粵藝館 (時代廣場)

營業中

休息中

姨媽姨丈從加拿大返港，約兩位長輩午膳共聚，長期居於外國的，當然中菜最啱他們胃口，思鄉情懷。菜館位於銅鑼灣時代廣場，內𥚃裝潢有氣派。灌湯豚肉小籠包即叫即蒸，湯汁爆滿。水晶菜苗蝦餃皮薄餡靚，鮮蝦爽口。香煎原味蘿蔔糕蘿蔔糕最愛！大大片蘿蔔可見，真材實料，甜美。爆米鯪魚球好特別啊！鯪魚球充滿魚香，有彈性，外層的爆米增添層次感。即燒無花菓天下第一豬果然係天下第一豬，皮鬆化到好似食薯片，那脂香在口腔內徘徊，難忘的味道。瓦罉啫啫唐生菜生菜爽脆清甜，味道夠濃厚，惹味。

現址不變的「粵藝館」，從前身開始皆以「天下第一豬」為招牌，少有失手，今日的出品，吃得滋味開心。即燒無花果天下第一豬 $348一客六件，攞得型格，皮脆肉嫩，脂肪不多、半溶口感，肉質香嫩，配無花果醬亦是一絕。瓦罉啫啫唐生菜 $108服務員放在桌上，堂前打開蓋，熱辣辣的蒸氣煙霧湧出，然後用匙炒片刻，以免黐底，細心適當，唐生菜脆嫩，肉粒不少大大提味，惹味蔬菜頗不錯。 水晶菜苗蝦餃 $68灌湯豚肉小籠包 $44味道好，小籠包有肉汁！ 通心脆脆卷 $68即是素春卷，炸得脆卜卜。 香煎原味蘿蔔糕 $68備以辣醬，正好各有所需。依個人口味，辣味比較好吃！桂花烏龍茶 每位$20 走中高檔路線，佈置優雅。  

今日好高興可以同母親大人一齊食飯，由於佢好鐘意食中菜，今日就搵間帶佢食餐好。門口已經見到師大燒緊豬，已經好想食。不時不燉湯燉湯可以話中菜不可或缺既野對女士黎講 燉湯養顏又茲補。今日個湯仲係花膠金華火腿燉螺頭十分補，而且一滴油都冇。食到只有足料既材料味道。 鰹魚醉鮑魚先叫個凍食既醉鮑魚，酒味好濃郁，鮑魚亦好好食。完全吾會太硬，硬度黎得岩岩好花膠天白菇菜膽佢花膠菜膽好多款，分別有不同頭既花膠。今日e 款隻膠都好大，太細隻既花膠根本做吾到主菜，相反只有大隻同厚度十足先做到，否則會溶或者吾好食，佢個汁亦好香。骨膠原十足。即燒無火果天下第一豬其實係門口已經見到師傅燒豬，天下第一豬，每台都必叫。個個豬本身即燒，皮脆，但裡面亦不是油膩，反而係層油花食得出濃濃豬肉香。即使沒有沾乳豬醬，你都會食到豬肉香。一蟹兩藝包括野菜沙律蟹件同一個釀焗蟹蓋。個蟹件就脆炸，冇太多調味，但相當重蟹味。而個釀蟹蓋更是無敵金沙鳳尾蝦鍋巴金涉咸蛋黃既香味好香。幾乎除左個蝦球，都可以沾滿左成個鍋巴，鍋巴夾咸蛋黃其實好合適。 如果有4個人，一人一件會好合適。啫啫唐生菜啫啫生菜向來香口好味。加埋肉碎，其實配飯一流。

