粥家莊

營業中

休息中

今日嚟到土瓜灣北帝街既呢間粥家莊食早餐，店舖都幾易搵既。呢間早餐時段唔多食客，得一两枱，我就揾張二人格坐低睇下餐牌有咩好食。最後我都係點咗個魚片艇仔粥同埋一碟滑牛腸。店員都頗友善，點餐時有笑容。一陣間两樣食物就嚟到，滑牛腸d豉油冇乜味，但滑牛腸本身d牛肉就有d味，唔錯既。魚片艇仔粥都有d魚片味，但就好似唔見到有碎牛，得魚片，魷魚同埋豬皮，碗粥味道唔錯既。整體滿意。口味：🥚🥚🥚🥚环境：🥚🥚🥚服务：🥚🥚🥚🥚性价比：🥚🥚🥚

皮蛋瘦肉粥是我最喜歡的粥品，最愛它的香濃滑順的口感和豐富的味道。口感與風味一絕, 粥體質地黏稠，口感順滑，米粒軟糯，不會覺得難以消化。風味很好。粥的米香, 結合皮蛋的獨特鹹香, 還有瘦肉的肉味鮮嫩, 米粒的味道清甜, 可以加點豉油, 醇厚無可比美，味道和諧而豐富。最欣賞是粥上桌時很夠熱, 讓食客更能體驗此粥的其滑順口感和濃郁香味。因為粥煮得夠綿, 覺得相對容易消化，適合老年人和小孩, 味道好, 營養也是滿分。所以每到粥點也會點這款經典又美味的粥品。

途經土瓜灣, 不得不來粥家莊吃碗粥。可能是我要求高, 連鎖店的粥不合我口味, 會令我心心念念的粥店暫時只有兩間, 而該兩間粥店所在的位置我並不常去, 所以難得路過不想錯過, 而粥家莊是其中一間。粥家莊貼地親民, 賣的粥品, 油器和食品均屬傳統踏實型, 不賣弄花巧, 實屬難得。早·下午粥餐 $371) 皮蛋瘦肉粥2) 炒米炒麵雙拼炒米炒麵雙拼份量適中, 米粉和麵炒得乾身, 並不油膩。平日喜歡把炒米粉和炒麵直接沾上粥再吃, 是次換另一種吃法, 添加了甜醬, 辣醬和芝麻, 是另一種滋味。皮蛋瘦肉粥份量不少, 皮蛋和瘦肉置於碗底, 用料十足。瘦肉沒有豬腥味, 肉質不柴。粥水比例適中, 不會過稀, 且內有花生, 增添香口感覺, 保持一貫質素。

今晚OT到11點幾，尖東都無咩野食，咁就揸車去d方便泊到車嘅地方啦，心中都係諗九龍城或者土瓜灣啦！最後都係去左土瓜灣食碗粥，因為都唔會太飽。去到粥家庄門口停低車，好彩佢就收12點，極高速點左碗皮蛋艇仔粥同一條油炸鬼。咁碗粥就好快到啦！超足料，唔知係唔係收工大贈送，首先就食個油炸鬼，油炸鬼係偏硬嘅，點左粥食都口感麻麻。之後就食粥了，粥都係超足料的，超多碎牛及皮蛋，可能是收工大贈送吧，另外豬皮，魷魚絲，好快地吃完就走了，唔好阻人收工。

因為今日另一半有啲唔舒服，所以陪佢去食啲清淡啲嘅嘢。剛好見到有間專食呢啲粥粉麵就可以試吓。呢個碎牛粥牛肉都尚算正常份量，但炒麵就冇乜味，反而蘿蔔糕好多蘿蔔有驚喜

史上最差糖水！！！！綠豆沙冇綠豆😅😅😅😅外賣碗綠豆沙，成碗糖水得幾粒綠豆，係幾粒炸，一打開以為綠豆係底，點知撈到底都只係得幾粒綠豆，每一啖都飲緊綠豆水，真係唔知食緊乜，第一次食綠豆沙係冇綠豆，如果賣到最尾冇貨不如直接sold out，唔好$20賣碗水比我，我要水唔洗搵你啦大家夜晚買外賣真係要望清楚先好走！記得要撈下入面有冇料，或者附近有好多其他更好既選擇，我就唔會再有下次🙂🙂🙂🙂🙂

