米泰 (圍方)

營業中

休息中

今日去到圍方，本身都好期待食呢間餐廳好奈，點知一去到餐廳門口就見到門口有個女職員在門口俾人圍住鬧，不過佢都依然保持著服務水準有禮回應客人。然後見到一位應該係淺藍色衫我估應該係店長，想講呢個店長講野態度非常差，仲聽到客人同店長係度講「客人：咁話我補飛咪有排等？訂檯都未入座，店長：係囉 啲客食完都唔走」呢啲說話真係好無幫助。聽到即時唔想食，做服務性行業講啲咁既說話，所以我都係食第二間唔幫襯，分分鐘話埋我架，多得啲咁既員工，客都俾佢趕走曬啦。

7月19日 ，因為週六無得訂枱，所以walk in 排隊拎號，等左約半個鐘左右，大約晚上7點半入座，一入去 已經聽到帶位女員工好熱情咁叫歡迎光臨米泰，仲好齊心，感覺同出面餐廳唔同，有氣氛。之後坐低後，一個好熟悉既男經理行過黎，主動送上水，一見原來之前係荃灣一間餐廳見過，仲記得佢有溫度既服務，今次再遇見，我對他點頭，thomas主動介紹餐牌有什麼推介，全程笑住對住所有客人，感覺相比半年前再來米泰，氣氛及服務轉變很大，改善左好多，臨走前我問thomas有無卡片，但佢話佢剛剛入職，俾住餐廳卡片再用筆寫佢whatsapp聯絡方式，星期一至五如果訂枱可以隨時搵佢，真貼心，食物質素繼續保持高質，加上thomas既服務感染下，令到餐廳有埋服務，我地會再黎，約定每月一次

今日同屋企人食lunch ，突然想食泰國菜，經過圍方，就決定試吓米泰！🔸泰式鮮蝦炒金邊粉🍤鮮蝦共有五大隻，口感爽脆彈牙！金邊粉酸甜香辣十分開胃，配搭埋香脆花生碎，令人越吃越上癮！！🔸 泰式青咖喱炭燒豬頸肉飯豬頸肉經過炭燒後，散發出獨特的煙燻香味，而且肉質嫩滑，外皮微脆，內裡多汁，配上青咖喱的椰香味，配搭一流！🔸 香芒牛油果素菜米紙卷（4件）香芒牛油果素菜米纸卷十分清新和豐富！新鲜蔬菜如生菜和黄瓜提供了爽脆的口感，加上香芒的甜味为整体增添了果香，再配搭甜辣醬增加風味，健康又有營養，非常適合夏天享用！🔸 芒果椰汁三色糯米飯糯米飯外層有綠色、白色和藍色色調，加上芒果呈現色彩繽紛的感覺！每一口芒果糯米飯都是一種享受！糯米飯的口感軟滑，配上椰汁與芒果，香甜結合在一起，非常好吃又滿足！🔸 兒童餐炸薯條｜炸蝦餅｜雞肉忌廉汁意粉｜蘋果汁好開心這裏有兒童餐！可以叫份比小朋友，自己可以叫自己想吃嘅，唔洗就佢唔揀得辣…兒童餐都很大份，仔仔食得好開心！

最近去咗米泰（圍方）食嘢，真係超正！以下係我試過嘅幾樣菜，分享一下～香芒軟殼蟹米紙卷第一樣係香芒軟殼蟹米紙卷，OMG，超好食！米紙包住軟殼蟹，外脆內嫩，配上香甜嘅芒果，食完好想再來一份！鮮蝦柚子沙律跟住試咗鮮蝦柚子沙律，醬汁好有風味，味道比較濃厚。鮮蝦搭配清脆嘅沙律，仲有柚子嘅酸甜，食完真係好清爽，夏天食啱啱好，完全唔會膩。鮮蝦 Pad Thai再來係鮮蝦 Pad Thai，呢道炒河粉完全唔會失望！鮮蝦夠新鮮，炒粉香噴噴，醬汁調得剛剛好，味道層次分明👍🏻菠蘿沙冰最後係菠蘿沙冰，呢個甜品真係必點！沙冰滑滑地，菠蘿味超自然，食完好消暑，完美收尾！總結總結一下，米泰（圍方）真係一個好地方，菜品唔單止好味，仲有創意，食完心情都好好。如果你喺香港搵地方聚餐，米泰（圍方）絕對要試下！

