紅茶冰室

營業中

休息中

我做足一百分的茶餐廳！如果你用茶餐廳的標準去量度他，我認為紅茶是做到100分的！上菜快大大碟價錢平選擇多作為一間茶餐廳，做到這些，已經係恰如其分，佢仲要好食！你還想怎樣呢？ ！今晚點了三個菜：椒鹽肉排，好夠鹹，份量又多，唔記得加$10定$15 ，就有飲品、餐湯及白飯。80幾蚊，係有少少貴，但佢真係俾返小菜嘅份量你， CP值 OK ！牛柳意粉，這是set dinner ,有四五件牛柳，肉質林滑，當然你唔好預好有牛味，但係意粉都配咗少少新鮮蕃茄醬，叫做平衡到個肉味， OK好食！仲有一碟咖喱吉列豬扒飯，咖喱汁與豬扒分開上，已經見到佢有心機，咖喱汁偏甜，有椰汁底，是馬來西亞風味，豬扒大大塊！好夠飽。如果咖喱入邊啲薯仔，有揸過的話……就真係做足一百分！

之前一直很喜歡他們的奶茶及凍檸茶，但不知是否換咗師傅，最近試咗幾次都吾好飲～奶茶吾香無茶味👎、凍檸茶颜色混濁無香味帶苦澀👎（以前顏色通透，飲到尾還是香醇的），很失望！至於食物質素還算ok,個人至愛他們的菠蘿包👍

1）飲品有蟲，有翼又有腳！2）點早餐明明特飲+ $9，結果計我野飲正價 $30，另一位朋友已經係單點食物，應該以高個杯野飲跟餐價！已經明明同佢講唔係咁計，仲話「係咪要分單呀？」結果分左單，同之前計差$21 ！！！3）本身計數已經有問題，仲要態度勁差咁覺得自己無問題！

昨晚表姐提議就去咗呢間餐廳食飯😎知道社交平台都有好多人都話呢一度性價比好高，就走咗去慰勞自己！果然冇介紹錯！✨咖喱雞扒飯我很喜歡這個，每啖都好有咬口，香嫩多汁，非常惹味，簡直係完美！

餐牌上高寫話伴芝士煙肉大啡菇但係一嚟到冇芝士冇大啡菇，得一塊冇味嘅煙肉放喺塊雞排上面。雖然少咗咁多嘢但係照收$78，問佢哋話臨時轉咗之後堂餐明明餐牌係寫凍飲+$3，但就加咗$6，問佢哋就話因為係晚餐所以加6蚊，但係餐牌係冇寫到晚餐係要加6蚊。

中湯涷水甘，完全無味。牛仔骨三块全部係筋和肥膏，都係一啖都無吃到。未吃過甘垃圾牛仔骨。吃咗個意粉和餐包，加杯涷檸茶。而且服務態度超差，上餐係掟上枱俾客人，唔係放低。涷飲個杯底而且唔平，篤檸茶時搖來搖去。真係超垃圾。未吃過甘難食茶餐廳，真係改寫咗我人生觀。晚餐來講，78蚊個餐唔係話好平，但質素仲差過兩餸飯。而且佢室內泠氣係完全唔掂，吹出來好似風扇甘，當時詁計室內溫度28度左右，一邊吃一邊流汗，好係坐係街邊吃一樣。

話說今日紅網上買咗幾個餐，點知個app冇得揀走甜，我唯有自己打去俾餐廳改，打過去佢話盡量幫你做，我話走個甜都唔得，佢話網上叫冇得改？乜嘢理由嚟？走甜最少事都話未必得？我即落單即打去，你唔會咁快手即刻沖呱。你哋仲開咗咁多年，生意好咗就咁串嘅！小心啲俾食環捉吖！

相都費事影Order左茶餐廳最基本既野，乾牛河，海鮮芝士焗飯，係準時黎到，但已經唔熱。乾牛河：明顯炒燶了，勁黑，啖啖鑊燶味，真心食唔到落去..海鮮芝士焗飯：所謂既海鮮已經霉左，有少許罐頭磨菇係酸既，個炒底飯擺左好多日咁，唔新鮮…家人話，不如掉左佢，落街買過其他野食…平時幫襯開荃灣廣場果間都可以，點解呢間搞成咁，希望店家檢討下…

