紅茶冰室

營業中

休息中

不知为何这么难吃，态度一般的店还能这么火。装修很好，看上去很干净，量非常大，不用点很多。味道真的很普通。奶茶还不错。海鲜炒粉味道一般，无功无过，略微有些寡淡。流心西多士很甜很腻，适合切一小块尝一下。惊讶的是烧鹅，骚味很重，难以下咽。裹满了酱汁也没法盖住那股骚味。还有叉烧，肉的味道很差，也没有蜜汁。去的时候是晚饭高峰，蛋挞菠萝包都没有了。也许这两样的味道会比较好吧。总之，就是满怀期待的来，失望的走。

知道你地忙，問一句，係咪後面排隊，當你透明，咁咪唔食囉，反正貴公司唔會在意我個早餐錢，總要打食評，食都未食，每間公司都有佢既規矩，有的就去拎票，有的就要book枱，問句點排，當你透明，祝生意興隆

純粹服務大陸人！香港本地基本上都想做生意！態度10分惡劣！以後都唔會再幫襯，嘢食正常嘅！只係服務態度10分惡劣！開關之後就區別對待！純粹服務大陸人！不過我諗佢哋公司都唔自在香港生意！建議佢哋可以返大灣區發展！咁樣先合乎佢哋公司嘅核心價值！雖然香港茶餐廳出名態度惡劣！但佢嗰種惡劣程度唔喺香港特色！香港特色茶餐廳特色阿叔態度大聲！但都叫尚算有禮貌！只係比較大聲！但佢哋係又大聲又冇禮貌，不過都明白嘅！佢哋嘅職員都係會幫返同鄉！以後都唔會再幫襯😊

5:30尖沙咀收工，聽講紅茶嘅芝士撻都唔差，所以經過順便去食埋晚餐，都抱住少少期待去食，最後用餐經驗有D不如預期，主要喺員工嘅服務態度度。首先講左食物先，今次叫左鰻魚炒飯同一個芝士撻。鰻魚炒飯幾開胃，起碼每啖飯都可以連鰻魚一齊食，唔會話得幾粒仔，配料都算豐富，擺上台都係熱辣辣，散到陣濃郁香味出黎，同埋份量係絕對夠飽，係合格嘅炒飯。芝士撻方面，出名真係有原因，佢個外層係真係酥脆嘅，搵隻叉輕輕吉下就吉到，入面嘅奶香味都好濃郁，每一啖都食到個滿足感，不過建議唔係好肚餓就要睇住嚟叫，因為食完一個都飽飽地架！好啦終於講到服務果邊，尖沙咀紅茶方店都算大，一眼睇其實員工唔算少，果陣我一個人排隊入座，但員工姐姐就咁叫一叫我坐果邊，眼見得一張卡位冇人，於是坐低左，跟著俾人大大聲叫唔係坐呢度呀，坐番果邊，先知原來要去番另一邊，希望下次姐姐指一指我睇都好。另下就係收碟速度真係好快，我食完最後果啖就一野拎走左了所以除左服務方面會令人覺得有D冇禮貌之外，其他都正常。

已經有好多個post 話d 職員態度好差，今日領教過，真係犀利過澳x 🤣 可能學成龍話齋，xx人係要被管的，所以小x書係咁吹捧。午飯時間12:15 入座，兩個人坐一邊四人卡位，話係四人卡位，但比一般四人卡位窄，非常擠逼，食物擺唔晒係張檯度，見對面咁啱食完走左，我轉去對面坐，但個阿姐即刻衝出黎鬧人，好似殺左佢全家咁，話唔比坐嗰個位。我環顧四週，有好幾檯都係四人卡位坐兩人。我明香港地茶餐廳講翻檯率，同阿姐講食完即刻走，但佢依然堅持要我地坐一邊😂食物= 一般茶記質素，豬排大份，個丹麥麵包落左勁多牛油。食個常餐，要成$60， 呢個價錢，呢個質素，識食既香港人大把選擇（例如：聯發茶餐廳台灣朋友黎香港，諗住帶佢試吓香港風味食物，結果果然好有「香港風味」。如果係香港人，就無謂去俾錢人受氣。 其實究竟點解呢間紅茶咁紅？好多人都係因為跟小x 書走去試，咁紅茶駛左幾多錢喺小x 書左宣傳就不得而知，但長遠黎睇，個個跟小x 書搵食，最後令到d 真係有心做, 做得好但冇錢宣傳既餐廳冇人去。劣幣驅逐良幣，最終係邊個賺左，邊個蝕左？

