維納斯扒房 (已結業)

第一次去食, 環境企理乾淨, 服務態度友善, 感覺很不錯.先來一碗羅宋湯,真心要推介一下,一陣陣超香o既牛肉味, 湯又滑又香濃, 勁正勁好味(不過飲得太快,都忘了影相添^^)! 總之, 一般餐廳的(浠流流)羅宋湯就這一碗就真係無得比啦!我就點了一份燒春雞, d雞肉夠滑而且有肉汁, 口感細嫩, 我自已就好滿意.老公點了一份紅酒燴羊後膝, 老公話個醬汁好味, d羊肉夠嫩, 好快就清晒碟啦, 哈哈~~

經同事介紹，知道公司附近有間扒房，個同事講到點好點好咁，又話好抵食，星期一晚放工就同另外兩個同事咪去試下。環境OK, 紅椅白枱，燈光柔和，有英文歌 Music backgroud，感覺都幾舒服自在。到食物方面，頭盆叫左法國生蠔，好新鮮，好有海水味，$48蚊隻超扺食，仲有6隻送1隻，跟住叫晒紅湯 (因為介紹我個同事叫我哋一定要試紅湯)，真係好味，睇得出好用心制作。主菜我叫左澳州大西冷 5x 碟上，同事叫芝士焗龍蝦配牛柳鐵板上同去骨春雞。我個西冷一到，嚇我一跳，好厚好大塊。切落去再有驚喜，好 juicy，有鮮血水出，食落好好咬口，最緊要好有牛味，真係估唔到1百多元的晚餐有咁高水準既扒据，唔親身去過，實在難以相信。睇相...

星期六的晚上, 決定跟屋企人去試試附近呢間新開既維也納扒房, 一進入餐廳，應該是老闆娘吧, 招待親切, 整體環境給人很溫馨的感覺, 2人世界不錯既地方入座後，已經聞到陣陣濃郁的香氣, 先來既係羅宋湯, 超有牛味, 平時較少吃到的水準, 正! 主菜我點了鵝肝牛柳, 老公都係點了牛柳鐵板上, 上桌時，見賣相不錯，令人滿意的厚度, 吃下一口，完全沒有太硬和有咬不開的筋的問題，面層又煎得香, 我order的是七成熟，廚師拿掐得好，有驚喜. 而且埋單時，老闆說有八折優惠, 折咗鵝肝牛柳200蚊都唔駛, 整體嚟講, 價錢合理, 服務態度好, 我老公都話下次一定要再來.

I came across a banner showing some good-looking dishes near the hotel I am living in tonight, then I found this steak house according to the map in the banner. The steak house is just a street away from the hotel.I was attracted by the rib photos on the banner and I ordered the food called BBQ sauce US piggy ribs. To my surprise, before the ribs came, I tasted a bowl of so-called red soup. It is really tasteful. The soup far exceeded my expectation.The ribs came. The size is really big and it w

Sunday 晚經過大角咀維納斯，門口見到好大張海報有新菜式，好大塊牛扒，睇真啲先知係美國穀飼牛，上次食過春雞，穀飼牛聽得多，但未試過，今次就去試下。紅湯依舊好牛味，法包香脆，熱騰騰。到主角出場了，叫5x, 出來好大塊，好厚下，切落好有質感，中間粉紅有些微血水，食落勁重牛味，好味。其實果種好味真係寫唔到出黎，但堅正。咁大塊起初重以為實食唔晒，但我真係食得晒，幾大都駁命食埋佢~

由呢間扒房開張到今日，短短2個多月，我已去了4次，今晚係第5次，今晚食 T 骨扒，好味， 睇圖。記得甘清楚係因為每次都去食唔同既野，同唔同既 frds或家人去。成日去都係因為真係好食同抵食，服務都算唔錯。每次大致上都好滿意，唯有一次因落錯單等左好耐有啲不滿。啲frds次次都話好食，冇介紹錯。見到呢間餐廳越來越旺，確實真開心。咁夜仲寫呢個食評主要係聽日放假有時間想表揚下呢間扒房，推介比多啲食家，環境食物好，服務OK抵食既餐廳依家香港講真仲有幾間? 其次係因為忽然見到2個標題差吾多好蓄意既劣評同一時間出現，覺得好愕然，實在鄧間餐廳吾抵，不過大家係明白既。

