紅火鮮料火鍋專門店

營業中

休息中

因為有朋友推介，所以就黎試試。因為6:00前進場價錢較實惠（$178），湯底選擇了花膠雞湯，因為朋友特別推介這店舖的湯底特別鮮甜，因此打邊爐之前先試試個湯底，一試便知真材實料，十分鮮甜，不是市面上的味精湯。火鍋佐料質素也十分高，牛肉不肥、海鮮十分鮮甜，，雖然飲品選擇不多，但有很多不同味道的雪糕彌補，誠意推介帶埋朋友仔一齊黎，而我一定會再去食！服務員態度親切，惟員工人數不多，令點單時間延長，希望在這方面可以改善改善啦！

💙 最基本既選擇係火鍋任食！🍲 以入座時間 6:30-9:00pm 黎計就係 $198/per person💙 有雞煲湯底勁正🤤 我同媽咪嗰日想食冇咁濃味，所以嗌左花膠雞煲！嚟到嘅時候，首先要飲碗雞湯先，超好飲👍🏼 仲真係搵到兩條大大嘅花膠🥰💙 火鍋配料都係任叫，肥牛，豬肉，丸類，海鮮少不免👍🏼 💙 除咗火鍋配料仲有熟食，例如炸物可以叫~💙 係呢個時段內加多$40 (total $238 per person)，仲可以嗌埋日式放題！🍣 魚生刺身任點😋💙 再加多$10 (total $248 per person)，仲可以連韓燒都玩埋，牛舌, 雞軟骨, 魷魚等通通都有得鐵板燒😍💙 飲品雪糕都係任食，兩大個飲品雪櫃，自製既竹蔗茅根汁都有，雪糕仲有好幾隻味添😊💙 講真呢個價錢算係幾抵食👍🏼👍🏼

紅火鮮料火鍋專門店 今日約左老友去兆萬中心打邊爐，佢話一定要帶我來試試有間好抵食材料新鮮又足料雞煲火鍋、中日、中日韓不同時段有不同價錢金牌重慶雞煲新鮮冇雪味, 都幾入味香辣味道不錯雞件大大隻好抵食刺身新鮮冇雪味，款式選擇仲要都幾多下海鮮選擇非常多, 蝦超鮮甜又爽口, 蜆乾淨無沙也很鮮甜。韓式燒烤打邊爐嘅肉類仲可以用嚟燒烤，一種肉類兩種食法，真係好正因為肉類唔係原身既, 燒出來都幾好味炸物芝麻雞翼炸得皮脆肉嫩飲品多款汽水和啤酒任飲，自家製竹蔗茅根水都有. 抵讚材料真的很新鮮，食物選擇多，價錢滿意

-🔸中日韓放題 $228/位-旺角地膽點可以唔介紹吓兆萬中心呢棟「美食廣場」呢？就算中過幾多次大伏，都未磨滅晒我嘅戰鬥魂🔥 今次終試到一間性價比極高嘅任飲任食餐廳喇！紅火提供幾款唔同價位嘅放題，最貴都只係$228就可以食晒中式雞煲火鍋、日式刺身放題、韓式燒肉，包保你食到捧住個肚走！首先叫咗個花膠雞湯底，可以先飲湯同食咁啲花膠同雞，再加湯打邊爐。飲落雞湯底都唔曳，雞件份量十足，花膠大大舊好足秤！打邊爐同韓燒配料、日式刺身壽司同炸物都係剔紙仔落單，食物都好快送到。話說一次過睇住兩個爐有夠忙呢～好老實講，呢度用料唔會係最高檔，但勝在品質同款式對得住價錢有餘，非常有誠意，飽到反肚都係試唔晒所有嘢，大胃王啱晒啊！

