粵派燒味專門店

平時都鍾意食燒味，唔同地區唔同價錢都會嘗試。呢間舖頭第一次試，係公司叫外賣，點左燒鴨腩仔飯凍檸茶。今次自己堂食，點左腩仔燻蹄飯熱奶茶。平時午市人多都幾繁忙，所以經過冇諗住堂食。今次星期六冇咁多人所以就入去幫襯。食物質素：我最欣賞燒腩仔，皮脆肥瘦合適。其他野都好食，有中上至到良好水平，份量冇偷雞，對得起價錢。會再幫襯試埋其他款式。除左會奉上需要嘅醬汁，堂食枱上面仲有一甖薑蔥油，可以自己潷，正！！環境：乾淨，員工有做好清潔，冇蛇蟲鼠蟻！食物處理眼見都衛生。服務：極有效率！落單轉眼就上菜連飲品，食完坐左幾分鐘，埋單原來只係過左唔夠20分鐘。店員接觸左三四個，個個都有禮貌。結論值得幫襯！如果鍾意燒味，可以一試..再試！已經急不及待食左一半…查看更多

今日第一次食呢間餐廳，叫咗個燒鵝拼油雞 &至尊叉燒拼白雞～結果 D燒鵝全部係骨+較皮，所謂嘅至尊肥叉變咗瘦叉+硬雞胸！之後問下個職員，D燒鵝全部係骨無肉嘅？佢居然答我因為拼咗油雞係肉，所以師傅就會配燒鵝骨😅再問我叫左至尊叉燒，應該係肥㗎，點解咁瘦嘅？佢居然答我至尊叉燒係肥或者淋，你呢個唔肥就係淋嘅😏我聽完真係忍笑中～（乜肥嘅會硬咩？）最後見佢完全唔覺得自己有問題咁我就算啦⋯⋯絕對冇下次😒…查看更多

真心燥底要上嚟OpenRice寫負評。我叫外賣，餐廳搞錯咗單，成張單錯晒咁送上嚟。當我同餐廳反映嘅時候，佢哋話咩安排唔到其他車手再送過，要我再俾錢重新order。唔理解點解係餐廳同車手犯嘅錯反而要我哋自己出錢？我係消費者但被迫要承擔佢哋嘅錯誤。更差嘅係，餐廳喺處理問題嘅時候，講講吓電話直接cut線，好過份，呢種態度真係極差。極度唔建議幫襯呢間餐廳，警惕其他顧客都要小心啲，希望你哋唔會遇到呢啲事！！…查看更多

之前都成日來買外賣燒味。今日又來買啦。今日買半斤低級叉燒店員叫我出面等其實門口得我同另一顧客等外賣，應該都唔阻人要買的客人一定會入來咁都好企係門口睇住師父斬叉燒我買平價半斤叉燒所以師父左執右執執夠半斤俾我可能當時3點半怕賣晒？等堂食燒味客有叉燒飯食？切頭切尾下次真係應該要出聲或者，指定要一條啦…查看更多

用餐時間（2:29pm late lunch）前幾年係九龍城返工，當咗呢度喺飯堂，不過近來轉咗手，燒味師傅最近自己接手做老闆，改名叫粵派燒味專門店，試一試睇吓保唔保持到品質。食物個人認為食燒味飯，除咗燒味重要，個飯底都係主角。首先，講吓啲飯，呢度啲飯粒粒分明有咬口，個人認為好好食。叉燒飯保持一貫水準，叉燒醃得入味，肥瘦適中，加上少許燶邊，係以前個味道。喺九龍城福佬村道，俾$50幾蚊食一個咁嘅叉燒飯，我覺得都算係咁。茶水☕杯熱奶茶次次都食完飯先叫起，其實幾麻煩（大家千祈唔好學lol）。熱奶茶夠濃郁夠香，用黑白花奶，真係好少燒臘舖可以做到杯奶茶都正，難得️ ！出爐燒味呢間嘢都多人斬燒味返屋企加料，師傅密密燒，坐低半個鐘都見到師傅捧咗盤油雞出嚟，下次再試試其他燒味，睇吓係咪都Keep到。…查看更多