紅豆餐室

營業中

休息中

今日幫襯呢間餐室，叫左個時菜肉片飯，結果拿到來發覺好多黑色啲嘢，我同樓面黑色衣服男的（應該係經理）反應，佢回應我可能係鑊屎，後來勉強話換一個比我，之後我等左成半個鐘頭都未出，等我追單的時候，樓面經理同我講廚房洗緊鑊，啲態度非常惡劣我都怕左啦，費事比人整蠱，最後都係轉左個沙爹牛肉蛋面穩陣啲，以後絕對不會再來幫襯。

原本諗住簡單食個早餐就返工，叫左個菠蘿油、熱齋啡，結果個菠蘿油啲皮係淋既！好似蒸過個包咁，淋晒！第一次食咁既菠蘿包，睇到都無晒食慾！同員工反應，佢地竟然話佢地啲菠蘿包係咁，無得換。極度無奈！最後我都係堅持唔食，錢照俾！其實附近有好多餐廳，諗住都係簡單食，隨便一間都係一樣，結果原來越簡單既野，都會中招。

紅豆餐室，位於鑽石山彩虹道235號啟鑽商場地下G01號舖。 星期六中午用餐超級多人， 所以都要以搭枱形式。午餐📌 ～ 鮮茄焗豬扒飯+茶走$61、茶走$21。 鮮茄焗豬扒飯味道正常發揮， 豬扒份量偏少， 反而豬骨好大舊。 茶走非常淡味， 完全飲唔到煉奶味🥲， 欠缺了靈魂所在。 整體味道普通， 款式唔算多選擇。🏷️溫馨提示～ 整個用餐體驗均屬個人分享意見， 只作參考😊。     紅豆餐室地址: 鑽石山彩虹道235號啟鑽商場地下G01號舖

燶味炒河？入到去見佢d卡位全部寫留座！就問店員有冇位啦？店員就指一指坐嗰度囉！態度麻麻…咁叫野食啦，價錢茶記黎講算貴！但都唔緊要，最後叫左個炒肉片河睇落已經覺得唔對路，顏色好深！聞落仲有d燶味！之後食落唔係炒燶左，係本身d油燶…即係估計咩炒野都會有呢個燶味……呢個價錢，呢個服務，呢個味道…比個負評…一路食都諗，間餐廳有冇野係做得好呢？結論係完全冇囉如果真係要搵佢好既野，只能夠這佢門面做得好！餐牌做得好靚！同埋有多樣收款方式！同埋其實好多人幫襯！大慨係因為好似冇乜選擇！同埋啟鑽苑新入伙,大家收左屋或跟裝修就落去食吧！

肥牛蘿蔔酸辣米線 加檸檬茶 腐皮不會很淋，肥牛也不會太肥蘿蔔小小生，不過不會很大影響，米線幼過譚仔， 好吃，湯很溫和的酸辣口味上餐快米線幾彈牙，有紙巾提供，$50 晚餐也是好ok對女仔份量有小小大、不過整體而言也很好

因為Honey要我替他辦事，所以我就要到新蒲崗；既然屯馬線通車，鑽石山站一出就可以到新蒲崗，所以才會來到啟鑽苑。一出地鐵，就見到紅豆冰室，幾企理…看看早餐，價錢好合理，所以就入來了。侍應服務幾好，地方幾乾淨，可能新開張吧。我就點雞翼公仔麵、配大紅腸煎蛋、牛油多士，每樣都好食。兩隻雞翼是新鮮炸起，脆卜卜熱辣辣。公仔麵呢……現在越來越多茶餐廳，為了快捷，是「泡定先」，公仔麵食到滿口鞋颯颯。但是紅豆餐廳，公仔麵是「煮」出來的，熟透的公仔麵，才會滑。奶茶正常。整個早餐$41，不貴，性價比正常。

要去新蒲崗有d嘢做，去左鑽石山站落，一出去有個商場仔，直接食個晏。商場下面地底一層有街市有d食店，但我有次食完肚痛，不過我唔知我咁岩肚痛定點喇....唔敢再食街市食店.....食返呢度就咁行入去間紅豆。入到去已經係2點下午茶時間，叫左兩個餐，一個係窩蛋牛飯，一個係炒飯，我唔鍾意蔥叫佢走蔥都ok, 兩個都好食，唔會太咸又唔會炒到油淋淋，同埋佢呢度可能個名叫紅豆，襯返個主題跟餐加3蚊已經有紅豆冰，幾吸引。

8月6日唔想行咁遠及試新嘢心態，揾食肥華和靚媽，就揾咗呢間在肥華住處附近新屋村内，開業不久嘅茶記食晚飯，試一試此店嘅港式鐵板扒餐，首先此店先奉上兩碗，稀如開水，似用辣椒仔醬汁，溝成嘅紅湯，無論賣相和味道，都係F級系列，而靚媽點嘅什扒餐及肥華嗰個西冷牛扒餐，都係坊間快餐店質素，不過此店舖内座位，相比快餐店舒服，冷氣十足，亦有基本侍應服務，及佔盡鑽石山港鐵站地利優勢，加上價錢，在此店用膳，係勝過一般快餐店

經過新開茶餐廳。下午茶食咗雞翼餐。 雞翼炸得硬𠝹口😩。雞翼應該沒有醃過。有一陣雪味😓😓😓。 沙律只是一個醬😩😩😩不過員工好人。 地方整潔😁😁😁😁下次望清楚先再決定