是日跟好友行兆萬，沒想到現在因為疫情，好多小店已經結業，西裝店外更標明＄700可以買到度身訂製的西裝......依家好多食肆都有優惠，兆萬算係多食肆的商場，我和好友見呢間有中日韓式任食價錢相宜，加上6點前入座價錢超抵就決定入去感受吓。中式係指打邊爐，我和好友就點咗花膠雞湯做湯底，我個人純粹想飲吓湯和食花膠來滋補吓，飲落感覺不太咸~~~有我平日少買的豬紅，還有芝心丸，豆腐係用百福包裝的豆腐，感覺算夠衛生又好食。d肉切得薄又靚~~~日式係刺身壽司放題，我和好友一開始就點了一盤刺身來過口癮，有鮑片、帶子、赤貝、北極貝等，賣相吸引，食落都覺得不錯，雖然不是高檔次，但至少滿足喜歡食刺身的好友和我的願望。韓式係指韓燒，有羊架、安格斯牛柳粒等，個人認為韓燒好睇我自己燒的火喉和落鹽有冇落重手，而我意外地發現用打邊爐的美國雪花肥牛片來燒仲好味過韓式肥牛片，安格斯牛柳粒入口感覺肉感鬆軟，值得一食。店內的飲品和雪糕係自助任取，選擇都算唔少，如果有我喜歡的蘋果綠茶就更理想（因為甜得來又唔會有氣）我個人覺得檸檬茶幾好飲，因為平時好少買那個牌子的飲品~~~個人覺得雪糕奶味濃咗DD~~由於我和好友有d眼闊肚窄，所以

好耐都冇試過打邊爐但係男朋友又話想食韓燒見到旺角居然有一間兩樣嘢都可以一齊食嘅放題店!!!即刻去試吓好開心嘅係佢哋應該裝修冇耐所以環境好光猛同埋好乾淨🥺見到韓燒 ,雞煲同放題一齊食嘅價錢都係二百幾蚊😂真係好抵一張枱已經有晒兩個爐👍一次過滿足晒兩個願望首先要一個小辣嘅雞煲雞嘅數量非常多!!而且佢唔太鹹 但係由於香料好多令到雞都好入味😛必嗌佢另外有啲紙俾你可以加湯之後有唔同嘅配料最正就係入邊有芝心丸 同鮮蝦雲吞 ,大大隻蝦同埋拉絲嘅芝士😙另外一邊我哋就叫咗韓燒 可以自己喺紙上面要唔同嘅野食 選擇都幾多👍😛基本上主打嘅肉類我哋都好滿意特別係牛小排同牛舌Encore再encore 除咗佢哋脂肪分布好圓滿之外食落去嘅肉味仲好濃 又唔太咸冇乜加工嘅成份!!由於我係一個好三心兩意嘅人我就要左一個刺身拼盤😂如果滿分係10分呢一個拼盤一定有8分以上😎因為帶子同甜蝦呢一類刺身佢哋都可以做到好新鮮 而且冇乜雪味加埋肥美嘅三文魚 !!! 我同男朋友都不停咁食😂😂作為女仔炸天婦羅點可以放棄呢仲要俾我見到佢有炸蝦同芝士年糕超級推介芝士年糕!!雖然佢好邪惡但係一咬入口一邊芝士嘅流心湧晒出嚟嘅感覺真係好正🤓🤤佢哋嘅嘢

每逢和朋友聚會都會想吃放題丶火鍋或韓燒，有時還會為吃哪樣而煩惱。 今次約去＂紅火＂吃，就沒有這個煩惱了，因為它可以在同一個桌上，無限量享用刺身，壽司，天婦羅，炸物，這是放題熱門食物外，還有無限添加雞煲或多樣火鍋湯底選擇，更提供各種肉類讓你韓式燒烤或火鍋。我和朋友一看餐牌已經勁開心，因為可以一次過食到不同種類食物。 我們點了一個雞煲，刺身點了三文魚、帶子、松葉蟹棒、北寄貝、甜蝦、赤蝦、八爪魚、馬刀貝、希靈魚、鮑片。韓燒點了羊架、牛仔骨、生蠔、牛舌、雞軟骨、安格斯牛粒、午餐肉。火鍋肉則叫了是日海鮮(蜆)、脆肉鯇、雪花肥牛、豬膶、豬腸、雞心、芝士腸、芝士丸。其實以上的食物都只佔餐牌五分之一，但已經足夠撐爆我們的肚皮了，尤其雞煲啲份量比想像多。還有各類飲品提供，我們拿了竹蔗茅根水，降降火。最後還拿了一個綠茶雪糕和豆腐雪糕作甜品，另外還提供朱古力，士多啤梨和香芋口味的雪糕。我認為食物的質素不是最頂級，但是絕對合格的，最重要的是，即使是最貴的時段 (248)，在兩小時半享用那麼多樣化的食物，絕對是抵食，除了食物外，調味料和飲品都很多選擇，我已同朋友約定下次再在這裏聚餐。

