等等HEA

營業中

休息中

好評! 貼心服務!大閘蟹源源不斷!香味正正!甜品芋圓豆花香甜美味!有新意道:麻辣味勁香!芋圓飲品好香甜美味! 價錢多選擇,性價比也不錯!九龍城位置也好並方便!最重要大閘蟹羔勁多也美味和香甜!確是不錯的選擇 ^o^

老闆娘熱情招待，店舖風格特別，飲品種類多，食物方面都ok 👍🏻👍🏻老闆娘願意等客人食哂先收鋪，願意為顧客解決問題。其他顧客同老闆娘有傾有講，真喺為顧客服務

又到咗品嚐大閘蟹既黃金季節🦀#等等HEA本年度再次推出大閘蟹放題😍😍特別選用大閘蟹教主🌟全香港最正宗優質江蘇大閘蟹品牌，領有食環署及食安中心牌照，食得安心又放心✅平時多數都係食清蒸大閘蟹，黎到等等HEA可以試齊花雕、麻辣、鹽焗等多款口味，滿足一眾蟹迷🎉任食88分鐘💡除咗大閘蟹仲有蟹粉/蟹肉小食、粥品等，兼有唔同既台式食品、台式特飲及甜品，性價比好高，今晚真係超滿足🤪黎到大閘蟹季節，蟹膏特別鮮甜甘香，加上等等HEA嚴選鮮活大閘蟹❇️咁多種製法，我最鍾意玫瑰露花雕醉大閘蟹✨花雕酒馥鬱芬芳，令蟹肉甘香醇厚，鮮香撲面而來，令口味更富層次感💯另外鹽焗大閘蟹都相當出色～膏黃脂濃既大閘蟹配以鹽焗製法，咸香鮮美，蟹肉口感更緊實，肉質細嫩、膏似凝脂，蟹黄醇厚，真係令人食唔停口🙆🏻‍♀️💕蟹粉美食推介生滾大閘蟹粥😋粥煮得夠綿滑，金黃色粥品鮮味十足，暖胃一流👍🏻蟹粉水餃，咬開內餡蟹黃香濃飽滿，餃子皮厚薄適中❤️台式食品方面，試咗一口麻辣鴨血，軟嫩帶Ｑ，煙韌度十足🥢萬華街蚵仔滷肉飯，蚵仔飽滿肥美，，毫無腥味。滷肉肥嫩、入口即化，食落唔會膩口🤩台式特飲有齊珍珠、果茶、冷泡茶、汽水、花雕、啤酒等選擇，推薦必飲手工薑茶，

又到食大閘蟹季節，見網上介紹依度推出左 88分鐘大閘蟹任飲任食放題無限追加幾吸引就同朋友黎食，放題價錢依大閘蟹既大小而有所不同，分別是：細蟹：3-4 両 (HK＄479/人起）中蟹：4-5 両 (HK$569/人起）大蟹：5-6両 (HK＄669/人起）特大蟹：6-7 両 (HK$829 /人起）今次揀左中 Size ，大閘蟹有四款口味（清蒸、鹽焗、麻辣、花雕）每款都好有特色，花雕，我就最鍾意清蒸同埋鹽焗，可以食到蟹肉清甜嘅味道原汁原味，夠鮮味之餘蟹膏亦好香濃，依度既蟹隻隻都超多膏，一打開啖啖膏非常滋味😋另外仲有多款小食：蟹粉水餃、生滾大閘蟹粥、蟹油香辣雞煲、合式腸蟹粉糯米飯、蟹粉澎湖花枝丸、蟹粉爆汁貢丸、一口麻辣鴨血、萬華街蚵仔滷肉飯、阿宗麵線、士林鹽酥雞粒、蟹粉滷肉時菜、蟹油多春魚，選擇非常豐富，我最喜歡蟹粉水餃，食出啖啖蟹肉😋飲品方面有台式飲品、果茶同冷泡茶等等，重點推介黑糖薑母茶，食完蟹可以消滯解寒👍🏻

