米子燒肉家 (已結業)

近年粉嶺中心內餐廳不斷推陳出新，米子燒最令心心眼啦， 有小妹至愛的日、澳燒肉，還要是無煙式 讚！ 人流不絕，門外擠滿人了，幸地方寬敞，所以等了一陣而已。 我倆點了澳洲燒肉盛合套餐 HKD 148 , 300g 及 米子人氣牛控套餐 HKD 168, 300g 。上菜時間快，不用久侯。 食物質素不錯，外表色澤光亮，燒起來釋出豐富油份。 厚切中有咬，留下濃郁肉味。😋我倆姊妹份量己很足夠了。隨餐附有泡菜及海帶面鼓湯 😌 更有燒肉丼飯，粉嶺少有這類型餐廳。即使不會外出吃飯也提供便當外買。 價錢親民，坐位舒適沒有壓迫感。 我兩坐很久也沒被追趕。 😌

住上水粉嶺嘅朋友有福了🥳🥳粉嶺新開左間燒肉店d燒肉好正咁😋🐹🦭為食先鋒就梗係要去朝聖一下啦！一入門口就聞到好香嘅燒肉味👃，食慾立即就大振🤩午餐店舖提供燒肉丼同燒肉套餐兩種選擇！lunch time 有得食燒肉咁有口福😳就當然立刻嗌兩個套餐試下啦😋 澳洲燒肉盛合套餐  300g  $148米子人氣牛控套餐  200g  $168 套餐包括嘅野好豐富，有牛牛牛牛牛肉🐄🥩，有和風湯🥣，有白飯🍚，仲有泡菜🥬/沙律🥗2揀1😋和風湯本身以為係平時嘅味精麵豉湯🤯結果有驚喜！唔係味精嘅死咸😆加左昆布同白蘿蔔令到啖湯好清甜😋比平時飲開嘅麵豉湯有過之而無不及👍🏻沙律伴住淡淡嘅柚子香，柚子醋配沙律雖然唔新奇，但極其開胃🤗為我黎緊吸入嘅肉類打好左良好嘅基礎💪🏻泡菜唔算辣，用黎同肉夾住一齊食簡直係最高嘅享受🥳就咁食都超級餸飯！講完前菜當然要講下真正嘅主角--燒肉🥩澳洲燒肉盛合套餐包左3種牛，分別係穀飼M3牛柳條，草飼M2牛頸脊同草飼封門柳😍燒完帶網格嘅牛頸脊食落好有油香😆牛肉係好嘅級數🐮牛柳條就有咬口得黎又唔會韌，咬落去每啖都有牛油湧出👍牛肉汁爆棚夾埋泡菜食更加係絕配👯🏻‍♂️封門柳就會少d油不過肉味係成碟最濃個

知道有新小店專門入粉嶺捧場,不枉此行,除店子裝修設計新穎,每枱的烤爐又新淨美觀外、座位也頗寬敞。當然最重要是食物質素,試了兩個套餐包含了各式豬和牛,完全無令人失望,而且以這肉質及份量實在超值。先說豚三國套餐有伊比利亞豬、美國梅肉和皮桃腩。燒至僅僅熟最可口,伊比利亞豬肉質不用置疑有保証,梅肉畧嫌太薄淡口,最正是那幾顆的皮桃腩竟然是爽口香脆,300g份量足秤也不用佰元好介紹。另一澳洲牛燒肉盛盒有M3牛肋條、M2牛頸脊、草飼封門柳,個人最愛封門栁也實在掂,另外兩款牛的賣相也不錯,惟肉味畧嫌淡口要點調味醬搭配,整體兩份燒肉套餐連飲品等也不用3佰元,夫復何求,下次再試其他貴品