餐廳可以用時代廣場嘅$100美食卷，緊係去嘆番個晚餐再去行街👍🏻前菜先以一個鰹魚醉鮑魚作開始，酒香嘅味道唔會好濃烈，搭配上鰹魚嘅甜香，同木紫魚嘅點綴食落鮮甜爽口，肉質嫩白。👍🏻一蟹兩藝貴為蟹季，當然要食🦀一隻蟹搖身一變成為兩個菜式。蟹蓋拎去焗釀，加上忌廉汁、洋蔥絲相當滋味又夠香口，蟹身則去酥炸拌上陳醋野菜沙律，唔使擔心過於油膩嘅問題，菜式設計上亦帶點fusion 玩味(*¯︶¯*)👍🏻不時不燉湯燉湯好夠火喉，滋補萬分。湯頭清澈，飲落好鮮甜，裏面嘅花膠筒淋身帶口感，以西班牙黑毛豬肉片去調味，分量十足。👍🏻即燒無花果天下第一豬 $348 第一豬嘅美譽果然名不虛傳，肥瘦相間，油脂豐腴，外皮帶點香脆，口感極佳，拌上無花果得以中和，呢個配搭食落恰如其分。👍🏻花膠天白菇菜膽 $188呢度菜式相對較為淡味，但正正食得出食材呢清甜，花膠厚身，帶黏性，白菇清甜好入味。👍🏻金沙鳳尾蝦鍋巴 金沙所指的蛋黃做得柔滑而不失顆粒感，鹹香有致，鳳尾蝦爽彈厚肉，夾上香脆而不油膩的鍋巴，口感豐富。👍🏻瓦罉啫啫唐生菜連普通不過嘅生菜都做得如此出色，一打開蓋就香氣撲鼻，襯上蒜頭🧄蝦米仔、肉碎，攪拌一下，盡是惹味，不過食到底

係銅鑼灣時代廣場既呢間粵藝館環境幾靚,地方又夠大,兩個人都有成張大圓枱用,啱晒我地成日都想叫好多野既人😂座位又坐得舒服,完全唔迫,感覺良好!《Deluxe Set Lunch $268pp》呢個set lunch真係好抵食,留意返係Foodie Member exclusive,原價係$388pp!以呢個價錢有咁多野食黎講性價比好高👍🏻《干蒸牛肉燒賣》《水晶菜苗蝦餃》正常發揮,蝦餃皮薄餡多👍🏻《松葉蟹肉粟米羹》幾大碗,正常水平!《西班牙栗子豬焦香叉燒》叉燒肥瘦適中,有少少燶邊,好食👍🏻《原幅十八頭花膠天白菇菜膽》花膠好大片,侍應會俾你影張相先分開兩份,食落幾厚肉,不過唔夠入味,比較淡!《上湯浸翡翠》正常發揮,菜幾嫩口!《瑤柱蛋白炒飯》炒飯炒得好香,唔錯!《萬壽果銀耳桃膠》糖水唔會太甜,食晒成碗都ok!粵藝館銅鑼灣勿地臣街1號時代廣場10樓1001A號舖[⭐️5分為滿分]味道⭐️⭐️⭐️⭐️環境⭐️⭐️⭐️⭐️⭐️服務⭐️⭐️⭐️⭐️⭐️價錢⭐️⭐️⭐️推薦⭐️⭐️⭐️⭐️ ⭐

有一次跟朋友逛街時, 看到在時代廣場10樓這間粵藝館的櫥窗玻璃的「天下第一豬」大字, 好奇地看了一下, 細心再看發現有位師傅在裡面正在燒原隻乳豬, 即時已跟朋友預訂了今晚來吃吃粵菜手藝晚餐, 上網查看了一下, 位於海港城的全新日式粵菜的粵藝館現已開幕, 而且還擁有無敵大海景, 下次有機會的話一定要試一下。紅杞花雕雞首先前菜點了這碟紅杞花雕雞, 酒香味濃, 雞肉嫩滑鮮味, 肉汁豐富。不時不燉湯燉湯用料豐富, 不含味精, 清甜美味, 而且還有富有骨膠原養顏神奇功效的花膠, 口感嫩滑爽彈。即燒無花果天下第一豬然後今晚的主角終於出場了, 一碟6大件的天下第一豬, 外皮充滿光澤, 香脆無比, 肉汁更是極之豐富, 而且還真的能感受到有淡淡的無花果香氣。一蟹兩藝: 皇室焗釀蟹蓋及炸軟殼蟹伴陳醋野菜沙律這道一蟹兩藝, 整件蟹蓋及炸軟殼蟹也炸得金黃, 酥香撲鼻, 蟹殼也炸至香脆, 可以輕易咬開, 然而裡面的蟹肉仍然能夠保持到嫩滑鮮甜的味道。金沙鳳尾蝦球這碟金沙鳳尾蝦球, 看上去好像是蝦多士, 用了極為香濃的鹹蛋黃炸熟, 味道濃郁之餘同時亦能保持鮮蝦的爽彈。花膠天白菇菜膽花膠擺放得很精緻, 天白菇出名香滑