又到食大閘蟹的季節！呢日來大閘蟹放題相當興奮😍真係一次食個夠！.🌟大閘蟹任食放題 $559/1位.一共有四款放題，Jo就揀左中，每隻大閘蟹平均4-5兩，88分鐘無限食真的太開心，食完再點一籠，隻隻肥美多膏，仲有花雕大閘蟹好特別😍再任飲花雕和薑茶，滿足💕.除左大閘蟹，仲有多款蟹粉小食：蟹粉水餃、生滾大閘蟹粥、蟹油香辣雞煲、台式腸蟹粉糯米飯、蟹粉澎湖花枝丸、蟹粉爆汁貢丸，Jo最愛水餃🥟蟹粉味道好出👍🏻 花枝丸和貢丸送麵線一流😋.呢間Jo每次來都必點台式小食，真的好好味😋大愛滷肉飯，勁大粒蠔好鮮甜，幾飽都要留肚試！阿宗麵線配上自家制阿宗辣椒醬又係好正👍🏻最後每次必點甜品手工芋圓豆腐花，芋圓q彈，豆腐花細滑，超級好食👍🏻.又可以任食大閘蟹，又有台飲和台式小食任點，老闆招呼周到，食得開心🥳原來仲有送貨服務！如果想喺屋企慢慢嘆可以訂購！

秋風起，又到食大閘蟹嘅季節，餐廳聯乘大閘蟹教主mr.crab，推出88分鐘嘅大閘蟹放題，放題分咗三個時段，根據大閘蟹嘅size有四個價位可以選擇（細、中、大、特大），今次試咗中size，每隻都有四至五兩大，再加上多款蟹粉台式小食，超滿足🤩！小店由第一輪大閘蟹上枱先開始計時，快啲嚟挑戰自己食到幾多隻！食完唔夠喉，仲可以喺佢哋嘅網站買大閘蟹，滿$800送到屋企門口！------------------------------🥢◖88分鐘大閘蟹放題◗ $579呢個大閘蟹放題超抵，可以無限encore大閘蟹，同埋多款台式小食，品質嗰啲都OK，回本一啲難度都冇！等大閘蟹出爐嘅時候，可以叫咗啲小食同嘢飲先，等大閘蟹上枱就直接開工！/大閘蟹🦀有公同乸可以揀，公嘅膏比較啫喱狀，食落鮮甜軟滑；乸嘅膏就係硬嘅橙黃色狀，味道更加鮮甜，甘甘哋～除咗清蒸之外，小店仲有另外三種口味可以選擇：花雕、鹽焗同麻辣，個人覺得花雕味最正，花雕嘅酒香更加帶得出大閘蟹嘅鮮味，但呢款就限量供應，人頭只有一隻～/台式小食🥙有多款台式小食，出品都唔錯，全部都係細細份，乜都可以試下！差唔多都試過曬，個人覺得下面打咗✨嘅必試！蟹粉爆汁貢

好正 服務好 上菜快 都算多野食下次可以再食要叫多啲朋友黎食先得佢可以坐好耐限時只係大閘蟹其多都可以繼續叫大家要快啲黎試下大閘蟹好似有期限仲有好多野未試下次要約埋佢先 哈哈

星期六六點半入場，當時已經差唔多八成滿客。入到去要求姐姐俾點餐紙先俾我。立即用口頭落單蒸蟹。姐姐應左之後等左20mins先食到第一隻蟹。見到佢需時蒸所以之後追加落單蒸蟹及鹽焗蟹。點知20mins 未見有，所以追單又追單。食到110分鐘之時，本人只食四隻蒸蟹，－隻辣蟹！心諗係你地出唔切蟹先影響到我。我同姐姐理論，佢又話唔好意思真係到咗時間！😠😤最後只出一隻俾我😢。雖然佢台式食物（寫紙）好食。如果想食蟹真係⋯唔夠！希望大家唔好似我食到咁空虛，仲要六日加$38 😢真係唔抵食

坐低10分鐘每人食咗兩隻清蒸。準備叫兩隻花雕。廚房話已經無。我已經係第一輪食，就已經話冇晒花雕！ 實在太離奇。我同佢講我嚟咗得10分鐘點解冇花雕？然後廚房又話可以俾。原來花雕蟹是凍食的。蟹殼也全部已經被打開。我第一次食凍蟹，所以唔知道係唔係咁食。然後準備埋單15分鐘前，叫咗兩隻清蒸兩隻花雕。等咗5分鐘都未到。然後再問。佢哋就話每人限食兩隻花雕。我就覺得好奇怪，因為OpenRice上面冇寫。我再睇清楚然後再同佢理論。佢仲話唔知道OpenRice點寫。我話邊有可能你唔知。佢就回覆廚房人手不夠。佢見我準備發火，就問我想要幾多隻。我同佢講唔需要要即刻埋單。然後佢就話每人減20 。係咁講唔好意思。奉勸大家不用來吃。今次真係中伏。見到咁多好評以為好食。鹽焗蟹好難食。花雕蟹一般。清蒸正常。其他台灣小食就不要抱太大期望。完