鍾意食茶仔嘅我，行過新蒲崗呢個新屋苑，當然會入去搵下有冇茶仔。商場入面最方便個間，又大大地就行咗入去。下午茶時間，當然直接叫個下午茶餐。見到佢咁有信心寫咗個＂澳門豬扒包＂，就叫個黎試吓有冇澳門嘅風味。呢個澳門豬扒包已預先切好，外表上就平平無奇，不過記得食過某啲茶仔做嘅豬扒包，連豬骨都無切走，扮到好似好大塊。呢個就好啲，本身就係無骨都咁大塊。另外佢個包身就唔係硬脆個種，如果烘一下就似澳門個隻，不過咁樣都好，食落無咁乾。朱扒味道差少少，如果加多啲炒洋蔥可能我會更加鍾意，整體上未算特別出色。由於新開張，地方仍然乾淨，下午茶時間相對無咁多人，不過由於我坐喺比較入嘅位置，電話收得唔好，所以都無坐太耐，後來同呀姐講開先知原來有wifi。跟住我又問埋佢收幾點，無記錯last order係2300。點解我咁問，事關佢呢個下午茶餐，佢夜晚九點後又會出現，真係無限輪迴。

今日準備去新蒲崗做野，一出鑽石山地鐵站入商場就見到呢間餐廳，望到午餐牌有個皇牌焗豬扒飯，於是入來試下.侍應話焗飯要等20分鐘左右，問我如果急時間建議叫其他餐會快d,我話要試下你們的焗飯先入來，跟住侍應馬上幫我落單了，服務都算唔錯，因為無人知焗飯係焗定還是即焗，所以佢地落單前問聲是最好的，值得一讚焗左大概18分鐘就來了，唔算太耐，即焗熱辣辣，色澤均勻，真係好吸引，炒飯底唔錯，粒粒均勻，茄汁有新鮮蕃茄，加上芝士口感一流，豬扒都好香口，很滿足中午午餐$59，凍飲加$3，仲有湯送，合理價錢，食完先睇到紅豆冰原來都係加$3，後悔無睇哂餐牌先叫，下次有經過來食一定要加紅豆冰

跟朋友來這裡叫左3個小菜，值得一讚呢度D咕嚕肉最好食，菠蘿仲係用新鮮的，肉好嫩口，唔會肥非常啱我地，另外蒸魚都很美味，即叫即蒸好鮮味，還有涼瓜炒鮮魷同牛肉，都好野味,份量十足，送飯一流，師傅手勢拍得住大酒樓，唔錯，我見之前留言話d樓面姐姐服務差，但我覺得佢地好有禮貌，上飯前問我地要滿飯定係少飯，很少餐廳會問客人的，不過我話多飯就真係太多了😂，值得再來👍

尋日出開鑽石山，請呀爸呀媽去下午茶，一人叫一個茶餐，雞翼好好食，每人一隻都唔係好夠喉⋯⋯幾有驚喜，係用心嘅小店下次去再試下小菜！熱狗 - 食得出有心製作，個包唔係平時一食就散個啲包，而係有啲麵包應有嘅口感，隻汁連埋個包同外脆內軟嘅腸幾好食西多士 - 煎得幾靚，煎得靚嘅西多士索晒啲牛油，食落去無咁油膩，唔錯瑞士汁雞翼 - 下午茶隨便叫咗個雞翼食，有驚喜～出面好多雞翼都會整到霉霉地/好大雪味，呢個雞翼瑞士汁香得嚟食到雞味，肉質都唔錯，沙律就正正精常常咁

夜晚係附近唔知食咩好，本身打算求其搵間野食下，發現呢間叫紅豆餐室嘅菜式正宗，有驚喜。菠蘿咕嚕肉敢講呢個好食過曬d高級中菜廳嘅咕嚕肉。嘅肉質好嫩，炸粉唔厚，唔會好似平時咁得d厚炸粉或者得舊骨，呢個用嘅豬肉食得出新鮮同係啖啖肉！無豬臊味同埋肥瘦適中。加埋新鮮菠蘿肉，佢份量好大不過都比我地清曬😂😂咖哩牛腩飯咖哩好香濃，牛肉用上牛肋條，口感好好，牛味都重，如果咖哩可以揀辣度就正了，呢個係唔辣嘅。梅菜扣肉呢個唔洗講，d肉皮軟糯，肉同梅菜都好入味，邪惡之選😈推薦大家黎食，食得出師傅嘅功力，一d都唔hea😎

昨天下午茶叫左個酸辣米線餐, 好大碗, 好多餸, 湯底都好夠味。 我叫左小辣, 所以辣度唔勁, 下次可以試吓中辣, 而酸度又幾夠酸的, 整體幾好食。 通常在茶餐廳食酸辣米線都麻麻地, 但這間米線又幾好食喎。我叫左瑞士汁雞翼和豆卜, 雞翼都好入味, 又唔會太淋, 都好好食。食完碗米線都好飽, 好少下午茶食到咁飽的。杯凍檸水有好多塊檸檬, 都幾重本。 叫左餐先發現原來同叫凍飲一樣, 加$3就可以轉紅豆冰, 唔怪得我見咁多人飲紅豆冰, 下次嚟就試吓紅豆冰。