉，當時我仲話未食過咁粗既河粉，係香港見都未見過，估唔到時隔半年，俾我係香港遇番呢隻咁特別的河粉羅勇係厚福街地鋪，話咁易就搵到佢，餐廳有個開放式廚房，清楚睇到食物製作過程，多了一份放心下午茶時段可以用優惠價$5配飲品，食物價格亦比較相宜泰式咖啡 ($5)、泰式奶茶 ($5)我的用餐時間為下午茶，就岩岩好可以享用$5飲品優惠，泰式咖啡同奶茶味道較一般的濃，令人加倍精神泰式鳳爪 ($48)鳳爪已經去骨，用上不少的香葉同紫洋蔥醃製，食落酸酸辣辣好開胃雞肉、牛肉、豬肉串燒 (各$15)串燒係食泰國野必食食品之一，特別欣賞個醬汁，有粒粒花生碎，食落有花生醬味，串燒燒得好惹味而且唔乾羅勇海南雞飯 ($42)醬汁可以揀辣或者唔辣，雞件全部去骨，皮薄雞肉嫩，另外跟上的湯好有驚喜，係椰子雞湯，我諗好少用呢個價錢食海南雞飯個跟湯係無味精，而且椰子味都幾濃秘製滷水豬手湯河 ($48)呢碗就係我一路提及的粗身湯河，湯底濃濃的，有點似係泰國食船麵個湯底，豬手好淋，薄切成片，河粉雖然好粗身，但不失滑度，整碗河粉實在太有泰國風味我認為呢間餐廳的定價都幾抵，而家茶餐廳食碟海南雞飯閒閒

通常食泰國菜消費都較貴，但今日行開尖沙咀，發現一間專攻泰國粉麵和小食的小店,價錢好抵食,門面用咗好搶眼嘅藍色雖然坐位不算坐得好舒服,但勝在夠光猛,乾淨,感覺舒服。每張枱面都放了4種不同味道的醬料。這裏的湯麵或者飯都是50元內,好化算。這次和友人叫了滷水鴨肉飯 ,滷水鴨肉啲鴨皮索晒啲滷水顏色,入晒味,所以個鴨皮好香,沒有太多肥膏,好多肉,又大件,滷水汁又不會太咸，成個飯都覺得好好味泰式醬燒原隻尤魚筒 只是78元,有原隻嘅尤魚筒,燒得啱啱好,切開後有好多件,尤魚鬚更是吸引,配埋醬汁一起食,好彈牙,感覺到好新鮮不是雪藏的,酸酸辣辣地,好開胃牛肉,豬肉串燒配秘製沙爹醬各 15元串每人各叫了一串串燒,豬肉較為好味,可能牛肉較難控制火爐,不過配合店鋪嘅沙爹醬，因為有足夠的花生碎同埋都好杰身,所以醬汁好容易沾滿牛肉和豬肉上,兩條串燒食落都好香口 最後每人都叫了支汽水,滿足下。

👊🏻厚福街之伏 ！容我比佢0分吧😫食泰國野suppose 係入味 食乜都夠濃可惜佢整體既野食冇乜味😿泰式粉麵 似係粉餸分開煮 扎肉係有d老 毫無入味可言🤮鳳爪 得面頭泰式甜酸醬既味道 但內裹都係冇乜味 由相可以見到滷水鴨 係冇汁既 加上鴨肉太鞋又厚身 唔稱得上係招牌菜😓

知道此店是新開張，見其他食評寫此店食物不錯，今日特地前來試試。女侍應推介飯類有椰子雞湯，於是點了海南雞飯。等了不久，飯就送來了，發覺雞的份量只有數件，少得可憐，放在飯面上，另有2片青瓜。雞的味道似不是新鮮，似隔夜咸雞(是不新鮮的味)，肉質係“鞋”嗰種。味飯不熱亦不新鲜，有大量“飯焦”，食吓食吓，心有不甘，食不下去，問了待應為何有“飯焦”，她只知唔以對，她提議轉白飯，個白飯亦不熱，我只食了一半作“充飢”椰子雞湯係最正常的，但份量太少。(食物太差，激氣之下，相也沒有影)

