紅火鮮料火鍋專門店

營業中

休息中

最近天氣開始涼, 最岩去打邊爐喇~今次去左兆萬覓食, 見到有任食火鍋, 就入左去喇!我地7 點去到, 好彩未有好多人, 唔駛等位就有得入座喇入到去都唔覺得有好大陣邊爐味, 睇黎D 抽風設備做得幾好湯底都有好多選擇:我地揀左胡椒豬肚雞煲, 一黎到就好香喇~野飲都有唔少選擇:我試左個蜜桃汁, 初初以為會好甜, 但又唔會wo, 反而清清地! 岩哂我口味因為太肚餓, 我地好快就嗌野食喇~我幾欣賞可以揀"多"同"少"既份量, 好體貼~因為怕眼闊肚窄一時寫得太多野食, 所以我都先揀左"少", 唔好浪費!手打蟹籽墨魚滑每次去打邊爐我都好鍾意食手打既魚滑, 呢個魚滑爽口彈牙, 唔錯!!脆卜卜炸魚皮打邊爐一定要食既炸魚皮~ 又脆又夠鹹我鍾意!蜂巢冰豆腐呢個冰豆腐幾得意, 個樣真係幾似蜂巢, 一開始仲以為係冰糖放落個火煱之後就變返豆腐樣灸燒芝心丸呢個係我既至愛, 不過我寫左2次要"多"既份量, 佢地都係俾左2粒我第3次寫埋"要5粒", 佢地真係俾左5粒我, 因為真係好好味呀食到咁上下就去拎甜品, 選擇唔算好多~竟然有吱吱冰食!好有童年回憶, 即刻拎一枝同朋友share食~再食多個紅豆雪糕, 食左咁多野真係

呢排迷上左食雞煲，咁岩屋企冇飯食，就同細佬嚟左呢間任飲任食嘅雞煲邊爐！未點菜，出面就已經有好多小食可以拎，而且質素仲唔錯！出面飲品櫃有好多選擇，全部任飲，飲左幾罐我至愛嘅忌廉溝鮮奶！我地揀左微辣嘅古方鮮雞煲，嚟到見到個雞煲有好多配菜，好似三色椒、洋蔥等等，我本身好鍾意食呢類型配菜，所以好開心！雞件好多而且全部好嫩滑！覺得呢間餐廳好細心，特登整個咁嘅架可以比大家放食物，而且又方便拎！好似呢個手打蟹籽鮮蝦滑，一嚟大大粒好得意，食得出真係由鮮蝦打成，所以食落好彈牙，好鮮味，唔會食到成口粉！人家讚賞鮮蝦丸本身以為係雪藏龍蝦丸咁嘅質素，點知嚟到好驚喜，真係有鮮蝦喺入面，同樣都係超級好食！無諗過二百有找嘅邊爐有本地鮮牛坑腩食，平時食碗牛腩麵都幾十蚊，真係食幾舊就回本！打邊爐點少得雪花肥牛，見到都心心眼！是日海鮮有蜆食，鮮味！總結，呢度我真係真心推介，價錢平，選擇多，質素高，而且上菜速度都好快，我會再嚟！

近日天氣夜晚轉涼,又係食火鍋的日子,响開飯揾到呢間兆萬17/F既新開張食店,俾佢哋張抵死火鍋料菜單吸引咗！一入嚟環境舒服,坐位夠闊落唔擠逼,員工服務態度友善,開始揀火鍋料嘞,我推介有田鷄(拎出嚟d肉仲識跳動),鲜蝦滑 、黑栢葉等等,全部肉質都係爽口彈牙,不妨一試！

秋風起,又到咗適合打邊爐嘅季節,聽聞呢間紅火鮮料火鍋專門店有個百年古方鮮雞煲,又可以一煲兩味,就決定同阿肥上嚟試吓。舖頭喺兆萬中心十七樓,勁方便搵都唔洗搵一定識上嚟。睇完餐牌之後發現佢除咗雞煲之外仲有牛腩煲,原來都幾多選擇不過我哋今日係衝着雞煲而來的另外火鍋配料都有好多全部都任點任食,咁我就唔客氣啦。百年古方鮮雞煲($178蚊),裏面都差唔多有半隻雞嘅份量,啲雞斬咗件之後都啖啖肉,佢介紹話用咗幾十款醬料加香料醃制而成,所以啲雞全部都好入味同埋好滑,我諗如果加咗辣嘅話可能應該會更香,不過阿肥唔食辣嘅就遷就下佢啦。而我最推介嘅火鍋配料就係丸類同埋滑類,全部都係人手打出嚟所以好特別份量亦都好大粒烚完之後好好味,無論蝦丸、墨魚丸、蝦滑抑或花枝丸都好彈牙十分出色,絕對係必點項目。另外最令人驚喜嘅係百花釀油條,係油炸鬼上面釀咗啲彈牙嘅蝦滑上去,雖然烚熟完之後油炸鬼已經唔脆但仍然係美味可口所以忍唔住都叫咗兩次黑柏葉超正淥十秒已經可以拎番上嚟食,超爽口蔬菜亦都好新鮮翠綠色的,烚完之後吸晒啲雞湯味yummy任飲任食之餘雪糕同埋嘢飲汽水都係自己隨便攞,任君選擇,抵食