**紅火鮮料火鍋專門店-旺角兆萬店**旺角實在太多暗黑放題店，而多數都係集中喺兆萬，不過呢一晚我地搵到清泉。可以一次過滿足哂三個願望（打邊爐+放題+燒肉）一個價錢三種享受！打邊爐🍲仲可以揀雞煲，不過我地就要左花膠雞湯，兩大塊花膠！唔會煲到溶溶爛爛，仲有店員幫手剪雞。燒肉既選擇都好多，頭一輪都有店員幫手燒肉。火鍋料都算幾好，仲有好多內臟既野（豬潤，雞腸等等....）炸物都係即叫即炸！刺身都唔錯，夠凍無雪味

如果想一次過滿足打邊爐、食韓燒同埋食日式放題嘅話，依間舖頭幫到你，有一個極平價錢可以同時擁有三種享受《濃湯花膠雞煲》依度嘅招牌菜係雞煲，但係我唔係好舒服，所以想食啲清淡少少嘅，侍應推薦我哋食花膠雞煲，最啱係呢啲凍凍地嘅天氣補一補，暖一暖身。《是日推介海鮮》是日海鮮有大大隻嘅花甲，食落口冇山冇黎，鮮甜好味，如果出街買嘅話起碼三四十蚊，任食來講算好高質素《新鮮魷魚》魷魚新鮮超口肉，就算煮咗好耐都冇縮水，有啲驚喜，食落口新鮮冇怪味，加少少豉油一流《魚生刺身》三文魚、墨魚、甜蝦、海螺、北寄貝等等全部都好高質，單單係呢一碟刺身，係居酒屋食已經要$200，淨係食呢個頭盤已經回咗本

#旺角美食 #小蓮星呑食旺角 🔻紅火鮮料火鍋專門店旺角兆萬中心17樓/小妹乜都想食，所以揀咗一間包羅萬有嘅火鍋店，可以食韓燒，可以食刺身，又可以食炸物，最最最最緊要係有好新鮮嘅火鍋配料打邊爐，依度嘅選擇超級多，小妹揀咗幾樣我覺得好食嘅介紹俾大家////////🧃濃湯花膠雞煲花膠雞煲有2大條花膠，同成隻雞，飲落似住家湯，拍得住出邊好多二、三百蚊嘅湯底，估唔到任食嘅質素都咁高/🧃象拔蚌片完全估唔到喺放題火鍋店會食到象拔蚌，雖然食落口唔算好鮮味，但過下口癮絕對冇問題/🧃墨魚丸唔知係唔係手打，不過好彈牙，墨魚丸入邊亦都有墨魚粒粒，食落口口感豐富，一定要叫/🧃鮮萵筍片萵筍新鮮爽口，食呢樣野記得要睇火，煮得太少時間會太硬，但係煮得太耐又冇口感/🧃魚生刺身我哋叫咗三文魚、墨魚、甜蝦、海螺、北寄貝等等，全部都比得上日式放題嘅質素，新鮮有魚味/////味道:⭐️⭐️⭐️⭐️賣相:⭐️⭐️⭐️⭐️價錢:⭐️⭐️⭐️⭐️環境:⭐️⭐️⭐️⭐️/#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #food

近期好少外岀用膳，難得出去都想食番餐好的～有朋友又想食放題，有人又想打邊爐…最後搵到呢間餐廳兩樣嘢都有得食！滿足哂兩個願望係旺角兆萬中心,位置十分方便~我地揀左中日放題，原來仲可以加埋韓燒！不過朋友生飛滋所以冇揀…打邊爐湯底有好多款，好多款都好吸引！我哋最後揀咗濃湯海鮮花膠煲～ 完全冇諗過湯底咁足料！！有勁多包娃娃菜，四大嚿花膠，仲有好多蝦同蜆！真係海鮮湯～店員仲係咁叫我哋飲湯，唔飲尤自可一飲不得了！！湯底超級濃滑！好香雞同海鮮嘅甜味！堅好飲！我地每人都飲左兩三碗先再加湯開始打邊爐花膠又夠腍～好骨膠原，正！放題食物種類都幾多，應有嘅都有！當然要食刺身～新鮮，肥美～炸物天婦羅種類多，新鮮炸起，味道夠，稍嫌有一兩樣比較厚粉，但都好香鬆脆高質肥牛～丸+蜆一口牛，唔多餐廳打邊爐有午餐肉～食物質素屬中上，夠新鮮，味道又夠，而且上菜都幾快，湯底絕對係高高質！仲包埋任飲任食飲品同雪糕，認真不錯！隔離枱食韓燒，超香！！！而且啲燒肉嘅沙沙聲，今人流哂口水！！好後悔冇揀哂中日韓！下次一定揀日再食過！

