糖宮甜品專門店 (積信街)

營業中

休息中

10pm 左右去到，剛好唔洗等位，間野好多人食。叫左個芒滋枝，中間有芒果布丁，真係好好食，唔係太甜，啱晒我。唯一唔好係個份量有d 小...約$43。不過再經過大圍都會再返去食過～

平時跟朋友去開鬧市區食飯之後都會吃個甜品，因為勝左夠選擇多，但等候時間通常都會很長。今次剛好去大圍找朋友，他說有質素的甜品店都選擇開在小巷裡，低調用心的經營，好像今次推介大家的【糖宮】，誠意出品，只等結識有緣人。朋友帶路，嚟到大圍其中一間糖水舖【糖宮】。位於大圍積信街，店內有門口一預位置、地面及樓上雅座，店鋪以卡位為主，坐位乾淨舒適，裝修也不差的。全店總共可以坐40-50人、見到老闆應該幾喜歡蠟筆小新既公仔，因為佢既蹤影不少呢。選擇甜品個陣，老闆十分親切款待，仲介紹我地兩個甜品，就係「朱古力心太軟」同「椰皇燉蛋白」。最後點了三樣，價錢唔貴，算係做左個街坊價吧！椰皇燉蛋白$50每日限定！！！！！！！燉蛋白老實說是好味的，但特別地方不多！蛋白份量都幾多，入口的燉蛋白滑溜無比，還有很清香清甜的椰皇味道。真材實料，有驚喜。椰皇清甜，鮮奶香濃，蛋白幼滑，三者合而為一就成為一道人人喜愛的！朱古力心太軟即叫即焗，配上兩球雪糕，有幾種味選擇，最後選了 芒果，朱古力。必開時朱古力漿如湧出，濃厚的朱古力不算膩，外面少少脆口入面鬆軟，兩者外脆內軟，兩種口感，唔同滋味感受配上雪糕一冷一熱，老闆仲話個朱古力漿煲

下午茶甜品餐.焦糖菠蘿吉士拿破侖🍍呢個甜品係「隱藏餐牌」先有架🤗老闆娘非常熱情同健談，傾傾下就話整款創新既甜品😍😘😚首先賣相已經好吸引！焦糖菠蘿好鮮甜啊，輕輕燒過做到脆脆效果🤤拿破侖做到一個脹卜卜既散紙包咁，酥皮食落香脆鬆化，中間仲夾左吉士醬添👍🏻想食就show小編既食評問問啦😁.美麗槤夢露鐘意食榴槤既朋友絕對唔好錯過呢碗，真係超正😍用芒果糖水做基底，係用新鮮芒果打成的！加入西米、芒果肉同榴槤肉，食落係啖啖榴槤香，一邊食一邊講好味🤤.菠蘿椰奶特飲🍹呢杯唔係菠蘿汁咁簡單，溝左椰奶後有種超rich超creamy既感覺🤩.推薦大家支持一下小店，好難得見到小店老闆係每一細節上都一絲不苟，咁用心經營❣️

今日係大圍發掘到一間與眾不同既甜品店🍨,佢既裝潢同格局有別於一般連鎖甜品店, 好有風格同特色, 同朋友試左好多款甜品呀! 😋菠蘿拿破侖呢間甜品店係有hidden menu既，餐牌上只搵到芒果拿破侖。經老闆娘推薦下試左呢道隱藏甜品😮。 拿破侖一上枱有小清新既感覺✨。上層係菠蘿粒🍍, 表層係微微燒焦既金黃色焦糖。 因為係即製既, 焦糖咬落去果下暖粒粒, 菠蘿肉就涼涼地, 完全係冰與火既交融❄🔥, 口感好豐富, 咬到一半仲感覺到菠蘿汁慢慢滲出黎，好juicy💦! 至於下層既拿破侖好香口, 夾心既cream 錦上添花🌸, 同拿破侖一齊食時中和番個甜度, 唔會好「漏」, 甜品碟上仲有靚字tim ar!朱古力心太軟伴兩球雪糕本人覺得成功既心太軟係可以訴說到人生–「先苦後甜」, 呢個心太軟好成功呀👏🏻, 我最欣賞既係朱古力甜度調得岩岩好, 唔會太苦又唔會太甜, 一開始食到小小苦澀味, 隨之而來就係甜味, 簡直係品味人生呀! 外層既蛋糕軟硬度適中, 切開流出濃濃既朱古力漿🍫, 細心咀嚼下食到有藍莓粒, 熱熱既心太軟再加一啖凍凍既雪糕, 真係成個心都軟晒💞美麗蓮夢露呢道甜品既名好cute😍，例如呢道「美

