粵軒

營業中

休息中

今日是成班舊同事一早約定的聚餐吹水日期待已久了。個個見面掛住問候八卦，反而忘記美食的存在實在對不起相機椒鹽鮮魷炸得外脆內軟，再散上一上自家炸得香脆的干蒜茸，十分香口惹味好味到無影相，再來紅燒亂鴿，嘩……同相咁惹人食，皮香脆肉汁多，而且淹得入味，唔使點鹽我超鍾意香口的食物。牛柳即是牛柳，淋滑無渣，蒜片香脆粵軒炒米粉，是老闆自創的，介紹我地試下，果然好介紹，落足料，入邊有吊筒仔干，好香好有嚼頭，但有一樣老闆加咗煎得香脆的午餐肉落去一齊炒，有估唔到的食法有心思！有創意！甜品出場喇蛋散炸得好松化，入口即溶感覺，配合D蜜糖好正，怕肥都要食多D芒果布甸，細細盅，好精緻，好香滑，再加上新鮮芒果粒，唯一美中不足是比咗中式匙羹我地食甜品，不是太襯呢個精緻甜品。

同家人嚟飲茶，如果唔想等咁耐，要早少少呀，過咗12點就開始多人蝦餃，必點！入面有好多完隻大蝦，唔會溝咗好多粉入去，一籠兩件所以個size 係偏大隻自己最愛食蛋包咸蛋黃糯米雞，蛋皮上面有隻咸蛋黃，入面包住香軟嘅糯米雞，糯米雞入面亦有好多餸，好正！鮮竹卷，無咩特別，不過唔差嘅蝦腸，佢個皮做得好滑，有啲煙銀嘅，蝦亦都好大隻燒臘卷， 媽媽最愛，入面有舊好粉嘅芋頭加肥豬肉，加埋調味好夾，我諗呢個係啲懷舊點心，所以媽媽會更加有情義結吧！

好耐冇去左粵軒飲茶，今日同屋企人再去d點心都維持到水準，牛仔骨又多肉又唔會好肥膩；蝦餃皮薄又足料另外，重叫左幾款小食，分别係椒鹽豆腐，鮑汁雞腳，虎皮尖椒。質素完全冇下降

午餐又去左幫襯粵軒，佢d點心真係好好食，上次食完今次都要返黎再食過點心好大件，例如燒賣、蝦餃叫左一個一口豆腐，好香口，重椒鹽味，而且唔會淋最後叫左榴槤布丁，好重榴槤味

佢啲點心好精緻，而且味道好；雖然價錢貴，但係的確係少數高質素既點心。超級推介佢既蝦餃，勁大粒；而且腸粉非常滑！佢個甜品都非常值得推介！石榴布丁同榴蓮布丁都係甜而不膩既飯後甜品！仲有必食佢既迷你漢堡包！每個小漢堡都會有一隻勁大隻既炸蝦配以mayo同生菜，幾口就可以食到一個漢堡！好味好味

成日聽同事講粵軒好食，今日終於可以試下我地主要叫點心，無叫到炒飯炒面，原本以為唔夠飽，但最後都感覺ok既。叫左蝦餃、燒賣、蝦米腸、鳳爪、叉燒包，我都覺得好好食，而且他用料都幾足夠，蝦餃燒坤金都幾大粒叫左個一口蝦堡，細細個，中間塊蝦餅整得好好食最後叫左幾款甜品，味道都好好整體覺得佢嘅點心做得好好味，可惜價錢唔算平，我地人均130，食個lunch要百幾蚊，值唔值真係見仁見智

今日同同事出去lunch～想飲茶～但係又想食得好啲，於是黎到粵軒其實都唔係第一次黎，不過之前都係一大班人多數食粉面多，好少嗌精緻點心今次就真係4條友食～佢啲點心貴！但係真係好好食😂佢一籠蝦餃燒賣只有2件，所以我地4個人一嗌就要各兩籠先可以一人一粒。佢啲蝦餃同燒賣勁大粒，有啲類近長州大魚蛋既size～仲有佢既一口漢堡仔，中間係一大舊炸蝦，好好味🤯食完勁滿足，心諗佢正餐咁好食，甜品應該唔會伏所以我地每人嗌jor個甜品，包括榴蓮布甸、番石榴布甸、馬豆糕同埋紅豆鍋餅佢個番石榴布甸好好味，好清新而且唔會好甜😍大愛！哩間餐廳真心好味～但係價錢真心貴～不過食得飽而且味道正又開心～間唔時一次都唔錯！好味！超推介！

中午來到間同事推薦，不是茶樓但可以吃到好點心的餐廳。吃過覺得不錯總要支持一下小店的嘛～涼盤是海浙跟青瓜。都是酸酸甜甜微辣的，對怕辣的人也是很惹味。腸粉裡每一個蝦肉都挺肥美，皮不會很厚尚可。蒸馬拉糕，蒸得很鬆軟，彈彈的又不會太甜～鳳瓜嘛很入味～香口惹味～這甜品好吃～鬆而脆口，淋了蜜糖又甜。一口豆腐上來超熱辣辣的，炸皮很薄，豆腐也嫩嫩的。好吃！咸水角，皮也不會厚，裡頭料足，咸點而言不錯。釀青椒，魚肉很多料足，煎得香口。上而沾著醬吃很酸甜開胃。而燒賣蝦餃也是料足皮薄很不錯。粉飯挺香口，飯粒飽滑不會濕濕的。甜品～好吃，燉蛋好好吃力推！這間小店的點心意外的不錯！推愛點心的人來試哦！

