緣味麵家 (已結業)

今日心月來潮想食車仔麵，於是就黎試下緣味麵家，咁佢有3餸，4餸，5餸及6餸（63蚊）比你揀，仲有一個65蚊既10餸（大雜燴，淨餸）,而我初時係諗住叫淨餸，不過睇清楚d細字先發現係淨餸，最後就叫左63蚊既6餸。（自取要收1蚊）時此點左豆卜，牛丸，墨魚丸，雞翼尖，豬頸肉，牛栢葉，同米粉配辣汁。餸方面都可以，當中豬頸肉d肉就比較韌，下次未入會點，而墨魚丸都幾彈牙，牛丸幾有咬口，兩者都食得過。不過當中個米粉就比較差，我其實拎到返去已經即刻食（由拎到至食只不過係5分鐘路程甘上下），但d米粉就好冧，好漲，感覺係放落去碗野前已經索晒d水，因為個米粉問題影響晒成碗車仔麵既感覺。而辣汁層面，個人感覺覺得一d都唔辣，反而有少少覺得清淡既感覺，或者係我本人食譚仔食特辣都唔覺係一回事既關係吧。價錢方面就適中，63蚊睇落好貴，但份量都夠大，其實都足以食飽兩個人。下次如果我會去食，我可能會去試下食油麵，也許會比米粉好一點。…Read More

家人一直有提及這間車仔麵，好像有一個$60有很多餸的餐，但是心想，都只是一個麵，然後每樣送給你三兩件，有何意義？外賣的車仔麵，麵條不像譚仔會另上，如果不是立刻吃，就需要自行先將麵條夾開。後來吃的時候再將麵條放回湯來，麵條不算極之軟林，比較鞋身，但是上湯能力還算不錯。湯底的味道就令人費解，明明像是很濃，但是又有少許甜味，像街市買豉油雞翼，或是去打冷店吃滷水拼盤的那個汁，有少許甜味🤔。即使湯底顏色深色，像是又有鹹味又有甜味的湯底，但還是欠缺了一點蒜蓉，車仔麵來說，總要加些沙嗲或是炸蒜才香吧。雞腳好像只有兩隻，炸過的雞腳，質感還好，比較脆皮，體積不太大，份量也不多，只有兩隻。但就味道而言，好像令人回憶起以往在萬寧位置的威龍車仔麵😛有個是雞腎，質感反而醃得比較軟林，與賣相完全相反。還有雞翼，亦都醃到和車仔麵湯底味道差不多，沒有什麼意外的地方。結果，整碗麵條也就好像湯底的味道一般，以滷水汁為主，滷水味的鳳爪、滷水雞翼。…Read More

翠怡一路都無車仔麵/中式麵舖，見今日放假諗唔到食乜就即管一試。入座後剔紙落單，因為第一次幫襯，見唔到佢有任何指示，就舉手示意落單。老闆/店員叫行出去收銀度落單，fine, 無問題，但行到出去企咗喺收銀前最少3分鐘都無人理，期間見4個人企晒入水吧度，之後有人出嚟，但都無人理，只係執碗。 直到出聲叫佢，先至有個女人黑晒面咁行去落單收錢。講完服務態度，講番食物。叫咗3餸(蘿白魚蛋生菜)銀針粉，加咗杯凍檸水走甜。 碗嘢係唔夠熱嘅，啲蘿白介乎喺暖同凍之間，仲要有渣 ; 魚蛋就死實實，又係暖嘅，最正常係生菜囉～無渣。湯底我揀秘制湯底，味道正常，不過仲有pat羔狀秘制汁浮面。老公嗌秘制辣汁，我覺得得個死辣。凍檸水走甜就完全無走過甜。咁嘅質素。。希望係因為新開張吧！…Read More

