紅茶冰室

營業中

休息中

門口有位阿姐專是叫人入座，我地是3人，同佢講仲有一位差唔多到，就安排了長卡位(疫情前坐到6人這款) 比我地入座，隔了一陣，依位企門口阿姐走入黎問點解未到，叫我地讓返個位出黎！！！ 我無理會佢，佢又話叫我轉細卡位(4人位)依間舖都好大仲要兩層，是問需要企門口阿姐專登走到最入既長卡位，叫我地讓返個位出黎？？？我真係未試過咁樣比人叫返出黎！如果係咁，到開始就唔好比6人長卡位啦！另外所有冷氣風位都無加板，正正坐長卡位吹到正，問伙記中央無得較，而家好多餐廳都加啦！樓下厠所好似水浸咁，問cashier上面點，話都係濕架喇！真係想知佢地憑咩野，西炒飯/揚洲炒飯都66元，另加錢先有野飲

喺大圍嚟講，紅茶算係環境好，味道尚算穩定的茶餐廳。點解話味道尚算穩定，係因為剛開幕時佢奶茶難飲、沙嗲牛面又有燶味…但近來水準算唔錯，雖然杯奶茶仍未比得上同區太興（以連鎖店嚟計）。紅茶下午茶非常抵食，份量多，而且好味。已經試咗幾次燒味飯，叉燒都好稔，而且比大圍普遍下午茶燒味飯都足料。吉列豬排烏冬都唔錯，豬排係新鮮熱辣上枱，炸粉薄，豬肉有𡁻口。另外推薦出爐酥皮蛋撻，雖然7蚊個唔算平，但幾好味，經常一出爐就賣晒

今日夜晚同女朋友2個人7:25pm入餐廳坐低， 因為我哋喺放工嚟吃飯，所以想要一張櫈放袋，但其中一個男侍應不想我攞走單人位張櫈，話會幫我拎另一張，結果冇影，我要自己去其他枱拎。去到落order， 一個女侍應落單， 但我哋等到7:45pm，同枱幾個人都食完，有個仲走埋，我哋啲飯都未到，去催單，先同我講話幾分鐘有，點知放低張單時，俾我發覺寫住<漏單先上>，但全程啲侍應冇講過，算，我轉外賣，但原來外賣要每個收$2，2個飯就收多$4，又係冇講過。去到拎外賣，終於以為冇事，點知個袋得1個盒，冇野飲，我明明叫2個餐，想點先。結果又要等多5分鐘。最後補充: 我8:10pm先拎到個完整嘅外賣，呢間餐廳只收現金，不過我之後唔會再幫襯，大圍仲有好多好野食，多謝曬。

今日去紅茶冰室食早餐見到餐牌有全日早餐，好似幾豐富，ordered 咗一個。另外叫咗一個招牌沙爹牛肉一丁。招牌沙嗲牛肉一丁包括丹麥酥多士，炒滑蛋，一杯凍飲$45丹麥酥多士，同普通多士唔同，烘到好香脆，麵包皮係酥皮，滑蛋炒得香滑沙爹牛肉，沙爹湯底濃郁，麵軟硬席適中全日早餐跟一凍飲 $63 炸魚柳、丹麥酥多士、黑松露炒滑蛋、煙肉、腸仔、豆炸魚柳好大塊， 炸到好香脆，炸粉唔厚，黑松露炒蛋，夠滑，好多黑松露醬，腸仔同煙肉都煎得好香👍總結：第一次喺茶餐廳食全日早餐，比西餐廳的全日早餐更加豐富，味道唔差，而且價錢比西餐廳相宜。另外丹麥酥多士都係第一次食，個麵包皮係好脆，牛油適中，比普通多士好味。感覺上這間餐廳食物質素唔差，真係用心去做。服務態度都幾好，乾淨衛生，有機會會再幫襯。

真心覺得係超高質茶餐廳🤤#小胖遊大圍🐠 —————————————————🔹小編最愛-招牌牛柳鐵板餐 $101附送餐湯、餐包同飲品🥤鐵板超夠熱，牛柳散上蒜蓉燒汁🔥SA~超香😳牛柳外面焦香而肉質超軟熟又有牛味🐮薯菜唔係薯條，而係更健康的原隻🥔配上少少開胃沙律醬，唔會好dry👌🏽餐包鬆軟，餐湯有忌廉湯、羅宋湯同中湯揀🥣絕對係平靚正之選😆.💡😂經常好多人排隊，證明真係好受街坊歡迎☺️(可以放心效率超高，排隊唔會好耐)—————————————————🧜🏻‍♂️口水度：🌕🌕🌕🌕🌗🤑CP值💰：🌕🌕🌕🌕🌖🧚🏻‍♀️打卡值：🌕🌕🌗🌑🌑🥰舒適度：🌕🌕🌕🌗🌑👅再食指數：🌕🌕🌕🌕🌕.♟Overall♟基本上係經常去的飯堂，無論早、午、下午、晚餐，甚至係包🥖都好好食😋特別係菠蘿包