大閘蟹的當造季節，跟朋友來了享用大閘蟹放題🥢▫️❥$𝟱𝟳𝟵 大閘蟹放題／ᴘᴇʀ ᴘᴇʀꜱᴏɴ🦀～～～～～～～～～～～～～～～～◂ ◂ 選了四至五兩的中size，每次ᴏʀᴅᴇʀ都有兩隻蟹公、兩隻蟹乸◂ ◂ 大閘蟹有鹽焗、清蒸、麻辣、花雕口味，最喜歡清蒸🫶🏻◂ ◂ 清蒸的蟹膏呈流心狀態，又香又滑，好不邪惡🤤▫️除了大閘蟹，還有蟹油香辣雞煲、生滾大閘蟹粥、蟹粉水餃等等🥟 不少的台式小吃也是隨便任吃，例如麻辣鴨血、花枝丸、手工芋圓、鹽酥雞粒😊

SORRY 我知大閘蟹膽固醇高… 但我都照食咗11隻呀頂 🫣🙊😮‍💨😅🤤 一年一次ok啦$88分鐘任食放題，無限追加大閘蟹、蟹粉前菜同飲品，有乜可能食兩隻收手… 九龍城等等HEA有鹽焗、麻辣、花雕同清蒸大閘蟹，全部都正喎😋 我最愛花雕，吊出蟹膏嘅甜味。公乸我都愛，其實有咩分別？🤣我主力食蟹冇嗌太多前菜，但其實有🦀蟹粉水餃、🦀生滾大閘蟹粥、🦀蟹油香辣雞煲、🦀台式陽蟹粉糯米飯、🦀蟹粉澎湖花枝丸、🦀蟹粉爆汁貢丸、🦀蟹油多春魚、一口麻辣鴨血、萬華街蚵仔滷肉飯、阿宗麵線、士林鹽酥雞粒，🦀蟹粉滷肉時菜⋯⋯救命好飽😬🤤💕終於滿足每年食大閘蟹放題嘅願望喇，飽住入睡，阿門🙏🏻

兩個人共吃了19隻大閘蟹，清蒸清甜，鹽焗惹味。最重要係全部蟹都爆糕，質素非常之高。落order嘅時候，蟹一陣就到完全唔使等，絕對唔似其他舖頭要等10幾分鐘先出蟹。至於小食方面，鹽酥雞即叫即炸，熱辣辣好好味。雖然甜品只有兩款，分別係手工薑茶芋圓同埋手工芋圓豆腐花，我哋只係試咗豆腐花，但真係好好味，已經好飽都想再嗌多一碗。最後當然唔少得台灣特色飲品，我哋試咗百香果茶同埋香芋珍珠奶茶，完美又飽足嘅結局。

又到一年一度食大閘蟹嘅季節啦！等等Hea呢間台式餐廳呢排喺網上勁hit，呢度除咗有任飲任食台灣美食之外，仲有大閘蟹放題！搞到我都忍唔住同朋友嚟食😝呢度最特別嘅地方係大閘蟹有4款口味，分別係清蒸、花雕、鹽焗、麻辣。我自己就最鍾意清蒸同花雕，我諗都無諗過原來大閘蟹都可以有咁多味！另外，d大閘蟹嘅膏真係超級爆多，好啱我呢d平時食極都覺得未夠喉嘅人去食！食完咁多蟹，梗係要試吓其他嘢啦！我哋食咗台灣阿宗麵線同埋芋圓，喺台灣嘅感覺即刻返晒嚟啦！不得不提嘅係呢度仲有好多各式各樣嘅台式飲品，當中餐廳嘅薑茶仲係每日新鮮整㗎添！我哋係7點前離座嘅，所以價錢仲會再平d! 我哋臨走嘅時候仲見到餐廳有外賣大閘蟹，叫Mr. Crab大閘蟹教主。下次我哋唔嚟食，都可以同屋企人在家分享！

今次同朋友2個人各食左10隻蟹，大閘蟹好多膏，而且上蟹上得好快！薑茶夠辣，鹽酥雞好食，去到最尾叫左個大閘蟹粥好有驚喜，超好味👍🏻呢間係九龍城位置又方便，值得再去。

今年第一次食大閘蟹放題，即日朝早喺哩度預約位，最快要晚上8:30才有位。准時到達，等了十幾分鐘。侍應姐姐有禮，即刻問要唔要麻辣蟹，話最後兩隻，見佢誠意拳拳就試下，都唔錯嘅。之後食大閘蟹都ok嘅。如果有多啲蟹乸會更好。