路過厚福街，試食了海南雞飯，海南雞唔肥，好滑有雞味，份量都OK夠（以尖沙咀黎講一D都唔貴，直頭係抵）同曼谷街邊既海南雞飯口味係好似，仲有一個椰子雞湯好甜！醬汁有辣同唔辣比你揀，我只試咗辣既醬，唔算好辣（如果喜歡食辣的可能感覺不夠，但店家準備了大量調味料比你，可以自己調配）朋友試咗雜錦湯河，湯底好濃亦好有地道feel，配料好足，睇得出食材選擇有心店鋪是新裝修，環境乾淨新開張冇耐，希望可以保持質量！！

點了豬手飯外賣，豬手份量少到可憐，而且一d都唔嫩。 飯都偏乾，有汁會好一點點。昨天買了椰青外賣，椰青好大個，但感覺很老，椰肉很硬，完全吃不到，椰青水也沒有椰香味，只有甜味，不推薦。

今日同朋友食泰菜，食得好開心，因為抵食好味有特色。以前去泰國旅行去過水上市場。依度顏色佈置都同水上市場既好似，好有泰國風味。原來羅勇就係泰國其中一個沿海城市，o個度一定有水上市場啦，不過當年我唔係去依d咁地道既。不過唔緊要，好彩我係依度都可以食到特色嘢。真係多得依間店令我唔再淨係識得冬蔭功、泰色生蝦依d。羅勇什錦湯河，$48。佢既河粉係船河，咩係船河？真係聽都未聽過。原來就係船上賣既河粉，湯底係滷水整既，比較濃味。而河粉似我哋食既粉皮，好粗身既，吸晒滷水汁襯熱食好好味。至於餸料就有炸豬皮、牛扎、肉丸同魚蛋。粒魚蛋既外形仲唔係我哋平時見到既，好得意。個炸豬皮都好食好脆，但唔油，每碗只有兩塊咋。羅勇海南雞飯，$42。我哋要咗唔六辣。d海南雞好嫩滑。飯又唔油膩，乾爽好味道。個雞飯跟椰子雞湯，個湯標榜無味精，朋友試過都話係，鮮甜有椰香。相對來講，炸墨魚餅，$58，就普通咗少少。我覺得有少少稔，但其實都好味既。椰青就真係無得頂。鮮甜好多水。而且椰肉易整出來食仲同樣鮮甜。朋友話出面$50都買唔到咁靚咁大個，依度都只係$38咋。真係飲佢都值晒票價啦！咁親民既價錢，真係好值得再來食過。

香港泰國餐廳多的是，但可以吃到泰國街邊河粉餐廳實在買少見少。從朋友口中知道尖沙咀厚福街新開一間泰國粉麵店，作為一個泰國迷，實在不無道理去試試。餐廳名字「羅勇泰國粉麵」，而羅勇府位於曼谷的東南部，左鄰芭提雅，右下方是象島，本人沒有到過羅勇，但吃過餐廳的粉麵，認為問題較似近年流行的船麵。餐廳裝潢仍好新，但故意做到有點殘舊，猜是模仿泰國街邊檔的感覺。餐廳食物種類不多，一頁看得完。有飯有粉麵選擇，而且有少量泰國小食例如魚餅、串燒等。我點了一個泰式鴨肉湯河，店內更有提供泰國街邊檔必有的調味料，驟看真的以爲自己身在曼谷湯河粉量不多，比傳統船河稍為大一點。湯頭含有豬血，顏色因而較深。味道毫無腥味，反而非常香濃！餐廳更加上炸豬皮，風味up！好味鴨肉啖啖肉，皮與肉有一層薄薄油脂，鴨味濃郁男友點的是「羅勇什錦湯河」，湯底相同，配料變了魚蛋、札肉。札肉厚實，口感較彈牙，跟越南札肉有點不一樣。河粉與我們平時吃的不一樣，餐廳河粉很寬很滑，吸收豬血湯後好入味！小食點了一個傳統泰式炸魚餅，魚餅較為薄身，但尚算炸得香口，亦非常夠魚味串燒點了一串雞、一串牛及豬頸肉。沙嗲醬有好多花生，較似花生醬，沙嗲味不太夠。牛肉串最為

呢到既燶湯底係我最愛既黑湯，清甜味濃，我試左海南雞湯油面，雞肉夠滑，油面彈牙，串燒牛肉水準好～～價格相宜～～食物水準高！一定要試！下次一定會再返黎試其他野！！！！