叫了三樣點心等極未有，到食緊時仲關空調冷氣話收茶市，咁焗點食? 仲要過來提早收錢(一個人食三樣點心要成舊水，其中燒賣只得兩粒)，我話仲有另外客人同我未走要求開返冷氣先比$仲比說話你聽同叫另一男人過來企喺到睇住你食迫你走同比$，佢地咁趕客就唔好比人入來飲下午茶啦！

一口芥末脆蝦漢堡包 ($30)-粵軒嘅點心一向精緻，呢個mini漢堡包自幾年前啱啱開嗰時已經係每次飲茶必點，蝦炸得香脆，點上清新芥末醬，同微烘過嘅迷你漢堡包，睇得影得又食得😋-蜜糖脆麻花-非常喜歡粵軒的蛋散，又熱又脆十分新鮮，必食！-黑椒牛仔骨煲仔飯 ($28)-粵軒飲茶時一定會叫迷你煲仔飯款式有幾款 定期會換這次叫的是黑椒牛仔骨煲仔飯 ($28)一開煲蓋就被飯香吸引了😻牛仔骨很冧 肉汁飽滿黑椒汁也十分惹味🤤

今日dept lunch食團年飯～22人yum cha走唔甩～但係大圍黎黎去去都係個幾間yum cha所以今次食粵軒。粵軒上年裝修完畢，裝潢比較高級因為我地22人所以基本上可以咩都試下，但係因為菜式太多無樣樣影但係影jor帳單（因為要計數哈哈）我地一致都覺得味道唔錯，相應既價錢亦算合理。不過如果好似我地咁多人食就會遇到一個難題就係樣樣嘢都好細份例如：腸粉得6舊炒飯2份都係一人一羹如此類推。今日仲發生jor小插曲竟然將兩份臘腸炒芥蘭炒成一份？（但我地22人分開坐）然後個員工仲話係我地無交代清楚2份芥蘭2張台，我諗正常人唔會炒埋一碟咁有趣嘛？除非你一張台就話姐，搞笑咩？最後問我地使唔使幫你嗌多一份我心諗：你係唔係唔計錢先？不過無說出口，而且一台11人都未食芥蘭，唯有再追加一份，一肚子氣不夠最後都算識做，只係計我地2份芥蘭錢都算okay啦。而且味道真心唔錯又好味。還是會來的～小插曲忘記吧～

女負責人服務態度惡劣，雖食物尚可, 但不明 服務 態度如此差勁。因特意到達該店外賣， 因溝通問題一開始 女負責人 便很生氣， 給他大聲責罵。 本人亦心平氣和，問他為什麼要大聲喝罵？ 只是 外賣 小小事情， 不值得這樣做。 如大家想去的話， 只要不顧服務態度便可。

終於有機會試呢間迷你酒樓啦原來佢既點心都唔差！有傳統既點心，亦有一啲特色既款式，都幾有驚喜添起碼唔洗下下都去大集團式酒樓啦迷利一口芥末脆蝦漢堡是一款特色新興點心，淡淡芥末醬連同脆炸漢堡一齊食，一啖吞噬成個漢堡，好滿足既感覺！鮮蝦春卷新鮮即叫即炸熱辣辣，香脆可口，老幼都岩兩人前燒賣兩粒一籠既燒賣岩岩好，岩曬雙數去食既朋友仔們點選大大粒，又啖啖肉叉燒腸粉外層粉皮皮薄嫩滑，內層既叉燒份量多，亦唔係蒸到梅曬既叉燒重要幫你分件呈上，方便易食及分享黑椒牛仔骨非常香濃既黑椒醬汁，肉質軟林林既牛仔骨，非常入味，一d都唔un！一籠大約有4大件，不過真係食完都想再encore !!!! 如果唔想下下去大集團飲茶，呢間其實都係一間好唔錯既選擇。雖然店內規模面積較細，但其價錢，食物質素及款式選擇一d都唔差！大家可以去試下喔

好耐無飲唐茶，又唔係真係食好多，所以就選擇呢間小店，激死，碟帶子腸粉上桌是凍的，我和朋友一人食了一嚿才知，向店員反映，一個像老闆的男人說拿回去蒸已浸了豉油，還蒸？我說想取消？老闆沒反應，也不肯再整過碟，最後，翻蒸的腸粉是一夾就爛非常難食又難受。服務態度也非常唔掂，每碟㸃心逐碟上，像飲宴味道淡而無味，要落豉油，但蝦餃同雞札都十分唔錯，足料、新鮮，之但係服務態度如此不濟，幾好味都難以再去光顧，而且其他㸃心只是一般的水準，犯不著要食得唔唔開心

約咗朋友去大圍食飯，行過呢間中菜環境好似唔錯，諗住試吓，點知食完感覺唔係幾好。我地點左兩個菜，分別係咕嚕肉同埋麻辣雞煲。其實小菜分量正常，咕嚕肉味道都幾好，而且幾多配菜，但係個雞煲就好有問題。味道方面，雞煲一點都唔麻辣，似係豉油雞煲，另外一個更嚴重嘅問題喺佢係加左好多好多豬潤喺入邊，感覺有啲奇怪，而且雞件份量好少。大家可以參考一下相片。兩個人點左兩個菜，兩個白飯，埋單都差唔多$300，唔係太抵食。下次未必會考慮再幫襯。