紅椒力量 (已結業)

前晚同朋友係Vcity行完街食晚飯，俾我地搵到間有好多東南亞菜式選擇既餐廳，滿足曬我地又想食泰國菜，又想食新加坡菜既願望！我地兩個人點左三款食物，最令我難忘既係佢地既海南雞同冬蔭公湯！海南雞既雞肉好新鮮，好滑，仲配合左佢地獨有既醬汁，真係超好食，同係新加坡食既有得比！冬蔭公湯有好多海鮮，味道酸中帶小辣，就算食唔到辣既朋友都忍唔住飲左兩碗！另外仲叫左個咖哩牛肉配薄餅，咖哩味好濃，薄餅一d都唔油，令人想食完又食！最重要就係價錢超值！而家好難搵到又平又好食既東南亞菜，呢間餐廳絕對值得一試！

約了朋友去Vcity的紅椒力量食泰國菜。入到店內，地方雖然唔大，但很乾淨整齊，食物有驚喜。滷水豬脾-豬皮很嫩滑，感覺唔肥，入口滿滿的滷水汁及豬肉味，好好食👍👍。酸辣海鮮冬蔭公功湯-大大隻好鮮甜嘅蝦，青口等很新鮮們海鮮加上酸酸辣辣的湯底，好開胃好好飲❤️❤️。酸辣鳳爪-酸酸甜甜，青香爽口的鳳爪 值得一叫再叫👍❤️。總括想說，這頓晚餐有驚喜，店員又唔會催你走，過了一個愉快的晚上，下次再想幫襯！

今晚陪老婆去左V CITY行街SHOPPING,夜晚就決定食東南亞菜,剛好見到紅椒力量,於是入去試下.餐牌菜式算多,價錢都唔算貴,於是2個人點左4個菜式!滷水豬脾:豬脾皮好軟好"淋",豬肉食落有滷水味,唔太咸,剛剛好,幾好食,值得讚馬拉盞炒通菜:通茶炒得鮮綠,炒得好香,夠鑊氣,好好味咖哩牛配薄餅:加了不少香料，味道濃郁!馬來薄餅,做得非常酥軟,加埋咖哩汁一流沙嗲串燒拼盤:有豬,牛,雞:沙嗲汁好正,即叫即燒熱辣奉上，用上鮮肉汁豐肉嫩，正.總體黎講都唔錯,埋單都係2百蚊,抵食.

今晚同好友飯局，去屯門市中心就食得多啦，不如試下去揾新嘗試，去咗Vcity食下東南亞菜，pepper power試下啦，叫咗幾樣款式，最喜歡係咖哩薄烤餅，咖哩味正，酸辣鳳爪夠晒辣，啱晒我口味，下次會再來食下其他菜

肥妹喜愛重口味是常識吧 今日成日口淡淡想食啲濃味嘢 經過屯門v city 見到有間東南亞菜 下午茶又幾抵喎 一於去試下！！餐廳設計以木為主 有格調得嚟又幾清新 唔使等位 位置唔會話好迫 但一個人就梗係要搭枱啦其實好想試下椰汁焗香茅豬扒飯 但係我實在太掛住之前喺馬來西亞食嘅喇沙面啦 點都要試下 於是就叫左圖片有嘅香茅雞翼喇沙麵$38 面頭有少少橙色嘅油 但又唔會話太油膩 雖然係下午茶 但係雞翼都有三隻 仲有豆卜同魚片有牙菜 首先講湯底鮮充滿耶香味仲食落有淡淡嘅蝦乾味 真係好惹味 完全係馬來西亞嘅味道 同係馬拉食嘅都有九成相似 今次我配咗檬粉檬粉份量好大 我以為下午茶會好細㖭 檬粉夠曬滑劣劣而且好彈牙 豆卜索曬啲湯梗係十分好食啦 雞翼方面香茅味唔算太重但係食落有少少淋左 佢似係首先用粉炸過之後再畀湯浸淋咗嘅感覺囉 咁就一般啦 可以改善仲有好立克 好重手 好濃味 唔洗加糖都已經好好味整體嚟講呢個喇沙麵印像都幾深刻湯底非常之好味 如果黎開呢度記得一試啦

