精點茶餐廳 (已結業)

知道呢度有意大利餐食，一向都喜歡意大利（包括食物同足球），趁住意大利捧世界盃，即興來會一會。一入去，見貼在牆上的只係一般茶餐廳套餐，心諗唔通唔去錯？定係已經冇得食？原來係之後遞上的餐牌才是意大利menu。諗左一陣，要個藍芝士野菌鴨肉長通粉，我加左十五蚊變做餐，有埋湯、面包、沙律、甜品同飲品，都算抵食。先來沙律，只是一般。之後來的面包和忌廉湯，面包好乾，牛油味怪怪地；忌廉湯好似加過水，很稀很淡，唔掂。終於到主菜長通粉，望落都可以，食第一口，芝士味頗濃，長通粉冇煮過龍，份量都OK，唔錯，不過我都係覺得有少少港式原素混入左。服務方面，又唔錯，老闆幾nice，不過我入去時佢好詭秘咁問我”香港人？”，我話係，佢話以為我係日本人，唔係掛！？

經過這間店見到一諞週刊介紹，標題是平民意大利菜．我一向都好鐘意食意大利菜，所以決定一試．終於約了我的好友一起去食晚飯．環境算是可以，只是給我們的食具當中有一隻义還留有一點食物殘渣．　論食物，我叫了一個酥皮三文魚朳，應該是時日晚餐．我朋友就叫了一個墨魚麵．我的三文魚朳，第一口咬落去真的很鯹．可能是魚的部位問題．跟著吃下去又覺得可以接受．但這已是大打折扣．略去鯹的這點．魚本身也不特別．只是有如開水煮魚，没有什麼味道．到朋友的墨魚麵，一句總結，吃不出有墨魚味，但用料很足．順帶一題，餐前麵包的牛油有很大陣雪味．我諗是牛油長期放在冰箱没有封好的關係．其實這裡的服務真的不錯，由其是老板．很親切．我在看其他的食評也有很多的讚賞．所以我懷疑這是一時失手？或者是保持不到之前的水準？不過點都好啦，如果水準只是去到當晚的程度，我諗只可以叫做一間平凡意大利菜．

與大學時代的老師和師弟妹見面，老師發板到這個茶餐廳，對於我這個港島盲來說，真的有點困難。七點半到達，他們已點了菜，我就再加了一個大蝦rissorto。上菜有兩款中式小菜，叉燒煎蛋和西芹炒豬頸肉，味道不錯。而西式菜就有兩款天使面、鴨胸和我叫的rissorto，我比較喜歡蜆肉天使面，因為比較乾身，不會糊，鴨胸和rissorto也很不錯。最驚喜的是埋單每人都係$45，真係好抵喎﹗老師好介紹﹗見到一年又一年o既師弟妹，真係又覺得自己好老﹗

11/4(二) 7pm返工會合男友後,行過黎呢間位置偏僻,但廣為人知既小店食dinner,環境比一般茶餐廳乾淨,樓底較高,較濶落.打開menu見d價錢真系相當相宜!我地要左Grilled T-bone steak with mushroom sauce $55,(跟餐加$15有麵包,前菜,湯,餐飲及甜品.)Risotto with porcini(牛肝菌) n wild mushroom $35,spinich ravioli(菠菜意式雲吞) with cream cheese $35.T-bone steak with mushroom sauce---男友要medium rare,賣相對板,但原本肉質極之鞋口及韌!男友食到一半已無胃口繼續!麵包系一片凍而實既牛油法包,湯系椰菜忌廉湯,忌廉仍未完全溶於湯,感覺飲緊生粉水,前菜系smoked salmon salad,尚算可接受!Risotto with porcini(牛肝菌) n wild mushroom---雖用正宗意大利飯,但味道其淡,菇菌仍有浸生草味!spinich ravioli(如圖)---算是較好的一款,cream c

久聞精點之名, 終於有機會一試.五個人共點了洋蔥湯, 白菌湯, 巴馬火腿露荀巻, 煙肉蛋汁意粉, 黑椒牛柳長通粉, 白菌意大利飯, 蜜汁菠蘿燒豬手, 磨菇汁西冷牛扒, 蘋果巻, 麵包布甸.最後我們把所有食物一一幹掉, 連汁也不放過. 除了豎起拇子, 我們什麼都沒有評語. 五星級的食物水準, 茶餐廳的價錢, 我想我們會成為常客.

