影片
係維園見到有小食亭過嚟八卦一下其實都唔只係小食亭基本小食亭有魚蛋燒賣飲品都幾多選擇，可能附近多工人姐姐休憩所以好多印尼菜 都同時提供下午茶小食雞髀西多薯條我叫左油髀加薯條 40蚊附近好多遊客 所有menu 中英圖片並茂唔係！係印尼菜式 有印尼文無英文食物副相影得清晰 方便遊客港人選擇落order 應該係自家製印尼蝦片油髀炸薯條等左十幾分鐘係collect here 拎著個籌服務員會中英大叫number 又有顯示數字實識拎薯條可能要趕快食先得，俾鼓油浸完另有一番風味炸薯條岩岩新鮮炸起 好味（我唔想講咩好油唷而d肺腑之言，「炸薯條唔油」可以拎去東華表演籌款架！）油髀正常發揮 其實算幾好味有鼓油入味唔太咸 唔太乾 肉算juicy 都正常size 大少少 下午茶嚟講一個中年婦人夠食覺得而道好舒服我住左石屎森林三十幾年有時都想望著綠色植物慢慢享用早餐午餐而道真係提供到回想返日本旅行，我經常都將「公園內園餐廳」、「神社餐廳」及「樹葉間隙漏下的陽光Cafe」放入計劃行程其實而道係枱櫈比較簡單而且隔離好多鴿仔四圍行佢哋唔搞我，我唔理佢地 架（不過唔係人人包容佢地 始終有衞生問題）維園禁煙👏香港幾難得搵到地方戶外食嘢但唔洗驚二手煙？唔係小食亭甘簡單但又好當佢係餐廳希望而道或者類似大型公園既快餐亭可以好好發揮🙏下次天氣再熱D我要試珍多冰 菠蘿冰店主店員好niceTerima kasih🙏
繼續閱讀
1322 瀏覽
年初三在銅鑼灣食完晏，陪女兒去維多利亞公園的兒童遊樂區嬉戲。上網搜查一下，才發現原來維多利亞公園內所有較有規模的食肆已經結業，只餘下一間快餐亭。獨市經營的情況下，估計平時應該幾好生意，只是今日正值新春長假期，很多港人外遊，就變得相對冷清。快餐亭的環境相當好，樓底高、四周又開揚，前臨就是維園的主要行人通道，還有一段綠色植物矮牆分隔 ⋯⋯ 即使只是簡陋的快餐亭，但感覺上仍然不錯。快餐亭內的分隔牆上，貼了三張1970年代或以前的維多利亞公園遠景黑白照片。當年公園前臨的海濱就是銅鑼灣避風塘、東區走廊尚未規劃興建；另一張照片的年代更久遠，甚至認不出到底是否銅鑼灣。從餐牌上的選擇可以推斷，快餐亭的其中一個主要客源來自假日聚集在維多利亞公園內的外籍家傭。餐牌上除了公仔麵、三文治、小食、10多款簡單的中式碟頭飯之外，印尼餐（雖然唔肯定是否正宗）也佔據了三分之一的選擇。見到這些30多年前小學生年代的街邊檔口仔的吹波膠小玩意，很想知道小食亭老闆在哪裏入貨？今時今日還有沒有小朋友購買？西多士（$25）賣相麻麻地，唔夠金黃；不過總算有心，從外觀已經知道用了兩塊白麵包，也相信中間一定塗了花生醬 ⋯⋯ 只不過，原來給外觀欺騙了！所謂兩片白麵包，只不過是將一塊比厚身的白麵包一開二，其中一端還沒有完全剖開；中間的花生醬更是少得可憐，不太品嚐到花生醬的香味。炸雞翼加薯條（$35）。雞翼炸得太乾硬，完全沒有炸物的油潤香口，沒有什麼味道之餘、亦沒有肉汁，可說是相當難食的炸雞翼。薯條是典型大大包的急凍、粗身紐紋貨色，表面唔香脆、內𥚃不軟糯。加配凍奶茶（$10）只是快餐亭出品，普普通通、不過不失，與大名氣的港式茶餐廳比較，當然有一段距離。新春期間初一至初三，飲品或小食加 $2，飯餸飾品加 $5；結果總共花費了 $82 ⋯⋯ 明明只叫了兩份小食，為什麼當作飯餸食品計算，每款加 $5？
繼續閱讀
維園去左N咁多次，但就第一次去茶座食野。原來佢除左魚蛋腸仔呢d小食外，仲有熱辣辣既碟頭飯同麵食。款式何其多，有中式，西式，印尼餐，素食，勒沙同甜品，真係要乜有乜。佢只係一碗好普通既餐蛋麵，談不上出色。湯夠熱，但餐肉同隻蛋只係暖暖地，麵稔身，煮得太耐。但佢係維多利亞公園出世，另佢既吸引力暴漲。對餐飯滿唔滿意，有時食物質素只係其次，環境又或食伴更為重要。今次，我非常欣賞周圍既環境。綠悠悠的環境，四周圍都有白鴿作為我的食伴，享受著大自然既風情，令我好舒服，好放鬆。這兒可以作為都市人既世外桃源，享受一下慢活。
繼續閱讀
豬扒飯(可以選吉列豬扒或者唔吉列，我就揀左吉列)塊吉列豬扒就幾脆幾諗，不過美中不足嘅就係有雪味，份量都幾多下。個面底我就覺得都幾好食(可能我自己鐘意食諗嘅面la)。價錢方面呢，個豬扒面就$35，野飲就$12蚊，貴唔貴你就自己諗la#個度有好多雀仔同白鴿
繼續閱讀
After trying tempeh, went back for more.The tempeh pieces are bigger with the rice but tasteless and not sour.I couldn't eat the pickles because they were too spicy. However the duck dish turned out great because they sell so much duck a day, it is guaranteed fresh.The gravy was rich and tasty with generous pieces of chestnuts.
繼續閱讀