糖百府 (已結業)

因隔離星馬屋無開，所以試下呢間，叫左個魚魚魚酸辣米線，魚旦全部都唔熱，又腥，相信已經煮好左一段時間，亦都冇翻熱，就甘放上去，酸辣湯冇酸辣味。雖然好肚餓，但真係食唔到，最後決定放棄，呢間野真係可一不可再。可能叫碟頭飯，會比較好，我見全場都有好多地盤工人食碟頭飯，他們食得好開心，有個好處係白飯可以叫多飯，我叫個個都叫多飯。朋友叫炸髀飯，都話難食，乾柴炸髀，炸到乾晒，兩個字，難食。好少何去寫食評，但真係唔想再有人中伏，因為真係好耐冇預過一間咁難食嘅餐廳。…查看更多

咖哩漢堡扒蛋包飯：以為會比日式咖哩，但係係螢光色果隻咖哩黎既😂以為食緊咖哩牛腩飯lunch多人、我外賣等半個鐘都算，漢堡扒裡面仲要係全生架！趕時間都唔係咁比野人架🙉…查看更多

下午茶超底，大雞肶沙律🍗，雞肶香脆好入味；沙律豬扒包餐🍔,件豬扒好大塊好厚，漢堡包烘到脆脆地夾住塊好味厚豬扒😋超讃。兩個餐夾埋一齊+2杯凍咖啡都係$78👍👍👍…查看更多

今日入去科學園玩去左呢間糖百府食下午茶。。叫左個法式多士餐。。交完飛等左一陣就有得拎啦。。見到個賣相都覺得好吸引。。個多士好好食，煎得好脆。。而且仲有好多配料，又有蛋，又有粟米，又有菇同茄汁豆，相當豐富。。呢間餐廳d員工嘅服務態度又好有禮貌。。服務同招呼都好好。。而且我見餐牌仲有好多有特色嘅食物。。下次有機會一定要同朋友黎試下。。我仲見到佢地有即叫即整嘅葡撻同芝士撻。。下次入黎科學園一定再黎幫襯。。而且周圍環境非常好，唔入黎都唔知呢度有咁多餐廳。。…查看更多

今日，小弟叫左個雞髀+薯條，大路野，諗住冇伏啦，佢個雞髀大係大啦，咬落先知唔對路，咬唔開，口感好似膠咁，心諗，唔係唔熟吖嘛，再係第二個位咬一啖，#@$，真係唔熟，用刀叉勉強切開，清楚睇到啲肉係透透地食嘅，啲筋肉仲痴住係骨度，我黎食生炸雞髀，冇諗過真係「生」炸。------------------------------我將碟野畀個櫃檯哥仔睇，話佢知隻雞髀未熟，條友睇都冇睇一眼，將碟野揼畀廚房再炸嗰，簡簡單單講聲唔好意思都費事，好似係我揾佢麻煩，整生嘅雞髀俾客食係正常。------------------------------等左陣，碟新嘅炸雞髀出爐啦，拿，我真係唔sure 佢地係咪將之前我咬左嘅炸雞髀重新再炸定點，我淨係知呢隻雞髀啲肉好少，炸粉落好多，而且佢明顯只係將我之前食開嗰堆薯條重新落油再炸過，成碟野油都hihi，食食下我都冇再食，飲過杯咖啡我就走了。------------------------------跟住大鑊野黎，我一出門口，即刻肚作動，結果喺廁所痾左半個鐘，唔上唔落，好辛苦。早知係咁，第一時間應該要求回水走人😭🤬。呢間野啲水準不嬲麻麻，我平時都幫襯隔離嗰間，禮拜六諗住試下糖百府啦，得佢有開，我之前都有幫襯，冇咩怨言，ok 啦，都係做生意啫，費事為難人。------------------------------但由今日開始，我唔會再幫襯呢間野。佢環境幾好，喺正科學園，方便踩單車嘅人落腳，但係食物質素同安全喎，咪話我唔警告你。我唔會再貼錢買難受。…查看更多