絲茶 (翡翠中心)

營業中

休息中

檸檬愛玉茉莉花茶+黑鑽凍味道：係一陣奇怪的味道！杯檸檬愛玉茉莉花車冇檸檬味不特止，仲要有陣唔知邊度黎嘅類似藥材/護手霜味，好奇怪。我同朋友兩個order的飲品都有一陣唔屬於食材本身的味道。口感：唔係愛玉，反而似白涼粉咁彈牙😅唔怪之得lunchtime 係鬧市都冇人買😅成件事就係完全唔知道自己飲緊咩茶，以為係養生藥材茶😩😩😩 環境：至於環境，係外賣店，門口唔知哪裡來的臭水，一入到店內就聞到好臭好臭。所以我對該店舖的衛生環境感覺不太放心～～

▪️黑鑽絲茶皇 ($28)味道唔錯配料十足 夠哂大杯 有仙草、珍珠、晶球飲落口感滿滿 啖啖都食到配料晶球其實係條狀 食落似爽口嘅啫喱如果奶茶有鮮奶選擇會更好🥛由於配料以黑糖烹煮 所以飲飲下都有啲甜🙈個人建議選擇無糖就可以😎。。。。。。。。。。。。。。。。。。。。。。。。🧋絲茶▸ 中環威靈頓街98號翡翠中心地下D號舖▸ 旺角西洋菜南街2J-2Q號新江大樓地下3號舖▸ 灣仔皇后大道東200號利東街地下G39號舖▸ 天后電氣道54號亨環天后地下Food Loft G6號舖▸ 屯門鄉事會路2A號愛定商場A區地下A-149號舖。。。。。。。。。。。。。。。。。。。。。。。。

平時飲開珍珠奶茶 奶茶香 奶蓋鹹度適中絲滑 飲到落底幾好味 今日諗住黎試下布丁奶茶點知….我今次星期四4:28pm 入去買奶茶 佢話要等一個半鐘… 話多單…請問究竟有幾多單先可以做個半鐘…..????? 由原材料整起 買奶粉煲珍珠都唔洗個半鐘啦係咪呀？不如反醒下…係咪痴咗線？

三重港茶皇三重係指芝士奶蓋,黑糖珍珠同蜂巢脆脆. 芝士奶蓋好淡味,唔講唔睇唔知加左奶蓋😓珍珠太淋身,冇咩咬口. 脆脆係好甜. 奶茶味普通,冇咩特別.依杯仲要係佢熱門飲品，但都不外如是。💰HKD$36假日經過好多人排隊,平日行過冇人排就試下,但真係冇特別,唔出色🤭🤭但位置方便

落單時問店員：是否30分鐘內奶蓋可以添飲，個店員答可以。店員話而家落單要等30分鐘。以為攞咗杯茶先至計30分鐘添飲，原來誤會咗係落單計😅杯茶到手嘅時候已經過咗添飲嘅時間, 茶味係濃的，亦好滑，但係珍珠真係太甜，我叫咗微糖，都仲覺得甜，奶蓋芝士味好濃，鍾意芝士味嘅人會好鍾意，排我之後落單嘅客人，係要等一個鐘，而且佢出咗單之後，店員係唔會嗌的，每一個客人要差唔多時候埋去對一對單，呢一點做得非常差！而且你問佢奶蓋是否30分鐘可以添飲的時候？店員係會用鄙視嘅眼神望住你，其實你公司set咗呢個優惠，你又憑乜嘢用呢個眼光望人呢？店員姐姐

超級好飲！本身咁啱經過，見到佢個「免費任天使是拉過」嘅標題吸引咗，入到去見到嘢飲啲價錢都比較合理，三十幾$40左右，而且芝士奶蓋本身已經好吸引，所以叫咗嚟試飲。買左杯芝士奶蓋抹茶，好好彩地唔使排隊，一去到就買到我哋坐喺出邊。員工態度極好，拎埋出嚟俾我哋。而且加勁多奶蓋，基本上你一杯等於飲咗三杯。奶蓋亦都非常濃郁，唔係一般普通手搖飲品嘅奶蓋，比較稀薄同冇乜奶味；呢間反而係超級濃郁嘅奶香味，而且一啲都唔稀，十分推介嗌芝士奶蓋飲品。唯一差評係加太多奶蓋會非常容易獲得糖尿病，大家要小心啲唔好加得太過分。

⚫️在中環逛街看見新開了一家裝修酷酷的奶茶店 店面裝修由黑白為主 裡面還有賣品牌名字的周邊…..🍓芝霧奶蓋草莓鮮乳$42-草莓果醬給的很少 攪拌均勻了就喝不到草莓味了 喝上去就像在喝奶一樣 不推薦🍊星空果茶皇$34-茶味的比較重 沒什麼水果味 沒什麼記憶點

中環新開茶飲店！喺中環返工成日都會行經呢度，飲過呢間幾次，推薦招牌三重港茶皇，佢係用港式絲襪奶茶茶底，再加黑糖波波、芝士奶蓋同蜂巢脆脆，呢個組合都幾夾。芝霧奶蓋飲得出係新鮮整，奶味香濃，唔係沖粉。圖中係芝霧奶蓋草莓鮮乳同芝霧奶蓋抹茶鮮乳，打卡幾靚，論味道嘅話我都係鐘意三重港茶皇同芝霧奶蓋四季春。🧀🌱✨30分鐘內任添芝霧奶蓋見到海報寫住呢個優惠好吸引呀！雖然我次次都飲到太飽無添過，不過買嘅時候都見到有人真係返轉頭任添～ 

