糖妃 (已結業)

食物質素同價錢又唔成正比。　Ｄ甜品冇咩特別，好普通，自己係屋企整都好食過佢。服務態度就唔算好，麻麻地唯一比較好既係裝潢比較真，但成間店好細。出面大把糖水店好食過佢，唔會再貼錢買難受。

係土瓜灣黎講依間糖水店都算係咁 個耶皇燉奶更加係表表者 而且新舊派甜品各有特色之餘更多元化 擁有舊派傳統美與各種美顏健康價值 好似個耶皇桃膠鮮奶燉蛋白咁 唔覺意比我偷睇到佢地係用北海道果隻奶黎整（姐係餅店用左之後會貴50%果隻奶）所以燉品中有不小對皮膚好 新派更是年輕一代的最愛 如雪糕雞蛋仔同埋綿綿冰都係我個最愛 正值夏天綿綿冰更加要食果種口感 食完會溶化 正所謂食多d甜野個人都開心好多 而且店內食品口感 味道都十分之好 絕對可媲美各大甜品店銜頭

收左工同朋友行完街，下場就更係去食個糖水先翻屋企😋入到去見到環境裝修好公主風，藍白色配搭加上啲油畫睇落有啲小清新嘅感覺，可以打下卡嘅糖水鋪,而且坐位幾大，今次就安排左坐左卡位。平時最怕個啲糖水鋪坐位好迫食完又要即走，但呢間吾錯幾靚同fd食完可以影下相傾下計。叫左個無糖之選:椰子雪梨雪耳糖水用一個椰子殼做碗吾會太甜而且仲幾足料，有半個雪梨係入面，同埋雪梨雪耳都煲得幾入味，夜晚食都吾錯。下次會再去🤤🤤

第一次新開張時候去，覺得ok，雖然價錢貴但第二次去唔知係忙定係點，啲餐具同檯都痴笠笠.... 員工態度好差，佢落錯單同佢講返竟然黑面同啤我地。甜品味道一般，嗌凍黎到係室溫，唔知擺咗幾耐大熱天時諗住涼下㗎嘛...

食咗幾次，開頭食物整得算有心機，但後來愈來愈求其。買外賣，漏嘢，要客人自己回頭補番，但又唔凍，雪糕就算係堂食定外賣都係唔完整，得半個球，仲要溶得勁快，食時得番半球。本來好高興附近開新甜品舖，唔使食來食去都係美景街街尾間海記，但咁樣質素同價錢，好難令人接受。我住土瓜灣咁耐，見盡唔少甜品店又開又執好多次，大多數係質素同價錢出問題。咁嘅價錢，要好食過海記先有得做。要鬥平就要好似甘露咁嘅街坊價。希望老闆可以做番好佢，否則捱唔耐，食過無回頭。

難得黎到土瓜灣食飯，食完晚飯雖然好飽，都好想試下呢頭既甜品店。Openrice睇到呢間幾近，一於就試下！叫左一個椰皇鮮奶燉蛋白，唔洗2分鐘就送到，食第一啖，咦係暖既！啱曬我呢啲懶健康唔想食咁多凍野既人😆入面全部都係好滑嫩的蛋白，啖啖都有淡淡的椰香，我鍾意！雖然啱啱食完飯好飽，掙扎左好耐，都係想試下佢既抹茶紅豆窩夫，黎到賣相好靚，隔離檯見到我地份窩夫，都馬上加單：「唔該我想要一份隔離檯個個甜品」😎窩夫就還好，外面如果脆啲就更好，除左窩夫，仲有一球綠茶雪糕同埋紅豆，紅豆都好夠份量，又唔會太甜，呢個價錢有咁大份既窩夫，算係好抵食喇！

今晚要瑜珈又一個人食，所以又幫襯公司附近嘅糖妃。因為突然想食朱古力，但係我好少會晚餐只食甜嘢，上網睇下原來糖妃有兩款小食，蒜香雞翼同蒜香雞翼尖，不過諗起蒜香就係煎炸野，所以叫左雞翼尖 (好似好入味啲)同朱古力雪糕金磚💕估唔到雞翼尖份量都幾多，好多蒜蓉而且唔係煎炸嘅，朱古力雪糕金磚整得好靚，雪糕有朱古力碎，有朱古力同士多啤梨醬淋喺蜜糖多士上面，雖然好靚但係冇醬點上雪糕仲好味。如果雞翼尖唔好太淋，多士唔好落士多啤梨醬 (感覺好化學味道) 咁就💯💯#最後突然發現朱古力金磚冇咗朱古力夾心餅#得餅碎 #漏左定縮皮 #傷心

話說上次響糖妃食過個窩夫覺得普普通通，今晚突登來試下個雞蛋仔先。我點咗個Oreo朱古力雞蛋仔，我老公就點咗個芒果粒粒。首先讚下個鷄蛋仔先，外脆內鬆軟，朱古力雪榚好滑，而且鷄蛋仔嘅甜度和雪榚好match，好balance。芒果鷄蛋仔嘅鮮芒果好鮮甜，好香。所有甜度都好一致，不會有先後入口的甜度差別。不會覺得鷄蛋仔過甜而失去了芒果的鮮甜感。總體來說鷄蛋仔好有水準，比上次吃的窩夫好！推介必點之選。不過至於價格，我覺得有D貴。餐牌D相構圖好核突，完全睇唔到有乜吸引力，可能我對影相有D要求，真糸睇個名膽博膽咁叫。