自從圍方開幕之後，對我哋呢班成日要夜收工嘅打工仔真係天大福音！每次收工肚餓，就可以即刻衝上圍方搵食。最近唔知點解好迷泰國菜，而呢間泰式餐廳雖然位唔多，但坐得幾舒服，裝修簡簡單單用木系風格，好適合同friend一齊嚟吹下水食下野。* 米泰生蝦 (6隻)啲蝦肉通透到呢～配埋佢哋特製嘅酸辣汁，一入口先係青檸同香茅嘅清新，跟住先慢慢嘗到魚露嘅鮮味，真係好開胃！*米泰秘製海南雞 (半隻) 雞皮又爽又彈，雞肉滑到呢～連雞胸都唔會「鞋口」。如果可以配碗油飯就perfect池啦！*米泰極上船麵個湯底黑金黑金咁，用牛骨熬出嚟嘅湯又濃又甜，最正係啲炸豬皮，吸晒湯汁都仲脆口！牛小排都幾多下，牛味夠，不過牛丸就似港式嗰種，如果有爆汁效果就更好。食得辣嘅記住加辣，會更加惹味！*芒果椰汁三色糯米飯 擺到成件藝術品咁！蝶豆花、斑斕同白糯米三種顏色，椰漿濃淡啱啱好，每粒米都掛到漿，食落又綿又香；加埋啲炸綠豆碎，脆脆地好過癮。芒果甜到漏，一啲都唔酸，自己食晒都唔會膩。*飲品: 杞子龍眼水蜜／泰式咖啡龍眼蜜飲落好滋潤，就算凍飲都飲到桂圓香。至於泰式咖啡香濃得嚟唔會太甜，好啱香港人口味。

開11:30，得4.5張枱入座，大約11:40叫餐，去到12:03還未有嘢食，問第一位侍應追單，一直都無回覆.到12:09問第二位侍應幾時有？終於有答案，要等多十分鐘，師傅炒緊，替個師傅辛苦炒個金邊粉要40分不停咁炒。聽完起身走人。

二人套餐幾抵食，但上菜慢同店員服務麻麻味道：🌕🌕🌕🌕🌕🌕🌕🌖🌑🌑二人套餐($428)炭烤燒魷魚呢碟係我地等位見到好多枱都有叫所以決定叫🤪🤪佢真係原隻魷魚上枱🦑好澎湃既感覺😍😍魷魚口感夠爽口，易咬唔痴牙，而且個醬汁都好惹味👍🏻👍🏻泰滷味(豬手，蛋，豆卜）豬手係充滿骨膠原，所以食多啲對皮膚都好好😌呢到既豬手份量係勁足，好似成隻豬手搬曬上枱咁，豬手調味剛剛好，又夠彈牙，每人起碼都食到5-6舊😂😂豆卜份量都好多，不過索左啲汁有啲漏就食唔曬😂泰式鮮蝦金邊粉金邊粉係我地比較鍾意食既泰國菜之一，食親泰國菜都係定要叫，呢到既水準都唔錯，味道夠曬惹味，蝦都夠啦隻夠多，同埋份量一啲都唔少，2個人食完都飽曬😂😂香蕉烤餅配椰子雪糕因為無曬芒果糯米飯就惟有叫呢個😢烤飯係比較煙韌既口感，入面都幾多香蕉，整體感覺唔算太甜👍🏻不過佢個雪糕並唔係椰子味，係普通雲呢嗱味，有啲失望🫨🫨價錢：🌕🌕🌕🌕🌕🌕🌕🌑🌑🌑連鎖餐廳黎講價錢都算可接受，圍方本身其他餐廳都係咁上下既價位，食物份量同質素都對得住佢呢個價錢既，但如果飲品可以包多啲唔同款式就儲會更加好👍🏻交通：🌕🌕🌕🌕🌕🌕🌕🌕🌑🌑圍方本身交通就方便，再加上佢$400有泊車優惠2