上星期五見未夠鐘入左紅茶tea。叫番我最鍾意嘅菠蘿油紅豆冰餐，啤酒杯裝嘅紅豆冰，大大粒紅豆，又唔太甜，冰鎮牛油，厚薄剛好，30蚊，極佳享受。仲有全日供應，菠蘿油餐是我不二之選。

首先係鮑魚絲火腿絲通粉，通粉爽口，仲有鮑魚絲同火腿絲提味之後鮑魚絲火腿絲公仔麵，同樣美味。公仔麵滑溜有嚼勁，鮑魚絲同火腿絲的組合更增添了鹹香。最後係餐包配煎雙蛋，雙蛋係反蛋煎得唔錯，唯獨是出咗事係杯嘢飲，杯咖啡有種唔識形容嘅難飲

由於喺附近返工，無乜選擇下一星期都會食兩三次。老實講炒粉麵70幾唔算平，但質素每況愈下。月頭喺觀塘分店食過同樣既野，當時覺得好食今次喺尖沙咀encore，黑椒牛肉意粉啲意粉每條都硬到橡筋咁，而且牛肉亦都唔熱直情可以話係凍，熱飲杯亦都好殘舊污糟。加上每次都要坐到好迫，就算當時門口無人排緊隊，啊姐都要留返啲枱做下個客，自己人就可以坐一張枱。食材、服務態度、座位舒適程度、整潔度全部都唔得，應該長時間都唔會再去。

紅茶我覺得係而家少有做得麵包方面比較好嘅茶餐廳可能因為尖沙咀嘅人流足夠啦所以佢嘅菠蘿包、蛋撻等等都不停會新鮮出爐基本上5:00pm之前去紅茶都會食到新鮮出爐嘅麵包蛋撻每次去食都keep到個水準特別係一定會叫菠蘿油佢嘅牛油好大塊，好厚菠蘿包亦都好鬆軟最緊要價錢只係賣💰$13 性價比真係好高而蛋撻都只係賣💰$7 又食過佢嘅常餐、特餐、炒粉麵常餐同特餐都係大概$55左右價錢上唔係貴不過個質素就好普通炒粉麵嚟講多數都係$70左右個價錢就偏貴分量又唔係太大份我就唔太建議食最大問題係個環境因為太多遊客嘅關係每一張枱都坐得好迫特別係佢將一個正方形枱分開兩台客坐將張枱打斜三角形用其實係超級唔好用擺咗啲嘢食之後逼到根本食唔到而且任何時間都係不停咁排隊都會令到我唔係好想入去食所以我而家淨係鍾意食菠蘿油寧願外賣

兩三年前非常崇拜紅茶，因為當時好少做丹麥吐司，而幾間分店係論常餐、早餐、晚餐都做得好出色當時已經好多香港人排隊等食飯，茶餐廳黎講真係好少見到咗而家俾大陸網紅吹捧，變得更加多人排隊。。。試過食一個早餐都要等半個鐘先有位入，就已經好耐冇食今日早咗收工，去尖沙咀分店再回味一下，發現原來水準已不再，份量亦細左。常餐豬扒通粉，炒蛋吐司，熱鴛鴦 係我既例牌通常叫呢個餐5分鐘內一定起到貨，但短短幾分鐘已經有兩個同事送錯餐黎😑嚟到見到吐司比起以前細左三份一，心知不妙。通粉亦冇以前咁入味。鴛鴦不過不失，但係茶味都少咗。只可以講係一個普通，快出餐，正常價嘅常餐。求醫肚係可以，但係要搵返以前嗰種驚艷感覺應該回不到的過去。而家已經好多冰室都係做同一款食品，如果只係因為網紅吹捧而keep到生意但質素下降，真係可以唔使返轉頭食。

