米線王餐廳 (已結業)

之前見到呢間野開張，唸住搵日試下。記得我之前行過，決定下次都係唔會黎。但今日......落雨天，同事話食米線試下新開呢間，我話上次我睇過，但唔記得咩原因我唔會選擇黎呢度食，結果比次機會佢啦。去到都有8、9成入座率，座位唔會太迫，但睇睇個menu，嘩，想走囉。26蚊個湯連配料，7蚊一個餸，即係一餸落樓33蚊，同區價黎講﹐除非你碗野超好味，否則絕對唔值。同事點了雞絲蕃茄湯底 : 7蚊一個餸，唔會太差吧?! 噢，點知出黎係鞋 及"un"的手絲雞，似係煲完湯用啲渣絲開咁。雖然係咁既quality，但都係比左一小撮。湯底ok，有幾舊蕃茄，但未到超濃湯，所以，個湯唔值廿六，個餸更加唔值7蚊囉!!!!!!我點了豬軟骨麻辣米線 : 有麻辣味，但唔令我上癮，比言覃人子或巴蜀豬排黎講，比下去。配料亦好求其，兩粒花生，同蔥絲，同酸菜芽菜，但都係少量。都係果句，唔值26蚊。豬軟骨有幾舊，但都係薄切，不過比我同事好囉。唔敢話佢值唔值7蚊，但肯定唔係抵食囉。埋單一人三十三，一餸米線，都講下個米線啦。無咬口，係煮唔夠會爽，煮得耐會腍果種，我今次係腍，無米線的彈牙口感，都係差。提一提，佢有個8餸套餐，有貢丸，生菜，雞肉紅腸，魚旦，雞排，腐竹，同唔知咩，呢啲餸，佢收59蚊囉，仲要飲品另計，死未。佢場細細，伙記好幾個，舖租又應該唔平，所以佢唔收呢個價點做?! 但係...唔係呢個quality囉。…查看更多

我不是想做甚麼食家,只是這家店的服務真的差到不得了今天下午進了這家店只想隨便吃個午餐落單時,我足足說了十次個侍應都聽不清楚,我只是簡單的叫了3個1餸米線,好都聽不到....好沮喪再叫了豆漿...來的是熱得出煙的豆漿三十度的下午的今天實在不想喝...請侍應換凍的,她說沒有...點解唔一早講??最好笑係我叫了可樂後,來了凍豆漿拿可樂來的時候又大力擲在枱上小姐你唔鍾意可以唔好做,我又沒迫你...唔知佢老闆知唔知自己的店服務咁差?…查看更多

日日搭巴士返工，行過開o左一間食米線o既地方，所以就帶o左同事一齊去試下。入到去，被迫要同人share坐，因為小二話lunch hour要留返4位檯，算啦~ 一睇個menu，一個酸辣湯底米線已經22蚊，如果加餸就由6至7蚊不等，本宮覺得佢d餸好貴，不過所叫o左2個餸，雞翼同魚腐，仲叫佢走芽菜、韭菜同蔥...一o黎到已經心知不妙，冇走到蔥，d雞翼又細又要隔過夜，魚腐又好油，一食落去d油出晒o黎... d米線仲大獲，係又硬又爽，好似食瀨粉咁....本宮一食到唔餓就停，最後去o左泰昌食蛋撻...http://hk.myblog.yahoo.com/ultrabearhk/article?mid=583…查看更多

去左米線王，知道新開張，　叫了一碗酸辣米線加招牌腩肉同豬軟骨，　順便叫一杯珍珠奶茶解渴。　值得一讚係佢有台式飲料提供酸辣米線：夠酸，辣味差一點，　不過酸味似單純下醋，　酸菜的酸味唔突出。米線比較爽身，　個人喜歡腍一些，　腩肉唔錯，　好味，　最緊要唔係一大舊肥膏，肉佔九成，　肥只有約一成。　豬軟骨就失望，　太乾身。珍珠奶茶：　茶味唔夠，　奶比較多，　珍珠比例還好，　當然同街邊的台式舖比就梗係冇得比…查看更多

今日下午到這間店初次外賣午歺(之前未食過)，點知一肚氣。我約1:05到店外賣，買了1個2餸米線及1杯珍珠奶茶，合共付了43元(心想都不平宜，但新店不妨一試)，等到１:20想吹吓佢，但見到入面的伙計好似做到亂七八糟(可能係新丁)，眼見15分鐘結脹約4張單，收銀都要用計數機慢慢計，外面等位的人由10多個走剩4個，伙計都要走到櫃枱看記錄後再叫號入座，於是我做好人費事再追佢哋，最後等多幾分鐘:(，終於見到我的食物出來，我便自行到櫃枱應領，點知收銀就問個伙計我付了錢未没有，當時我立即起火起，對收銀說我已付了錢，仲係你收的，我見只得1單外賣，而自己負責收錢都唔記得，還要問人真奇怪？最後我都無理佢拿食物走人。回到公司已經點半有多，打開食物後火又來，入面少了個餸(值6元)，打電話叫佢退錢，雖然肯退，但又要我行多轉，而米線味道都是一般，相信我唔會再幫襯。…查看更多