繆天食堂 (已結業)

公司近厚福街，所以係Open Rice會搵下附近有咩食，見到藍馬商業大廈新開左間日式西餐半自助lunch ，$78 唔貴就走去試下，wall in大概1pm 去到，好彩仲有位，坐低望下Menu 就揀左B餐-日式咖喱火辣辣雞扒配飯，點完餐之後就出去揀自助食物，有粟米湯，有橙汁，綠茶等飲品，仲有餐包，同沙律吧，食住前菜等主菜到，出餐唔算快，可能人手唔多，大概15分鐘主菜到，賣相唔錯，咖哩汁夠濃，雞扒炸得硬左少少，但整體都幾好食，食左一碟已經好飽，因為主菜未到之前飲左幾碗湯，服務員走過黎同我講D主菜都可以無限追加，但我話已經食唔到，服務員都好有禮貌，會同客人閒談下，感覺比較親切期間我聽到原來可以book位，下次同朋友黎食都係訂左位先比較好，這間店只做lunch time 幾個鐘，遲D應該會越來越多人食，所以都係book 左位會好D…查看更多

今日同個仔去尖沙咀經過厚福街 見到有人派傳單📃📃68蚊半自助餐 同無限添加 心諗 唔係呀麻 已經心郁郁 但係晚上經營酒吧🍺帶住小朋友怕唔乾淨所以上去望一望先👀👀點知 裡面空氣十分好 餐具同埋桌子等等都好乾淨再望下自助吧d食物 三個字形容 好新鮮！面包同個忌廉粟米湯好好味呀！(我仔唔喜歡食包都食左一個🤣🤣）因為我小朋友食左我一半 🙄🙄🙄得番1半 我當然唔夠飽啦 好彩可以無限添加正呀！！我一定會再幫襯😋😋…查看更多

今日要出尖沙咀落鋪搵同事做野，轉頭夠鐘食Lunch，同事帶我去附近新開既上樓餐廳食午餐，好得意原來呢間餐廳既午餐只做星期一至五，新將期內做緊$68任食，仲話有沙律吧😍聽到即刻話要GoGoGo😆講真而家好小地方仲會有自助沙律吧🥗上到去都已經多多地人，好彩我地兩個人都仲有位，如果人多都真係建議先Book定位先！去到睇餐牌揀左主食，之後就可以自已出去拎野食免費餐湯同麵飽仲有無限添飲😍正呀我最鐘意飲野🍹沙律吧果然無介紹錯，D菜好新鮮之外，令我最驚喜既係竟然有羽衣甘藍👍🏻果然係有誠意！無幾耐主菜都上檯了！紅酒汁燴牛肋肉飯🍷🐮🍚煮得好入味牛肉口感又正，唔錯，最緊要既係食得出佢無落味精，讚👍🏻同事叫左咖哩豚肉炸蝦🍤🥘🍚未來得及影底個樣已經開動左😅因為個飯一上檯就閒到超級香，試左呢款都係超好味同惹味，咖哩唔辣仲好香，完全無肉都可以用呢個汁撈晒成碗飯😋勁邪惡無得頂！呢款真係必試呀！呢個任食午餐真係又健康又抵食，一定會再幫襯👍🏻😌😋勁Full呀！…查看更多

見到呢間半自助餐新開張所以試一試，喺厚福街商業大廈入面，地點都算就腳。食物方面，每日有唔同主菜可揀選，自助沙律吧，麵包，湯，飲品，就連主菜都可以無限次添加，真係好抵食！味道方面，新開業本來都冇乜期望，但係食完又覺得意外地ok喎：沙律吧蔬菜都新鮮，似酒店buffet咁；麵包有兩款選擇，香草包好味！湯就係粟米忌廉湯，味道都唔錯；飲品有幾款可選，第一杯我攞咗以為係蘋果汁嘅飲品，點知係綠茶，因後想飲果汁所以攞返橙汁飲，見到仲有檸水可揀。主菜我揀咗香草忌廉汁煙肉蘑菇意大利麵，好creamy但又唔會太飽滯，唔錯唔錯，會再幫襯！…查看更多

放lunch搵吓附近有咩食，行行下見到厚福街有人派傳單，拎張一睇！$68任食？吓？咩料？上到去環境ok 都舒服既！有嘢飲bar,湯bar有麵包同沙律bar 任食！叫咗個鰻魚炒飯！好味喎！我以為佢收$68都只會俾幾粒鰻魚仔啦！但食落又好多㗎喎！份量仲要係足既！食食吓個職員話如果唔夠飽主菜都可以refill! 但食曬個飯都飽曬！再俾多碟我都食唔落啦！總括黎講成件事太amazing 囉！ 以$68黎講堅抵！質量都好好！絕對有下次呀…查看更多