簡單廚房 (已結業)

上星期六(22 Jun 2008)我同男朋友去呢間餐廳食飯,味道ok的,但服務就麻麻啦,我地點了,肥牛炒意粉同埋雞扒石頭飯!我男朋友去了洗手間,我先叫了一杯熱咖非,另一杯等他回來再叫,之後他回來再叫了一杯凍奶茶,我見我男朋友飲凍的,我又想轉喎,跟住就問個待應: 可唔可以幫我睇下杯熱咖啡整左未呢? 如果未,我想改凍咖啡,跟住個待應同我地講,出緊來架啦,唔轉得啦,跟住過左分幾鐘,我地問佢又話整左既?仲未黎喎,,你都無入去睇過,睇都唔睇下就話佢整左出來? 之後個待應同我地講,唔轉得,.轉要收錢的!!我地初初以為佢話轉要收多一杯飲品錢?原來佢意思係話轉凍飲要加3蚊,所以同我地講唔轉得.咩意思呀?我地識字,menu有寫凍飲要加錢的,個待應咁講野,即係話我地想先叫熱飲,後轉凍飲呃佢3蚊!我男朋友即時話佢,你check都唔check就話整左出來,原來未整,跟住你先話要收錢所以唔比轉?係人都知要加錢啦,你咁講野都得?個待應無應我地,就咁問咁係咪轉凍,跟住走開!='=,呢間餐廳d員工服務態度同常識真係要認真改善!!食物方面: 肥牛炒意粉,味道很好,少少辣味的!味道好像落了我最鐘意的七味粉,牛肉又唔"銀"

昨日和友人到此吃軟飯我地叫了一個意大利飯..係香菇香蒜意大利飯可能我唔係成日食意飯，我都唔知正宗意飯應該係點覺得呢度d都可以，幾入味，d菇都好食仲有個炒天使麵就麻麻地，似炒米多d我地一坐低佢就話一個鐘後要交枱咁即係趕客jeh價錢都可以

見這裡有很多客人, 食物亦好像很特別有創意所以便決定試吓這兒枱和枱之間都幾近, open area 有點噪吵, 環境普普通通main course 加錢可以加頭般, dessert價錢唔係好記得, 大概啦.焗芝士西蘭花****$32 - 芝士有拉力幾好, 下面有薯蓉好味紅酒米鴨栗子意大利燴飯***$78? - 比我想像中大碟, 件鴨腿都好大. 其實個idea 幾特別, 但太太太鹹 + 飯太淋唔正中 麥提沙芭菲**$22 - 係我自己見識少, 以為好特別 點知...原本只係幾球極細的 vanilla ice-cream 混合了麥提沙碎. 但麥提沙太碎冇口感, 而且太凍有的冰. 本想要求加多d chocolate sauce, 自己改良一下這個不堪的甜品, 得到的答覆竟是: '唔得架wor'........ 我呆咗...我都知佢有權唔加俾我但一般最多要求我加錢, 這兒竟然...

等位果陣佢話一個鐘一定要埋單問佢如果野食遲黎點佢話唔會遲7個人去食6個人等左3個字1個人等左超過半個鐘6個人睇住一個人食催佢又黑口黑面落單又寸野食又唔係特別好食(我食果個海鮮天使面有好多細細塊既蝦殼同蟹殼響入面 諗到都想嘔)就算好食都冇用我係去食野唔係食氣唔係好明點解d服務可以差成咁請你返黎唔駛做嫁咩郭小姐做下野啦

同男朋友第一次泥ge時候,覺得佢d飯都好入味.cake都唔錯雖然貴少少,服務亦唔太好,都無咩所謂但第二次泥食ge時候,本水底有黑色沉積物..都已經無理叫左個焗雞排飯,舊雞唔熟叫左好耐先搵到個人去換,心情已經唔太好換左返泥,竟然有條毛髮o係入面.....係咩毛髮,都已經唔敢諗,....搞到成日大家都唔係幾好心情......恕我無影低相..."

同老公行完街..5點幾見仲有下午茶餐就入去坐坐吧叫左蒜昏大蝦天使麵配番茄汁($42)我覺得呢個好好味wor雖然佢話係蒜香,但一d蒜香味都無但唔緊要啦..無左我都係覺得好好味有5隻蝦度啦...我覺得呢樣最好就係夠熱!!好怕食d半熱半冷既食物!所以我覺得好好!番茄汁好濃郁...呢款真係唔錯!照燒雞扒石頭飯($46)飯好似係珍珠米..好得意但係d雞扒好鞋..熱辣辣咁..都ok ge

記得幫襯的那天是奧運火炬在香港傳遞的那天中午時份，所以坐係這個露天茶座，都幾感受到那種由大映幕播出火炬傳遞的熱情之餘外面時晴時雨的天空亦被玻璃天窗所反映出來！拉雜的聯合國菜式，能應付大部份不同的要求，但從menu裡怎樣挑，似乎只是對個啦沙比較有興趣，但嚐過後略嫌沒有啦沙湯底應有的鮮蝦味道，不過油麵及米粉夠彈牙，還可以！朋友的蕃茄石頭窩飯好味與否就不清楚，但見其短時間清掉，不用懷疑吧！價錢跟這裡的環境都可以，但可惜檯與檯之間相當狹窄，人家一舉一動都瞭如指掌！