如果我以後每天只可以揀一間中菜館去，我會毫不猶豫答，粤藝館。 餐廳食物好味不在話下，店內環境，侍應服務態度，上菜速度都滿分，而且配合餐廳的會員優惠、商場的消費優惠及泊車優惠，可謂物超所值。一入店舖的大堂已經煥然一新，門口的羅漢松在射燈的照射下，配合天花的大型吊燈，顯得格外有氣勢。鏗魚花醉鮑魚，鮑魚做到入味但仍然肉身爽脆，恰到好處。紅杞花雕雞，雞肉滑而且無多餘肥肉 ，味道清新健康。花膠鮑魚雞湯，此湯非常足料，令人眼前一亮，火喉夠，湯渣也有半碗。即燒無花果天下第一豬，鎮店之寶。皮香脆，色澤光潤，肉滑甜軟，滿分之選。金沙鳯尾蝦球，由蛋黃的外層，包著新鮮的蝦肉，下面放著米通，好味道。花膠天白菇菜膽，花膠厚身大件，入味好吃，主廚應該是有把花膠先用上湯浸發。芡汁是傳統的古法料理，不會太濃而遮蓋花膠本身的味道。瓦啫啫唐生菜，是最後的一菜，但沒有令人失望。唐生菜非常新鮮爽脆，用燒滾紅了的瓦窩上菜，配合一點點的蝦乾吊味，正！最後值得一讚的是員工的服務態度，餐廳雖然是中菜，但是員工的服務態度及傳菜手法可以媲美法國餐廳，餐廳經理說話誠懇, 說話時身體半前傾，半鞠躬。

上星期六想買半隻乳豬外賣，打電話打咗半個鐘又無人聽，去到餐廳門口落完柯打又要等半個鐘都算，番到屋企一打開，肥膏同骨佔大部份，放得入口嘅肉只有2-3舊，我明白乳豬本身唔多肉，但未至於咁差囉，以這個價錢($698)買絕對係超級超級伏！！！係唔係用Times squares coupon平咗少少就俾cheap野人？想追問餐廳但個電話又長期無人聽，係社交平台CS反映左幾日都無回應，完全同俾人呃係冇分別，以後可以唔洗再去。

放工來到時代廣場呢間中菜館食晚飯，裝潢風格時尚充滿格調，甚有氣派。📍鰹魚花醉鮑魚 前菜點了一客醉鮑魚，面層放上鰹魚絲，酒嘅味道芳香撲鼻，食落味道好濃郁，和鮑魚二合為一。📍一蟹兩藝皇室焗釀蟹蓋+陳醋野菜沙律蟹件另外我地點了這個一蟹兩藝，一隻蟹兩種食法，夠曬特別。皇室焗釀蟹蓋啖啖蟹肉，好鮮甜，特別之處用上軟殼蟹，食嘅時候可以連殼食，夠曬方便。此外陳醋野菜沙律蟹件，用上炸嘅方式烹調，外脆內軟。📍西班牙栗子豬叉燒另外我們點了招牌之一西班牙焦香楠叉燒，肥瘦均勻，外層帶點焦香，叉燒燒得剛剛好，時間恰到好處不會過份油膩，肉質好腍好好食。📍不時不燉湯呢個不時不燉湯用上花膠響螺瘦肉，好足料所以燉湯好鮮甜，食中菜始終配上燉湯先滿足。📍金沙鳳尾蝦球另外點了特色菜-金沙鳳尾蝦窩巴，賣相十分精緻，鹹蛋黃好香濃啊，炸蝦配上窩巴，口感好脆，層次分明。📍花膠天白菇菜膽下一道菜點了花膠天白菇鵝掌柚皮，食材名歸，芡汁好入味，所有配料夾得天衣無縫，花膠一大片，配上鵝掌和柚皮，好豐富。📍啫啫唐生菜每次食中式小菜都會點呢道啫啫唐生菜，煲仔小菜夠曬惹味，食材簡單但醬汁調配到一點也不簡單，唐生菜好爽，醬汁味道濃但唔會鹹。📍萬壽果銀