忍唔住要第一次寫食評，以為有間車仔麵就唔駛淨係排隊等X興，點知試完個感覺就係車仔麵個老闆對食物，客人，自己都唔識尊重。我同太太小朋友合共叫咗三碗，評語如下:* 份量小，大人食完好似無食過嘢，*米粉散修修，好似其他人食浄再俾客人食。*魚旦，豬大腸無味。*蘿蔔有渣，仲要切都拳頭咁大舊，小朋友都夾唔到嚟食，大人都放唔到入口。*秘制辣汁又係無咩味，唔知仲咩要秘制。總括嚟講，用不知所謂嚟形容。唔好當翠怡花園啲居民係傻先得架。…Read More

住左附近二十幾年，之前翠怡都曾經有過車仔麵，係唔太衛生但係記憶中幾好味。咁行過見到有車仔麵 又幾抵食咁就即刻試下啦3餸加個麵都係30 蚊 咁睇唔錯呀 返到去打開，心諗 無咩湯，但望個湯既色諗住無死啦，一試個湯淡到好似無味咁，我叫左小辣，個麵就勁紅但真係剩係係辣係食得岀。到杯凍檸茶，一拎就知岀事，d色淡到咁唔方掂，但勁足料比4塊都算厚既檸檬，但問題黎啦，杯野應該無落糖水...十年未寫過食評 但間野真係... 新開張都做到咁，以後點搞呀…Read More

我剛剛去咗依間麵檔食，見佢新開咪去試吓囉！時間係晚上7:45，我去到已經聽到老細話有幾樣餸賣哂，心諗...冇所謂啦食其他都ok! 咁咪照order囉，俾埋錢坐定定等啦，跟住又有幾位食客入座！問題開始發生，1) 早我入座嘅女士，等到我同埋之後入座嘅客人食物都嚟埋，佢叫嘅都仲未有，跟住嗰位女士就問店員，佢啲野點解仲未嚟，個店員話唔見你張單喎！再寫過啦！攪完一輪，嗰位女士為有再落單！2）我嗰碗嚟嘞，本來要芝士腸，點知送錯虾條，咁都算！跟住個店員就話邊個欠0茶，我咪舉手囉，個店員就塞咗杯外賣杯嘅涷0茶俾我，仲要話俾住你先！3）我聽到出面等外賣嗰位先生話，我欠0茶喎，心諗....你唔係沖完自己杯0茶唔知俾邊個，就是旦俾咗我吓fa!4) 咁算啦，諗住快快食完就走啦！點知一試啲湯....點呀唔夠湯咪整撈麵囉，做咩溝水呀？佢唔係真係啲人食唔出吓嘛？5）後過我嚟啲人嘅麵全部錯餸，問番老細點解啦，佢話佢要啲餸賣哂，所以俾其他！依個都唔係問題！6）重點嚟嘞，第一位女士終於有麵食嘞，個女士見到碗麵就問老細，點解啲麵得兩淡？老細就話，係呀，唔夠麵吖嘛！點呀唔夠麵就俾少啲，冇餸又自己話事改客人單，又事旦俾杯唔係正常size嘅飲品俾啲客！其實每一件事佢都冇主動同客人解釋，好似樣樣都事旦，暪過啲客就算！開舖開得咁冇heart 就唔好開啦，我地食客都唔要求100分，但你都唔好只做20分囉！我唔會再幫襯！！…Read More

青衣想搵車仔面食選擇真係唔多, 今日去左呢間新開既車仔面店試下.  因為係非繁忙時間, 好快就有位,  嗌左個4餸油面加杯熱檸茶合共HK$40, 選左豬紅, 豬粉腸, 牛腩同雞翼.  牛腩同豬粉腸味道唔錯, 豬紅同雞翼就普通, 都算ok.  湯要秘制汁味道也可以, 不過聽到鄰桌叫左秘制辣汁就嗌好辣.  可能新開既關係, 去到其實已經有好多味餸沽清晒, 所以要留待下次再試下個10餸面其實仲有小食, 不過今次一個人去就試唔到咁多啦.…Read More