上星期去左大圍探朋友，朋友推薦喺大圍積信街有間好食甜品店叫做糖宮，晚飯後就跟咗佢去試下有幾好食啦！餐廳以白色燈光為主調，感覺柔和舒適。樓上2樓還設有雅座，座位好寬敞的啊糖宮主打各式各樣的西式甜品，比較出名的是椰皇系列椰皇蛋白伴湯圓 $63即是3.6牛乳燉蛋白蛋白炆燉得超級嫩滑，不會太甜，帶有濃郁的牛乳及蛋白香，非常滋補養顏！湯圓分別有黑芝麻同花生湯圓，外皮Q彈有嚼頭，內裏包着滿滿的流沙芝麻餡，好味道啊榴槤爺爺 $68同樣都係有3.6牛乳燉蛋白，另外有大量小西米及榴槤肉，整個燉蛋白都充滿著榴槤香，大滿足！另外仲有一大球榴槤雪糕！榴槤迷一定要試試哦！

揸車經過見門口都算有人，滿心買個外賣翻去食，但失望了，蛋完全係過熟，睇圖都見到，鞋身既，仲要唔平，咁既質素，乘惠55元，另外買左個楊枝甘露，超淡味，絕對唔會有下次，伏

糖宮隱匿在大圍一條小街之中，仿如一個神秘空間，遠離了繁囂，在靜寂的街道上，店內的每位客人卻能悠然自得的談笑風生，喜歡音樂的就在彈結他，而最特別的是糖宮設有戶外茶座，客人可以一邊談天，一邊吹吹晚風，很是寫意。我們去到的是侯正值宵夜時段，店內客人很多，我們就坐到閣樓，樓上我空間比想像中闊落，也是與好友談天的好地方。menu上的甜品很特別，也有不少創新款式，很有小店獨特的風格。我們懷著好奇心，一共品嘗了四款不同的甜品。作為榴槤控，我毫不猶豫地選擇了榴槤椰椰。它由椰皇燉蛋白 加上 西米、小丸子 及 榴槤蓉 做成的，配上一球榴槤雪糕，光是賣相已經相當吸引，絕對可以成功呃like。為食的我二話不說就勺了一大匙蛋白西米榴槤，三重口感一次過滿足了甜品胃，蛋白又香又滑，同時咬到西米粒粒，口感很qq的說。榴槤控自然少不了點評一下榴槤蓉，其實本人本身對榴槤甜品沒太大喜好，總覺得製成甜品的榴槤味道太淡，沒有水果榴槤一般香軟。但糖宮這個榴槤椰椰卻不一樣，除了榴槤的香味得以完全保留，配上椰皇蛋白的味道是超級夾，香甜沖斥到脷底以至整個口腔。再吃一口小丸子也是零違和感。最後當然也少不了配搭榴槤雪糕一齊享用，結果也自然

今日同男友都要係公司加工,忙到停唔到手,可憐既男友只係係公司度食飯盒,真係慘慘豬,所以做女友既我走左去接佢收工,實行做個24孝女友。見到男友感動樣,佢就話點都要同我去sweet sweet下. 於是我地去左大圍間"糖宮",依間甜店鋪我男友d同事highly recommend, 所以點都去試下,黎到鋪頭好有home既感覺,非常舒服,個老闆又靚仔又大隻又健談,坐到真係唔捨得走。講返d甜品,我只可以用無得頂黎形容,我地叫左個"波多野結冰",我男友一見到個名就莫名咁興奮,佢話係男人見到都會係咁喎,真係唔得佢死,不過,當我食過個甜品,我都非常興奮,其實佢係一個菠蘿綿花冰加地門菠蘿肉加涼粉,原隻越南地捫菠蘿賣相吸引,比一般出面菠蘿更加有甜味！另外我地又叫左個"心太軟",聽老闆講𥚃面d朱古力係人手做,係用比利時朱古力做,唔太甜,非常好食,加埋雪榚d甜味岩岩好。最後叫左杯芒果汁,芒果味特濃,飲到停唔到口。聽老闆講仲會不停研究新甜品，盡量令客人食到多元化甜品！總結：服務不錯，食落去甜品更加入心窩

到大圍跟朋友相聚飯後甜品少不了吧街坊朋友帶我到了《糖宮》餐廳位置座落於大圍火車站步行約6分鐘 。先到餐廳門口擺放了結他及戶外餐桌，很舒適，有家的感覺啊！《黑糖水信玄餅 $38》喜愛晶瑩剔透的甜品水信玄餅中間還加了一朶花襯托著令賣相加分另上的黑糖是味道頗濃恰巧配合軟滑但本身無味的水信玄餅。《即製玉桂蘋果香蕉酥皮卷伴綠茶雪糕 $48》即點即製，需時大約15分鐘。等待期間已香氣撲鼻酥皮很脆有牛油香卷著有蛋糕、蘋果玉桂等材料外層還有朱古力增添味道另外還可加添雪糕一冷一熱更可口。《芒果寒天椰皇凍 $60》它的椰皇燉蛋白很滑溜椰皇味道配芒果的寒天椰皇凍都不錯。餐廳注重原汁原味、口感，喜愛鑽研新甜品，特地引入的寒天放進椰皇內，一層厚厚似棉胎搬，充滿了椰汁再大口吃，口感多了層次。總括來說，甜品保持水準，晚上跟聚聚好地方。