來到旺角，兆萬中心是最多美食的了，今日和太太想食火鍋，自然就選擇了紅火鮮料火鍋專門店。上去見到餐廳都很多人，三五知己良朋的正食得滋味，傾得開心。餐廳大部份是卡位，令人感覺舒適。紅火任飲任食兩小時我們九時前入座$178。每位+30元任食刺身，刺身我和太太都喜愛食，當然不會錯過。刺身有三文魚，甜蝦，八爪魚，墨魚片，鮑魚片，馬刀貝，螺片，希靈魚，玉子，蟹棒等。其中我最喜愛三文魚軟滑帶油香，八爪魚及墨魚片，夠鮮。鮑魚片新鮮清甜，希靈魚非常爽口。餐廳湯㡳都有十個之多，鍋底有蘿蔔煲崩沙牛腩煲，百年古風鮮雞煲，花雕醉鮮雞煲，胡椒豬肚雞煲，粟米鮮豬骨煲，蕃茄薯仔豬軟骨煲，香茜皮蛋煲，銀杏菜乾白肺煲，沙嗲鍋，鴛鴦鍋，共有十個煲或湯底任揀，我們要了個鴛鴦鍋底。一邊是清湯底，另一邊則是沙爹湯底，我喜歡清淡㸃，而太太則全程用及喜愛沙爹湯底。餐廳有上百款的火鍋配料可任食，飲品有十幾款，有特色的韓式飲料及汽水，甜品，還有餐廳自家製竹蔗茅根水，連啤酒都任飲。肉類我們㸃了很多，有餐廳自家製手打蟹籽墨魚滑及手打蟹籽鮮蝦滑。蟹籽墨魚滑非常爽口及好墨魚味，蟹籽更增口感，十分推介。蟹籽鮮蝦滑也是非常正呀。還要了生猛海蝦，我會

秋意濃, 最佳活動係打邊爐揀左旺角方便大家。 10選1湯底或雞煲我地揀左雙拼湯底各取所需。清湯配沙嗲湯底。個沙嗲十分濃縮, 勁香似沙嗲醬咁。 清湯就有好多蔬菜配料。餐前小食: 點左個魔鬼釀蝦膠,$38 油條好脆, 蝦滑好新鮮點心紙超多選擇, 冷門熱門都有齊。 田雞上碟仲跳梗, 好震撼呀。一試難忘魚皮餃(左): 個皮好正。 真係要試試蝦丸(右)係用新鮮蝦整成, 冇腥 好彈。 n call左2次。煮完由灰色變粉紅。 完全新鮮天然冇落色素除左個擺法冇麥咁講究之外, 色香味俱全。 雲吞水餃都係自己包, 餡十分讚個餡真係落足料。 就咁散賣俾客都有market.飲品選擇有20幾款。 食飽飲醉真滿足見到人地10幾個同事收工黎食。 氣氛一流呀。

放工鬆一鬆。 約左同事黎呢度食打邊爐 平日7點幾上去, 有半過數已入座。 場面幾熱鬧。 而每個座之間有足夠既空間, 所以可以同同事好舒服咁傾計而唔需要大聲講野首先就每位加30蚊食魚生。 魚生係新鮮厚肉, 只係個擺佈比較隨意。 枱邊有個三層架, 可以完美放置食物。 好方便好細心。每份食物都有得揀要大份定小份, 我地4個人就叫哂小份。 每樣會俾你4件。 推介:魷魚羊肉片三文魚頭田雞蝦薯粉牛百頁海蝦十分大隻新鮮仲有任食前菜: 鳳爪青瓜出前一丁同准山麵都係任拎上左枱仲郁梗既田雞小童:3至12歲減40蚊3歲以下免費所有食物都好新鮮, 大份。 200蚊有找係抵食之選。

