紅椒力量

營業中

休息中

今日試咗呢個2人粉面套餐，真係唔錯！$196就可以享受到咁多美味，實在超值！首先，扎肉配檬粉雞湯，湯底清甜，啖啖都係雞香，粉質滑溜，食落去好心滿意足！其次，豬排配金邊粉冬陰功湯，酸辣味道正好，啖啖都係驚喜！再加埋4串串燒，燒得恰恰好，肉質鮮嫩，完全食唔停！最後，咸魚炒時蔬炒得恰到好處，搭配一碗炒什菜，真係解膩之選。而一杯奶茶，既香又滑，完美收尾！😋

中午見到這間餐廳有超值二人餐就來試下。$150套餐竟有兩款主菜＋白飯＋餐湯＋熱飲菜蜜和利賓納，抵食！ 🍍 **京都肉排：肉排外脆內軟，蘸滿酸甜醬汁，經典酸甜醬汁配新鮮菠蘿，洋蔥炒到半透明，爽脆清甜，完美中和炸物油膩感，新鮮菠蘿果香十足，開胃又解膩下飯 🍍 **中式牛柳：牛柳嫩滑唔韌，驚喜發現同樣有菠蘿！酸甜汁裹著嫩滑牛柳，洋蔥和菠蘿雙重爽脆，味道層次豐富 炸絲網春卷：蜂巢脆皮咬下去咔哧作響，外皮超酥脆，餡料熱辣辣，蘸喼汁食更加分！

今日放假，一早約同好友去食早餐，我哋去咗紅磡必嘉街紅磡灣中心12號地舖的<紅椒力量>，環境舒適，傳統茶餐廳裝修。我哋點咗兩個早餐：🍴精美早餐📍鮮牛肉烏冬：牛肉鮮嫩，烏冬軟硬適中，清湯底最好。📍黑松露炒滑蛋拼牛油多士：黑松露炒蛋好香滑，牛油多士好味。📍奶茶紅豆冰：紅豆煮得軟綿，配奶茶好香滑。🍴歐陸早餐📍香煎薄牛扒：薄牛扒煎得香脆可口，牛味香濃，size不少。📍餐肉烚蛋：餐肉煎得香口 ，伴碟除咗烚蛋外，還有焗豆和心心型青瓜。📍椰汁紅豆冰：紅豆煮得軟綿，椰汁香濃，天時熱最啱飲。

呢間餐廳勁驚喜到！雖然係茶餐廳格局，但泰國菜先係佢嘅主菜泰式海鮮金邊粉，料多到誇張，八爪魚爽脆、大蝦彈牙，仲有鮮蜆同魚片，微麻嘅味道滲入金邊粉，食到停唔下來🌶️🍜！豬髀飯🐖又係一大亮點，豬髀肉質嫩滑多汁，配上醬汁同飯，份量多到兩人都食得飽！套餐仲送餐湯同飲品，湯清甜解膩，餐湯有中湯或者羅宋湯，都係店家自己製作的，每碗材料都勁豐富特登叫咗特飲原隻椰青🥥，冰涼清甜，飲落好似喺泰國沙灘chill咁爽！

必嘉街有唔少食肆,價錢相宜,行過見到呢間既環境唔錯,有卡位坐得幾舒服，於是就走左入去。 一坐低睇下个menu,超多選擇!有東南亞菜色,焗饭,鐵板餐,中式小菜等等,真系好似咩都有!薑蔥炆魚腩煲好入味，薑和蔥的辛辣與香氣，與魚腩的鮮味融合，形成了獨特的濃郁味道。魚腩本身帶有鮮味，加上醬油等調味料，整體味道偏鹹鮮。xo西芹抄帶子帶子鮮美，加上惹味的XO醬更能把帶子添增辣，香，鮮等味覺的享受。珍多冰質感爽滑味道清甜，消暑涼伴!