點解有茶餐廳大雜燴到甘好食🤣🛋環境：已經擴建了都系暴曬棚，依然路邊等位，但都算快，地下一層都坐滿，地下的信號真系好差🍽食物：每天的lunch set都唔錯，百食不厭，又有泰國嘢印尼嘢，燒味快餐等，融合百家但不影響出品。主打快！食物質素都比較穩定，試過連住食一個禮拜好似canteen甘🤣

今日大概11:30am行過，見冇人排隊就入去試吓⭐️菠蘿油，配紅豆冰⭐️菠蘿包外層表面既脆皮，一般用砂糖、雞蛋、麵粉與牛油🧈整酥皮做得香脆，而包身則軟身不過我覺得餐廳牛油用得比較少，用咗🐷油代替😢少咗牛油香味自己加上冷凍既牛油，變成菠蘿油一口咬落去，冷凍既牛油同熱騰騰麵包，一冷一熱既口感好正😋夏天好熱，最好飲一杯紅豆冰飲完馬上覺得超冰涼紅豆冰甜度適中，唔會太甜椰味、奶味跟紅豆好搭，好喝☺️

響尖東附近做嘢中間都係冇時間食嘢，所以繼續叫外賣，其中一個朋友想食啲甜嘢開胃啲嘅，所以就諗起食西多士，跟住搵到呢間紅茶冰室，見佢個位置都比較近，諗住應該送外賣嘅時間都比較快，結果都冇令人失望，嚟到啲嘢食都仲有餘溫。朋友要咗個招牌芝士流心西多士，我睇見都忍唔住食咗兩啖，佢嘅糖漿已經加咗落去個盒度，個人會比較喜歡糖漿分開自己加落去多啲，不過咁樣都冇乜嘢問題，係食到收尾覺得糖漿好似唔夠。講返個西多士裏便嘅芝士份量都好足夠，朋友食完都已經覺得好飽肚，同埋味道都覺得好好。我就叫咗個咖喱牛脷飯，牛脷嘅份量都好夠，咖喱嘅味道亦都好好，牛脷本身有煎過吓嘅，咖喱汁亦都係分開上，所以嚟到嘅時候都暖暖地，同埋食完之後大部份人都應該覺得夠飽，總括嚟講都係值得一讚嘅。

其實我每星期都會嚟尖沙咀做gym, 做運動之前梗係要食飽個肚啦, 所以紅茶冰室都係一間我想去嘅餐廳,作為一間茶餐廳佢嘅菜式選擇真係非常多,而佢每樣做嘅菜式都做得好好。個人好推薦大家叫佢嘅四寶飯佢嘅燒味做得好好，比對面嗰間燒味舖勁好食，而今日我就叫咗海南雞河粉，雖然佢唔係一般茶仔會出現嘅菜式，但係味道都唔錯。而我朋友就嗌咗常餐，佢嘅份量都好多，豬扒都幾好食。所以佢長期排隊入座，都係10分合理的。不過而家就多咗大陸遊客嚟等位

中午與朋友經過,見餐廳有人排隊,心想一定是好吃的, 我們就一起排隊,大概等了十五分鐘就可以入座焗咖哩薯仔海鮮飯：這道焗咖哩薯仔海鮮飯給人留下了深刻的印象。首先，它的外觀十分吸引人，熱騰騰的飯菜上面鋪滿了金黃色的焗咖哩薯仔。當我品嚐第一口時，驚喜的味覺體驗立刻襲來。咖哩的香氣與濃郁的奶油汁相融合，帶來濃郁而溫暖的口感。海鮮的組合包括新鮮的蝦仁、魷魚和蟹肉，它們增添了豐富的口味層次。薯仔的軟綿與咖哩的香辣相互平衡，給整道菜帶來了完美的平衡感。這道焗咖哩薯仔海鮮飯絕對是一個令人滿足的選擇。銀芽肉絲炒麵：銀芽肉絲炒麵是一道經典的中式炒麵，它帶來了豐富的口味和滿足的飽足感。這道菜的亮點是銀芽的爽脆口感和肉絲的嫩滑口感，它們完美地結合在一起。炒麵的麵條綿軟有嚼勁，與鮮嫩的肉絲相得益彰。蔬菜的加入增添了色彩，同時提供了清新的口味。