Lunch hour食完飯大概12:30左右, 見算冇乜人排隊 (大概都係企咗六七個人度）, 諗住應該都係幾快, 點知都等咗成25分鐘先有杯嘢飲 🧋😌 真係gg , 佢應該夾咗有好多外賣單喺中間 🙃🙃🙃✨🧋三重港茶皇 ＄36呢杯飲品係人氣推介🌟，所以我就試下！有芝霧奶蓋、黑糖波波同蜂巢脆脆。啲奶茶都幾香濃👍🏻，最鍾意啲芝霧奶蓋❤️🧀😚，好味道！😋 啲黑糖波波都算幾足料，但就唔係好多蜂巢脆脆lu~🤪

今日行行吓中環 斜路見到一間幾型格嘅奶茶舖🤤 裝修鋪面以黑白色為主 舖頭入邊有佢哋自己signature嘅貼紙比客人拎 而我哋order左杯黑鑽絲茶皇 價錢都唔洗$30 茶味好重 🤌🏻非常足料 入面仲有珍珠 仙草 黑糖晶球😆食落去非常有口感 👍👍以同區來講 一杯奶茶有埋三樣配料 都算幾抵舖頭出邊仲有幾個位可以坐下 又可以望住啲人行嚟行去😂👀

📌絲茶🌟芝霜奶蓋冬瓜茶🚩推介指數（10/10）食晏嘅時候經過見到佢寫住奶蓋無限任添 😋即刻雙眼發光🤩芝士愛好者留意👏🏻佢只要飲咗上面嘅奶蓋你就可以再添🥛🧀超濃郁芝士味，媲美起碼某大連鎖店嘅芝士奶蓋更加出色😚 開門口仲有坐墊，你坐喺門口飲 飲完可以在添😎我自己今次refill咗三次😋😋😋 下次一定會再過去試埋其他嘢飲❤️❤️❤️❤️❤️⭕️整體推介指數 ⭐️⭐️⭐️⭐⭐️

近排中環開左間新既茶飲店，係以港式絲襪奶茶為靈感，創作左混合斯里蘭卡紅茶同本地黑白淡奶嘅台式茶飲。因為店鋪開左冇耐，喺lunch hour都幾多人等，我一點幾去都等左差唔多廿分鐘先飲到，要買黎試既就要注意喇！三重港茶皇 $36呢杯飲品係人氣推介，就梗係要試下喇！有芝霧奶蓋、黑糖波波同蜂巢脆脆，都真係幾豐富！特別想讚下佢嘅茶底，真係同平時飲既台式飲品有啲唔同，係比較濃香既，而且口感係非常細滑的！而黑糖波波同奶蓋既份量都唔少！唯一缺憾就係蜂巢脆脆既份量唔算多，好似唔係太食到！同埋會建議攪拌後先飲用，咁樣味道會更加豐富！

14:30行入去ORDER，女店員收錢後冇講等幾耐，眼見店內店外只限5~6人等候 咁估計15分鐘應該有。見店內職員都多 ，不停咁出飲品 包好一袋袋放喺枱 一袋又一袋咁，過了半小時 有些在我付款前已在等後的客人忍耐不住問店員有未，店員答仲未有。。。咁個2位客人又走出門外再等。等到14：58 我食飯時間夠 要返工打卡 唯有返工先再叫同事幫我去拎。我同事15:15去拎，就問店員108有未，佢話未 問佢仲要等幾耐 叫到咩no. 佢左睇右睇睇下啲飲品 都係仲未知。。。 話兩點半買等到三點三已經等咗45分鐘 跟住佢睇完就話一杯出咗 仲爭另一杯 嗰陣時先至話即刻整叫等多一陣 。。 其實見到舖頭不斷出外賣app既單，walk in 既客人就不停咁等 又唔知嗌到幾多號 店內嘅音樂又大聲 根本完全聽唔到店員叫咩no. 我覺得多單 忙唔緊要嘅 但係收錢嘅時候係咪應該要話畀客人聽要預幾耐呢！ 你預咗個時間，我有時間嘅我咪等囉， 如果我趕時間等唔到咁耐嘅我咪下次先買囉， 收錢嘅時候就應該要講啦 希望會好好改善下出品方面既問題 。

無奈又一肚氣。。。下午茶時段三點去到見店面有人龍都幾忙，諗住吾趕時間就買杯試下，等左15-20分鐘有得拎。拎完行走左一段路望下，點解蜂巢脆脆吾係個頂度？ 望下個底又吾覺。決定折返問一問職員，去到職員答我應該有落底下深色左個啲就係😅😅咁我再三問多次職員係咪真係落咗落去，佢話係。咁我信就走左，諗諗吓唔對路一於上網睇吓相🥲🥲🥲明明人地個脆脆係放係頂，奶蓋上面。最後飲完成杯都係不見蜂巢脆脆蹤影。。。。。要另外加8蚊架。。。。超級無奈同谷鬼氣😓😓😓 整體味道可以，店員都係有禮貌既。不過新店開幕，又接咁多單，人手應付吾到。。。希望店舖正視問題。咁樣令客人好失望。。。。

If you like HeyTea, you'll love this!I tried their Cheese Cloud Mango and it was out of this world. Mangos were fresh and sweet, topped with light and fluffy cheese foam. My friend had their Smooth King (made with HK milk tea) and he was really happy with it as well.Have yet to try their Cheese Cloud Peach which I'll definitely be back for.