行過厚福街 見到新開呢間泰菜 入去試下 門面裝修得好時尚 似間cafe即刻睇下個餐牌有咩食 種類唔算多 一張Menu望晒我哋叫咗羅勇雜錦湯金邊粉 仲有豬肉雜錦湯河細細碗 一個女仔食份量剛好 男仔可能叫飯會比較飽先試個湯底 覺得有啲似肉骨茶 但啲餸都好豐富 有札肉 肉丸 通菜 魚片頭.....金邊粉爽口另外呢個豬肉河粉 每塊粉好大塊 滑脫脫 好有口感仲叫咗雞牛豬串燒 諗住每樣試吓但個人唔太鍾意嗰個泰式醬 因為入面有花生雞翼最好味 燒得啱啱好 肉質唔會un最後叫咗杯青檸梳打 凍冰冰

在網上看過短片介紹泰式滷水和船麵，吸引我到店鋪品嘗。很柔和的藍色餐廳舖面，餐廳內也以藍色為主調，並擺放泰國神像，其他的裝飾也極具泰國風情。  雖然選擇不算太多，我們選擇羅勇海南雞飯、滷水鴨肉飯和滷水豬手河粉，兩飯都是送椰子雞湯。羅勇海南雞飯有辣有唔辣我揀唔辣、椰子雞湯，海南雞飯賣相不錯，雞肉也腍滑兼冇骨，椰子雞湯有椰香質感濃郁可口。滷水鴨肉飯、椰子雞湯 ，重點的滷水出場了！滷水味道沒有港式花椒八角的濃郁，相信是港式和泰式的分別，但滷水鴨肉很入味，我幾喜歡那小碟的青檸汁，很有清新的口感。滷水豬手河粉、青檸紅茶，原來滷水豬手是冇骨因此吃起來更方便，一片片的豬手肉已經沁透滷水汁，目測有1吋2分的闊條河粉是我第一次見識，吃起來很有咀嚼感，舖在滷水豬手上，脆脆的似是豬油渣！滷水豬手河粉的湯底味道濃郁不偏鹹，嘗過後沒有口喝感覺，不過河粉份量略嫌少了點。我們還加兩款小食，泰式醬燒魷魚筒&雞肉串燒，魷魚筒夠鮮味，雞肉串燒都不錯。人均消費$85都算是抵食街坊價了！

今晚經過厚福街，見到新開泰式河粉。入去叫了一碗札肉河粉。應該是船河粉。即是以前湄公河上艇仔賣的河粉。湯底好濃。河粉同食開的不同。大塊好多。加上兩串串燒。牛肉普普通通。但雞翼燒得好好。值得再去。

在尖沙咀一條小巷找到一間泰國菜，它的裝修很新穎, 內裏望落乾淨, 所以便進去吃個晚餐。我點了一個海南雞湯麵, 麵類也有幾款選擇，有金邊粉、河粉、油麵或米粉, 而我就選擇了傳統的泰國金邊粉。 另外, 我們亦點了一個椰青和兩串串燒。泰式飲品方面, 我最喜歡喝椰青, 椰青很清甜, 大大個。海南雞金邊粉來得很快, 它的份量比我想像中少, 金邊粉上的雞肉很嫩滑 , 粉的湯底是特別熬製的, 有豬紅的成份。金邊粉充分吸收到湯底的濃味。如果不夠味道, 亦可以滴一些魚露或辣椒油進去, 以增添味道。

同朋友去尖沙咀行街買同事結婚禮物，行得興起午餐都未食，諗住去厚福街搵間餐廳食番個下午茶醫肚，見呢間泰國餐廳好似唔錯，就入去試下。餐廳唔算大，但坐位都幾寬敞，乾淨整潔，有d泰國裝飾品，環境都幾舒服。我地叫左個羅勇海南雞飯同炸蝦餅。海南雞飯送椰子雞湯，雞湯好香，椰子味幾濃，飲落好滋潤。羅勇海南雞飯，配有特製醬汁，黃油飯好香，雞肉幾嫩滑，平時少食雞皮嘅我連雞皮都食埋，整個海南雞飯香口唔油膩。炸蝦餅，一碟四件都幾大件，蝦餅外層色澤炸得金黃，賣相唔錯，外層鬆脆，內裡好有蝦肉味，點左d泰式辣醬食，甜甜辣辣幾惹味。朋友嘅青檸紅茶。青檸梳打，都幾大杯，幾消暑解渴。環境、食物都唔錯，下次可以再黎試下其他泰國菜。