一班人響旺角唱完 K, 諗住食個 Tea 傾下偈，就黎左呢間野去到好快有人 Serve 我地，不過佢丟低左個餐牌就閃左，望住個餐牌，唔見有下午茶餐，咁就諗住一個叫一個 Cake 食，點知食完個 Cake 之後，先至有人黎問我地飲咩，到果時先知原來佢幫我地落左呢個全程都冇介紹過既餐，一問之下發覺呢個所謂既餐比齋 Cake 貴 10 蚊，再者跟餐得熱飲(不包括特飲)，唔抵食... 如是者 Waiter 只好改單，期間，我地叫斟水都冇乜人理....就係咁我地坐左一段時間，見成個場都冇乜人就諗住坐埋一齊 (原本分開坐)，點知某某 Waiter 粗聲粗氣咁走黎問：喂! 你做咩呀? 真係 Odd 晒!! 之後只好返回原位.... 或者佢可能覺得我地阻住佢做生意，但係.. 都不至於要用咁既態度用我地講野總括而言，佢地食物既味道唔係特別好，真係好一般下，但係加埋服務態度就真係唔值呢個價錢...

今晚楂車去langham，揀左呢度食飯黑松露菌牛柳意大利飯...真係好好味，我會為左佢食多一次不過服務，唔係話好差o既，係d野食一放落黎就閃左去咁囉而且想欏張泊車單，都只係比得二百幾蚊o既單我地，好多出面d餐廳都會好識做...比起碼四五百蚊，夠你free兩個鐘啦..

星期六同朋友一行四人行完街見到哩間餐廳唔洗等位就入去食晚飯，點知一入去坐低個待應就話落單起一個鐘內交檯!crazy，你人影都無隻仲要人食完即走?Okay我地就睇下你有幾好食! 點好菜無耐d野食就到，但完全錯晒!!!我地叫左沙律，但竟然沙律未到main course就先到! 人地茶餐廳都識分先後上菜啦!問個待應點解沙律上先過main course，佢竟然睬都唔睬就走開! 咩態度!!叫人收左檯面d野無人理，一個二個企晒係到唔知做乜!食晒野收碟就超快，想人拿拿聲走!但叫埋單又無人聽到，等陣坐到超時都唔知點好!之於野食真係一般般，不過不失，咁既價錢可接受，但咁既服務真係一蚊都俾多佢!如果你地想測試下自己的EQ有幾高就去下哩間連簡單服務都唔識既餐廳啦!P.S.:當日老闆都係到，但服務態度都咁既貓樣，可想以知...平日有幾好!

上星期同男朋友去呢度食飯,其實呢次已經係第2次食,兩次嚟都係食佢哋出名嘅意大利"軟飯",我哋叫咗元貝黑松露菌茄醬飯同白汁大磨菇蟹肉飯再加個凱撒沙律,首先沙律唔太新鮮,d麵包粒又細! 而d飯個份量就少咗d,唔好話男仔,連我都覺得唔夠.大磨菇都有幾片,蟹肉就唔多,不過預咗.個汁就幾好食,幾開胃!而另一個元貝黑松露菌飯就唔係幾好,個茄醬d味好怪.除此之外個餐飲都麻麻,男朋友話奶茶奶味好重,我嗰杯檸茶完全無味....服務方面,我唔係好明點解成日都要安排人客坐出面,仲有嘢都未嚟就無啦啦攞張單過嚟問我哋係咪埋單! 唔該下次攪清楚d先啦!有d嘢食就嚟得幾快,但係有d又好似漏單咁!同埋價錢都幾貴,下次真係要諗諗先!

跟朋友J經過就入去食tea叫左2個cake既tea set佢點了榛子朱古力旦糕我點了香蕉朱古力軟芝士餅辛埋2杯熱飲榛子朱古力個件不過不失試了一點點覺得不會太甜但亦不能說十分的好吃過得去香蕉朱古力的香蕉味很香不錯但覺得食落口似只有海棉旦糕沒有了芝士旦糕的口感,有點失望而且上面decoration的半塊Oreo已經硬左感覺好唔新鮮,如果用漂亮的朱古力代替會更好每人$40賣單,抵嫁喇不知這間餐廳是否由姓郭的女藝人開呢? xPD

We 2 ordered 2 set dinner (included 2 drinks) + 3 desserts. Yakult cheese cake is quite tasty, which is best among the 3 dessert we ordered. Fried banana cinnamon roll is not too bad, but the attached ice cream tastes a bit strange. Tofu cheese cake is not recommended.The worst thing about this restaurant is the dinning time limit of 1 hour, as mentioned by other gourmets.

Ordered a baked seafood rice and strawberry ribs.The strawberry ribs were good, because they were boneless, served in a fancy plate, separated in sections, ie the ribs, rice, veg.The drinks were the usual lemon tea, coffee etc

前兩日到朗豪坊, 同男友貪就腳就到了簡單廚房, 才剛坐下接過meun, 就有人跟我們說因煩忙時間由落單起計一個鐘要交枱, 吓? 我見未full個喎, 咩態度先? 你以為我食茶餐廳定車仔麵? 我搵得間餐廳去食飯都係想食得舒服D啫, 趕頭趕命咁食我做咩唔去茶記, 大家樂或者麥當勞呢? 你嘅價錢亦都收得唔平, 平衡都要成舊水一個人, 雖然一舊水一個人都唔算係貴, 但係以你咁嘅質素, 一碗喇沙都六七十蚊, 呢個價錢旺角大把選擇囉! 最後我同男友都即刻走, 冇食到, 過咗隔離味千, 我食咗個定食$42冇加一, 人哋都冇叫我一個鐘頭交枱, 講真, 我諗冇人會食完嘢懶死唔走, 咪至多食個零鐘, 唔通坐成世咩, 不知所謂嚟形容佢真係最貼切!