三個榴槤怪來到吃甜品，見到這間糖水舖推介的分別是榴槤及芒果的甜品，三個榴槤怪分別想要吃不同的榴槤甜品，所以大家也放棄了吃芒果甜品。榴槤爺爺是用椰皇，蛋白及榴槤肉整成的 椰皇甜品，另外配有一個榴槤雪糕。榴槤雪糕清清淡淡，會有金枕頭的香味，另外椰皇混入榴槤的香味，也十分香甜，是今天最值得推介的甜品。榴槤綿花冰是用榴槤冰製造出來的綿花冰，榴槤味道相比榴槤爺爺的淡一點，綿花冰則不夠在台灣吃的棉花冰口感那麼輕快，但是 也不錯。最後另外一個朋友叫了榴槤拿破崙，拿破崙製造得不錯，口感鬆化亦不會很飽肚，除了榴槤用外另有店舖自製的吉士醬，吉士醬不會過甜配合榴槤蓉一起吃，非常不錯。看到牆上海報，穿著校服來吃甜品原來有九折，另外看到原來like facebook也可以立即減兩蚊，貪便宜的我們當然立即like一下。

晚飯過後，總是欠缺甜品的感覺，記得大圍有多間甜品店，於是找找看。來到此店門前，坐在門前的座位玩著結他的客人，說是樓上應該還有位的，於是走進店內，店員告知，樓上還有座位。走進店內，燈光較暗，好像很有氣氛，走過不太闊落的樓梯，顯然是很光亮，完全不同的感覺。坐下後，我和朋友看看餐牌，點選了喜愛的款式。只是停了不多久，點選了的甜品已經送上，效率意外地好。魔山，朱古力奶凍、香蕉、棉花糖和朱古力雪糕組成，朋友說朱古力奶凍入口香滑，朱古力味不是很濃，卻是很香口的感覺，相比朱古力雪糕反而較甜，香蕉和棉花糖一起吃，又很特別的感覺。華華，阿華田奶凍、粟米片、穀物胚芽、西米露和朱古力雪糕組成，阿華田奶凍有著阿華田的味道，不濃卻很香口，朱古力雪糕相比就稍淡，或許是阿華田奶凍較本身的味道較濃關係，粟米片、穀物胚芽配合西米露，有點一硬一軟的口感，感覺很有趣。在大圍這條不顯眼的內街，有著不錯的甜品，而且效率迅速，的確值得再去。

食飽飯梗係要搵間糖水舖食啲甜嘢開心吓，我哋就去到大圍嘅一間糖水舖，叫做《糖宮甜品專門店》。我見到餐廳嘅牆壁都貼滿甜品嘅圖片，而且餐牌圖文並茂，食物圖片非常吸引。首先叫咗個小食-糖不甩面頭佈滿花生碎，食落去糖不甩口感煙煙靭靭，好似食緊橡筋咁，好特別。好立克奶凍奶凍呈現奶白色，用匙羹舀落去好似啫喱咁彈下彈下，好有質感，而且好立克味道濃郁，非常好味。雪耳津梨燉海底椰海底椰非常清甜美味，而且入面真係好足料，滋潤糖水系列之一，必食！除此之外，仲有我呢個抹茶控最愛嘅綠茶雪糕味道，仲有軟綿綿嘅布甸，一次過滿足晒兩個願望。見到每一台都叫即叫即整嘅朱古力心太軟，雖然等嘅時間比較長，但係食落去心太軟外脆內軟，係值得等。仲有糖水舖招牌甜品-椰王燉蛋白，食落去燉蛋白非常滑溜，蛋白味道濃郁，必定要試吓。我哋食咗咁多野，價錢都只係$244，就食咗六款甜品，每一款甜品都係餐廳精心炮製，食完真係好滿足，下次一定會再Encore。