今朝見唔舒服、返到公司用外賣APP嗌咗個皮蛋肉片生滾粥外賣、嚟到打開碗粥得肉片冇皮蛋、向商戶申請退款被拒絕、致電商戶問拒絕退款原因話只係冇放皮蛋所以唔會退款、叫我聯絡返外賣APP 、完全唔合理🙄🙄咁樣係咪違反商品説明條例？

粥家莊嘅套餐好抵食一定要推介呢個套餐🥢滑牛粥+油炸鬼/牛脷酥 💰$41滑牛粥嘅牛肉份量都幾多佢嘅粥係會水多啲，唔係好杰身嗰種亦會有落薑同蔥我見我外賣嘅時候個碗粥都係滿晒油炸鬼同牛脷酥，只係💰$9 好大舊，同埋好脆牛脷酥係實心嗰種當然朝早同夜晚去買會容易啲新鮮出爐晏晝嘅時間就會凍咗，但係都好食

唔舒服無乜胃口就諗坐食粥，落外賣單：一個皮蛋肉片粥，肉丸粥，蒸蘿蔔糕，叉燒腸，炒米粉。首先，呢間粥家莊每樣嘢嘅價錢都幾平，又唔洗等好耐，但食物出來係好唔掂；1） 兩碗粥難食到嘔，杰過糊又無味，最慘係連材料都無味，究竟係點煮出來2）蒸蘿蔔糕好難食，無味，無任何餡，只係一舊完全純白色由蘿蔔絲堆出來的蘿蔔糕。最閉係啲蘿蔔絲仲要唔熟，又無蘿蔔甜味，完全唔知自己食緊咩3）叉燒腸又係無味，叉燒硬，腸粉皮又厚又硬4）炒米粉又係無味，完全無配料，真係用油只係炒米粉出來，成盒米粉白雪雪，想搵一條配料都無呢間粥家莊係第一次惠顧，已令我畢生難忘，間店啲嘢真係好難食，已經唔舒服仲要遇上劣食，為醫肚忍住食了一半，另一半難食到掉咗，真係絕對唔會有下次

小店有卡位和圓枱兩種座位, 見有卡位便坐下了。醬料架放了胡椒粉, 芝麻, 麻醬, 甜醬和辣醬, 乾淨企理, 客人可按需要使用。早餐和下午茶的餐牌相同, 都是一款粥品/糖水和一款小食的配搭, 價格相宜, 如可展示追加小食價格更佳。早·下午粥餐 $331) 皮蛋瘦肉粥2) 蝦米腸蝦米腸送來時只加了豉油, 其他醬料由客人自行添加。本人喜歡多芝麻, 多麻醬, 多甜醬和少辣醬, 為蝦米腸增添層次。蝦米腸入口順滑, 加上醬料的加持, 美味。皮蛋瘦肉粥附上一匙蔥花, 不喜歡吃蔥的客人可輕易去掉。皮蛋瘦肉份量不少, 皮蛋多顯得瘦肉略少。粥水比例適中, 不會過稀, 且內有花生, 增添香口感覺, 有一定質素。

很久以前 ，啲粥好熱， 腸粉 ，蘿蔔糕 ，都好好食 ，而家啲粥唔熱腸粉凍冰冰，蘿蔔糕又係凍冰冰， 價錢平到冇用 ，平時去買都見事頭婆喺度 ，而家得兩個人一個後生仔 都唔係以前嗰啲員工，應該唔會再幫襯！