約了幾位朋友飯聚，大家返工地點天南地北，就約到這間位於兆萬，十分就腳的紅火火鍋打邊爐店子以放題形式經營，但裝修都很別緻先點一份雞煲，因為同行朋友不能吃辣，唯有叫原味，幸好亦十分惹味，而雞件亦嫩滑，入味之後開始正式打邊爐，擺盤十分精緻，像high tea一樣放在層架上點了羊肉片，羊肉味極重，嗜羊之人會感到十分滿足黑豚肉亦為水準之作，切得極薄，只需淥一淥即可入口，令豚肉入口時仍能保持嫩滑口感，讚鮮蝦雲吞難得地人手製作，蝦十分爽口彈牙，值得一試百花釀油條十分特別，新鮮蝦膠釀於油條上，彈牙之餘又有脆脆的口感，難得如果一大班人想找個就腳地打邊爐，回到味來絕對係好選擇！

約左幾個朋友食飯，揀旺角兆萬夠就腳，左揀右揀就揀咗17樓嘅火鍋店。湯底揀左百年古方鮮雞煲中辣，香噴噴的雞煲，加入了芫荽，大蒜，辣椒等香料，而且好足料，很多雞，四個人食極都有，雞煲越滾越辣，對於我來說，食到後尾係一大挑戰。食完雞煲，就可以加湯打邊爐，配料有很多，牛肉，丸類，海鮮，內臟，蔬菜，不同魚滑，應有盡有。我自己覺得好味既有：多款餃子：餐廳自家制，有多款味道供選擇羊肉：薄薄一片，配麻醬及沙茶醬食更佳墨魚滑，蝦滑，鯪魚滑：我最喜歡自己整到大大粒放入爐，口感新鮮彈牙脆肉鯇：厚切，爽肉。*記住跟據專家建議煮熟先食*整體來說，每人任食價錢為二百元，坐得舒服，食物新鮮，性價比高，還有啤酒汽水雪糕甜品。每枱有三層tea set架放食物，可以放更多在枱上，可見餐廳的心思。

係旺角行行下街媽咪無啦啦話想去打邊爐，咁岩經過兆萬，見到樓下招牌有任食火鍋😏正合我地意👍🏻係屋企食又要去買又要整，食完又要洗餐死，都係出去食好，食完俾錢拍拍屁股就走得 good同埋呢到7:30入座都係$178+1一位任飲任食價錢實惠。上到去坐低左之後望一望個menu,都幾多火鍋食材揀選，火鍋湯底亦有十多個供選擇！！我地點左個雞煲，之後就自己出去拎野飲、醬料等等，見到仲有少量小食提供。拎完番到黎雞煲都到了，香噴噴熱辣辣因為我同媽咪都唔太食得辣，所以就點左唔辣的。雞肉肉質嫩滑惹味，仲要份量十足有好多件，多到我地都食唔晒，食完d雞已經飽左一半了之後再加湯開始打邊爐！！食到咁上下店員亦會時不時過黎幫我地換碟，值得一讚一開始自己出去拎左d小食同埋+$20點左d刺身食D刺身都幾新鮮，但種類較為普通了點！！新鮮滾熱辣雞煲出場😋😋每張枱都有個三層架放係到，夠晒慳位食幾多點幾多，唔怕浪費手打蝦🦐滑墨魚滑夠晒彈牙！！最愛田雞上枱時仲識郁的，証明係即叫即劏既，非常新鮮食落肉質嫩滑鮮甜臨尾仲食左兩杯雪糕🍦先埋單走十分滿足的一餐！！

天氣開始轉涼，夜晚自然好想打邊爐~ 又想食飽d，身處旺角嘅話兆萬中心一定係不二之選。 呢間火鍋放題我地第一次去，招牌菜係百年古方雞煲， 當然要試下佢啦。一上鍋以經聞到好香好濃烈嘅味道。雖然的地得2個人，但雞嘅份量好多，夠3個人食添。雞肉入味嫩滑，配菜都吸哂汁底嘅精華。辣度可自選，我地就揀左小辣，不過係會越食越辣😂但真心惹味😋仲有成揸竹蔗茅根，解渴又冰凍，即時無咁熱氣~ 菜單上嘅野都係任點任叫，菜句都好有創意同深度😂好欣賞老闆嘅心思海蝦❤️新鮮大隻，彈身唔痴殼魚皮餃❤️皮薄饀靚雪花肥牛／牛坑腩❤️色澤紅潤，雪花紋理頗多，入口即溶，牛味道突出，幾有水準! 甜品當然唔小得，呢度有細細個最鐘意食嘅唧唧冰😍😍大滿足！！