首先門口有個著得好欺文既男人（貌似係老闆）極力推介食牛扒，見到有8折就入去試下啦，菜湯無問題，不過個蒜容包凍既，雖然是日沙津免費但d菜係梅既仲要加茄汁醬一小pad(聲稱個醬係自制,話好多人鐘意）😢主菜係西冷牛扒7成竟然同我黎個全熟慘過食香口膠最慘個薯蓉係凍架，我都無心機食喇，為有叫埋個餐飲啦杯野甜到溜飲唔到 好恐怖呀。最後我去同老闆講食物質數時 佢話好surprise 好多人都話得 又話今日大廚放假 咁水吧呢？仲話自己做幾十年扒 我明白價格與食物質素有關係。但我真心相等價錢唔會係咁。唉呀～ 未試過好慘痛經歷😓

行過見有間扒房新開張未試過，所以試一試，㸃知惡夢開始😱😨😨，我叫左個牛柳晚餐，餐包凍、扒硬冇味、凍冰冰，薯條變質，跟本常人體質冇可能食得到，所以只好放棄進食，無謂挑戰人體極限，咁只好叫餐飲，柸凍奶茶甜到你驚、甜到你怕、甜到你嘔.......只好同大家分享內心對食物新認知

今晚，再次光臨。一到門口，已受到熱情的歡迎。今晚同老婆再試其他食物因上次經驗薯條和主菜一齊，失去了薯條的原有感覺，所以今次點餐時和侍應查詢，能否把薯條和主菜分開上。估唔到回覆竟是意想不到，薯條不能和主菜分開，但我們可以額外送一碟薯條給你。更驚喜的是，侍應十分樂意地問，你想要幾碟薯條嘩，Nice。當然，我和老婆要一碟已經足夠。入正題，今晚我和老婆order了羊膝和春雞。在主菜未到前，老闆娘很有心送了一支紅酒給我們。很有VIP的感覺先是羊膝，來到賣相已經有足夠的視覺享受，拍照後急不及待要試試。味道有不錯，我最欣賞的是嫩口的感覺，再配上薯蓉，簡直令人停不了口。幾分鐘後，老婆order的春雞都來了。賣相更吸引，我被春雞的香味吸引著，老婆和我分享了一隻。色香已十分吸引，味道更是一試難忘，春雞烤味十足，外皮烤很剛剛好，不會太乾同時有燒的脆口感覺，肉質更是軟屬多肉汁。十分好的食物，更難得是價廉高質的服務水平，勁讚

今個月已經係第二次黎食飯啦，今次仲帶埋一家大細黎，都係用tablemap訂枱，老闆娘好nice仲請我地飲紅酒，上一次我食大西冷，今次就食燒春雞同羅宋湯，羅宋湯依舊地香濃，帶點牛肉味，蔬菜都好鮮甜，令整個湯都帶點甜味。春雞方面，雖然等得耐d,但隻雞外面脆脆地，而且肉質好嫩，雞腿部分仲好juicy,薯蓉好香，不過唔算太滑，可能落既奶分量少d整體黎講，食物同服務都好好

今年生日我好開心，老婆訂咗位帶我去食扒餐廳位於大角咀，去到餐廳門口感覺唔錯。入到餐廳侍應好有禮貌。我選了一個德國咸豬手侍應話大約要等15-20分鐘。估唔到晚餐的前菜已令我有驚喜雜菜湯好足料，好夠味，加埋蒜蓉包，好好的配搭。食咗前菜，主菜差不多緊接而來。鐵板上菜咸豬手出現在我和老婆眼前，我們都驚訝了一下，豬手的size大約有我2個拳頭大先試一試薯條，入口有點失望，薯條被蒜香汁浸得淋淋，失去了我起愛薯條香脆的口感。於是動手切了一小片豬手試一試。驚喜來了，豬手好入味，而且口感好爽，一點也不覺得肥膩。肉的位置夠咸香，筋的位置好爽口。整片豬手，有不同的層次，皮脆內爽，咸度掌握得剛剛好。最後，甜品時間，2球雪糕冰，雖然外表普通，但味道好好。最驚喜的是，原來甜品是老婆專程請餐廳預備的，單係咁已經夠我開心一晚，現在仲要加埋一餐極讚的餐廳。這個生日很快樂

