紅葉茶屋 (黃金海岸商場)

營業中

休息中

呢間位於黃金海岸既紅葉茶屋，外面裝修有歐陸式感覺好啱打卡，入到去係光猛日式cafe裝潢，都坐得好舒服。佢餐廳食物都好多元化，有茶漬飯，刺身飯，烏冬同甜品等。你想入黎食個dinner又得，齋入黎食個甜品都得。今日試左佢兩樣野：🔸️鎌倉紅葉茶屋腐皮烏冬 （$78，8.5／10）呢樣係我既comfort food，熱熱既清湯底係鰹魚昆布湯布，好清好鮮好暖胃！日本烏冬正常水準。甜腐皮索左啲鏗魚汁湯底都係好好味。最有心思係佢腐皮上面有塊小小既緣色紅葉果凍做裝飾。😍🔸️紅豆抹茶軟雪糕芭菲(配期間限定軟雪糕）（$75，9／10）佢menu有兩大版芭菲item，好多芭菲選擇！可以食預選或自選既！我地揀左個預選既。芭菲黎到個樣已經好賞心悅目！好colourful! 今期既限定雪糕係哈蜜瓜雪糕。佢有軟雪糕，蕨飲，豆沙餅，脆脆，玉子，生朱古力，抹茶果凍....好豐富好開心！個抹茶生朱古力超級超級超級好食！！🤩唯一覺得係個軟雪糕有點太融，如果再凍啲會好啲！另外佢都有好多抹茶類既甜品同latte,佢個魚生茶漬飯都好吸引！下次可以再試下！

今天星期日同friend去完黄金海灘之後，想揾個下午茶食、行過黄金海岸商場見到呢間裝修望落幾舒服又有甜品，就決定食呢間。入到店內、用QR code 落單。因為游完水太肚餓既關係， 叫左個set。- 生薑豚肉燒set飯 有前菜 有味噌汁- 個生薑唔係好似係日本個種直接落咗去豚肉到一齊炒- 而係隔離有個生薑可以自己想點幾多就點幾多 跟個人口味落👍🏻👍🏻- 食落d肉係新鮮 唔UN 😀- 味噌汁幾好飲、飲落有鰹魚味道、唔知係咪落左鰹魚粉👍🏻- 美足不足地方： 下午茶set同午餐set 一樣 唔見有discount

今次去咗黃金海岸商場食晚餐😋吹住海風真係好舒適呀🙆🏻‍♀️🙆🏻‍♀️行到入去黃金海岸商場就比一間日本餐廳吸引咗我😝和牛壽喜燒定食🍱一上菜就已經覺得好豐富啦🤤除咗主食之外仲有配菜、餐湯同埋溫泉蛋🥚和牛味道濃郁入口即溶🥩仲有各種蔬菜解膩😍香蔥柚子蜆肉烏冬🍜呢個烏冬其實無柚子味㗎🤣🤣只係用柚子皮增加香味🌬湯底其實係好味嘅蜆肉鮮湯🤤烏冬軟硬適中又夠曬彈牙😋食完嘢仲可以行去海邊欣賞海岸夜景🌃悠閒散步拍拖都一樣咁適合😚

好多時黎到黃金海岸~都會揀食西餐多~今次~就等我試下哩間日本野既lunch set先~入到黎先知~原來佢地係來自日本鎌倉人氣Cafe黎架~🤩🤩▶️牛肉壽喜燒定食($128)成個set~有前菜~主食~味噌湯同飯之外~仲跟一隻溫泉蛋架~😋😋十分豐富!!牛肉壽喜燒份量十足~雖然冇叫和牛個款~不過牛既質量都唔錯~以價錢黎講~性價比真係幾高~👍👍👍▶️吉列豬扒滑蛋丼($118)吉列豬扒外表酥脆~咬落仲有肉汁咁~幾JUICY添~滑蛋味道適中~撈埋D飯一齊食~唔覺唔覺咁就食咩成碗飯~🤤🤤▶️鐮倉紅葉茶屋特製軟雪糕芭菲($75)未食主食~其實已經比佢地既芭菲吸引住啦~😍😍點都要叫返杯黎食下~😋😋軟雪糕我揀左抹茶味~濃濃的~不太甜~好味道~可能太好味~覺得軟雪糕好似少左D~多D雪糕少D cream就正啦~🤣🤣除此之外~仲有紅豆蓉~抹茶果凍同銅鑼燒餅皮係裡面~整體黎講成個配搭都唔錯~好好味~不過如果可以加返少少脆脆既玉米片落去~口感應該會更正~😋😋