係人都話兆萬D野唔掂，日式放題我就少食，但試過呢間火鍋幾次，都覺得唔錯，性價比幾高。佢喺17樓，成間餐廳都算多位，不過七點零八點比較多人，所以穩陣D就訂位啦，或者好似我地咁，早少少食。今日上堂前來到呢度，被安排到梳化位，坐得舒服。一坐低馬上落order，因為比較趕時間。先揀鍋底，再點選配料，飲品自取，上菜速度都ok，前後加左三次野，都好快上齊收費方面，7點半前離座/9點後168蚊位；最抵就條11點後宵夜時間148蚊位，任飲任食兩個鐘。飲品方面有啤酒、汽水、蔗汁，同好多款韓式飲品。除左招牌雞煲，仲有幾款湯底例如花雕醉雞、胡椒豬肚雞、豬骨煲、蕃茄薯仔、沙嗲等等。配料方面都係一般放題會供應嘅款式，有差唔多成百款，肉、海鮮、丸、餃、蔬菜、麵食等。想食刺身就加30蚊位；另外有手切肥牛，都好抵食，每位加20蚊醬料：刺身：每位加30蚊，刺身有三文魚、八爪魚、甜蝦、墨魚片、鮑片、馬刀貝、鯛魚、玉子、希靈魚、蟹棒等，質素都ok啦。前菜：不得不提，個青瓜幾開胃，夠香辣。雞煲：點左雞煲，少辣，即製，所以等左約莫十零分鐘，我地就食住前菜同刺身先。雞煲幾似樣，味道唔錯架，醬汁幾濃郁，好入味唔會太鹹，有少少辣，唔

兆萬中心多任食放題不用我一一說明吧，這次同家人經過兆萬媽媽說她好似在這裡食過一次放題，所以晚餐就戴他們到17樓，食這間「紅火鮮料火鍋專門店 」店內好光猛，有卡位也有大圓枱，一大班朋友食2、3個人食都得😆我仲見到有間ᴠɪᴘ房每次打邊煱首先要做的事，就係撈一撈食個醬先🤓打邊鍋基本要用的醬料都有齊，有炸蒜、生蒜、辣椒、香蔥、芫荽....仲有辣辣醬😍撈好個醬就出去拎飲品，有好多選擇有韓式飲料、汽水，仲有自家製既竹蔗茅根水岩曬打邊爐有雪糕同吱吱冰，記得小學既時候好鐘意食吱吱冰😆叫了鴛鴦湯底，沙嗲和清湯湯底。為食小胖子最喜歡就係沙嗲湯底夠晒濃味😘點餐紙食物既名字好有趣，睇到都會心微笑呀！例如：一試難忘魚皮餃、自己滿意墨魚丸😂😂另外我們還加了每位加$20，就可以任食手切牛肉。手切牛肉脂肪和肉質比例平均，好有牛肉味雲吞大大粒，入面仲有好多隻蝦蝦！脆卜卜的炸皮，好香脆浸幾秒就食得喔

天氣漸涼，最岩就約埋一班大食既朋友去打邊爐，話明大食當然要揀D任食邊爐先可以回本啦，如果唔係破產都似🤦🏻‍♂️但係好多任食邊爐既質素都比較參差，所以真係要好小心選擇...最終朋友就提議食「紅火」，因為佢之前食過，亦都冇諗過被稱為劣食塔既兆萬都有好野食！一行七人兩個爐，粟米豬骨煲同中辣雞煲。任食配料都超多，除了有是日海鮮，普通打邊爐既配料都有；牛🐮，豬🐷，魚🐟，羊🐑，雞🐥，樣樣齊。全部都好新鮮，d肥牛仲要係即片出黎，正！讚👍🏻是日海鮮有大大隻蜆，最重要D蜆好乾淨同冇沙餐廳有個好處就係我地可以揀多同少，鍾意食就叫「多」，想試下就叫「少」，好好既概念，因為想食客唔好浪費食物💙所以食材份量都係岩岩好！

今天約了幾個朋友聚會，當然是選中間點旺角區，三五成群最適合都是打邊爐，在旺角區打邊爐的確很多選擇，今次選了這間位於兆萬中心十七樓的紅火鮮料火鍋專門店。早兩天已打電話預約，怕十一黃金週多人，我們約了晚上七點，侍應安排我們坐近電視，可以一邊吃一邊看電視。食物方面有多款湯底選擇，我們點了微辣雞煲和粟米鮮豬骨煲，湯底很快就上檯，不過電磁爐略有點慢，雞煲很足料，辣度適中，非常香口，豬骨湯底也很足料，整個鍋都是豬骨、湯很濃。至於食材也非常多，我們加了錢升級魚生拼盤，打邊爐食物種類很多，有海蝦、肥牛、羊肉片等貴價食材都是任點。每款都可選少量或大量，非常體貼細心，食材每款都很新鮮。飲品有可口可樂、竹蔗茅根、啤酒、樂天飲料等....總評：這間店是任吃任飲，二百元有找，而且還有雪糕、啤酒、冰條......算是非常便宜，值得推介。