粤辣‧粤愛 (已結業)

🐟最近幾年香港引入四川酸菜魚後，大家好瘋狂熱愛呢種特色美食，而屯門美食多多，連酸菜魚都係咁出色！食物質量：⭐️⭐️⭐️⭐️⭐️服務態度：⭐️⭐️⭐️⭐️⭐️總性價比：⭐️⭐️⭐️⭐️地理位置：⭐️⭐️⭐️⭐️呢間餐廳位於青菱徑，要睇好google map行喔！餐廳喺地面，內裏好寬敞舒服。🌶辣子雞丁：可以選擇辣度，我今次就揀左微辣，好驚喜真係做到辣同麻的感覺，同時保留到雞肉嘅嫩滑同酥脆可口👍🏻🐟酸菜魚粉絲：魚肉新鮮滑溜，入口即溶，粉絲充分吸收麻香味十足嘅湯底，十分彈牙，而烹調嘅程度剛剛好唔會一夾就斷，如果可以再酸少少就會更有層次；而豆皮因為有紋理，所以好掛湯，同個湯好夾。黃芽白煮透仲有少少口感，盡情吸收曬啲湯既精華呢！呢度就係一個人嘅份量，完全無諗過咁足料，可以捧住個肚仔走真係好滿足呢！🍋凍檸茶：有別於一般港式口味，茶味清香，滑入喉嚨好舒服滋潤。🍚米飯：飯粒有咬口同飯香，用嚟配湯汁既菜式就非常夾。😄✌🏼做街坊生意已經咁旺，員工對小朋友態度都好友善，呢間已經列為可以一去再去嘅餐廳yeah！

520 要有儀式感， 仲要係happy Friday 🥰🥰放工 同老公兩個人撐枱腳虹橋 新開咗 間川菜 睇落幾地道 就一於過嚟試下先開胃魚頭王$188 上枱嚇親我地🤣🤣， 成個面盆咁大嘅碟 目測有兩斤以上 ，用上新鮮草魚， 魚肉一梳梳，非常嫩滑 剁椒非常之香 個人唔覺得太 辣 反而多咗一份香 😍😍兩個人食 真係 有點難度😂😂建議四人以上先點麻辣大豆芽，夏天食好開胃又清爽 唔算特別四川臘味煲仔飯$58呢個真係要推介 😋😋估唔到會食到咁好味嘅煲仔飯飯焦脆卜卜飯粒粒分明，四川臘味 有別於港式臘味 ，非常之有肉香仲有好多唔同嘅款式，下次就會食黃鱔煲仔飯，同樣款款58蚊真係超值👍👍蔥油口水雞 $68 好香 唔會太辣 雞肉嫩滑 墊住青瓜絲，食得辣嘅可以食埋佢揸咗車冇得飲啤酒 🍻原來仲有珍珠奶茶 揀咗香芋同蜜瓜味 唔錯喎 ，珍珠煙韌彈牙😌😌見到隔離枱食雞煲好香呀 ，下次一於試下😝😝仲有間勁大間獨立房，設低消，可以唱埋K同麻雀耍樂添仲見到有晚市孖寶套餐㖭，價錢好抵有辣有唔辣 ，真開心屋企附近多一間飯堂🥳🥳