幫襯左一次外賣紫米露加芋圓$31蚊，當店員拎袋外賣交畀我時，我打個突..... 個外賣碗得1吋高，細碗到離譜。其實呢區咁既價錢同份量，並不算太平民價，或許需要調整一下份量。

食完晚飯，老公話帶我去食甜品，行下行下行到屋企附近，發現有間新開嘅甜品屋。老公點了個椰皇鮮奶燉蛋白，口感好滑，好香椰皇味。不錯！我點了個曲奇脆脆窩夫，味道OK，不太甜，適中。不過窩夫欠口感，不夠鬆軟，還有進步空間！下次要試一下雪榚蛋仔。甜品種類不夠多，欠心太軟和梳呼里系列，希望日後可以多幾種選擇！服務態度不錯！

知道土瓜灣新開咗間糖水鋪，第一時間去試下。去到睇下餐牌，價錢唔算平，希望食物水準對得住個價錢啦⋯⋯朋友叫左個芒果乳酪綿綿冰，我叫左個楊枝甘露，等左一陣，食物來了，店員小姐放低個綿綿冰講左句＂無乳酪，所以俾個芒果綿綿冰你＂就走左去。我同朋友都覺得好有問題，無客人點的味道居然唔問過客人就換第二個味俾人，態度仲好似理當然咁。我地當時無出聲，試埋味道先，兩樣都十分一般。另外，係我地食緊嘅時候有人來買外賣，個外賣碗堅係令我大開眼界！圓周係一般外賣碗size，但只有大約2 cm高！目測應該只有一般外賣碗三分之一容量，我真係嘩左一聲⋯⋯總括尼講，服務強差人意，食物水準一般

糖妃 — 土瓜灣新開嘅糖水舖尋日去咗試下🥳鋪頭新裝修，藍白色為主😌但地方太細位同位之間好迫Menu入面大部份糖水都會有👅中式西式果汁沙冰綿綿冰燉品等等最特別係有雞蛋仔，鬆餅，雪糕多士同埋酥皮卷今次我哋試左兩款👀第一係曲奇脆脆鬆餅($48)第二係糖妃綿綿冰(58)鬆餅夠鬆軟，份量都算大塊😊至少厚身過出面食嘅格仔餅但係我覺得賣相欠缺左啲誠意囉🥴呢個同糖妃綿綿冰真係離晒譜60蚊嘅綿綿冰我第一次食完全CP值係零🙈份量非常少，至少少過出面賣緊$40其實我真係唔知佢賣點係乜而老闆要開呢個價錢🤒老實講呢款我一定唔會再Encore架啦🙅🏻‍♀️不過如果有機會我會試吓佢啲燉品～或者行多幾步仲有間海記合桃坊😅

美景街開咗間甜品屋，喺土瓜灣來講裝修好靚，但佢三點先營業，唯有放工去幫襯當飯前甜品。6點幾只有兩個中學生客人，見佢哋食嘅朱古力雪糕多士磚同雞蛋仔雪糕非常吸引，我最終叫咗椰皇燉奶配珍珠小丸子😻，因為即整所以要等一陣，佢用高身玻璃杯裝住椰皇再放係古典碟上面，賣相都好吸引，雖然椰皇細細隻，但係裏便燉奶小丸子同珍珠份量都好多，椰皇熱辣辣，好香椰子味，裏面椰肉仲離晒罩，食起上嚟好方便💕。另外，可能開張左一段時間，有啲雜物放喺櫃上邊，浪費左本來好靚嘅裝修，希望佢會執拾下啦😅

向土瓜灣幾星期～好不容易搵到一間岩心水既甜品舖❤️明明之前search 過OpenRice 都未見到有呢間舖，似乎係新開業🥳呢間甜品舖既甜品好多款本來都想食一桶豆腐花 但係我地得2個人，最後無叫本來就係見到呢個棉花糖而衝黎❤️佢個名都好正，叫神燈棉花糖 上枱既時候周圍既人都嘩然左 好得意 大過個頭🤣🤩好夢幻下面除左芒果同vanilla 雪糕 同朱古力百力滋仲有生果好豐富 影相出黎仲好靚 又有得玩又有得食 另外叫左一個紅豆抹茶雪糕既雞蛋仔 雞蛋仔未食過咁脆 超正😻😻 紅豆同抹茶加埋係宇治金時時既組合🥳🥳餐廳環境好舒服又唔迫！本來話11點關門，11點都未關門值得試下。。

係土瓜灣區好小有咁靚的糖水鋪,裝修很好風格!場內有得一邊睇電視一邊聽音樂，環境很舒服！坐又坐得唔會太迫，吃完不會趕你走食物方面：食過雞蛋仔，有雪糕配搭！幾香脆可口、又可以食到雪糕，另外食左個燉品，好足料又不會太甜，最重要係有得坐價錢方便：我們同行2人，平均30元，又不會太貴，外面又有得泊車，真方便👍🏻會推薦服務員方面：很有禮貌，出菜時間需時，可能人手不足吧，我看見只得3人！但看得出來廚師很用心機做甜品！