我有一個朋友住北角，佢成日同我講有間茶餐廳很特別，於是乎我便與他一起試Dinner 點知我入到去睇到餐牌真係幾特別喎!茶餐廳居然有意大利餐食，於是乎我便與朋友叫了兩份pasta set，我叫咗份蒜香海鮮粉，睇落去入面啲海鮮唔多夠，但聞到好香嘅蒜香味，食落去真係幾好味，另外我朋友食嘅係茄汁蝦肉天使麵，我試咗兩啖，發覺啲蝦好新鮮，茄汁整得好好味，到我食甜品嘅時候，原來甜品都幾好喎，我諗下次我都會再嚟

一直都係精點既捧場客, 雖然住得遠, 但一年總會黎食返三幾次DINNER04同05年既平安夜都係0係呢度食, 04果時讚不絕口, 05就... =(叫左4個CHRISTMAS SET, APPETIZER無舊年既咁好食, MAIN COURSE直情係令人想喊... 兩個牛扒一睇就知佢老身, 入口果然係又硬又靭...羊架同意粉亦都係一般過一般可能係佢以前太好食啦, 所以今次先會咁失望希望只係咁0岩果日失準啦我對精點始終係有D情意結既...

除夕夜同屋企人去食,order除夕晚餐(168)、椒塩牛柳(36)及枝竹羊腩煲(45)，除夕餐有冷熱頭盤,冷盤嘅橙酒大蝦幾好味,但熱盤牛油焗帶子味道淡D,吉列海鮮拼盤都嘅豐富，甜品有我最鍾意嘅朱古力軟心布甸，整體都算不錯，椒塩牛柳夠哂辣，羊腩都算腍，屋企人都話食得過，老闆阿D哥好好招呼，佢話情人節會有套餐推出，都有啲期待。

地方ok..不過d sofa污糟左少少叫左一個set既海鮮天使麵同stuffed chicken忌廉湯先上,飲左一口巳唔想再飲..太稀..水仲好飲.飲完個soup,對d野食巳不抱期望.點知個天使麵又幾好食播!之後食stuffed chicken,本來話要轉飯,佢冇轉到,老闆好好服務,第1時間黎睇有咩問題,之後再加番一個飯俾我.d雞幾好味,夠軟,唔韌,蝦同mushroom都ok,只係個汁稀左少少.賣相唔錯, $53都幾抵.之後set跟甜品-係雜果pancake,都幾好食!臨走時老闆問d食物ok嗎, service 唔錯!

以前成日當係飯堂,因為搬屋所以都有大半年沒來,今晚特別揸車去,轉了餐牌,多了新選擇,點了蜜糖菠蘿咸豬手,哇!好有份量,豬手夠味又有口感,配上煎過的新鮮菠蘿,好襯,一點都不肥膩,原來這個餐不係套餐,但加15元可以轉套餐,有前菜沙律(今晚係蟹肉沙律,老細話日日都有不同),有湯有咖啡,還有甜品送,原來星期二~四晚晚套餐都有不同甜品送,今晚送紅酒啤梨,甜甜的好爽口,老細話星期五~日套餐額外加16元都有自家精製甜品送,認真抵食.女友叫了西班牙海鮮意大利飯,口感煙韌,同我記憶中的一樣好吃,以後有時間都會多的落來食,重回飯堂之列!

之前食過晚餐都ｏｋ，諗住食過下午茶，點知ｄ野勁難食，只係食個公仔麵都咁難食, 早知返屋企煮啦！唔知晚餐會唔會差左呢？

你點會估到北角有意菜，我投降…價錢比味道好，低食，雖然同好多港式日菜一樣，餐廳擺明係自已做自已的格。但除左豉油味之外都算係有版有眼。幾十蚊有個晚餐，食完過隔離球場睇人打波，都好的選擇。

今次大約20:30去到, 入到房看覺得太焗促, 最後都係坐番出面卡位, 要了兩個晚餐酥皮波菜芝士三文魚盒($55) - 外皮煎得金黃, 內裡填滿了涵料, 水準依然白汁三文魚墨魚麵($50) - 白汁香濃, 配合墨魚麵口感不錯, 而三文魚亦很多, 但三文魚始終都係生好食D甘筍忌廉湯- 很濃甘筍味洋蔥薯仔湯沙律- 麻麻地本想叫紅酒, 但原來一定要成支叫, 最終都沒有叫, 如可改改逐杯計會更好

朋友想吃這間的食物, 所以昨日去了這裡午膳, 叫了兩個套餐肉絲炒河($28) - 好大碟, 肉絲亦很多, 炒得幾香芝士肉醬天使麵($35) - 麵身不太林有點煙韌, 肉醬味道很好, 唯獨芝士味不夠

佢初初開0個陣我已經成日去,開頭都覺得佢Ｄ意大利菜好好食,個老細又幾好人,會主動問食客意見。不過近來去過幾次招呼差,請埋Ｄ後生金毛仔伙記,唔係話歧視,不過服務態度認真麻麻,諗住Ｄ0野share食,問佢幾隻碟,佢居然話:"我都唔夠碟用,你自己攪掂啦!"Ｄ0野食又等得耐,由落單到上菜足足等45分鐘!都有好多食客催,不過你有你催,都無人理你!埋單時同老細反映,佢目無表情咁話:"可能今日多人Ｄ囉!"唉,我諗我會將精點在我飯堂名單中剔除!