今日去左粉嶺探朋友，係樓下見到新開左一間燒肉店，咁鐘意食燒肉既我見佢裝修都幾靚所以就入去試下～佢地有分食燒肉 或者丼飯我地叫左兩個飯，一個五目牛肉飯，一個炸雞牛肉飯。呢度既價目表都幾抵。100蚊樓下有燒肉食～五目牛肉飯有五塊牛肩肉，唔會太熟～仲有粒溫泉蛋呢間舖頭嘅環境好乾淨好新，連啲燒肉嘅網都睇落去勁新淨，座位都坐得好舒服嘅，所以我覺得個環境係幾加分嘅，裝修亦都係幾舒服。如果想平平地食個燒肉飯過過口癮都可以一試。

已有好幾次經過……終於入去幫襯……入到去服務態度真是餐飲業應有嘅態度嚟？如果從事餐飲業都會知道禮貌（你好，請問幾多位？請問食燒肉定丼飯？）完全係冇架 食丼飯定燒肉……語氣勁為不願意回答咁試問一句當你哋做食客 當服務人員咁樣回答你會有咩反應？所有事都係將心比心嘅另外唔知多出嚟嘅枱係唔係裝飾用 好多枱都冇坐客……其實係依家嘅時勢開一間餐廳已經唔容易……我哋食客都會睇諒……但啲態度真係好差……應該唔會左有下一次幫襯

味道⭐⭐⭐⭐環境⭐⭐⭐⭐服務⭐⭐⭐⭐衛生⭐⭐⭐⭐抵食⭐⭐⭐⭐好多日都wfh,係咁係屋企求其食d野，頂唔順，所以決定食個富豐嘅lunch，行過商場見到開左間燒肉店，一於試下啦！可能疫情關係，鋪頭冇人🤣一個人包晒場，我叫左1個美國燒肉盛盒套餐，入而有牛胸腹、牛板腱同牛五花腩，共150g,有碗白飯，湯同埋泡菜或沙律。個湯好清甜好飲，依d跟餐嘅湯通常我都少飲晒，難得一次我係飲晒，可想而知係幾好飲，佢嘅泡菜好好食，好多鋪頭嘅泡菜唔係過辣就係酸得濟6，但佢就岩岩好，好岩送飯用！d牛雖然唔係話好靚，但佢嘅價錢黎講，算係中上，食落牛味都濃，不過個爐好熱力唔太平均，所以有時都燒到過左火，不過埋單加埋一80幾蚊算唔錯，佢另外都會有得食d丼飯，所以應該會黎再食多次😚

首先我要多謝呢間野比機會我開個openrice寫食評……本身見疫情生意難做都想算……但真係愈諗愈嬲……見屋企樓下最近間燒肉諗住試下啦！！一心想食燒肉話燒肉枱要等…食飯就唔使等…我就奇怪問下其他枱有爐點解要等……點知原來話d爐有問題… 我聽到都有d愕然咁點解要開舖做生意？咁是但求其試下食個丼飯算啦 …叫左個燒雞丼飯黎到真係嚇親…完全唔知佢所謂個溫泉旦係咁樣…咁你同比隻生雞旦我打落去有乜分別？？我好明白餐牌圖片只供參考嘅道理！！但黎到真係完全2個樣…燒雞我以為係燒既…點之……真係不予置評…真係唔會再有下次！！！

疫情晚餐主力都係外賣🥡難得粉嶺有間新鋪頭就試下。✌🏻前後幫襯兩次，兩次都係食同一樣野（3號同7號餐）第一次都正正常常，第二次買唔知做咩溫泉蛋變「生雞蛋🥚」，牛肉變勁燶嘅石頭🪨⋯（自己睇相）要知道，生雞蛋焗喺外賣盒裡面係會有菌架！同埋個飯都唔係平，差不多成舊水（冇野飲得個飯），生雞蛋我屋企大把，唔需要俾咁多錢買😡🍳！外賣客都係客，俾呢啲野出嚟有冇尊重過客人，雖然唔會現場投訴，你都唔好咁拆自己招牌吖。我唔想一竹篙打一船人，都想講多次第一次幫襯係正常嘅。不過開店冇耐就咁，可能真係要檢討一下，希望 貴店有人睇到呢個post會改善下。