影片
以上資料只供參考, 請與餐廳確認詳情
記得十多年前做旅遊業，若到附近酒店接客，必定會嚟買個包食，當時酒店出品街坊價錢，麵包新鮮鬆軟，令人再三回味。時而世易，十多年後再幫襯，店面雖然無變，但一睇賣相就知唔係那回事，$9個包，細細個凍冰冰，白曬曬，外型仲衰過一般cheap cheap餅鋪。唔信邪，點都買咗個呢食，極凍極硬極難食，絕對無下次。
繼續閱讀
以前行路返大角咀時會試下唔同o既路 , 反正有時間 ,左轉右轉 , 去到太子或旺角或何文田 , 都一樣識路返去就係因為咁 , 發現左呢間維景酒店下o既餅店 , 間中都會幫襯今日放工無乜野做 , 就慢慢行下 , 去睇下狗仔貓仔 , 路經維景 , 入去見到 d 面包好似幾唔錯 , 於是買左兩個1. 日式杏仁直燒棒~ 呢個係本月推介之一 , 面上有好多杏仁片 , 用奶油黏住 , 味道無乜特別 , 杏仁片係淋o既中間有一部份空心左 , 有 d 好似練奶味o既醬整個面包係軟熟o既 , 但只有奶油味而不是杏仁味 2. 泡芙包~ 外表睇超黎白雪雪 , 一個圓餅型 , 無乜特別 , 佢叫做泡芙包 , 好容易令人聯想到 , 外脆內軟 ,中間藏住香甜軟滑o既吉士或忌廉之類o既泡芙實際竟然係又乾又硬 , 只有甜味o既 " 光酥餅 "## 呢兩個包質素同味道都強差人意 , 完全不值 $ 8.5
繼續閱讀
今日唔想去太遠，去深水埗食晚飯前行完花墟，再走左去太子睇吓有咩食 有親戚曾提到維景酒店嘅自助餐唔錯，但係有經過過嘅應該知道該酒店係內地同胞嘅favorite，要係食Buffet嘅時間同佢地爭一碟之長短，實非我輩所能，所以只好轉戰酒店餅店~酒店嘅餅部每日下午5點會做8折(以前係7折)，7點做6折(不過相信已經所剩無幾!)~我地時間剛剛好，4:55到埗，但係已經有數個識途老馬早過我地! 女朋友喜歡食栗子，所以希望可以試盡全港嘅Mont Blanc. 買左件成座山咁高嘅栗子撻($16,-20%)~呢件絕對係窮人恩物，實心嘅栗子蓉非常之飽肚，味道唔太甜，但係有栗子味，只係打得唔夠細滑，間中會食到小小嘅栗子粒，蛋糕部分非常細小，只係一舊五蚊硬幣厚度嘅海綿蛋糕，味道同鬆軟度都非常普通，曲奇批底有少量朱古力醬將海綿蛋糕黏實，整體嚟講算合格，食晒可能飽過食飯盒，但係同心目中嘅No.1，北角和富道Clover比當然無得比.另外買左個合桃麥包($14,-20%)同桂圓杞子包($14,-20%)，合桃麥包係大路貨色嘅水準，可以話同酒店嘅形象相映成趣. 而桂圓杞子包有濃燶嘅肉桂味，唔難搵到甜甜嘅桂圓同紅色嘅杞子，不是天然健康個種麵包，但係以呢個價錢黎講係Good Deal值得一提係一男一女職員係人朝下能保持友善有禮貌，不慌不忙，絕對係訓練有數!
繼續閱讀
人係好現實，所以我都唔例外~知道此店的麵包5點後有7折，所以5點過後立即去買其實一到5點之後就特別多人， D包好快比人掃晒，於是我手快地買了個香草蒜蓉忌廉芝士包，一個「U」字型既包，都幾大個，約300g重，面頭有d燕麥，感覺上幾健康，而事實上都幾健康既~包身偏硬，而且比較淡味，你會感覺到係少油既關係~而包心平均地分佈左d忌廉芝士同香草蒜蓉，蒜蓉有少少苦苦地，但好香!而忌廉芝士既咸味不重，兩者一同食落去既味道出奇地夾其實我食過好多次，今次忍唔住要分享比大家~
繼續閱讀
因為有5點後7折,所以經常來幫襯每次一定買CAKE食4件都係$40以內好食過某些連鎖餅店多多聲最仲意食芝麻味CHEESE CAKE唔太甜,好香芝麻味阿媽至愛朱古力果仁蛋糕,果仁朱古力味豐富,勁正另外有隻芝士煙肉包,特價左好似7*0.7=$5都唔使裏面D餡勁足料返到屋企焗熱番佢仲好食另外我覺得服務好好WOR點解樓下話佢唔好既????我見YOUNG個女仔勁NICE+好笑容有時仲會同佢搭2句嗲TIM
繼續閱讀