10月4日重陽節揾食肥華和靚媽，晨早到土瓜灣，諗住去靚媽同事介紹嘅燒臘店買燒味過節，可能時間尚早燒臘店還未開舖，肥華就同靚媽先到此間個店名令人覺得佢係一間粥品專門店的食店進食早餐，各自點了一碗艇仔粥及碎牛粥，齋腸和炸兩各一碟加一杯豆䊢，肥華食咗一啖碎牛粥就知揰版，因此店個有味粥個粥底杰過糊，完全唔係肥華杯茶，而個齋腸亦唔夠滑衹值C級質素反而碟炸两啲油作鬼夠熱夠脆尚算及格連埋杯豆䊢都可以俾個C+評分佢，有見及此肥華都冇興趣試食靚媽碗艇仔粥，此店個名就夠專業但啲粥就太杰，肥華唔會再去食🙅‍♂️👎😵

豬膶豬腰粥（$35）粥底綿密，豬潤豬腰勁大塊，口感爽滑，一點都唔腥。推介！豬腰滑雞粥（$35）豬腰冇得輸，雞件都算多，但雞肉瘦左少少。菜心食菜好，健康一點，都幾大份。不過菜心唔夠爽脆。牛肉腸粉我覺得粥比較好食，雖然腸粉軟嫩又滑順，但個牛肉好一般。

以前係土瓜灣住果陣間唔中都會幫襯呢間粥店，今日係附近睇開醫生順便過黎懷緬下～我印象中呢度既豬潤係好出色，所以叫左個生滾豬潤滑牛粥($33) 如果叫普通粥基本上１，２分鐘就會有，生滾粥耐Ｄ （但講緊都係大約５分鐘😂）粥依舊都係好足料，有４大塊豬潤同大約８舊仔滑牛～無黎一排果然無令我失望👏 豬潤有一定厚度但ＫＥＥＰ到好爽口口感非常好，完全無血腥味👍👍滑牛相對無咁出色，大約一半滑D一半有少少＂ＵＮ＂粥底夠綿，但個人認為有少少濃味食完都有DＤ口渴～（不過話時話點解碗粥我唔見有薑絲架呢？！生滾粥尤其係豬潤通常都有🤔）另外特別想讚下呢度既服務👍👍例子一：我張檯無晒胡椒粉，我去隔離檯拎完個後生仔太子爺問我要Ｄ咩？跟住就去第二張擺雜物既檯拎返樽胡椒粉放返我張檯，好細心👍例子二：有個伯伯落黎買齋腸外賣但唔記得帶口罩，太子爺話照整俾伯伯（我諗佢都唔想伯伯行多轉），仲叫店員拎個口罩俾伯伯，真有人情味👏👏例子三：有個女人叫左碟蘿蔔糕，太子爺遞俾佢之後個食客先話佢唔記得走豉油，佢都即刻換過碟俾佢（相信好多餐廳都會話唔好意思已經做好左無得換）👍👍經常都覺得呢D家庭式舖頭／小店買少見少係應該支持既💪尤其仲要咁好服務

百物騰貴而家有時出邊買碗粥都要成$40加個腸粉都要成$30 今日身體唔舒服 想食粥 好彩遇見到粥家莊 入到去睇返啲價錢簡直係抗通脹精選 唔怪得知咁多人食 住土瓜灣真係好多平價野食可以選擇 皮蛋碎牛粥$22 粥底冇味精 皮蛋同碎牛都好多 份量都叫好大碗豬潤腸$19 豬潤唔會好嚡 但腸粉皮係有少少厚 但都算過得去 以價錢來講真係冇得輸 炒麵$11 講真而家買個麵包$11都唔多啦 而家炒麵先至10一蚊仲要一大盒 真係良心小店蘿蔔糕又係$11 份量都唔少 味道不錯 正正常常其實見到仲有其他油炸鬼牛脷酥嗰啲真係好想食希望下次再去試過