假期去新界踏單車, 最後喺大圍單車鋪還單車! 天氣好熱, 未到晚飯時間,  又想補充一下體力, 又想TEA一TEA! 所以我地決定喺大圍食個糖水!榴槤椰椰 $68作為榴槤愛好者, 一定要叫返個榴槤甜品啦!椰皇鋪滿榴槤肉同榴槤汁, 每一啖都充滿濃郁榴槤香! 再加上榴槤當造, 味道特別香甜! 好正呀! 榴槤椰椰入面仲有嫩滑燉蛋白, 煙靭有咬口既小丸子, 同晶瑩通透既西米露! 口感相當豐富, 整體配搭創新!旁邊既榴槤雪糕, 質感幼滑, 帶有榴槤既香甜! 好味到食唔停! 推介榴槤控必試榴槤椰椰! 芒果三重奏 $46芒果三重奏既材料有: 芒果布甸、芒果肉、芒果雪糕、爆爆珠、西米露! 芒果肉新鮮香甜! 芒果布甸滑溜又唔會好甜!整體配搭好夾, 口感同樣豐富! 佛系芋圓 $36芋圓系列係最近新推出喔! 當然要試一試啦!佛系芋圓既材料好豐富呀! 包括有: 雪糕(味道自選), 芋圓, 小丸子, 紅豆, 涼粉!我地揀左曲奇雪糕, 再另外加多個芒果雪糕! 消暑又好味!3色芋圓煙煙軔軔, 再配合埋軟淋既紅豆, 爽滑既涼粉, 同埋帶有少許椰香既糖水, 口感非常豐富, 整體配搭創新又好味! 比起傳統既芋圓食法, 我

好日都唔去大圍一次，今次經過就順便搵住附近嘅朋友食糖水😛最後飽到上心口🌞因為呢到嘅甜品都好大份😂.我成日覺得椰皇系列嘅甜品有一種好養生嘅感覺😂呢個椰皇燉蛋白好足料同好夠熱👍🏻👍🏻入面係有滿滿嘅燉蛋白啊！蛋白食落夠滑😆除左燉蛋白，仲有椰汁西米喺入面，所以都有啲食緊椰汁西米露嘅感覺😆湯圓有三粒，可以揀全花生/全芝麻/花生芝麻雙併。我揀咗雙併，有一粒芝麻+兩粒花生。湯圓都幾好食，皮不算薄，但餡都好濃味。我諗應該都係來貨湯圓，但又同我平時食開喺超市買嘅湯圓有啲唔同咁🙈椰皇入面啲椰肉亦都軟腍，好易刮到出嚟食。整體嚟講真係一個唔錯嘅椰皇燉蛋白甜品👍🏻.同行朋友就揀咗菠多野結冰😂其實即係菠蘿沙冰🙈仲有三個版本揀：暗黑亂入篇(即係配黑涼粉)、透明人間篇(即係配水晶涼粉)同埋今次朋友揀嘅一路向西篇(即係配西米露)，都幾有創意嘅😂個菠蘿沙冰份量好多😦多到朋友最尾食得幾辛苦😂😂沙冰食落酸甜，主要係偏向甜，我覺得可以酸多啲啲🍍西米露上面係菠蘿同椰果🤔.我覺得菠多野結冰啱本身好鐘意食菠蘿嘅人，我就鐘意我叫嘅椰皇蛋白燉湯圓多啲啦😆見到menu椰皇系列嘅「榴槤爺爺」($68)好吸引我🤩其實如果唔係同行朋友好唔鐘意榴

香港人識飲識食，同時愛新鮮感，一間成功嘅食肆，要懂得在創新與傳統之間取得平衡，再加上用心經營，自然會客似雲來。大圍呢間「糖宮甜品專門店」正正就是深明此道，每晚黃昏過後，客人總是絡繹不絕，大排長龍，好嘢自然被廣傳啦。店舖分地下及二樓兩層，樓上面積可容納四、五十人，地下分室內及室外兩區，牆壁上掛上結他，不知是裝飾還是有即興演出，但已經成功營造出休閑的感覺每日限量供應的椰皇燉蛋白，可説是這裡重中之重的推介，店主明言每天限量8-10個左右，經過多番嘗試、改良，材料包括：椰皇、 椰皇水、北海道3.6牛乳鮮奶、蛋白，再隔水蒸燉，製作過程須小心處理，特別花功夫，好味又滋補香滑蛋白散出濃奶香味，震騰騰，滑嘟嘟，甜度標準合乎健康人士口味，有美白功效，啱哂愛美人士榴槤雪花冰，喜歡吃榴槤的朋友絕對不能錯過，亦是季節限定每一啖都充滿榴槤獨有的香味，絕對是齒頰留香，回味無窮，雪花冰涼浸浸，食甜品嘅最高享受心太軟，外皮硬脆、內夾醇美熱巧克力漿的小型巧克力蛋糕，附二球自選雪糕，與別不同的地方是，甜味經過多番改良，朱古力味特別重，但甜味又不會喧賓奪主，背後一定經過多番嘗試、調較，絕對是用心製作，值得一讚一切開就有像熔