餐廳位置好方便 出大圍地鐵站1分鐘就行到 茶餐廳黎講賣相同食物質素比一般嘅好少少 佢都幾多卡位坐 坐得好闊落 重點係兩個人坐唔會要同人搭枱 焗鮮茄牛脷飯有三大嚿牛脷 但每嚿嘅肉質就有啲參差 有啲夠爽滑 其中一嚿就比較有渣嘅感覺 汁醬用上鮮茄 調味適中 好啱送飯 加上嗰飯有炒底粟米吉列魚柳飯值得一讚係個白汁有另上 可以自己調校份量 本身嗰飯都已經有少量白汁 魚柳算滑身 炸粉做得好薄 賣相一啲都唔馬虎 伴碟有甜薯蓉及南瓜 有啲西餐嘅感覺 但甜薯蓉食落有啲筋 南瓜好硬有啲太生招牌香滑奶茶 (+$3)小編好推介 甜度適中 奶茶又香又滑身 雖然叫咗少冰 但飲到底都仲有成杯冰

這款沙爹牛肉麵以新鮮牛肉煮成。牛肉沒有太多沙嗲醬，反而有重重的花生醬味道。配合炒蛋及丹桂酥，丹桂酥一層層酥皮帶點驚喜，反而炒蛋相對遜色一點。奶茶茶味夠香濃，茶餐廳必備之選服務生服務態度非常友善及禮貌，平民化餐廳💪🏻

🤩 大围｜红茶冰室｜80 HKD｜#丁丁香港探店地址：大圍村南道51號地舖-种草了之后一直心心念念提前两天盘算要吃啥有好几个打算去吃的菜打算多去几次尝个遍-「焗咖喱薯仔猪扒」一开始尝到咖喱没有很浓感觉低过预期但是越吃越好吃咖喱越吃越浓！个人很爱吃浓咖喱和焗饭安利安利！-「招牌红豆冰」招牌红豆冰也很好喝配餐只要9HKD可以点一下-「铁板海鲜炒乌冬」这个朋友吃的看起来也很棒！里面海鲜有很多看起来就很有食欲

今次喺大圍食lunch，男朋友帶咗我嚟呢間茶餐廳，佢話佢都嚟食過好多次，我之前經過嗰陣都見到幾多人喺門口等位。入到去坐低之後，發現樓面都幾多侍應，唔會話叫極都冇人應你。同埋有一個好特別嘅特色，就係佢哋有新鮮麵包出爐嗰陣，會請個餐廳嘅侍應叫一次😂 幾有氣氛的👏🏻-💛美極生炒牛肉飯 💰66 (好味道: 💛💛💛)第一眼上台嘅時候有少少失望，因為我見唔到有一片片嘅牛肉，只有一粒粒嘅碎牛🥺 不過整體而言個飯係炒得幾好的，好有光澤感，同埋每一粒飯都好平均有美極豉油嘅味道，不過食到最後會有少少鹹🤏🏻 同埋如果佢啲牛肉大片啲會開心好多🥲 話晒都60幾蚊一個炒飯-💛脆皮蒜蓉雞扒飯 💰63 (好味道: 💛💛💛)好明顯地見到塊雞扒係大過碗飯🤣 不過塊皮就唔算好脆皮🤔 雞肉係滑的，同埋個蒜蓉汁都幾開胃👌🏻-💛 凍檸茶 💰6💛凍好立克 💰6兩杯凍飲都做到水準，好立克嘅粉加得啱啱好，唔會太甜👌🏻 不過平時茶餐廳凍飲都係+2至$3，但係呢度就要加$6，整體價錢都係有少少偏中上。-人均消費:💰71 (免加一）環境:💛💛💛服務:💛💛💛推薦:💛💛💛

住沙田區過往都會專誠駕車到【大圍紅茶】買外賣順便買個菠蘿包食。今次2021-08-26, 打單時間晚上19:03:54 ，收銀阿姐（可能係老闆，50-60歲，短髮，黑衫，黑口罩）對我哋排隊落order 及結賬顧客呼喝，自己忙做到噪就喝我同後面幾個婆仔；大聲呼喝【你埋單同我即刻上嚟(指令式態度極差)】，啲婆仔幾廿歲又唔係你職員，佢哋點會知你做法？係咪以為大家都是打妳工，要接受妳命令？一場買賣食品交易大家應該互相尊重。之後到我落外賣order後又粗魯扯我啲錢，找贖時又掟啲大力拍錢十分衰格，我後悔一直無出聲啞忍。。。我以後不會再幫襯依間食店，原來我來消費(買外賣)要受你氣的。。。