原本打算睇紅館演唱會前食個簡單快飯，結果換來肚氣！🤬🤬 7:00 入到去餐廳落單，快手落2個是日晚餐，職員好快地送上餐湯同飲品。等到20分鐘左右，見食物亦未有就詢問進度，職員話2分鐘前先落單，當刻眼都突埋，明明坐低都超過20分鐘，而且餐湯和飲品一早已到，點解可以話係2分鐘前先落單呢？當刻仲諗緊起唔起身走既時候，見到隔離枱5分鐘前先入座，餐點已經送到。一怒之下，決定起身走人，有職員話要收返飲品價錢，真心無所謂，始終的確係有飲過，但門口收銀想收全數。呢樣先最扯火，道歉已經無，仲想收全數？完全不解一間茶記速度會咁慢，而且服務質素會咁差？ 一句抱歉既說話都無，其實有無顧及食客既感受？唔係唔想支持小店，而係根本撐唔落！

今晚去開紅磡，求其搵咗間餐廳食晚飯。呢間餐廳嘅菜單上面有好多扒餐，似乎係比較出名，但係今晚唔想食咁Heavy，所以叫咗個鹹魚雞粒炒飯。Emm… 個人覺得個炒飯質素一般，首先啲飯太濕，我比較鍾意乾身嘅炒飯，另外啲鹹魚唔夠香，成碟飯嘅味道偏淡，我會覺得唔合格。

我今日約同好友去紅磡行街，順道去位於必嘉街92號紅磡灣中心12號地舖的紅椒力量餐廳食午餐，環境舒適開揚，坐得舒服。我點左個精選扒套餐#1603的香煎羊扒$135，配意粉、餐飽及燒汁，餐飲係熱咖啡；好友點左個優質小菜＃8205的西蘭花帶子$85，配中湯及白飯。羊扒煎得外皮香脆，肉質嫩滑及羊味濃郁，配菜豐富又新鮮，熱餐飽揸牛油好食，羅宋湯好好飲，意粉軟腍有咬囗，熱咖啡好香。西蘭花帶子賣相吸引，西蘭花炒得青綠好味，帶子好大隻又好食，中湯好好飲。

同同事經過紅磡做嘢，咁啱經過呢度見到好似同之前唔同咗新裝修，又到午餐時間，所以就入咗去食。叫咗兩個午餐有主菜有湯同埋有嘢飲，估唔到個羅宋湯到勁多材料喺入面，好多唔同嘅蔬菜蕃茄味亦都非常之重。🍗海南雞飯雞肉都好嫩滑，肉嘅份量好多，雞油飯唔會食到成口油都好乾身但係充滿雞油香味。有埋三款醬汁俾你配襯，好抵食。🍖泰式豬髀飯份量多到同事都食唔晒，肉好多，而且豬皮都好彈牙好充滿骨膠原。味道調配得好好都幾入味。

今日朝早去紅磡有野做，搵左呢間餐廳食過靚早，睇落去新裝修，好多卡位坐🍽️精選早餐🍽️沙嗲牛肉麵配黑松露炒蛋拼牛油多士沙嗲牛醬汁好濃，牛肉軟滑，配埋公仔麵一齊食，唔會好鹹炒蛋滑溜帶有黑松露，令到個蛋更有層次烘底牛油多士，非常滋味餐飲茶走，煉奶奶茶，好滿足🍽️豬頸肉米線配煎蛋餐肉平牛油多士煎煮厚切豬頸肉，清湯米線，作為早餐，喜歡清淡一點，不過唔喜歡清湯的話，可轉冬陰功湯底嫁香煎煎蛋餐肉夾牛油多士，變左個三文治食，一樣美味餐飲熱檸茶📍紅椒力量

今日去咗紅磡搵朋友，夜晚嚟到呢間茶記食dinner。是日晚餐我成六款選擇，可以自由搭配，亦有其他set揀，出邊比較少見。第一款可以揀豆豉/菜遠/涼瓜配牛肉/肉片/排骨配白飯/炒河/炒麵。我哋要咗涼瓜排骨炒河。涼瓜同排骨嘅份量比想像之中多。涼瓜苦苦地，排骨幾嫩，煮得夠淋身。炒河好掛汁，惹味又唔會口渴，整體搭配好match，而且都只不過要$68，連埋餐湯再加嘢飲。好抵食。第二個要咗福建炒飯，好耐冇食啦。炒飯炒至粒粒分明，蛋香味好出，有驚喜。上面嘅配料舖到好滿，樣樣有齊，有咬口，可以按照個人喜好選擇撈幾多飯變濕飯，唔夠飽仲可以加飯，正。最後要埋清炒菜心，夠新鮮而且幾爽。湯都唔錯，有羅宋湯同粉葛豬骨湯，一中一西，又熱又夠味。

