第二街餐廳 (已結業)

今天中午到訪, 點了咖哩鷄扒意粉, 餐到時, 問服務員拿取餐刀, 服務員態度惡劣說不需用, 鷄扒已切件, 而且餐廳沒有足夠的餐刀。 基本上我想用餐刀去皮, 結果服務員不了了之, 沒有回應要求。結帳時, 回饋上述情形跟老闆說, 老闆說餐廳只提供鷄件, 而我反問, 這樣是違反了商品說明條例, 但老闆若無其事, 態度差劣。在食品方面, 味道一般, 服務員態度悲劣。

係附近返工三個月，見佢成日排隊，今日落大雨竟然唔使排就試下。食個招牌金牌咖哩 飲杯凍檸茶，無咩驚喜亦唔伏 茶餐野可能因為見佢晏晝食飯時間成日排內心有所期待，不過呢個價錢呢個質素雖然無物超所值，但算係物有所值。

喺教會附近行上小小有一間港式嘅西餐廳，價錢都幾經濟，所以就介紹俾咁多位。注意全日係免收加一，有湯亦都有野飲。紅湯味道相對較酸，但係都好足料。而忌廉湯淡黃模式，朋友都話幾濃味。金牌咖喱豬扒飯本身對金牌咖哩汁都叫有的期望，點知上枱不算太熱，而且都諗住有薯仔等配料，點知係冇嘅。值得一讚嘅係豬扒好多肉，不過如果可以再熱啲就最好。而朋友嗰個焗豬扒飯就好好食，因為加咗芝士再焗，一上枱就熱辣辣。不過豬扒偏肥。一分錢一分貨，而家西區嘅嘢食都越嚟越貴，要搵一間又好食，價錢實惠嘅餐廳都真係唔容易。平平地試吓都唔錯。

一個人的晚餐，不錯嘅。事發在第二街的一間西餐廳，店子小小，氛圍比起一般港式西餐廳倒舒泰得多了。熱呼呼的羅宋湯料夠多，吃到甘荀和椰菜，微酸帶少許辣。配一塊塗上牛油的脆麵包同食，無懈可擊也。主菜選了牛柳，細嫩的牛柳肉被烤得脆香的煙肉圍在外層，牛柳更顯肥美，鮮甜嫩滑，超多肉汁，令人不禁慢慢的細意品嚐，不好吃是難事!隨心慢嘆的晚餐，不用理會其他人，不急不忙，完全享受到一個人的寫意。

自從搬到這區居住後，開在這位置的餐廳都不少，好吃的/下好吃的，大多3、5、7個月就關門。但這餐廳開在這裡都有一段日子，且每次經過這餐廳都有很多人等位，昨晚終於有機會親身嚐嚐。一到餐廳已客滿，等了一會服務員就安排座位給我倆，服務生都是阿爸，阿囡同老人家（家庭式作業）但手勢各樣都未合水準。看看餐牌，價錢中上，好像要擺脫茶餐廳影子，但又未能提升質素 （有點2頭唔到岸）。我要了1份羊架，老公點了1份牛㧕，大家都要5成熟。餐湯尚足料，但味道跟一般餐廳冇分別，普通一片多士 😏😏服務員端來了份牛㧕，大大件，1片煙肉圍著，感覺有點乾，跟薯角同少許菜 ok la, 冇乜驚喜，片牛㧕切開嚐了一口，都算嫩，唔韌。但總是欠缺了一點火候 。到羊㗎端來，賣相一搬，吃了一口..... 有點韌，冇肉汁只有一點血汁，問服務員要了點芥末醬，才可勉強吃掉，有點失望 😓問我會否再來.... 應該會嘅，下次咪唔食扒食咖哩囉 😝😝