红茶冰室已經開了一段日子，平日要排長龍，可能下雨，今天不用等，可以馬上直入，到這間餐廳食下午茶，想試招牌菜。要了招牌沙嗲牛肉麵和奶茶，另外要了一個下午茶餐，叉燒燒腩飯。説老實，沙嗲牛肉麵没有太大驚喜，牛肉尚算軟嫩滑，沙嗲汁還可以，但是，比另外一間之前試過，還是比那間好食些（可能個人口味），下次有機會介绍，丹麥包和蛋卷也可以。反而，燒味飯很好味，賣相也很好，叉燒不太乾又有麥芽糖甜味，又没有黑色燒焦，又没有肥膏，整体適中。之於，燒腩仔有脆皮，肥瘦適宜，口感很好，當然完全食光光。食物普遍味道很好，合我口胃，一定會再試。最後，奶茶也算可以，尚嫌紅茶味好似不夠濃，可能是奶味覆蓋了，一般我不加糖，品賞原来味道，但也算很滑，一般茶餐廳水平，但由於叫“红茶”，所以有些寄望。地方環境非常方便，一出地鐵站A出口就到，卡位尚算舒適，就餐空間比較迫，但疫情隔離，兩個人免強接受。冷氣也可以接受，甪膳餐具自己用熱水再洗乾淨，上餐時間不算太耐，服務員服務態度也不差。整體以言，地點，環境和食物都很好。

去買外賣，帶位金色頭髮嘅服務員話，你叫外賣出去睇⋯已經心中想翻白眼⋯跟住去收銀度俾錢，全程收銀個個食錯咗藥咁，句句都串，話呢個話個個⋯有冇搞錯啊，俾錢嚟買嘢食仲要受呢啲氣⋯呢間服務態度簡直係離曬譜⋯疫情好返啲，就咁嘅樣⋯請埋呢啲不知所謂嘅員工. 之前覺得呢間嘢食都唔錯，但呢啲咁嘅態度，每次買外賣都洗黑曬面，究竟係客人重要，定係你哋啲staff心情重要？你哋好好反省下啦. 大圍咁多茶餐廳，仲有大把選擇，你哋啲咁嘅態度，不食也罷.

係油麻地食紅茶，覺得唔錯，見大圍有，排左一陣入去食，唔食猶自可，一食成肚氣！問阿姐，常餐可唔可以轉意粉，阿姐話冇得轉意粉，轉意粉嗌呢啲午餐，態度極度惡劣，我答咗佢:轉米粉，繼續哦，以為得罪咗佢？切雞髀飯，啲飯好硬。沙嗲牛麵，個面浸左5分鐘，都係好硬！一行三人，再嗌其他食物，阿姐繼續保持惡劣態度。再叫多一份外賣，同加蛋撻，一句得埋嚟：冇蛋撻呀！我哋再問佢，幾時會有，阿姐話：唔知喎！要問吓？轉個頭返嚟，都係答你唔知幾時有。已經受氣飽咗，諗住快啲飲埋杯餐飲，快手拎個外賣走人，兩個阿姐輪住催你走，我答佢：我可唔可以飲埋杯咖啡先落去拎？抹枱嗰陣時，仲掃咗啲污糟野落我個身度👍🏻其實有好多有質素嘅餐廳，服務亦都好好，職員嘅禮貌都會好好！

紅茶嘅沙嗲牛好出名，今日入嚟試下午茶，一試果然無令我失望😋😋 配上丹麥酥、火腿奄列，特餐$52，凍飲加$3試埋招牌芝士流心西多士都ok, 可惜甜味蓋過芝士味，如果芝士味再濃啲就完美，但都唔差嘅😋下午茶餐$36 價錢都合理。

招牌咖哩吉列豬排飯（$70）​由於唔係是日午餐餐牌入面，等左超過半個鐘先上菜，塊豬排🥩即叫即炸。咖哩汁濃杰度岩岩好，脆口既豬排再淋個咖哩汁恰到好處，個汁都好岩用黎撈飯🍛。入面既薯仔外脆內軟，非常好食，另外配凍檸茶（+$6）好大杯同好飲。​​​冰火脆皮菠蘿油配紅豆冰（$26）​新鮮出爐熱辣辣既菠蘿油，入面夾住冰凍既牛油，入口真係有冰火交融既感覺，好香好脆，令人每次黎都會想食返一個。​