由於最近見到幾篇文章介紹這食肆新開在海港城分店，查看之後發現它也有時代廣場分店，可以免卻老人家舟車勞頓到尖沙咀試食。驚喜是經開飯喇訂枱，每名顧客獲贈一隻慳魚花醉鮑魚。早一天確認訂枱的時候，員工已經告知六時入席，八時要交枱。到現場之後透過玻璃窗見到員工即場明火燒天下第一豬。可惜試過之後，除了皮脆之外，基本上下面只是肥膏。醉鮑魚好味，但是金沙黃金蝦鍋巴非常失望，因為鍋巴挺硬趙唔開。當向侍應反映的時候，他表示可能是重炸才有這個口感出來，要向師傅反映，不過他一點也不像第一次有這投訴發生。松露野菌手淋雞有點兒乾，花膠爆米叉燒炒飯也有啃牙的感覺，而叉燒粒的數量非常之少。最後想叫甜品的時候，侍應建議可以入會，然後就每人送一個萬壽果銀耳桃膠。結帳時獲贈兩張現金券，在集團其他食肆消費滿$200可當$100用。這食肆環境很舒服，服務態度也好，只是食物質素有點失望。

有無人都好鍾意食乳豬！今次專程黎到銅鑼灣嘅粵藝館，一嚐猛火燒人手轉嘅芝麻皮乳豬！一抵達粵藝館，就見到師傅係到燒製乳豬，吸引左唔少途人嘅目光~ 餐廳裝潢有氣派，寛敞舒適，氛圍唔會太拘謹。海港城分店亦已開幕，好似仲有維港景添▪️即燒無花果天下第一豬 $348/例牌人手即燒嘅乳豬超靚仔！外皮呈密密麻麻嘅小氣泡，咬落脆到卡卡聲。下層嘅肉嫩滑唔乾柴，腩位更帶油香。醃料份量恰到好處，唔會搶過肉味，基本上唔洗點醬都好好食。▪️無花果蜜絲咕嚕豚肉 $168見其他人都有拔絲嘅效果，但我夾起個下。。少失望。好彩食落味道都唔錯，外層keep到香脆，肉質較為紮實有咬口，甜度唔會太高。▪️一蟹兩藝: 皇室焗釀蟹蓋及炸軟殼蟹伴陳醋野菜沙律 $168一蟹兩食！焗釀蟹蓋外層薄身酥脆，內𥚃絲絲蟹肉 加入忌廉同芝士營造creamy口感，但食落難免有少少膩。炸蟹腳同樣香脆，肉厚多汁，調味十足，略嫌有少少油膩。不過底下就配左陳醋野菜沙律，酸酸地可中和其油膩感。▪️鰹魚花醉鮑魚(2隻) $148鮑魚爽滑彈牙，咬勁十足，酒香唔算太重，面頭加有鰹魚作點綴。▪️涼子十八斬 · 話梅醉乳鴿 $148乳鴿肉質軟腍，入味帶酒香，有啲位幾重話梅味

來吃天下第一豬🐽難得嚟到銅鑼灣，搵間靚靚中菜食下天下第一豬呢個名吸引咗我🐷😂Weekday lunch 人客都唔少而大部份都係貌似退休人士😂我地將全場平均年齡拉低🫢優雅地來一桌中菜 也很不錯！即燒無花果天下第一豬第一道菜！乳豬皮脆卜卜加上無花果醬香脆而不油膩，平時好怕肥膩感嘅我都食到兩舊。香煎辣味蘿蔔糕真係辣得好過癮🫣味道非常好，但平時食開辣都覺得辣咗少少如果可以減返少少辣度就最好🙌🏻爆米鯪魚球比平時鯪魚球細粒，超香脆！灌湯豚肉小籠包瓦罉啫啫唐生菜好香，完美作結🤤🤤🥬

