籠太子點心專門店

營業中

休息中

是晚我同我男朋友入左依間點心專門店食點心未入去之前已經覺得好cafe既感覺入到去好靚,好多鳥籠既圖案,藍色既背景我同我男朋友望落去隻眼好舒服我地叫左糯米雞、鮑魚燒賣、雞扎、蝦餃、是日中湯(合掌瓜)、芒果布甸同香芒沙律盞食物方面: 糯米雞好大件,入面既餡好足料!!完全唔似出面其他點心店,有我至愛既煙鴨胸!!大件夾抵食!!值得一試 雞扎油左少少,但可以接受到 入面有雞有芋頭,芋頭唔會過硬~好味!! 蝦餃我同我男友至愛食~當我夾蝦餃既時候,蝦餃皮冇筷子!!good~而且入面有好大粒既蝦,好味道 鮑魚燒賣,上面粒鮑魚係燒賣既精華~哈哈~最重要唔會硬~老人家都食到^^而燒賣都係豬肉燒賣,我不作評論了~但味道和口感好好中湯(合掌瓜),標榜無味精!!我飲落去覺得個湯真系無味精,好清甜好好味!飲完絕對唔會覺得口渴^^食完點心之後,為食既我點少得飯後甜品呢?? 芒果布甸,擺設同裝飾都好令!!份量一般,但係味道差少少,冇咩芒果味反而有椰汁味多d!! 我覺得我自己似食緊椰汁糕多d哈哈 香芒沙律盞,外觀同芒果布甸一樣都好令 但沙律醬多左少少感覺酸左d.叫得香芒我以為有芒果係沙律入

今日難得放假,就打算搵女朋友陪我去探我婆婆,順便就去飲下茶.但正午12點陽光直射.所以唯有打消念頭.但可能太耐無黎太子.竟然開左好多間點心店.以往都只會食一點心呢d信心保證.但實在太多人.於是就聽左女朋友建議.去左呢間新開的籠太子點心專門店.入直路吧啦.首先一入黎.最緊要係冷氣.夏日炎炎入到冷氣夠勁的店舖簡直透心涼.而且裝修真係值得一贊.樓底夠高.加上有d柔和音樂.令平時反工個種壓迫感完全消失.咁作為為食小膠.食物就當然最重要.我首先就叫左茶樓基本野.蝦餃,燒賣,鳳爪.流沙包.令我驚喜既竟然係燒賣.因為平時係茶樓都未必有所以我叫左個鵪鶉蛋燒賣.鵪鶉蛋吾會蒸到老曬而燒賣出奇地無個種肥膏味不特止.仲會吾膩口.鳳爪吾會蒸過火.無骨肉分離.吾錯.等2個令我驚喜的係香芋流沙包.大大隻.一啖咬落去.充滿濃厚的香芋味.麵包質感吾會太乾反而仲要非常鬆軟.$16一籠絕對超值.間野入面的待應非常親切.主動問我婆婆要咩茶.有無咩特別要求.好有街坊的感覺.佢仲推薦左一個反斗糕比我婆婆.一試滋味.佢賣相好可愛.無錯係可愛.東歪西倒.一件一啖.味道好似馬拉糕.但就鬆軟到好似海綿咁.總括黎講,絕對值得一試.3個人十

已經第三次黎食啦 好喜歡呢間餐廳嘅環境⋯中西合璧嘅感覺，坐得好舒服坐底無耐已經送上茶--玄米茶(好特別)我覺得幾好飲hahaa其實我自己本身都好中2飲茶。之後見到好多野都想食，而且價錢只係十幾至二十幾蚊一樣，所以同男朋友2個人係甘點係甘點 推介：鮑魚燒賣👍我最愛小籠包好多汁啊！好正！鳳爪 唔錯唔錯！叉燒包 我同男朋友都好中2食😙鳯爪排骨飯 二十幾蚊 唔算貴呢個係我男朋友話好好食 佢話個口感好特別，因為入面有蝦我唔食得，只可以望住男朋友食 嗚嗚hahaa叫到成枱野食，太多啦，有啲掛住食唔記得影相 仲有食左甜品椰汁桂花糕，由於太吸引嘅關係，一上就已經忍唔住食左 仲買左幾件拎走比屋企人食haa整體上我覺得呢間野唔差，價錢都唔貴，食物味道都唔錯，得閒再會黎。

我住附近的,行過見到有間新開的點心店,俾店的裝修吸引,綠色的店舖裡面掛住好多白色鳥籠做裝飾,望落幾特別,所以決定同屋企人夜晚去試下。我地一行4個大人加兩個小朋友8點幾去,唔洗等位即刻有得坐低,坐左係近收銀張圓枱度,冷氣有點凍。呢度茶位3蚊個,有幾款茶揀,店員推介玄米綠茶,話健康d喎~飲落茶味比較淡,就叫店員幫我加濃少少。我地總共食左13樣野,先叫左2個鳳爪排骨飯1個碗皮蛋瘦肉粥,2籠蝦餃,1籠燒賣,小籠包,黑椒金錢肚,雪山叉燒包,香芋流沙包,叉燒腸,1個煎蝦膠釀茄子同海皇芝士千絲卷(店員推介~)等左3至4個字左右,首先上左個2個鳳爪排骨飯同皮蛋瘦肉粥,我地幾個share一齊食,望落去d鳳爪同排骨都幾新鮮,唔係一早整定搞到林晒果d,好好食而且好多飯,都係$22盅,下次會考慮試埋其他兩款。個皮蛋瘦肉粥比想像中大碗,而且皮蛋都有好多,d粥都幾綿ge,呢個價錢有咁ge水準已經唔錯~過左陣之後蝦餃,燒賣,小籠包一齊上, 每籠都有4粒~d燒賣真係好大粒好足料,蝦餃皮煙韌彈牙,都算拍得住酒樓水準喎~小籠包都係抱住試下的心態,味道不錯,好多汁!!到黑椒金錢肚, 有少少出奇,因為個底用烏冬取代左平時係酒

炎炎夏日, 岩岩係五金買完野, 正想搵地方坐低涼下就見到呢間睇落好似開左唔耐既點心鋪,咁作為新店開拓者緊係要試一試既。係呢D地方做點心我真係聽都未聽過, 諗住試下無妨既心態入左去啦入到去地方話大唔大話細唔細, 野食果D我先唔講, 坐低落去10分鐘都冇人理!!! 我心諗咩態度, 入黎食野緊係要搵人汁下枱比杯茶先啦, 唉, 果陣當堂心情差左之後終於有人睇到我地, 並且奉送上此店特產-- 玄米茶。冇錯! 你只係可以係度飲到玄米茶睇翻張點心紙, 得一張, 好似認為我地係寫得一次咁。飲品下面 仲係完全空白, 我想提提佢你冇寫玄米茶D價錢就冇分小中大點, 只係有寫數目, 叉燒包都要13蚊, 我心諗下午茶時段晚餐價錢叫左個腸粉,叉燒包,同埋一盎飯一睇到碟腸粉放上黎,即刻想喊出黎, 本來以為係三條原裝正貨既靚腸上碟, 原來佢斬件左放係一隻細長既"香蕉船"上面, 放入口之後都食到幾鮮, 尤其係當中既酸味。至於個叉燒包, 我食落去差D嘔翻出黎, 仲以為係人肉做! 難食咁到既!!!我當堂即刻想走, 拎住張單走去櫃檯比錢之際, 見到收銀果條肥仔串串貢咁, 講野又疾下疾下, 仲要著住條賴屎褲好似係屋企咁。以後唔