豪華吉列定食$138定食包括味噌湯、前菜兩小碟。吉列豬扒香脆，外脆內軟。酥脆廣島蠔都幾香。牛肉壽喜燒定食$128牛肉香濃，醬汁甘甜，豆腐滑嫩、新鮮既蔬菜菇菌，味道偏清淡，感覺冇加更多調味，食食物原味。軟雪糕芭菲夕張蜜瓜雪糕，配紅豆、燒餅、抹茶凍、抹茶忌廉，都算豐富，唔會太甜。

想遠離煩囂感受一下渡假風，黃金海岸確實係一個不錯嘅地方。呢日就黎悠閑咁食個lunch，好寫意呀！我哋揀左位於黃金海岸商場的紅葉茶屋，裏面座位好寬敞，裝潢非常日式，樓底夠高所以坐得好舒服。主餐的部分有日本住家飯的感覺，賣相ok, 但係覺得不是很驚艷，食物質素普普通通,吉列豬扒新鮮炸起唔乾唔油啱啱好定食價錢算合理，可以免費加飯可以食到好飽，最重要係服務員態度良好，加分👍佢哋嘅甜品都好吸引，尤其係個芭菲，賣相真係好靚用附近價位嚟比，算係抵食嘅，況且附近本身唔多日本嘢食

平時一日要返工返學，難得放假想遠離煩囂，感受一下渡假風嘅話，黃金海岸一定係一個不錯嘅地方～店內外環境清幽，寧靜又舒適。裝修好有日本風格，有一刻我甚至覺得自己飛咗去日本🥺十分寫意🦦-豪華原條鰻魚茶漬飯鰻魚超級大條！！厚身又肥美，肉質鮮美沒有細骨，十分嫩滑，再加上湯汁作茶漬飯，清新鮮味。-豪華海鮮丼茶漬飯擺盤精美，裡面有五種海鮮，彈牙原粒帶子、在口中爆開嘅三文魚籽，肥美嘅三文魚，刺身丼食咗一半，淋上柴魚高湯，涷嘅丼飯即刻變成暖笠笠嘅茶泡飯🥰正！！-刺身3點盛刺身拼盤十分豐富，有三文魚丶吞拿魚及甜蝦，非常足料，味道十分鮮甜🤩

51假期到黃金海岸staycation3日2夜，唔想餐餐自助餐，路過見到呢間日本野，本着一試的心情試吓，入到店後，裝修很有日本風格，有一刻覺得自己去了日本，order 了2份定食，2個大人加1位小朋友，加埋飯都夠食，一份定食是吉豬豪，水準拍得住日本食到的水準，另一份壽喜牛亦相當不錯，小朋友白飯加紫菜加豬加牛加漬物，食得非常開心，之後加了2杯雪糕，個人認為是日本食得到的味道，很滿意的一餐晚飯

早前，我 check Openrice app 才得知黃金海岸開咗 <紅葉茶屋>！一於找個週末去幫襯！要先自行取籌，等叫籌號安排入座！店內外的環境清幽寧靜又舒適，景觀充滿色彩！店員大約 4個，有男有女，當中，較為成熟那位女店員服務態度最好，其他人則懶懶行，就算我食完份定食時落單叫飲品及送上飲品，男店員都無意識執枱嘅？！Menu素牛肉壽喜燒定食 $128珍珠米飯、牛蒡+甘筍+芝麻、生雞蛋、面豉湯 面豉湯的口味，入口有那種似是木魚的獨特口味！素牛肉不論色澤抑或肉質紋理都幾似牛肉，勝在纖維高，卻缺乏牛肉的柔軟及肉香！軟雪糕牛奶抹茶 $48牛奶抹茶 $35，+$13 可以多份軟雪糕，既可食甜品，又可飲凍飲，一舉兩得！軟雪糕混合抹茶，變成抹茶雪糕！牛奶抹茶本身味甘而香滑，軟雪糕融化後，香滑甜美帶甘！

對芭菲失望cream 多 抹茶味極淡雪糕屬可接受 但其餘 不可接受可能只買雪糕更好 但也不值這價錢賣相不行簡單甜品做成這樣 實在不明白服務態度一般環境算是舒適的絕不會回頭再食