今日同屋企人去咗銅鑼灣時代廣場飲茶佢哋話粵藝館嘅菜式比較新潁 啱晒我呢啲年輕人🤣-灌湯豚肉爆汁鍋貼 $88鍋貼好大隻 份量十足🥟餡料豐富多汁 同小籠包嘅餡一模一樣😋-通心脆脆卷 $68脆卷 其實即係春卷 😝餡料味道近似蘿蔔絲酥 有白蘿蔔絲等蔬菜-香煎原味蘿蔔糕 $68蘿蔔糕絕對係真材實料 👍🏻食得出有大量蘿蔔、蝦米、蠟肉等香噴噴熱辣辣好好味😋-即燒無花果天下第一豬 $348乳豬係粵藝館嘅招牌菜之一 仲要叫天下第一豬 冇理由唔嗌🤣乳豬肉質鮮嫩多汁 皮夠薄又脆配上特製無花果甜醬 🌸即刻中和到乳豬嘅油脂香 食多幾件都得😆-水晶菜苗蝦餃 $68菜苗蝦餃一直都係我最鍾意食嘅點心❤️水晶皮精螢通透 餡料豐富鮮味 十級推介🤤-瓦罉啫啫唐生菜 $128有咸魚🐟蝦米蝦醬🦐豬肉碎🐖蒜蓉🧄等所以令平平無奇嘅生菜變得好惹味我嗰朋友唔係好食菜都係咁搶住嚟食🤣-萬壽果銀耳桃膠 $68最後又點少得嗌甜品呢 🥰我哋嗌左銀耳桃膠 非常滋潤養生👍🏻-總括：十分推介比鍾意粵菜手藝嘅朋友🥢下次有機會一定會去位於海港城嘅粵藝館因為佢哋除咗係主打全新日式粵菜嘅餐廳仲要有埋海景🌊

喺Times Square好耐冇食過中菜，見到呢間餐廳感覺新淨見到坐得幾舒服，我同老公就決定入去試吓。其實我哋都唔知食乜，但見到餐牌樣樣都好似好好味，我哋就決定點最大張圖同埋有隻手指公廚師推介嗰啲。前菜叫咗個軟殼蟹+蟹蓋沙律，我覺得有啲fusion嘅感覺，因為蟹蓋平時都係去飲宴先食到，而家佢配埋沙律一齊食，感覺好清新，而且蟹蓋入邊非常多蟹肉，超級好食，沙律連軟殼蟹一齊食一樣精彩。醉鮑魚係侍應推介話好多人都讚好味嘅菜式，見到一隻匙羹一隻鮑魚，雖然份量比較少但一啖入口酒香撲鼻，果然真係好好味。女人點會唔鍾意食花膠，飲燉湯有花膠都唔夠喉，要大大塊扒花膠先至過癮啊，燉湯非常清甜超級好味，扒花膠真心食到每啖都係骨膠原，鮑汁味道濃郁，超級回味。最後食招牌菜，餐牌寫住天下第一豬，講到咁勁真係要試吓。乳豬好食除咗食到個皮卜卜脆，肉質鹹鹹香香先至係最好食，佢真係做到好好嘅口感，最鍾意佢有例牌，就算兩口子去食都可以食到。另外西班牙豬整成嘅咕嚕肉，用嚟送白飯一流，酸酸甜甜，豬肉口感十足，咕嚕肉都係見到間餐廳中菜做得出唔出色嘅一道菜，呢度絕對有高分數，果然粵菜手藝出色，今晚真係超滿足。聽侍應講原來海港城全新分

今午訂咗枱同朋友慶祝生日～「粵藝館」傳承粵菜精湛的手藝，除以經典粵菜加入日式元素，視覺與味覺都充滿新鮮感。另外餐廳同時亦係一間花膠的專門店，有唔少菜式都用上花膠入饌。即燒無花果天下第一豬即叫即燒，香噴噴乳豬呈現眼前，外皮香脆且不油膩，豬肉味濃且淋身，鹹香味恰到好處。放上無花果醬的乳豬件，一口咬落，真係好好享受👍爆米鯪魚球賣相好似一支糖果條，好有心思，脆卜卜的白色爆米花鋪滿炸鯪魚球，咬下去脆卜卜又煙韌彈牙；鯪魚肉鮮甜，蜆介更增添鹹香味。灌湯豚肉爆汁鍋貼巧奪天工的手藝作品，每件鍋貼都以傳統15摺以上，底皮煎得夠甘香脆口。一咬下去，灌湯肉汁傾瀉而出，肉鮮汁甜。香煎原味蘿蔔糕厚切的蘿蔔糕、蘿蔔條和臘肉都很足料、煎得好香口，點上辣椒醬更惹味🥰🥰干蒸牛肉燒賣爽口彈牙，牛肉味濃👍瓦罉啫啫唐生菜平平無奇的唐生菜，以瓦𦉘啫啫上菜，滋滋聲，香味撲鼻😁水晶花膠凍花膠凍口感Q彈，配上陳醋啫喱一流😍😍萬壽果銀耳桃膠我鍾意的滋補養顏甜湯，唔太甜，今午最完美的ending🥰🥰