老公生日，諗唔到同佢去邊到慶祝，而屋企附近有間新扒房就去試一試啦仲係我第一次用tablemap訂位一去到可能我地早，所以餐廳仲係冇咩人我地叫左一份西冷大牛扒，一份德國咸豬手餐湯一到，就有驚喜，羅宋湯有好濃既牛肉味，而且入面除左有大量既菜真係有牛嫁另外，跟湯黎既蒜蓉包，好香，好脆，好好味。講返主菜，西冷大牛扒，一黎到我真係嚇一嚇，大塊到呢，我一個人係唔會食得晒嫁，好有肉味，雖然呁大份但都仲係好juicy，食落甜甜地咁，正!!而且我選了蒜蓉汁，仲香薯條方面因為個人比較喜歡粗薯條所以唔係特別喜歡呢個老公既咸豬手，食落肉好嫩，筋位仲好爽口，正!!另外係tablemap到要求左餐廳幫忙安排生日甜品，真係做到呀~~佢地仲好細心，細細聲提我如果OK就叫佢地，雖然D字寫得唔靚，不過我地都好開心而且仲有8折，真係好抵呀!!

今天晚上，突然想食西餐，但不想走太遠，突然想起有間新開的餐廳，於是就去 try try 。已經係晚上9點多，都仲有幾多人，睇嚟好似唔錯咁，見到有好多人都叫 豬手，但我最後都是想食扒先 基本上，餐廳環境唔錯，氣氛幾好。地方都幾整理，店員服務都好有禮。 首先每人 order 左紅白湯，白湯好 creamy 但唔太特別，但個 羅宋湯 好香濃，重肉味。蔥蓉多士暖暖的，夠脆。 大蝦牛柳 ，蝦炸得好香脆，唔太膩，牛柳夠肉味，多汁夠淋。薯蓉夠滑，好飽肚。 大西冷扒，有肉味，比牛柳有口感。整體嚟講，以百頭的價錢，都算幾好，可以再嚟😆😆😆

今日星期六放假，咪諗住同男友去搵間好啲既餐廳Dinner，7:30 左右行經大角咀，有間扒房, 出面門口已有幾個人等緊位，我同男友都有時間，咪等下囉，咁岩又啱晒我男友呢D無肉不歡既人, 等左差不多10 mins...就到我地，一入到去，見到d侍應拎住d鐵板滿埸飛，好有扒房feel，正！我即刻向一個侍應示意要點菜，我叫左個肉眼6成, 而我 bf 就點左西冷5成，湯就點左兩個羅宋湯。羅宋湯來啦，好濃既牛味，超足料，法包有些少硬，用黎點湯食就一流，主菜來了，肉眼扒剛剛好，我個人唔係好 like 啲肉大林，些少 un un 地先有 嚼感，好味! 西冷牛扒叫左5成熟真係差唔多，唔會過老或太生。因為鐵板上，都係預返生少少，以免來到已太老，配菜係薯條，加左汁既薯條超好食，但有d薯條已燶左，侍應好體貼，即刻再送上一碟薯條比我地，不錯哦...埋單2百幾，超值! 環境又舒服, 係hea既一流選擇, 同老友聚會就緊加正啦！是晚對呢間扒房既表現大致都係滿意既，下次我地會再來！

今日相約朋友到大角咀一間新開扒房慶祝生日,  因是星期五晚，所以預早訂了位，晚上八時正到達, 坐無虛席，訂了位，但也要等差不多15分鐘才可入座 ， 場內裝修簡潔高雅, 很適合情侶，或一大班frds聚會，侍應先來杯水，之後就給我MENU，我問侍應有什麼好介紹，佢就介紹我o地食鵝肝牛柳，西冷，龍蝦配牛柳，如不太想食肉，可食三文魚配海虎蝦...我就點了鵝肝牛柳, 個frd就點了西冷，先來餐湯，一白一紅，羅宋湯超足料，忌廉湯有好重嘅Cream味，正，好啦，到上菜了....第一款是鵝肝牛柳，賣相很高檔呢，嘩，鵝肝匹配牛柳真係絕配，牛柳夠腍身有肉味，鵝肝入口有即容感覺 ...西冷要6成，但係來到差唔多有8成熟，可能廚房太忙，成數攞得唔係好準，Un 左少少，但都OK，幾有嚼口同肉味我下次一定要再來食鵝肝牛柳...鵝肝真係好正...仲有8折...也是170多...食鵝肝哦...超低食，服務OK，因是星期五晚，太多食客，所有都要等下侍應。