星期日12點左右去到，唔洗等位。食物質素同服務都正常水平，不過不失。豪華海鮮丼茶漬飯 $168丼飯嘅材料包括：三文魚、藍鰭吞拿魚、甘蝦、帶子、魚子。魚生都新鮮嘅，不過啲飯有啲硬，又食唔出平時日本米有嘅香味。茶漬飯可以揀鰹魚昆布湯或者香濃蝦湯，我揀咗蝦湯，都幾鮮甜。茶漬飯有兩種食法：1）將wasabi同醬油點刺身同飯一齊食。2）將少量飯同刺身放入細碗裏面，加入湯，按自己喜好加入wasabi食。牛肉壽喜燒定食 $128壽喜燒裡面有冬菇、豆腐、洋蔥，唯一牛肉有好少少太熟，但味道都唔錯，都唔會好韌。定食包埋溫泉蛋，係出色嘅。而個麵豉湯就略嫌太鹹，但整體嚟講都算合格。

order左海鮮四色茶漬飯、牛肉壽喜燒、鎌倉紅葉茶屋抹茶白玉。海鮮四色茶漬飯：份量少，吞拿魚啡色，極度唔新鮮，同相片完全唔同牛肉壽喜燒： 啲牛極老，煮左好耐，啲菜又苦正餐咁差，但我地都決定叫甜品，因為呢間出名甜品，打算比次機會，點知都係失望。鎌倉紅葉查屋抹茶白玉：完全同相唔一樣，一上台起曬泡，放落口似煮左兩個鐘化曬既湯丸。滿心期待入黎食餐簡單既日本定食，最後出黎既係等左勁耐，而食物黎到係同相片唔一樣，食落口更加嚴重。

我都未入去，就係見到入面有位先攞張飛入去，點知佢話等一陣，等左5 分鐘先派我去我原本見到空果個位，出面又落雨又凍又大風，我想入去入面等個收銀都想我出返去等叫number，真係差咁D。終於入到去（坐返我見到果個位），叫左個豪華滑蛋井（吉列豬排，吉列壕，滑蛋飯）同炸牛肉薯餅，原本以為佢地都會好快就出到貨，點知落單20 分鐘之後個飯先到，等多10 分鐘個薯餅先再黎，速度已經好失望。味道上都幾不滿。個豬排等咁耐，點知黎到一咬就覺得乾到想喊，有塊滑蛋墊住(真係未見過但係下面）所以一邊脆一邊唔脆我都算數，但係媽啊，豬排唔係紙皮啊，佢乾到連味道都唔係好食得出，極度失望。吉列壕就相反，佢係炸嘅，係夠水份嘅，係有味嘅…… 但係隻壕味道真係怪怪地，唔知係唔新鮮定係雪味，感覺唔太好，希望唔會肚痛。最後就係個炸牛肉薯餅，炸佢30分鐘都真係過份，原本想劈炮走人㗎啦，佢又話炸好，我就打包走。個薯餅就不過不失啦，薯蓉夠綿，炸得夠脆，牛肉粒唔夠都已經預左，好彩佢真係夠熱，唔係炸完擺係度無人serve。Overall，黎得黃金海岸，如果有時間限制的話，就唔好食呢間嘅炸野啦，真係好失望。

紅葉茶屋 屯門琴晚約咗朋友去屯門黃金海岸食晚餐，朋友想食日式，就揀咗呢間紅葉茶屋試下。叫咗兩個主食同埋一個小食，出奇地又幾好食😝🌟豪華吉列定食（吉列豬扒、吉列蠔）$138呢度嘅吉列食物真係幾好食！尤其是吉列蠔！咬落去外脆內軟，仲有少少汁，烹調時間冇得頂！炸粉又唔會太厚，仲食到蠔嘅鮮味😋😋🌟生薑燒豚肉定食 $108生薑係先磨成嘅薑，但佢嘅燒豚肉唔係豚肉片，係比較厚身啲嘅肉，配埋洋蔥同生薑有幾好食！🌟汁煮法國黃金螺$68黎到有六隻大大隻嘅螺，係凍食嘅，咬落去夠爽，唔會太un😋😋做前菜好開胃！定食包一碗麵豉湯，一碗飯，一個酸蘿蔔，同埋一個我都唔知係咩嘅前菜🤣不過幾好食😂飯係用日本米，如果唔夠食可以添飯，我都添咗一碗😜

第二次幫襯呢間分店，計埋其他兩間分店，不經不覺今次第四次了。 食物和服務質素保持穩定，每次都差不多水準：✅ 這間分店環境特別舒服，如果坐卡位，感覺更寬躺。今次坐中間枱，擺放食物就唔太夠位。✅ 服務好，待應都有禮。✅ 如果一個人，食一個定食，$100都食到飽，加埋環境，性價比屬可以。⚠️其實很喜歡定食旁邊的開胃蔬菜，有牛蒡絲⋯⋯可惜每次入舖頭，都見佢地擺在無遮無檔的盤上，出入開門，行出行入，呢個時勢感覺就不太衛生