茶餐廳冰室風格店員態度都幾好餐廳環境裝修整潔有心思餐牌全部寫晒喺枱面-早餐份量都幾多$39蚊有咁多野蛋都香滑全部野正正常常對得住個價最特別係個包 佢比左丹麥方包 唔算好酥脆但都好香牛油味

今日行過大壩街，就揀左紅茶入去食，紅茶都機本上開到周圍都有咁，正正常常一間冰室，平時食開常餐/特餐，覺得佢個蛋同埋個方士好食今日見到午餐有薄切西冷牛扒配乾葱紅酒汁就試一試薄西冷牛扒有兩塊，其實份量都唔少，以$55黎講我絕對收貨

每次經過紅茶門口，都會見到長長的人龍，不誇張由早到晚都排長龍。 不過長龍並不是都是排入去食嘢，好多時係排外賣。早餐餐牌今早落雨，老公請英買外賣回家做早餐，問想食咩，凍冰冰掛住最愛的沙嗲牛肉麵。早餐B招牌沙嗲牛肉麵+Top One丹麥酥+嫩滑炒蛋(配餐飲) $37(外賣+$2) 紅茶的沙嗲算係附近茶餐廳中最好味，沙嗲味道香濃，麵質因是外賣會有些小硬，外賣回到家食剛好。早餐A鮮味仿飽魚絲火腿通粉+西煎雙蛋+自家製鮮油餐包(配餐飲) $37(外賣+2)老公喜歡通心粉湯底鮮味十足，每次會連湯都飲埋。我每次都會強行用丹麥酥和老公的鮮油餐包交換，餐包有小許甜味加夾埋隻蛋食，美味！紅茶的奶茶也是我每次必飲，好香好滑，就算立志飲小d甜嘢的我，也會忍不住每次叫。

聖誕節假期，出面度度都轉晒menu食聖誕節，下午茶想食個菠蘿油就入咗紅茶。叫左菠蘿油配紅豆冰，菠蘿油外脆內軟，熱辣辣，配埋凍牛油又大又厚，好滋味。紅豆冰，紅豆軟熟有咬口，奶唔算太甜，$30好抵食。

我覺得佢個早餐係幾好味嘅，香港人最鍾意嘅沙嗲牛肉麵，呢間又做得偏鹹嘅，最愛係佢早餐嗰個丹麥包，重牛油味之餘仲要好脆口，個蛋都做得幾好，當然唔少得叫埋杯奶茶啦，最鍾意佢個茶底。

剛剛行過大厦街，望吓時間正好三點三，又是tea time 時候。見到前面有幾個人企在餐廳門口等，我都排吓隊等入座。坐低望吓下午茶餐牌，點了個好大路嘅西多士同奶茶試吓。餐到啦，西多士外表都好金黄，内裏填滿了粗粒的花生醬，花生味夠晒香濃，搽開剛溶化的鹹味牛油，再淋上甜蜜蜜的糖漿，將多士包裹在一起。咬在脆脆的多士上，香、鹹、甜味在舌頭上混在一起，味道真的很夾，口感十分之好。再喝一口奶茶，茶味還可以，過可能茶和奶比例不準，杯茶未夠滑、另外西多士炸得有點過火，影響了外觀，扣了分。總觀來說食品都算中上，下次會再來試。

香港依幾年嘅冰室越開越多，但講到最有質素嘅港式茶餐廳或者冰室，紅茶應該都係數一數二。佢嘅早餐同埋常餐係好多客人必點之選，酸辣肥牛湯米線和沙嗲牛肉麵的湯底都做得好出色入邊嘅肥牛同牛肉份量都足夠再加埋夠晒牛乳味嘅炒蛋，配搭鬆軟餐包，基本上都好難中伏佢嘅羅宋湯同忌廉湯都好惹味同埋足料我最鍾意食嘅就係佢嘅重慶雞煲，份量夠晒兩個人食，紅茶嘅重慶雞汁濃郁但又唔會太辣，入邊嘅薯仔好入味，用嚟送飯真係一流。紅茶嘅晚餐質素都唔錯塊豬扒份量十足有得配飯，意粉或者薯菜今次仲有埋燒帆立貝配搭如果有時諗唔到食咩晚餐一定唔會令你失望