泰式二人粉麵-$198冬陰功肥牛河粉-落料十足，夠檸酸味，同辣味。喇沙咖喱雞翼米線-整體濃郁，夠椰味。4隻生炸雞翼配搭唔會搶走啲湯味。佢哋嘅咖喱值得推介。絲網春卷-金黃脆炸，熱辣辣，小心咬碎啲，唔好刮喉。馬拉盞炒菜心-用嘅菜心好幼嫩，容易入口。餐飲-味道均勻。整體而言：餐廳內部裝修過嚟。乾淨企理。有好多香港人喜歡嘅菜色，除咗我哋今日食嘅泰式二人餐之外，亦都有抄小菜，鐵板扒餐，早餐，下午茶。價錢適中。

是晚到左朋友屋企附近的紅椒力量食晚飯，貪佢地方大唔使等位，仲好多卡位坐得舒服。七點幾黎到，乜今晚咁靜嘅？唔通出晒市區賀新年？定北上左？😅店員示意隨便揀位坐，隨即送上水。睇下餐牌食咩好先，佢本身係泰菜餐廳，但係而家多咗好多港式小炒，仲有二人套餐四人套餐嗰啲添，價錢十分貼地。⭐例湯是晚例湯係蓮藕排骨湯，個湯幾甜，蓮藕好腍好粉，正喎😋⭐XO醬茄子牛仔骨煲叫咗個牛仔骨煲，茄子走過油，皮脆內嫩好好味。牛仔骨有咬口但不韌，份量不少添。雖然無乜XO醬味，但個調味都唔錯㗎。⭐西蘭花炒花枝鮮魷西蘭花翠綠爽口，花枝片彈牙，炒得香口有鑊氣，正😋⭐白飯太大碗好飽呀😂⭐熱檸水 & 鹹檸七小菜餐唔包飲品，可以用半價加配，叫咗一杯熱檸水同一個鹹檸七，酸酸地正好幫助消化😆無加一，幾抵食呀👍

之前食咗幾次都冇留意個名，茶餐廳來說環境都算幾寬敞，大部份都係卡位，而且比較光猛，通風都足夠，無論快餐、小菜、海南雞飯我都覺得唔錯，下午茶餐大約40幾蚊左右，喺呢個百物騰貴年代，真係糧尾之選-小菜方面，一定要試吓魚香茄子煲$85即叫即整勁有鑊氣，講質素已經秒殺70%嘅小菜餐廳，特別鍾意佢嘅魚香茄子入面有大葱調味，茄子已經走油特別香口，味道香濃非常下飯，份量絕對足夠，上次食唔晒仲要打包走-海南雞飯：諗過茶餐廳嘅海南雞飯都唔錯，最重要係雞唔會太肥，雞髀肉都係滑唔會黐牙，主打性價比高，$58食到一碟份量足夠嘅海南雞飯，價錢很貼地-星洲炒米：一放低我真係俾個份量嚇親，基本上係平時茶餐廳嘅1.5倍，唔使擔心會辣，味道比較溫和，同埋都有鑊氣，最緊要係即叫即炒，$58可以食到即炒嘅星洲炒米，相信平過唔少大排檔-例湯：羅宋湯同中湯表現都OK，但係我比較鍾意羅宋湯，飲落去幾順口

今日天氣超凍，所以遲咗起身，但係無論點都好臨急臨忙都要食返個早餐先，咁要快靚正，梗係落啱啱新裝修完嘅紅力量啦！要咗一個防鮑魚火腿通粉，再加黑松露炒蛋配牛油多，再加一個沙嗲牛肉公仔麵，配牛油多同埋餐肉煎蛋。味道當然好好味啦，價錢亦都相當相宜，兩個都係$36 ！特別鍾意呢度嘅黑松露炒蛋，黑松露味好香，炒蛋亦都整到好滑，超好食！嚟得茶餐廳，當然要返杯凍嘅鴛鴦啦，呢間啲鴛鴦味道唔錯，好順滑，飲完就真係精神返晒！