見屯門V city 紅椒力量無人等位，就進去晚餐，我們兩人點3餸麵食和飲品共$240。事情店員錯把我們的例牌鹵水豬脾上錯分枱的客人(6人枱，分4人，我們2人)，但客人已經食過鹵水豬脾，而且這鹵水豬脾最少有5分鐘在客人枱上，當店員發覺鹵水豬脾上錯枱，店的管理員工竟然不理店內的進食客人，大大聲責罵該店員，更當我們面前，拿起食過的豬脾👉碟上其中一件突起三角的👈呼喝該店員叫廚房再加3件豬脾隨後上我們的枱🤤，我即時問:📣你咁做會唔會好唔衛生😲，店管的還是火氣十足好像聽不到，但其他店員已經即時望住我，但我真的嚇到了，所以再加大聲音問: 📣📣你咁做會唔會好唔衞生⁉ 但該店管理的好像很習慣的，就隨即應付我 : 你放心，一定會再做一份新的鹵水豬脾給你的(但管店的，當時並沒有進入廚房交代)。結果如我所想一樣，沒有再做新的，真的加上幾件鹵水豬脾就給我們，因為明顯看見👉碟上其中一件突起三角的👈……當然我們沒有食這碟鹵水豬脾，實在過不了心理關口嘛……並且深知店管的是不會換新的……唯有照付款吧💸💸，但今時今日竟然還可以在大型商場開食店，在如此競爭之下~當客人面前如此行事，太可怕……唔怪得不用等位啦～就買過教訓吧😅

少有的二人飯局，實在渴望有片刻私人空間，面對美食當前，還是放棄空間選擇美食，今天揀來都幾新淨既餐廳。其實，自己對串燒有一種難以抗拒既魔力，牛雞配實在無得輸，重點係沙爹醬一定要調得剛剛好，太甜太咸都會扣哂分。難得串燒肉汁保持到，個醬又好味，朋友問我，我地兩個人食唔食得哂份豬手架？眼見呢個份量，其實都有d擔心。好彩，豬手夠哂入味，重點係豬手皮，唔食皮既朋友，你可以全部都留哂比我，我一定KO哂佢！咖哩牛腩朋友再次問我，我地叫3樣野食，全部肉類，的確係走食肉瘦路線啦，講真，個汁永遠都主宰全餐飯既命脈，我坦白講，我仲order咗白飯tim呀！可想而知，個汁幾有吸引力呢！總結係，二個人食3樣肉類，基本上原來都食得哂既，好利害！

幾個麻甩佬放咗工想吹一吹水！ 索性就搵個大家都方便嘅地方食番餐！於是上左v city睇睇有乜嘢食！行行吓見到呢間叫紅椒力量嘅餐廳覺得個名又幾過癮喎！咁就即管入去試下啦！男人就更係無肉不歡㗎啦！ 於是叫咗個大蝦喇沙， 泰式炸絲網春卷再加個鹵水豬髀！當然唔少得泰式鳳爪啦！大蝦喇沙 味道不錯 啲蝦都新鮮 及彈牙泰式炸絲網春 炸得剛剛好 不油 但鬆脆鹵水豬髀 就最值得一讚 非常入味 又夠淋 好味最後食埋個泰式鳳爪 有夠酸又夠辣

已經有一段時間無去過VCity，原來開咗唔少新食肆，係我揀來揀去花多眼亂既時候，比我見到最like既泰式鳳爪，一於試下呢間紅椒力量啦！一改以往作風，揀來一杯熱飲，熱柑桔蜜潤一潤先熱柑桔蜜泰式鳳爪堅好食呀！夠酸又夠辣，重點係份量夠，又無碎濕濕，加上d紅蘿蔔配菜都好fresh，好食到想立即encore清炒菜芯本來以為少油少鹽會好dry，點知食落又炒得幾好woo，唔會好淋又唔會乾炒金邊粉我一直都覺得炒金邊粉好似無咩送，原來都有幾多蝦又有青口，重點係加咗d肉鬆，d粉唔會太乾又唔會太甜春卷一直都覺得米網春卷好油膩又淋，唔好味！但今次我真係要like爆呢個春卷堅好味呀！又脆又唔油，重點係即炸，好正！

黎到vcity雖然好似好多食肆，但係想同朋友普普通通咁食個下午茶其實都唔係好多選擇。天氣咁熱就懶得行去新墟或者其他其方搵嘢食，咁唯有留番係商場到揀下，最後就揀左紅椒力量食下泰國嘢啦之前lunch黎食過佢既海南雞飯同泰式鹵豬髀飯，味道都幾好既。但下午茶想食下粉麵就嗌左雞翼冬蔭公湯金邊粉($38)同凍檸茶(+$5)雞翼就有3隻，啲金邊粉份量都唔少，唔會話係下午茶份量就得好少咁冬蔭公湯都算幾好味，配金邊粉幾夾，下午茶嚟講係個唔錯既選擇

成班姊妹👩‍❤️‍💋‍👩👩‍❤️‍👩好耐冇見啦 ！ 更係要快D約出嚟食番餐 吹吹水💦啦 ！ 其中一位姊妹話有間好嘢 介紹我哋去食 因為同時可以滿足兩個願望 泰國菜vs星加坡菜 而且價錢合理 咁我哋當然Go go go 啦 ！我哋叫咗泰式海鮮金邊粉~ 海鮮新鮮 但金邊粉卻甜左小小 如果酸少少就perfect 泰式炸絲網春卷~ 春卷皮炸得啱啱好！好脆 泰式鳳爪 ~ 酸辣度 調教得剛剛好 實在忍唔住叫多咗一碟！極正大蝦喇沙~ D蝦彈牙！但自己卻覺得喇沙 淡咗小小 海南雞 ~ 鮮嫩 好味

