紅米 (已結業)

毓華里係我平日既飯堂美食街，平時都係食粉麵茶記，今日既午餐決定試試新野最近進駐左間米飯創意主題既餐廳，平日行過都有好多人等位，幸好我地今日一去到就有位坐，裝潢新穎同幾吸引到人想入黎試下，有好多唔同款式既飯同下午茶選擇，我地叫左蕃茄豬扒焗飯同是日午餐雙腸漢堡扒蛋包飯，估唔到落完單到有得食只係等左五分鐘左右，因為我好怕要等好耐都未有得食既餐廳。蕃茄豬扒焗飯：味道正常，份量大份，飯用珍珠米同埋少許硬(本人比較鍾意焗飯用泰國米)。雙腸漢堡扒蛋包飯：味道好普通，份量對男人黎講算少對我而言，不過不失，裝潢係新穎同吸引，但唔會想刻意再來食既意欲。

有日經過，驚見慈雲山開了新餐廳！😮招牌光鮮，餐牌貼喺鋪嘅出面仲連價錢，令人一目了然！本來想和老公試早餐，早上11點3到要攞飛等位，店員話等到有位已過早餐時段，所以我們放棄了😤。結果同一日，由於心有不甘，決定晚餐再歸來！😠 來到時已7點幾，見到有10個人左右喺門口等位，老公去攞飛⋯我地係二人枱的第一張，所以決定等！等左大概10分鐘就有位，店內基本上沒有二人枱，所以是拍住張四人枱坐⋯⋯🙄睇餐牌用了不少時間，佢選擇都算多⋯⋯主要有蛋包飯、鐵板扒、米線、焗飯等⋯⋯最終我揀了鐵板雞扒拼帶子，老公則吃呢度聲稱必吃的焗🐷！另外加了小食3個🤓話咁快⋯⋯真係超快⋯⋯食物已到！ 脆炸雞翼$16炸雞翼的炸漿不算鬆脆，比較硬，雞翼件頭大但肉質偏實，冇肉汁冇乜味，勝在抵食😁 鴨胸沙律$26呢碟鴨胸沙律份量好足！鴨胸每人都分到3，4件而且味道正常！沙律菜更加係食極都有（雖然最大原因係佢啲沙律菜切到好碎………）Dressing 方面仲有胡麻同千島醬揀，非常貼心☺️可惜的是沙律菜表現一般唔新鮮，份量大反而變成了缺點🙄 鐵板雞扒拼帶子 跟意粉$46鐵板一上枱，嘩！雞扒有兩塊，粟米有芝士，賣相不錯！從來無唸過有兩塊雞扒⋯滿

新餐厅，新开期間每次經过都現人龍，是次不到6点，一人晚餐，不用等位，便一試，由於無肉不欢，便點了鉄板牛扒餐，等餐的時間無無聊聊，周圍望，竟發現那么新的餐厅，竟然地上那么dirty,員工亦表現非常之不專業，有的不停在傾手提电話，有的一眼便看出是新手。餐飲先上，普通凍茶一杯，再过不久，牛魔王登場，做型較特別，被紙圈圍住，但未見鐵板和sauce有很大反應，不見得会四濺，可能鉄板不夠熱吧，薯條用幼的，牛扒夠林但缺了肉味，新式餐厅少了傳統茶記味道，價錢大眾化，但下次，还是选茶記吧

當潮流愛新鮮，大抵解釋了點解新開既餐廳總係較受歡迎。更加上餐廳門面企理光猛，地區入面少見對裝修較為用心既餐廳，所以大家對呢家新餐廳都頗為熱情，甫一開業顧客就駱驛不絕，非繁忙時間等位都要十分鐘起跳。下晝三點到去到，我叫左一個肉醬鐵板飯，老友就叫左一客炸雞脾加薯條。肉醬鐵板飯醬汁偏咸，而且用料比較吝嗇，醬汁入面只有零落少許肉末，鐵板唔夠熱，所以勉強只係一個用鐵板盛著既普通肉醬飯，無鐵板飯熱辣辣，每一口都係熱燙既滿足感。炸雞脾加薯條味道就不過不失，調味尚可，但炸雞脾同薯條似乎已經炸起一段時間備用，所以冷掉了只有暖暖既餘溫。薯條都已經失去左脆身香口既感覺。整體感覺可惜，覺得佢市場定位幾好，應該大有可為，但需要係食物質素上多下苦工。開餐廳不是為了爭一朝夕，而係一門長久作戰既學問，不能只靠顧客新鮮感維繫，更不能沒有熱愛餐廳出品既熟客，但食物無煮出相應既質素。店方最應該思考既問題係：當熱潮慢慢腿去，餐廳會唔會好似呢個鋪位既上一手，同上上一手一樣，只能慘淡經營，最後黯然離場呢？

今日去咗呢間新開餐廳食野，朋友叫咗個蛋包飯，我叫咗個芝士肉丸飯。個餐加5蚊有個湯，每個餐包一杯熱飲。另外加多客雞亦。首先個雞扒蛋包飯，蛋夠滑，茄汁酸甜適中，雞扒夠juice唔韌。不過略嫌美中不足既係塊蛋淡咗少少，一定要撈汁食先好味。呢個焗芝士肉丸飯，個芝士汁好濃，濃到覺得有啲溜，肉丸彈牙，個飯唔乾。食咗一半已經覺得好溜，食唔哂……呢個火腿粟米忌廉湯，好滑，好多料，啖啖都有粟米，正。個炸雞亦略淡，但炸得香脆，唔夠滋味。