朋友聚餐相約到近期好喜歡去嘅圍方，今晚選擇米泰泰國菜，我早了15分鐘到但係見餐廳入座率大概只有一半，即管問問是否容許我先坐下等朋友，幾位員工都以因為要入座計90分鐘，所以我的要求全無反應😓我覺得既是平日又非繁忙時間嚟講未免有點不人性化及處理不靈活了吧！最終還是只能等到朋友到來亦都到了訂枱時間才坐下，我選擇店舖外用餐，因為覺得店外對開幾個卡座更寬敞舒服，我哋叫咗一個四人餐，平心而論四人餐份量相當足夠👍🏻味道亦都非常好👍🏻首先泰式生蝦賣相非常吸引🤩鮮蝦炒貴刁，馬拉盞炒椰菜苗，軟縠蟹紅咖喱配薄餅，燒排骨都非常不錯，但要批評泰式拼盤竟然放幾條炸豬皮就作為其中一個美食🙄有點那個吧🙂‍↕️而且豬皮受潮了煙靭難食⋯⋯希望餐廳留意一下需唔需要修正一下泰式拼盤嘅內容呢？

點了一個二人套餐，即時入會再加送一個小食。跟餐的前菜和加送的小食都是炸物，都一致地油淋淋地上餐，程度係墊底紙可找到油滴。其他套餐內上的菜都是光速上餐，速度之快令人咋舌。不要嘲笑北上的港人食預製菜，其實我十分懷疑我當日毋須北上也可享受。最後，加了一個芒果糯米飯，部分米粒可以乾到有脆口感覺，真係難得。。。

呢間餐廳開左咁耐 終於第一次去試，知道平時多人食 需要等位等好耐，今次專登提早去拎位。位與位之間都算寬敞，唔會太逼，又唔會因為隔離枱講野大聲而影響到同朋友食飯👍🏻炸蝦🍤餅外皮炸得脆脆，大大啖蝦肉，份量還可以菠蘿🍍炒飯每逢去泰國餐廳，我都會必點菠蘿炒飯，今次無一例外🤫份量都夠3個人食，味道正常啦，不過不失咖哩軟殼蟹 配薄餅咖哩汁唔辣但椰香味好重，軟殼蟹大大舊 脆卜卜，加錢要左一份薄餅 點咖哩汁一流👍🏻

圍方有好多新餐廳，但係就唔知有咩好食，試過好多都係一般，呢間米泰都已經開咗好耐，差唔多圍方一開就有，一直都冇試過，而圍方入面都冇其他泰國嘢，於是就嚟試吓。夜晚7點，都幾多人食，但都唔洗等位，啲店員服務一般。叫咗個二人餐，$388，價錢中等，唔算平。第一樣就係青咖哩蟹肉薄餅比想像中迷你，所以睇落好多蟹肉咁，咖哩好稠，唔太多汁，料多，但個碗好細好難點。薄餅比較厚，不過都脆。芒果蟹肉炒飯加埋芒果又幾fresh，間唔中會食到啲芒果粒，但味道唔奇怪。炒飯算乾身，幾大碟。泰式奶茶套餐有飲品，不過凍飲要加錢，每杯$5泰式奶茶偏甜另外叫嘅串燒，$78串燒算係最好食，燒得香，肉唔un，易咬，但有口感。前菜生蝦刺身，竟然係最後先上前面樣樣野都上得好快，而生蝦刺身竟然係最後上，仲係食到啲嘢差唔多食晒先上除咗蒜片，啲生蝦本身都浸住青醬，都幾濃味，如果冇浸住而係自己點會好啲