本身今日係vcity 係想食壽司既，但係峰壽司真係太多人了！而我又好餓，所以就落左去食Pepper Power 拎返d Power餐廳係大既，但係位都多既，所以係坐得有d 逼。下午茶餐有好多野食呀，有湯粉有飯有小食，見到個menu真係樣樣都好想食！既然咁餓就叫個湯粉啦，冬蔭功米粉同喇沙米線抉擇之間，我最尾就決定叫喇沙米線～同行友人就叫冬蔭功米粉～等左一陣野食就黎齊啦～～豬頸肉有好多喔！plating 都好靚～～因為真係好肚餓，一放上檯影完相之後就開餐了！好味！其實我唔太愛呢種呢新加玻式既喇沙既，不過呢個又有椰香又有辣味，各種味道取得平衡，ok 啦唔錯啦！飲左同行友人碗冬薩功既湯，好味！但係真係有d 辣，如果唔食得辣既可能揀喇沙會好d。呢度既米線值得一讚，唔會太un 咬唔開，又唔會煲到淋曬一pat pat，係有d qq 口感，又粗粗地咁好有咬口好食！呢碗野明明睇落都係普通size，但係唔知點解食極都有，d 粉既數量好多！！d 米線真係擺到落底架無因為下午茶而減少份量！

同朋友行開v city見到個名好特別，即管入去試一試，呢度枱與枱之間唔會太迫，三五知己聚會之選，服務員跟餐點菜上菜服務都ok。珍多冰 - 椰汁味唔夠香濃，味道比較淡。泰式炸蝦餅 - 外皮似用腐竹包著蝦肉做，食起黎外脆蝦肉爽，唔錯。泰式春卷 - 用米網做皮炸，所以個皮入口好脆，餡內帶有少許芋香，所以一上枱要即食。鹵水豬脾 - 豬脾啖啖肉亦炆得好淋，唔多食皮既我都覺得個皮炆到唔油，幾好。馬拉盞炒通菜 - 油左啲，馬拉盞味唔夠香濃。泰式海鮮炒金邊粉 - 海鮮用料新鮮，金邊粉炒得唔錯。

今日一行7個人 一家人去食飯，等左半小時 見到比我遲拎飛排隊嘅人都入曬忍唔住上前問 疑似經理嘅帶位員工問:唔該想問下 我地7個係咪下張枱到我地？答:係啊(語氣不耐煩)咁我就同佢反映話:我見其他遲過我拎飛既都入左，所以想問下係咪skip左我地。佢答:係啊，幫你地hold左枱下張到你地。------------------------------咁再過左十分鐘左右，我見到有張6人枱起身走，諗住佢會比我入。點知 帶位員工 竟然將6人枱拆開變成2人+4人枱，比遲黎嘅人入先。咁我就問佢:唔該想問下點解6人枱唔比我入既？姐係如果後面你hold比我個張枱個兩個客成世都未食完，咁我係咪成世都唔洗入去食？佢答:小姐，點會食成世啊？(串串貢mode)然後再比兩個客人 入去佢聲稱hold左比我7個人既枱坐低。雖然我真係勁嬲，但係我知道自己語氣差左，自己都做飲食業都唔會想得失啲客。我深呼吸冷靜之後再問問:咁可唔可以問下個兩位客人可唔可以坐過一個位，咁樣比我地撘枱？佢就答:其實個客人食緊我地係唔可以郁啲客人既坐位，佢地都差唔多啦(10分鐘前已經講緊差唔多)，等多陣。我再問:係公司規矩？坐過一個都唔得？佢答:總之

之前一直聽人講呢間海南雞同鹵水豬脾飯好味好正宗好多人等位...今日終於有機會一試!地點係V CITY 入面既"食點",不過講真我第一次去呢個商場,都其實幾難行,全層好似得一個扶手電梯,攪到我行左幾圈.講番個餐廳先,裝修一般,坐位都算寬敞,唔係太迫.餐牌都有好多野食,不過今次得我同個仔,所以叫左3野食. 海南雞- 雞算嫩滑,有骨,有雞味,應該用新鮮雞煮的,配汁係自家製雞醬,幾好味,油飯夠香,唔太油,應該炒過,幾香.鹵水豬脾飯-鹵水汁色澤深,味道香濃有泰式香料味,豬脾皮好稔好滑,鹵得好入味,食落有肉實,有口感,無骨,可謂啖啖肉,仲有蛋食,正!串燒拼盤(豬,牛,雞) - 肉好新鮮,一點都唔乾,咬落有肉汁,值得一讚,已經好少可以食到咁新鮮既串燒!雞翼,春卷一般.杯3色冰幾好飲有新鮮椰奶整,好有椰香味.