2020年10月19日 星期一今日好突然咁約左兩位舊同事一齊食飯，話想傾吓大家嘅近況，所以就同埋老婆一共四個人去咗旺角食飯今次揀嘅呢一間餐廳貪佢有中日韓放題，差唔多咩類別嘅食物都有，價錢仲要唔太貴添，任飲任食最啱我，因為唔需要留意價錢，想食乜都得火鍋方面有好多湯底可以選擇，有啲仲要之前未見過，例如崩沙牛腩煲、銀杏白肺煲、姬茸節瓜煲等等，最後我哋要咗濃湯花膠海鮮煲，感覺好似好矜貴咁湯底嚟到嘅時候真係嚇咗一跳，裏面竟然有四舊大花膠，充滿骨膠原，而且海鮮嘅份量都唔少，有好多蜆同海蝦，令到湯底充滿鮮味火鍋可以選擇嘅配料都唔少，餐廳仲好貼心提供埋素食類別，俾素食人士更加容易選擇配料，特別留意到有某啲配料嘅名稱好有趣，包括一試難忘魚皮餃、忘不了年糕、自己滿意墨魚丸，成功吸引咗我哋點餐食物好快就送到，大部份都好新鮮，首先美國雪花肥牛油脂分布好平均，淥一淥已經熟晒，唔會太靭至於安格斯牛柳粒就充滿牛肉味，夠晒有咬口，而墨魚丸真係同佢改嘅名稱一樣令到我哋十分滿意，因為好彈牙而且充滿墨魚味另外我哋仲有點一分鐘魚片、炸響鈴同金菇，每一塊魚片雖然幾大塊，不過真係淥一分鐘左右已經好熟，變晒色，魚肉唔會過硬，肉質仍

為左慶祝公眾假期 約咗朋友去旺角食放題😌成日聽人講兆萬啲放題好伏 我又唔覺 食得幾開心🤪雖然餐廳係火鍋專門店 但其實佢哋有齊中日韓美食湯底好多選擇 我哋懶係滋潤咁要咗花膠海鮮湯😂夜晚9:00入座 每人 $228價錢合理首先我哋食雞煲 最驚喜係有好多花膠 而雞肉都滑嘅跟住就打邊爐 選擇多元化 成100種配料例如海鮮 啲蝦夠新鮮 象拔蚌質感好爽口蔬菜都好多選擇 粟米香甜🌽 吸晒湯底更加好食仲有好多特色嘅肉類 例如牛坑腩 西班牙豚肉特別推介牛肉！望落去薄 肥瘦適中 入口即溶最特別嘅地方係啲肉可以用唔同食法享受例如牛肉片除咗用嚟打邊爐 仲可以韓燒到最後我哋就開始叫日式放題 刺身同壽司🍣仲有天婦羅🍤 炸得好香口 唔會成口粉或者感覺油膩-📍 #紅火鮮料火鍋專門店旺角西洋菜街1號兆萬中心17樓

好耐冇同朋友去食任食既打邊爐啦，呢日就同朋加去左旺角呢間餐聽到食打邊爐buffet做晚餐。呢到既任食火鍋係連埋韓燒同刺身，夜晚時段係$198，如果啲特別啲既時段就再平啲！平時出街食個打邊爐閒閒地都要幾百蚊，依家唔洗二百蚊就包左火鍋、韓燒同埋刺身，邊到搵啊！有任食既三文魚、肥牛、海鮮等等，包羅萬有，岩哂大家約埋朋友大食特食啊！我地首先就點左啲刺身，呢度既刺身選擇都唔少！我地都點左好多肉黎韓燒，正啊！呢到既火鍋料都有超多選擇！最後，食埋個雪糕做甜品就perfect啦！

尋晚去咗兆萬呢間紅火打邊爐，可選打邊爐同韓燒放題及魚生，我地選了齋打邊爐$218，因為9pm巳夜，而且朋友之前來過，話齋打邊爐已有好多嘢食揀。選了花膠雞煲湯底，個湯超好味，好欣賞佢比半隻雞同每人一嚿花膠。雞好滑，我諗佢雞煲應該都好好食。午餐肉係煎過的，仲要係有火腿的那種靚午餐肉，超長蟹柳口感同味道也是正嘢，嘢食的選擇也多。任食雪糕中，有豆腐和奶茶味，正！天婦羅魚生海鮮乜都有，視乎你選擇那個價錢的餐，部分時段仲可食3粒鐘，我食9pm食咗兩個幾鐘，同朋友傾計傾得開心食得暢快，推介！