朋友👫加拿大🇨🇦回港探親，想食泰國🇹🇭菜，揀咗圍方米泰，一早OpenRice book咗。皓彩book咗，都坐滿。幸運👍🏻地有卡位，坐得舒服😌，傾計💬唔驚嘈到人或俾人嘈，寫就寫90分鐘，最後坐咗兩個半鐘坐到打羊。三個人食二人餐$388加嘢食，二人餐揀咗米泰生蝦 🦐 (6隻）、啖啖蟹肉咖喱🍛配薄餅🍕、芒果🥭蟹肉椰香班蘭炒飯，有兩杯嘢飲🧃，特飲on list半價，揀咗芒果🥭椰子🥥沙冰🍧$26同凍龍眼蜜$18。再加嘢，炭烤沙爹雞肉🍗串燒三串$72。甜品後上有套餐價，芒果🥭椰汁🥥三色糯米飯🍚$58同香蕉🍌烤餅🥞配椰子🥥雪糕🍦$58。阿姐叫我地申請會員，免費🆓，仲可即場用coupon換三粒酥炸雲吞（價值$32）。上咗兩杯🍻嘢飲🧃俾兩位女士先，沙冰🍧個杯皓靚，泰式生蝦cocktail杯上，皓新鮮，正👍🏻，炒飯一般，芒果🥭係芒果🥭乾，冇斑蘭味，炸雲吞香口皓食，咖哩🍛配薄餅🍕皓皓食，串燒雞嫩滑，配沙爹正，甜品芒果🥭糯米飯🍚三色打卡靚，芒果🥭甜，糯米煙韌，香蕉🍌煎餅🥞皓煙韌，入面有cream,椰子🥥雪糕🍦皓清香，大滿足😌。可簽卡

今日中午嚟到大圍圍方搵嘢食，呢度都幾多餐廳，今次就試了呢間泰國菜。.呢度環境闊落，坐得舒適，亦唔會有限時，不用趕交檯，可以慢慢享受美食。.呢間餐廳有午市套餐，一款主食配一杯飲品，$98起，價錢中等。.我叫了〈泰式鮮蝦炒金邊粉〉，配熱檸水。.金邊粉即叫即炒，熱辣辣好香。份量都唔少，好多金邊粉；鮮蝦有5隻，爽口彈牙，幾新鮮；配料有好多芽菜、豆腐乾及蛋花。.呢碟粉調味好好，酸甜味好平均適中，幾惹味；係略嫌啲金邊粉腍咗少少，但整體都幾好食👍🏻.提提大家，碟邊有灑辣椒粉，係超辣的！食唔到辣嘅朋友記得要先撥開啲辣椒粉。.至於熱檸水都唔錯，我欣賞佢啲檸檬浸好耐都唔會苦，整體呢餐都唔錯的。

有驚喜😍同呀妹食飯，突然間想食泰國野，就試下呢間啦，叫左條泰式燒魚，酸辣鳳爪、馬拉盞炒飯、泰式奶茶，酸辣鳳爪冇乜特別，最好食係條魚！好滑～同埋個汁真係好惹味～必試～

大圍星期六日食飯真係好鬼爆吓，之前已經唸住食呢間泰國菜「米泰」，看完戲出嚟即刻襟The Gulu 拿位，之後慢慢行去等位，等咗10 分鐘就有位，真係好彩，晚飯時間勁多人等位。Dinner 有二人餐 $428 有頭盤、主菜、主食、甜品、同包兩杯飲品 凍飲+$5特飲另外再加＄12-15，每款菜式都有幾款比你揀，🥢燒魷魚🦑燒魷魚烤得幾乾身同香又有鮮味，配埋泰式辣汁一齊食更加豐富。🥢啖啖蟹肉咖喱配薄餅薄餅幾香脆，啖啖蟹肉都幾足料，配埋香濃咖喱汁撈埋一齊食幾正。🥢芒果蟹肉椰香炒飯原本想見炒金邊粉，但見隔籬枱賣相麻麻就冇叫，叫咗炒飯，估唔到有點驚喜，炒飯加咗椰漿炒很香椰子🥥味道，加埋粒粒芒果乾肉同蟹肉一齊食又幾夾。 🥢芒果椰汁三色糯米飯三色糯米飯份量都算大份，有原味，蘭味同蝶豆花味，各有獨有香氣，加上芒果香甜，特別好吃😋。🍹香茅青檸薏米水（跟餐＋$12）很清香檸檬🍋香茅味道，個人幾喜歡💕。小分享，如果大家有Citibank master 信用卡做緊優惠滿$300減$50優惠。 －